新德里餐廳

营业中

休息中

重慶大廈一向比人一種好雜ge 感覺, 不過今次新德里咖哩之旅令我對佢改觀晒. 我同我個fd 兩個一入去冇比人圍, 好怏就已經有看更問我地係咪食咖哩, 之後就有人帶我地去搭電梯餐廳d位都幾舒服, 而且有d樓上cafe feel. 我同個fd 未食過正宗印度菜, 所以都係隨心咁點, 有:素菜咖哩角, 新德里炒飯, 咖哩魚(唔記得全名), 烤餅, 芒果乳酪同一杯甜乳酪. 我地唔知咖哩魚連埋印度面包, 所以以上份量食到我同我個fd飽到不得了. 不過如果一男一女食就應該剛剛好. 其實佢d食物份量唔算太大. 個咖哩角好正, 一定要試, 而且都只係$5一個. 個烤餅就唔夠佢d 包好食, 不過志在試下. 佢個咖哩係紅咖哩, 一d都唔辣(但menu 已經話係中辣...註:我係唔食得辣ga), 我個fd 話芒果乳酪($22)怪怪地, 但我就覺得杯甜乳酪($14)唔錯. 如果大家好乳酪可以一試, 我覺得會抵過飲檸tea 先la. 服務態度好好, 有問必答, 不過可能我地唔係問太多野la. 總括黎講我同我個fd o個日都食得好開心~

近年我愛上印度菜，耐唔耐就好想食咖喱。初初如非高大威帶我未必夠膽來。想當日一入重慶大夏便有大概10名印籍朋友“嘍”住，我地未開口前其中3 個便開始為爭生意發生口角然後推撞。高大威立即好型甘示意他們relax，然後拉著我火速跟一位new deli 的朋友走。當日電梯壞了，穿2 inch 高爭鞋的我差點在樓梯跌倒。開始‘wear’面的我上到餐廳時立即笑番。地方很光猛，整潔。我們兩個前世可能是印度人，見到個menu已流口水。叫了lamb masala （個汁最香口, 羊肉大大件）fish tikka （酸酸辣辣，魚很滑）, chicken vindaloo （最辣，我至愛）和garlic naan.。落單的印度朋友好友善說for 兩個人夠啦。平時在SOHO 食的羊及雞多數比較“鞋”，這裏的又滑又入味。D 香濃嘅汁辣得很滋味，配naan 食好正！它勝在夠辣，是香港小有的正宗印度咖喱菜。自次以後我光顧這裏多次，每逢咖喱隱發便回來！現在樓下已有柣序得多！

上個月8號同男友去食,係重慶門口已經好恐怖,成班圍住你,入到去即叫管理員帶我地上去,入到去,環境都唔差,好中意佢張台布!睇左好耐,我地叫左:素咖哩角$5x2蒜蓉烤餅$1?芝士烤餅$1?腰果汁燴羊肉$5?芒果乳酪$22牛奶球$12威化餅(送的)個咖哩角好好食,暫時食過最好食同最平既咖哩角係呢間度;蒜蓉烤餅好香,不過真係幾油膩,下次會試下麥烤餅,唔知會唔會健康d?!芝士烤餅比較漏;個羊肉我唔識評,因為我唔知羊肉應該點先係好食?但個腰果汁都不錯,幾香滑;芒果乳酪一般;食到最尾想叫個甜品試下,點知...好後悔,個牛奶球好唔岩香港人口味,,勁甜,甜得好恐怖,一個美味既既晚餐俾呢三粒野破壞哂tim...埋單大約$150,我地問佢openrice會員係咪有%off,佢話星期一至四先有,假期冇架~不過已經好抵食啦。大家真係冇介紹錯,下次會再黎!

