新德里餐廳

营业中

休息中

膽粗粗再闖重慶森林，今次終於試左好多人讚既新德里。今次係彌敦道唔係好多人圍住我地推銷餐廳，心想今次真係好彩。點知一入重慶，成班印巴籍人仕不斷向我地塞傳單，即使有老外朋友佢地都照向我地中國人埋手。係重慶兜左成唔知幾多個圈，終於唔知點解我地揀左新德里。餐廳隔離有間幾殘既賓館，但係新德里就裝修得幾靚喎。餐廳播住d好POP既印度音樂，又用左有d神秘既藍燈，感覺有d怪。張都用左d好印度既圖畫，但係佢d膠就好粘性，黏住哂d餐具。叫左一個新德里special nan，上面有d蛋，但就冇乜味，又唔夠熱。未上菜之前都俾左一籃脆餅我地，同上次係咖喱王食既一樣。今次總共叫左3個咖喱︰蝦、羊、雞，用一個好細既兜上，d顏色都係橙橙紅紅咁﹐但係就幾夠辣，不過個人認為咖喱同蝦唔係好夾，而且佢又用雪蝦，唔係幾好食。飲左Lasis(冇芒果，因為成$20杯)，但係就好似冇乜味。今次要我地開聲先送Free Rice，唔怪得間餐廳係假期都唔爆。其實我真係分唔到印度菜同巴基斯坦菜既分別，大家都係食d烤餅之類既野，但係我就覺得重慶咖喱王好食d。