新新酒樓

营业中

休息中

晚上放工約了家人在佐敦的新新酒樓吃晚飯。新新酒樓是一間比較有歷史的中式酒樓，這裡的侍應親切有善，服務態度極好，人情味濃厚，是香港餐廳非常少見。先上菜的是籠仔荷葉薑米蒸蟹飯，螃蟹和米飯放在是用荷葉上，並配以蒜蓉蒸煮而成，香氣四溢。螃蟹肉質鮮甜，肥美多膏，非常美味。而飯吸收了蟹的鮮味，還有荷葉的清香，一碗接一碗的，完全吃不膩。我們也點了當天的是日老火湯，天麻魚頭湯。湯的用料豐富，以雞腳、豬展、魚頭，配合天麻等藥材燉製而成。湯非常清甜，有淡淡的藥材味道。南乳粗齋煲，用南乳醬汁炆煮不同的雜菜，包括菜心、小白菜、茄子、雲耳、粟米芯、蘑菇、草菇、粉絲等。以南乳醬搭配，風味十足；用煲仔上菜，又可以保溫。最後每人還送了一碗紅豆糖水，非常滿足的一頓晚餐。可惜今次只有兩個人，可以試的菜式不多，下次要再約更多朋友Encore，試試其他菜。

成班人一齊，又有小朋友，除咗去飲茶都冇乜選擇㗎啦。間間都排晒隊，上到嚟呢間見有位就入去試吓啦。午市點心間間都差唔多啦。呢度牛肉球味道唔錯。食得出有些少牛肉味蒜蓉蒸魷魚，好似好耐冇食過，今次食飯又覺得幾好食喎！佢啲魷魚唔錯，一啲都唔會霉。蒜蓉仲好香添椒鹽鮮魷魚，炸到脆卜卜，金銀蒜好香，啲粉唔算太厚，唔錯 香煎腐皮卷，夠脆燒賣名足料，大大粒鮮蝦係面，夠鮮咪！👍🏻👍🏻呢個好食👍🏻👍🏻👍🏻

新新酒店，位於佐敦，平日經過亦不時會看到其招牌，此品牌原來亦已有數十年的歷史，絕對稱得上老字號。本人亦鍾情於在中式酒樓用餐，對此老品牌酒樓，哪有不食之理。一進門已經感受到傳統酒樓才有的人情味，點餐時與員工亦有講有笑，還推介了數款熱門與特價菜品。 清蒸沙巴虎班，此仍員工推薦的特價菜式的其中一款，價錢令我們以為是一條小虎班，事實卻是比想像中大得多，魚皮滑而肉質紮實，同行朋友亦讚不絕口。蒜香一口骨，這個一口骨其實唔算係一口，大塊的程度要四五口才可吃完。而這味炸至金黃香脆的蒜香骨，絕對係鐘意食香口食物的人的至愛。蝦醬大馬豆腐煲，點菜時以為只是區區豆腐煲，上菜後，想不到原來亦有大量燒腩肉，十分抵食。蜜汁叉燒，新新的蜜汁叉燒亦十分有質素，做到半肥瘦之餘，亦有燒味鋪的味道。

細個果陣成日唔明點解放假總係要約埋親戚去飲茶，大左先發現，茶樓係個同親朋戚友傾偈嘅好地方，今次聽完講座，就同班朋友隨意揀左呢間酒樓叉燒包夠正宗，厚包皮，咬落仲有叉燒醬流出嚟春卷明顯係翻炸，外皮比較硬，唔推薦食親腸粉阿姐都會問落唔落鼓油，記得要答落多d，粉皮太厚吸鼓油吸得好快呢碟竟然新解炸起，送到枱仲脆卜卜，睇嚟食炸野要睇彩數，加埋o急汁真係好正外皮用力少少揸就碎左，好彩甜度適中拉番唔少分數紅豆南瓜餅煙煙靭靭，但又係衰皮太厚，其實呢個係咪酒樓嘅通病呢？不過茶樓始終充滿人情味，見我帶住小朋友，阿姐上菜都會叫我睇住小朋友先，驚整到佢，呢點反而比食物更重要囉

今日屋企冇煮飯，而最近又吃得太多西餐，所以就想吃中菜。剛巧在佐敦，便找找附近有沒有好的酒樓，突然想起朋友說過新新都不錯，既然來到，便決定一試。環境寬敞，乾淨舒適，適合三五知己把酒談天。菜式選擇頗多，海鮮，小炒，煲仔菜樣樣有。燒肉皮燒得香脆，半肥瘦，吃下來甘香可口，份量夠，三個人剛剛好。很大煲，很足料，雜菜翠綠新鮮，爽甜。煲仔內的上湯沒有被收乾，粉絲吸收了上湯的清甜味，正！龍蝦很新鮮，很入味，和芝士很夾。肉質爽口彈牙，芝士汁濃稠度適中，香濃，不會羶，掛於伊麵上，滋味滿瀉