1/11 約埋班FD一齊試下重慶既出品一入重慶,醒目既security guard叔叔已經問我地係咪食咖哩,之後亦有兩名餐廳職員引路,這時感覺還是滿心歡喜的上到去坐低,環觀餐廳....佈置不錯當時9時許,食客唔算多,本地及外地食客各佔一半雖然去之前上過貴網做過準備但例牌問一下有冇好介紹(相信是經理的人物)怎料換來的答案是: 「我地唔介紹的,台台都係唔介紹」ok,唔緊要,看了一下menu點了如下菜色薄脆餅(送的) - 配上綠綠的醬料,還可以吧芝士烤餅- 一般烤魚- 表皮的確烤得頗脆,但食到d怪味,相信是用了些特別醃料吧瑪莎拉繪蝦- 相信是當晚最好的一道菜,蝦彈牙,和醬汁幾配合瑪莎拉繪雞- 一般新德里特色炒飯- 冇咩特別,友人說雞肉難吃,但只係對炒飯內的香草不太接受到.....吐了出來= ="甜乳酪- 不錯,挺配合此餐的菜色呢~凍檸茶- 友人說.....沒茶味汽水X2熱咖啡埋單時,對那個似是經理的人打了一下招呼佢點了一下頭之後....繼續自顧地看ESPN 巴塞VS 皇馬雖然其他waiter不大懂廣東話,但服務還是有問必答經理在三吹四請後,施施然帶來單據,三百元的一頓雖說不貴,但份量真的不太

琴晚同朋友慶祝生日，4個女仔去。正如之前D人講，真係好恐怖喔！未行入重慶已經比印度人圍住，幾難先行到埋去重慶~之後就有實Q打救我地！第一次黎，見咁多好食評，4個人叫左：1) 素咖哩角2) 咖哩雞(小辣)3) XXX燴蝦(小辣)4) 芝士烤餅5) 蒜蓉烤餅6) 印度XX黃飯7) 飲品(橙汁、檸樂x2、檸茶)●素咖哩角真係無大家講得咁好味喎，皮好厚、味道唔夠濃，不過食落唔油膩都幾好o既~~●咖哩雞(小辣)因為兩個朋友唔食得辣，所以叫左小辣；我自己食開辣o既，所以覺得個雞唔辣！味道好淡。●XXX燴蝦(小辣)D蝦隻味好怪~好似醃到變左咁！爽就係爽o既，不過味道怪怪的。●芝士烤餅OK喎！幾好味！芝士味中庭，幾好！唔會太勁芝士，好似食到好漏咁。●蒜蓉烤餅麻麻，味道未見突出，同埋油左少少。●印度XX黃飯好淡！無味！D料又唔好味！建議唔好叫！淨左半兜無食~~我都係要搵D咖哩汁撈落去先食得落咋~~※總括黎講，味道一般！下次會試下第二間！埋單$260/4人(我又唔記得講OPENRICE會員喇，蝕！)

第一次和朋友去重慶食, 唔知係咪唔識叫,我覺得碟碟的味道和顏色都差不多.. 咖哩角亦沒我想像之中那麼好食

七月同八月幫襯過兩次，覺得都唔錯．今次帶個德國朋友去試．但係唔多掂．．．首先，果個所謂經理．．．黑口黑面．．唔係因為佢本身黑喎．．上兩次態度都唔好架啦．．今次好似好唔歡迎同費事睬我地咁．．叫左幾款烤餅，有ｄ唔夠熱．上次都唔係咁．．．叫左個雜菜乳酪，第一次試佢地ｄ乳酪．唔好食．無味．．唔凍唔熱叫左個特式熷羊肉（小辣）（唔好意思，唔記得個名），完全唔辣．因為朋友想食辣．．再叫多個咖哩蝦，叫左佢加辣．．佢都問係咪要辣過個羊．．但係最終都係完全唔辣．．失望．．上次食唔加辣都辣架．．上次埋單話openrice．．佢唔多高興咁比左個93折．．今次問佢．．佢話問經理．．跟住同我地講話經理話No 喎！咁多間印度餐廳．．下次都係揀第二間．．．

