新德里餐廳

营业中

休息中

一名久未聯絡的友人,突然致電過來,呢個朋友,數埋已有兩三年無消息,當中大家存在點誤會而交惡.幾年過後,大家互相寒酸一番,不如擇日出來見下面,食下飯.兩個大男人,最好莫過於去一些刺激之地方,友人拿主意,選址重慶森林內的新德里.計埋呢次,今年上半年已去過三次.為左避開大堂群星會,兩個男人衝後樓梯去也,吸取過上次OR gathering,孖寶兄弟第八排四關行迷宮教訓後,今次一take過無難度,直上新德里.甫坐下即刻來杯Lassi解喝,雖然新德里的Lassi比出面淡味,不過來到叫一杯,已成習慣.叫些頭盤如羊肉咖喱角,洋荵圈打頭陣,同樣已成習慣.主菜兩味大兜亂,鐵板烤魚,茄汁會雞,伴以黃飯,薄餅吃.三度已成習慣.今年三度到坊,吃的東西大同小異,感覺迴異.一餐尋常印度菜,與友人冰釋前嫌,千金難買.PS:月前OR 新德里gathering,稍後送上.

(1) 價錢相宜..唔算貴!!!!(2) 地方整潔..乾淨!!(3) 好食....但又不算一流!!(4) 環境一般啦...同8個同事去叫左10個菜每人消費約$80元叫食得飽囉!! 其實冇乜特別!!

首先想入呢間野,千萬唔好理街上招客既大隻佬,一理就會化成千古恨(我試過,真係怕怕)之後入去問個"食蕉"呢間野係邊到,佢自然就會有個人出黎帶你去等lift,上到去就ok了~haha我黎過2次,試過2味菜:咖哩羊,咖哩雞,巴辣蝦.咖哩羊都幾好味,咖哩唔會搶晒d羊味,都幾好.要試咖哩雞,味道好清新,同樣係咖哩,2種feel可以一試巴辣蝦,d辣味搶左d蝦無,0蝦味,不過好爽..可以唔試.仲要左一個蒜蓉烤餅同埋芝士烤餅配返d咖哩,個蒜蓉烤餅好似油左少少,不過2種都好味,當然要有埋白飯la.果到有個飲品好多人飲,我地見係咁,就試下la,呢個飲品就係--芒果乳酪,ok嫁,都好重芒果味嫁,酸酸地咁...飲下無壞呢到仲有波睇tim

上年生日同一個朋友同bf 去食, 我地都feel唔好食可能我地唔like印度口味啦,不過waiter都好nice一到7:00p.m 超多香港人去食下次都唔會去探險了

今次係慕名而黎, 同朋友戰戰兢兢咁入到黎重慶大廈, 本來唸住自己搵路行, 點知個實Q阿叔叫住我地問"係唔係食咖哩?", 我地答佢去"新德里", 佢就叫左個帶我地去到電梯, 我地自己搭上到3樓, 但發覺無門牌唔知係究竟邊間, 響呢個時候又有個出黎問我地"係唔係去新德里?", 我地答係, 佢就帶我地入去坐... 8時幾去到, 比我地想像中多人FULL晒, 伙記叫我地等一陣, 之後有兩個西人入左黎見無位, 走左過隔離房坐, 我地見到跟住去, 點知原來隔離房有位, 點解伙記唔帶我地過去而要我地等呢? ANYWAY, 我地坐底唸左一陣想ORDER, 點知叫極D伙記又叫我地等陣, 後尾先知原來有一個人專負責落單, 要等佢得閒先可以過黎幫我地寫ORDER:-薄脆(送EACH PERSON) - 好香口好脆, 伙記叫我地點D有少少辣少少薄荷味既醬, 幾好味鐵皮雜扒(包括魚,雞同羊) - 三樣都好有鮮味, 魚有D香草味, 羊有少少羶味, 都係雞好味D椰汁咖哩雞- 細細件既雞配上橙色既咖哩汁, 有椰香少少辣, OK啦茄汁拌芝士釀炸蕃茄- 唔覺得係炸既, 酸酸地有少少芝士味, 味道幾得意牛油烤餅- 不算油膩

8-4-2006 1259「世途險惡，橫風橫雨」中的一年，有驚有險的第300個食評。終於一嘗心願起碼有一個食評完完全全係全家人一齊食的，冇計，父母十年如一日唔出城，就算出城的時間永遠夾唔到，死而無憾。某日行行下街收到大家姐電話話去新德里食咖喱，佢地終於較正時辰八字，我又唔使返去做廉價勞工，咁就一齊去，做左成卅年人，都好似係第1次同屋企係街外食印度餐。上到去後個門口有花圍住，唔知係唔係因為將會有聚會關係，裡面既環境好似係好左些少，我地就安排尾二的大檯上，七個人連飯叫11道菜式。就先上場就係例牌既papadum (豆粉薄脆)，一人一塊，伴著有少少辣既薄荷醬，一食落去已知係新鮮做，但係有部份幾鹹下。黎得食印度菜，緊會叫杯甜lassi (乳酪)，味道差唔多係原味，即係冇乜甜味咁解，個人來講甜些少會帶出乳酪的香味，正如我之前所講，這杯lassi比起在元朗蓬萊及錦田沙查遜色得多，當然我唔係叫你地突登入去試，叫佢整甜的為得囉。屋企人始終喜歡一黎就係食主菜，咁我只叫了一款小食，就係Vegetable Samsoa (素咖喱角)，這款Samsoa係每件計，一件為5蚊，亦係新鮮炸，新鮮食，皮稍為厚左的，都