新新酒樓食小菜很適合，食物質素好又不多油，夠健康，員工態度親切友善，而且好好笑容，值得一讚。第一次食指天椒叉燒炒蛋，蛋不乾身，不會炒至全熟有少許流心質地，好滑。叉燒有好多片，大大塊，甜甜的肉又嫰，不錯。指天椒真的辣，大家如果不能吃辣可以拿走它，第一次吃辣的少蛋，感覺新鮮，意外的惹味。蛋白炒帶子像賽螃蟹，有蟹子點綴，矜貴感上升。帶子大大隻，肉厚，啖啖肉好抵食，加上蟹子的爽口，口感多層次很特別。蛋白很滑，有帶子的鮮味，筷子很難夾住，加醋一起吃真的吃到蟹肉味。

同家人食飯，選了幾味懷舊菜式。金錢雞⭐⭐⭐：全家人也未吃過，原來是一層爽脆豬脂肪，一層叉燒，一層雞膶串在一起。雞膶味足，叉燒味稍遜，幸口感不錯雞蛋焗魚腸👎👎👎👎👎：非常之差，成盆只得極少量魚腸，幾乎只是焗雞蛋，幾乎看不到也吃不到魚腸燒乳豬⭐⭐：香脆，鹹味適中，不油膩但偏肥(不是本人口味)蒸海斑⭐⭐⭐：算蒸得恰到好處片皮鴨⭐⭐：皮薄，不油膩但少肥片皮鴨二食⭐⭐：加$60炒西芹，香口惹味，但偏鹹只有少量西芹酥炸桶蠔⭐⭐⭐⭐：脆，炸漿薄，香口，火候剛剛好，令蠔身夠滑，惜蠔味偏淡還有叫了炒瓜炒菜另外，片皮鴨二食，預設炒苦瓜，但可改其他菜，本身加$50炒苦瓜，其他菜加$70，但講講下有個部長說轉菜加$60，好像海鮮價。此外，由於未齊人，未落單，但不停有個阿姐來問落單未。以上兩點令本人對服務感覺不良。不過因本人生日，家人買了蛋榚，沒收切餅費，不知是忘了還是不用

在佐敦莊士倫敦廣場 ，上扶手電梯 ，再搭𨋢上11樓就到， 一出𨋢門見到牆上掛上很多明星在酒樓光顧的相片，有不同年代的，是一間有故事的酒樓。酒樓裝修平實，侍應招呼周到，有親切感， 很多熟客捧場。同朋友慶生 ，兩個人點三個餸 ， 一啲都唔得可以馬虎。芝士龍蝦伊麵， 有上湯及芝士任選，都係選芝士，因伊麵吸收芝土夠香濃，龍蝦啖啖肉， 蝦肉好彈牙 😋。脆皮燒腩仔， 皮脆肉嫩 ， 食落很香口 ， 點埋芥茉醬味道好夾 。翡翠花菇煮豆腐， 熱騰騰上枱豆腐滑溜溜， 營養價值高，食得飽飽啦🤗！

今天中午與同事二人走到呢間酒樓飲茶，分別叫了幾個小菜，唔錯喎😋 我最愛椒鹽豆腐，外脆內滑，加上簡單的椒鹽調味，香口惹味，為平凡的小食生色不少😀😀見到隔離枱既燒煵仔好吸引，我們也叫了一碟，份量不少，入口鬆化，軟腍無渣，肥瘦均勻，外皮脆卜卜，$68唔貴。好耐未試過咁邪惡🙈，又叫了一隻紅燒乳鴿，外脆內嫩好juicy, 好味！金銀蛋覓萊一樣鮮甜美味。服務都算ok, 整體唔錯，我諗以後午餐時間又多一個選擇了！

今日黎到佐敦呢間酒樓食飯，地方都算大，服務仲幾好。首先點了前菜沙礓雞腳，雞腳好有味，沙薑味濃郁。本來想叫乳鴿，但剛好賣晒。再來是金銀蛋時菜，白菜仔好新鮮好甜。然後是啫啫滑雞煲，一上個煲熱辣辣，d雞好滑，配上啫啫煲的味，用黎送飯好好食。最後來了重頭戲籠仔荷香薑米靚蟹蒸飯，好大隻蟹，望落去已經好吸引。蟹入面蟹糕好多，蟹的鮮甜也好出，飯連蟹蒸得好入味，呢個必食推介。重點是價錢也不貴，食左咁多野埋單5百零元。

以前出名嘅新樂酒家原來已經改名新新酒家，並且重開了一段時間，今晚決定跟老公好好懷舊一下。位置向倫敦廣場，非常方便，餐廳環境闊落，空間感十足。餐牌選擇多様化，令人眼花撩亂。新新燒鵝皇（例牌）燒鵝皮香肉嫩，鵝油香味撲鼻，有咬口，鵝味香濃。燒汁海生蝦燒汁惹味香濃，海生蝦雖然唔算好大隻但肉質鮮嫩彈牙，非常美味！薑蔥粉絲大連鮑魚雞煲薑蔥香味濃郁，鮑魚爽彈鮮甜，雞肉嫩滑入味，粉絲吸收哂所有醬汁精華，非常惹味。清蒸沙巴虎斑虎斑蒸到剛剛好，魚肉滑溜溜，鮮甜美味，果然非常新鮮。水準依舊不變，員工態度良好，值得一讚！