來到餐\廳門口，卻因來客過多，要苦等約一小時才可進內坐下。拿著菜單，點了幾道在openrice 有好評的菜式，包括椰汁炒飯、新德里特式炒飯、羊肉咖喱、雞肉咖喱等。呆等了一小時才上了一道菜。 特色烤魚好食指數５／１０很平庸的一道菜式，魚欠香味，肉身亦較粗糙。又半小時，才陸續上了餘下的幾道菜。 菜名不詳好食指數　５／１０根本就是焗蕃茄！只得兩個蕃茄及極小肉碎的一道菜，價錢竟要＄４ｘ！ 椰汁炒飯　　　　　　好食指數　６／１０椰汁味較淡，欠肉粒，唯所用米粒質地較滑及富彈性。價錢約＄５０。另外有部份菜式因賣相欠佳，筆者無意拍下照片。羊肉咖喱　　　　　　好食指數　６／１０名為「羊肉咖喱」，肉粒甚少，肉粒尺寸僅為約三分一粒魚蛋。唯咖喱用汁不俗，味道尚可，略帶甜味。價錢約＄５－６０。本以為新德里所製的咖喱頗為聞名，筆者亦見有外國遊客慕名而來。吃畢這裏的咖喱後，筆者始終覺得，由本人母親所製、混入椰奶的泰式香辣咖喱更勝一籌。至少用料不會令客人感到「食之無肉」。更令客人感到不滿意的，就是菜式的份量過小，價格卻反而頗高。能把成本低的菜式以數倍的格價賣出（尤其是那個焗蕃咖），固然是基於奸狡的營商之道。要客人白等

同朋友仔gathering，見哩間食評咁好就去試。第一次入重慶，都唔係咁恐怖...五個人食︰新德里小食- 係脆薄餅上面有蕃茄、洋蔥&青椒粒，不過全部都係生0既，本人就唔多欣賞...烤雞- 有五件，味道唔錯咖喱牛& 咖喱羊- 咖喱汁用點烤餅，兩樣都好味，尤其係咖喱羊個汁新德里、蒜蓉& 芝士烤餅- 新德里& 芝士烤餅好好味，蒜蓉味都ok新德里燴雞- 個汁色好橙好假咁，見到唔太想食，試少少真係麻麻果日好多人，去隔離細房，四張，都係一班人，所以好嘈，食完都唔想再坐。食物幾好又唔貴，有機會都會再去0既。而加先醒起唔記得話係openrice添...

今日同老婆仔二人去左食... 食到好飽!!冇介紹錯!!不過個度好多STAFF 都識CANTONESE.. 但是唔知係我叫錯定個STAFF 聽錯... 我原先叫左個免治羊肉烤餅.. 但是變了蒜香烤餅!! 不過好在我老婆都好鍾意食!!

星期六(26/8) 同朋友慶祝生日，想試試重慶大廈的咖哩，事前睇過呢度的食評，見新德里有最多好評，就決定揀呢間。幸好事前睇過呢度的食評，大概知道入到去會點，果然係有個"實Q"會問我地去邊，講左新德里，跟住就有個印度人帶我地去lift 口，叫我地搭上三樓。可能果陣仲未到七點，大廈內外都唔算多人，之後有朋友七點後先到，等lift 等左幾部先上到，架lift 又好慢。本來尋日book 左位，但我覺得有冇book 都係一樣，入到去佢叫我地等一陣，之後就帶我地去隔離鋪位，呢度比較寬敞同靜，果邊主鋪位就有音樂，餐廳比想像中細，但佈置唔錯，張餐布幾靚，好多一家大細幫襯。參考過呢度的食評，好快就揀到要咩，幫我地落單果個就係James，佢真係好nice，同我地影相，又講生日快樂添，但佢似乎真係好忙，或者佢係唯一一個講到流利中文，客人有咩order 其他waiter 都會叫佢。先有一籃送的烤餅，好薄好脆。芝士烤餅、蒜蓉烤餅、薯仔烤麥餅：好似都差唔多咁，因為都係點咖哩食，但朋友們都覺得芝士烤餅最好食。素咖哩角：果然係好好食，點果D 綠色或者黑色的醬好好食（只係見檯上有醬就試，其實唔知係咩醬），我覺得全餐飯最

