新新酒樓

营业中

休息中

本人常常到這酒樓用膳，但今天的帶位態度差劣。無禮貌之餘，仲趕客。我們一行五人，早上12時左右到，問個知客排隊，佢要求我地1.5小時後還枱。我們說唔得，今我地去其他。她仲繼續回敬，假日係今啦！啲枱比人訂哂！還唔到枱！無問題！我都有權選擇！我咪地第二間！但你無必要再以差劣態度回應！

上次來飲茶，知道這裏有金錢鸡，隔天就預訂了。金錢雞是一個非常古老的順德菜，用一塊瘦肉，一塊雞肝，一塊瘦豬肉串起来烧烤而成。听说以前有鸡肉，因为成本问题才用猪肉代替。今次這塊肥豬肉非常爽口，不觉得很肥。虾多士亦是一个非常古老的点心，一定要加沙拉酱浆才好吃。这店的姜葱叉烧撈粗出奇好味。叉烧肥瘦均匀，粗面加上姜葱及蚝油真是绝配。

今日係母親大人生日，我地去咗試佐敦呢間新新（即係以前新樂）。唔知道點解會轉名，不過知道好多有錢人同明星會特登嚟食，今次終於試到！我地叫咗8餸1湯加壽包，本身係叫9個餸不過佢無入到單。第一個餸係燒雞，面頭有炸蒜粉，燒雞皮脆肉嫩，幾好。跟住有龍蝦伊麵，龍蝦新鮮多肉，伊麵調味調得幾好，唔會咸個汁又唔會太杰。帶子炒蛋白都唔錯，我鍾意呢到個調味唔會好味精同咸。蒸魚好驚喜，唔痴骨，魚又滑。咕嚕蝦球，皮脆蝦又大大隻，加上咕嚕汁好醒胃。話梅豬手煲，好少好少嘅酸味+微甜味，味道唔錯，而且d毛燒得好乾淨呢樣嘢抵讚。其他仲有金銀蛋白菜仔、肉碎炒四季豆同冬瓜盅就中等啦。壽包細細個o岩晒做甜品。呢間酒樓晚市都幾抵食，最後都係$1800埋單，其他酒樓（有魚有雞有龍蝦）星期六晚市一圍都要超過$1900。下次會再嚟

週末嘴刁朋友喺新新Book咗間房，30個豬朋狗友齊與他慶祝生日！一去到見到台面擺滿Moët, Bordeaux, 仲有日本whiskey, 知道今晚不醉無歸！美酒緊係要配佳餚啦！是日highlight: 手撑咁大條嘅海參扣鵝撑，好鬼入味，骨膠原多到呢， 正！我前晚到咗翠玉軒，兩舊水一碟，都係得手指咁大條海參，呢到真係好鬼抵！仲有炆到軟淋淋南非鮑魚，鮑汁味濃，火喉足，而家講起都想食多隻。飲到醉醉地個陣，竟然出個鄧家雞煲，好耐無食過啦！好香胡椒炆滑雞，再加上豬肚及鬼咁大條的豬粉腸，飲一啖濃湯乜鬼都醒曬，我d豬朋狗有嘅最愛竟然係煲粉腸，佢地係爭住食! 食淨d湯都話要打包。跟住出個傳統金錢雞，呢到嘅招牌菜，一定有d水準，重點係嗰舊豬油，食完幫你解酒，又可以再飲過。其他菜式包括清蒸大龍躉、蝦球芝士焗伊麵、乳豬、天麻魚頭湯、上湯煎粉果、蝦多士、wasabi 黑椒牛柳⋯⋯。一味靚海鮮，一味傳統菜，加靚酒，都幾過癮。巧開心嘅晚上，成班完到半夜先走，服務態度好，勤勤斟酒第水，又送果盤，又有糖水。我哋兩個月前去阿一鮑魚包房，千幾蚊位，無驚喜。雖然呢到無阿一的海景，鮑魚都無咁大隻，但啲餸勝在夠足料，師父幾有

見佢講到以前好到以前好出名， 好多粵語片明星嚟既酒樓， 特別嚟懷緬一下，希望有兒時點心既感覺。燒腩仔，好脆皮，唔肥好靚另一推介係芋角，鬆化魚肚，比我地想像中大碟，魚肚厚而鬆軟馬拉糕，成個籠咁大， 蒸到好鬆軟蝦腸， 普通啦～可叫可唔叫奶皇飽，都流心，好大個蝦餃，皮有d煙靱，好多蝦整體都算好味，都算傳統點心又幾好味，但星期日要等位，位置亦唔大。

我於8月16號打電話去係9月2號晚訂1圍要梗房，我有個商會已經係個個月都有幫襯。當時嗰位小姐話無問題仲即時send埋菜單比我，話有問題再同另一位同事聯絡！但一直都無同我提過話要落訂，咁我見距離9月2號仲有成2個星期就唔急於傾菜單。點知，嗰位小姐係8月23號下午打比我話唔好意思，間房有人訂咗5圍比唔到房你喇，我搵過個位用屏風間比你啦！吓⋯⋯我8月16號打嚟book梗房架喎！你confirm我架喎⋯⋯人地book 5圍前唔見你打嚟同我講先嘅？仲話咩人地落哂訂喇！你唔講我點知要落訂呀？我無錢落訂咩？我比哂都仲得啦⋯⋯咁做生意架咩？擺明就係嫌我1圍比人地5圍小啦吓話？我book咁多次地方食飯，都完全無試過咁樣架，仲已經係幫襯開我至諗住搵返呢度，點知一肚火！放心，香港大把食市，唔止你一間嘅⋯⋯野又唔係特別好食，而咁嘅服務態度真係一絕！不知所謂