每次都來唔到OR在這裡搞的飯局, 12號的也不例外. 不過咁O岩昨天和朋友們在9時終於馬拉松式血拼到尖咀, 有人說想來重慶吃印度咖哩, 我終於來到新德里. 3個女仔, 望住餐牌樣樣都想食. 芝士烤餅, 羊肉咖哩角, 咖哩雞, 番茄鑊仔羊.. "夠啦" 說完, 好親切的哥哥仔就行左去落單. 我們都呆了, 心想: 莫非你不知到香港女仔係好貪心架? (或者淨係我地3個, 得罪晒^^) 咖哩角有4件, 第一啖食落羊味都幾羶, 再食就覺得唔錯. 朋友們都吃羊, 不過都覺得羶, 所以多出的一件由我清除. 咖哩雞原來一點都唔辣, 反而番茄羊食落最初覺得酸酸甜甜, 再吃真點就吃出辣味, 比咖哩雞香. 羊肉粒有些腍, 有些韌, 但也吃得過.芝士烤餅, 望到芝士, 不過芝味好輕, 點埋汁, 同原味分別不大. 我們再加了蒜茸烤餅, 幾香蔥蒜味. 吃過飯, 和意猶未盡的朋友們再去拼過...

好好食！同３個朋友叫４種咖喱Chicken Korma 係推介!咖喱角好好食，不過太大，食完已經好滯２個人share一隻會比較好可能因為一行４人入重慶大廈無乜驚險行左一半有個security問我係咪去食飯我答完"新德里"就有人帶我去都唔洗四圍又平又好食，４個都食到好飽!

28/2 星期二, 同朋友去左位於重慶大廈o既"新德里餐廳The Delhi Club" 食晚飯. 一行四人, 大家都係興奮o既心情, 去到重慶地下, 記得網友話, 千祈唔好接傳單,咁我地就乜都唔理, 沖呀.... 入到去第一個電梯位, 有個食蕉哥哥(似港人)突然走出來, 問我地去邊, 然後就用, "印度話" Delhi 一聲(我估) 叫左個哥仔(東南亞人)帶我地入去第二個電梯位. 上到三樓, 因為個門口只有一個細細個英文o既牌, 所以每一個新來o既都係門口望望o下, 驚入錯地方. 入到去大家都舒一口氣. 朋友F 同L 好鍾意食烤餅, 先來一個Naan(免費), 再上Chicken Tikka (鐵板上, h5n1都要必試), 咖哩雞(少辣), 新德里羊肉(朋友C 話食落去有少少蘇味, 不過食食O下又無左, 好特別), 咖哩蝦(大辣), (我覺得唔算好辣仲頂得順, 朋友就勁鍾意個味道), 茄汁獲仔魚. 之後叫左芝士, 免治羊肉, 蒜茸三樣烤餅, 同牛油烤麥餅. 免治羊肉最正, 食烤餅我比較鍾意乾身少油, 點汁食一流.每一杯Mango Lassi.Total: $406.原本叫左炸芝士,

一行三人到此吃咖哩,其實初時真係有少少驚,一踏入重慶大廈仲當我們躊躇緊之際,有一位好好人0既香港人"實Q"問我地係咪食咖喱,我地話係呀,佢問係咪"新德里",我們點頭示意,佢就即係"yep"了一位阿义過來幫我們引路,哈!!難到到了這座大廈我們反而變了外地人??上到去都要等了三,四個字先有位,不過想講個位帶位兼waiter 服務真係好好,令人感覺好舒服點了羊肉naan 2份,素咖喱角,芝士烤餅,新德里羊肉,芝士烤萫茄,羊肉串燒同埋兩杯芒果乳酪素咖哩角幾好味,裏面係咖喱薯仔餡,但個皮就厚d,好似角仔咁,再來羊肉naan及芝士烤餅及芝士烤萫茄,羊肉naan好好味呀,熱辣辣,冇得頂,就算唔點汁就咁食都好味,但點芝士烤萫茄的醬汁酸酸地更好食,但芝士烤餅完全冇芝士味,所以一般,芝士烤萫茄我覺得好古怪,得兩舊蕃茄內裏好似有一pat0既芝士物體,但似乳酪味多d,完全唔match,唔太好食,但主菜新德里羊肉及羊肉鐵板串燒就好好食,味道全部都唔辣,但汁料味道好香,羊肉炆得好焾,正呀,而鐵板串燒的羊肉是紅色的很重香料味,再配合洋葱同吃,嘩!!一流所以一定會再翻兜