好多時和媽咪去吃晚餐, 問媽咪想食什麼, 老人家都特別愛上酒家, 因為要有飯到肚才飽喲, 就趁上星期五, 爸爸去了開OT 我和媽咪到了佐敦的新新酒家開飯~ 新新酒家位置方便, 係佐敦莊士敦廣場, 佐敦地鐵一出就到, 搭電梯上去就OK~ 環境方面,新新似舊式少少的酒家, 裝修以實在為主, 不過正因為此, 個人覺得侍應態度更加殷勤親切, 非常有禮、主動和細心, 整個用餐感覺相當良好~ 食物方面, 選擇都好多, 海鮮看來新鮮又好味~ 不過這天是月尾, 不太想太破財, 所以就來幾客小炒吧! 我們點了: 半打果皮蒸大連鮑魚 火龍千島蝦球 海鮮窩麵 白粥一碗 半打果皮蒸大連鮑魚 - 這裡的海鮮其實相當抵食! 半打六只大連鮑都只是HKD 138, 鮑魚蒸得剛剛好,肉質厚身又夠彈牙, 群邊爽脆鮮甜,充滿香甜味道! 火龍千島蝦球 - 份量超級多!!! 蝦球隻隻爽口又彈牙, 上面曬上千島醬(沙律醬), 再配上甜甜的火龍果, 口感清新, 令人想一吃再吃! 海鮮窩麵 - 麵條好好吃! 是平時雲吞麵的麵條來的, 完全無梘水味, 正! 湯底都好味, 食落冇味精,至少我喝完全窩都沒有口喝~~~

今天去佐敦上完堂落堂和同事吃晚飯 到了莊士倫敦廣場選了這家新新酒樓一起吃金銀蒜粉絲蒸大元貝一份有四大隻 很新鮮元貝蒸的熟度剛剛好 軟軟的不會硬面上舖滿了粉絲 加上蒜蓉豉油 很不錯芝士美國龍蝦伊面也是很大份的一道菜式一看有一大隻美國龍蝦龍蝦肉彈牙 而且有剪過方便食用雲耳炒勝瓜加了洋蔥一起炒 甜甜的雲耳脆脆 勝瓜爽滑 整體不錯吃南瓜西米露吃完飯 每人送上一碗糖水今晚的糖水是南瓜西米露一絲絲南瓜 配上軟綿綿的西米帶點點椰汁的味道

媽媽突然想吃中菜，就這樣放工後來到佐敦的新新酒吃飯。 「新新酒樓」其實已經有很長歷史，媽媽爸爸亦經常到這裏喝早茶，以前是地舖，上樓後感覺好像有點不同。 餐牌上的小菜選擇不少，當中孖寶的最吸引，不過，我們最後還是選擇單點。 京蔥爆海參這個小菜我和媽媽都大力推介，海參份量多，而且口感非常爽口，最重要是廚師爆得夠鑊氣，就連京蔥亦煮得非常入味，讚。 麒麟素豆腐 芡汁做得不錯，令原本平淡的豆腐變得滑嫩鮮味。 紫米露飯後酒樓為我們送上紫米露，紫米煮得軟糯香甜，非常滋潤。

好耐冇孝順下屋企人，今晚就帶阿爸阿媽黎新新酒樓食晚飯，位於佐敦莊市倫敦廣場，出咗地鐵站過條馬路就到，非常方便就腳。籠仔荷香薑米靚蟹蒸飯 $188老人家始終都鍾意食飯，但又唔想食白飯咁寡，所以點左個荷葉蒸飯，結果非常驚喜！用竹籠加荷葉去蒸，非常清香，大家添完一碗又一碗。蟹蓋入面唔少膏，當然係我嘅囊中物😁芝士焗美國龍蝦(伊麵底) $198/隻估唔到一隻龍蝦有咁多份量，好多肉食，新鮮肥美！芝士汁伊麵底不用多說，當然令人食指大動。蜜汁叉燒 $108非一般粟米斑塊 $98斑塊一共八件，炸得乾身，粟米汁另上，自行添加。蛋黃南瓜 $88鹹蛋黃炸南瓜，我都係第一次食，南瓜比較淋身，鹹蛋黃好香，唔錯。紅燒脆皮乳鴿 $52/隻爸爸係乳鴿狂迷，點左兩隻俾佢慢慢吮，睇佢食得咁滋味，應該真係好好食😂同屋企人食飯唔需要去新潮型格嘅餐廳，傳統嘅酒樓反而最得老人家歡心，今餐爸爸媽媽都好滿意，下次一定會再帶佢地嚟食！