老友相聚，撰咗位置方便，容易就腳，見到食評好似唔錯的新新。可能是星期一，唔係好多食客，服務態度ok, 食物味道也不俗，除了肉排肥咗少少。不過，茶葉太少，沒沖多次已經很淡。

興奮，今日到新新（姐係前身新樂酒樓）飲茶。新新既歷史悠久，有時候到左佐敦第一時間諗起最正飲茶既地方梗係新樂酒樓啦，半個世紀既見證唔單止環境衛生乾淨、食品更有保證，今次介紹芋頭酥，外皮鬆脆，裡面就淡淡芋頭蓉正！新樂酒樓既價錢屬中上，我到左新樂酒樓坐低都見到全茶樓滿座，證明口碑好，又值得街坊一試。

舅父在三藩市經營唐人餐館多年，是當地頗有名氣食家。今次回香港，他跟我說很想吃傳統中國菜。本想帶他到蓮香酒樓，但是那裡環境真是一般，找了半天，最後決定帶他到佐敦的新新酒樓（前新樂酒家，有幾十年歷史）。今天我們預訂了古法佛跳牆，金錢雞，香脆蝦多士，還有上湯煎粉果。先來一個佛跳牆，非常足料，清湯味濃且一點也不油膩，看得見的花膠、鮑魚及一疏疏的魚翅，實在加分！舅父說這裏的佛跳牆能媲美富豪酒家。另外三度懷舊菜 （金錢雞，香脆蝦多士，上湯煎粉果），舅父說都是功夫菜式，現今酒樓仍然很用心做的，已經買少見少。當中他特別稱讚上湯煎粉果；粉果外脆內軟，果皮搓得薄亦很有嚼勁，配與那上湯一起吃，實在很有風味，看得出師傅的心機。不過他說傳統的粉果，會放韮王餡料去包，而這個就沒有。除了懷舊菜，在舊鋪新樂的海鮮也是挺有名氣的，所以今天還點了一條海紅瓜子斑，清蒸南非鮑魚，還有燒汁蝦。那條海紅瓜子斑是今晚的亮點，舅父說就算向相熟供應商取魚，找到這樣水準的也不容易。魚鮮味重，肉亦滑，配上餐館的靚豉油，一啖一啖慢慢細嚐，對於愛吃魚的人實是享受。媽媽跟舅父魚頭魚尾也沒有放過，最後碟上只剩一排魚骨！老闆莫小姐說他們相熟的海鮮供

同奶奶食晚飯，帶她到間懷舊酒樓食飯。干焼中蝦，好夠wok 氣，香脆夠味，葛菜豬𦟌老火湯，濃湯夠味，羌汁炒芥蘭，夠羌味，芥蘭夠嫩囗，龍䔬2食，魚肉鲜味，好juicy,义燒肉林，切雞嫩滑。可惜完全無服務。

星期日朝早同屋企人係九龍公園行完就去附近既新新酒樓飲茶, 相信你地都知道新新前身係喺佐敦好出名既新樂海鮮酒家, 來頭咁勁當然要試下! 其實我之前未試過新樂, 但係屋企人想懷舊下. 我地大概十一點到上去, 已經有好多人, 等左大概五分鐘就有位坐. 環境裝修非常新淨, 但有保留老字號個種懷舊味道, 老豆一坐低就開始懷緬過去... 點心最欣賞佢地既蝦餃, 熱辣辣, 皮夠薄, 入面隻蝦大大隻, 爽口彈牙, 一籠絕對唔夠, 最後我地四個人食左三籠先夠喉. 我地叫左其他既點心例如燒賣, 流沙奶皇包都可圈可點, 非常出色. 價錢方面就算中間啦, 但對比返食物質素就完全值得, 食得過!

得知新樂酒家原班人馬從出江湖，決定在其新店《新新酒樓》為太太慶祝生日。一行8人，已提前訂枱，預留天麻燉魚頭湯(外母第一個俾like)，當晚仲食咗叉燒皇(連汁撈飯)，士多啤梨骨(太太最like)，蛋白炒帶子(秒殺全碟)，龍蠆兩味(陳皮香，骨膠甜)，玻璃蝦球(啖啖肉，爽)，杏仁茶(外夫飲咗一碗，讚咗三次)，最後當然不少得由流沙奶黃壽包寫上完美句號! 仲有蒜香雞同上湯豆苗，非常合口味! 當晚服務亦同樣滿意非常!

之前聽到新樂執左真係有d可惜，不過聽到男友話佢開返，原班人馬開返黎呢度，所以一放假就衝過黎試下。。。果然無令我地失望，希望佢地既熟客快d返返黎啦，未食過刀試下！！話時話。。嘢就食得多，但我真係好懶寫食評。。佢令我有禁既衝動，因為真係想佢多d人知佢開返。。。