我鍾意個咖哩汁, 沒有港式咖哩那麼辣, 但幾特別. ^_^

好耐之前已經想試新德里，又係經過一場歷險之旅後，終於安全抵步。我同男友二人叫了三樣野：咖哩雞－咖哩雞係碟上的，細細碟的份量都足夠。佢０的咖哩汁係紅色的，一點都唔辣，唔同港式咖哩咁熱氣，重好香好野味添～烤餅－初頭我地一坐低，侍應就俾左兩塊好似薯餅既物體俾我，我地重以為係烤餅，原來係每台加$2就有既。講返烤餅，有3大塊，唔算好脆但都幾香口，用黎點咖哩汁一流。新德里炒飯－最後黎左個新德里炒飯，０的飯五顏六色的賣相一流。配料有牛肉、羊肉、尤魚、香蔥等等，炒得又熱又香，不過稍為辣左少少，值得推介。呢度價錢相宜，地方都算好整潔，如果唔係要過五關、斬六將咁先入到去，我都會再黎食。

情人節去左。食左羊同蝦，分別係小同中ｓｐｉｃｙ，但我已經覺得食得幾辛苦。係因為我唔係好食得ｓｐｉｃｙ。但其實應該幾好食。問題係太多人喇．．．．．真係太多人，又坐得唔係好舒服，食左一陣已經有好多人等緊，我地坐係近門口個度。到一半既時間，個ｗａｉｔｅｒ就已經同等緊既人講我ｌｉ台就走，攪到我食得好唔舒服囉。同埋〝一開始叫個ｗａｉｔｅｒ介紹〝佢都好似唔想做咁，我諗都係因為太多人，我估如果唔係多人，真係好好多．．．．．．

膽粗粗再闖重慶森林，今次終於試左好多人讚既新德里。今次係彌敦道唔係好多人圍住我地推銷餐廳，心想今次真係好彩。點知一入重慶，成班印巴籍人仕不斷向我地塞傳單，即使有老外朋友佢地都照向我地中國人埋手。係重慶兜左成唔知幾多個圈，終於唔知點解我地揀左新德里。餐廳隔離有間幾殘既賓館，但係新德里就裝修得幾靚喎。餐廳播住d好POP既印度音樂，又用左有d神秘既藍燈，感覺有d怪。張都用左d好印度既圖畫，但係佢d膠就好粘性，黏住哂d餐具。叫左一個新德里special nan，上面有d蛋，但就冇乜味，又唔夠熱。未上菜之前都俾左一籃脆餅我地，同上次係咖喱王食既一樣。今次總共叫左3個咖喱︰蝦、羊、雞，用一個好細既兜上，d顏色都係橙橙紅紅咁﹐但係就幾夠辣，不過個人認為咖喱同蝦唔係好夾，而且佢又用雪蝦，唔係幾好食。飲左Lasis(冇芒果，因為成$20杯)，但係就好似冇乜味。今次要我地開聲先送Free Rice，唔怪得間餐廳係假期都唔爆。其實我真係分唔到印度菜同巴基斯坦菜既分別，大家都係食d烤餅之類既野，但係我就覺得重慶咖喱王好食d。

星期四同朋友仔去左重慶食咖哩，因為之前聽朋友講過重慶有好多間咖哩鋪，所以出門口之前仲得登o係openrice 度睇左陣先去^^哇…我同朋友仔行到重慶大廈附近就已經俾o的差差圍住…入到去又輪到另一批人…我地行極都"pi"唔甩佢地﹐真係嚇鬼死我地呀~~最後我地要向secure 哥哥求助，話要去新德里，咁先有人救我地咋=__=a……後尾james 個阿叔落左黎帶我地去lobby，o係架lift 入面又有另一個新德里人護住我地上3樓~好~講完歷險記就輪到講下食先~我地本來叫左素咖哩角、甜乳酪、garlic nan、免羊nan、咖哩羊同腰果汁o既菜(唔記得exactly個名)。後尾個server 提我地揀o個兩隻咖哩都係同sauce，所以建議我地轉新德里羊肉。免費送o個塊唔知咩名o既薄脆配埋o的醬真係一流呀~~跟住o的野食又超好味~~我鍾意個腰果汁菜~因為甜甜地~我朋友仔就鍾意個新德里羊肉，因為夠辣~~至於nan，我就鍾意個免羊nan~真係超正>3<~~個素咖哩角好味過city super food court o個o的，因為入面o個o的係薯蓉，而唔我唔鍾意o既青豆^^~至於個甜