之前食過7樓咖哩皇~同阿哥去食新德里等位等左好耐le-.-叫左素咖喱角~好飽肚~薯仔好食~脆口唔膩~咖哩味好香芝士naan~我係cheese monster略嫌唔夠cheese~但軟熟香口~都好好食芒果乳酪~creamy~好濃mango~椰汁咖哩雞~d汁好食~但d雞"鞋"左d....聽人講羊好食好多..同阿哥唔食羊-o-飯~大碟過咖哩皇我覺得兩間都好好食~各有千秋~total:$128

去左隔離舖位，環境無正店咁有ｆｅｅｌ，比較光復節無音樂）我地３個女仔ｏｒｄｅｒ如下，ｄ名唔係記得咁清楚：－素咖喱角乂２（好食，入面既薯仔溶好好食，３個人食２隻都已夠，因為食完都有ｄ溜）－香濃腰果汁炸芝士（得２件，我覺得係薯仔，份量小左ｄ，但個汁好好味，試過一次已夠）－芝士naan（真係有ｄ似Pizza Hut既芝心批，因為夠熱所以好軟熟，好味，一客有４件）－喀什米爾椰汁印度黃薑飯（唔係咁得，好淡口，配料得ｄ細細粒紅蘿蔔，豆角，重有ｄ白色類似豆腐既野，無味又鞋鞋地，ｄ飯又無咩薑味但硬身，唔夠熱，我覺得可以不試）－新德里特色"繪/烤"雞（好好食，啖啖肉，個汁好好食，最好食既一樣）－芒果乳酪（好杰，同埋甜左ｄ，不過好濃芒果味）－拉茶（幾滑，勁似奶茶）Total:$179(唔記得講係openrice 會員!)d野食係幾好味又唔油，唔會有成層油響面，但係ｄ份量唔係太多，大食ｄ都要叫多樣先夠～但都好值得再去既，下次想試下”７E咖喱王”作比較！

掛住order 有d 野食又冇抄返幾錢同乜名, 所以唔齊, 但真係好抵, 埋單total $459, 7個人食, 每人$66.喼汁羊肉雞塊$46素咖喱角$5x7香濃腰果斗繪蝦(小辣) $37特濃鮮茄鑊仔蝦$65瑪莎拉繪羊肉(中辣) $52燒烤五香雞件(每客5 件) $52薯仔烤麥餅$12鮮橙特飲$12 x 2檸檬梳打$12甜乳酪$12x 2雪碧$8大概係咁.......上果陣好多都係一兜兜咁上, 唔問過個阿差係唔會知乜野較特出係素咖喱角, 內裡既薯仔味道濃郁同埋好香脆鑊仔蝦唔熟的, 個阿差話'reload', 但都唔係好好多薯仔烤麥餅香脆無窮, yam 咖喱汁更正而其他菜色亦有水準, 絶對係晚飯可選擇既地方值得注意, 後樓梯勁汚漕, 很多人小便後流下黃水

唔係朋友好堅持黎一嘗新德里咖哩, 我諗我無乜可能踏足重慶. 身邊幾隻餓鬼, 一坐低就叫左成檯食物, 包括備受好評o既薯仔咖哩角; 鐵板烤雞; 鐵板烤魚; 唔同咖哩汁煮o既蝦, 雞, 羊各一碟; naan, paratha, papadum...個人覺得最好味o既係鐵板烤雞, 有焦香又唔鞋. 咖哩角我覺得無乜特別, 可能因為唔鍾意食薯仔. 幾款咖哩其實我覺得味道分別唔係好大, 而且唔係好辣, 友人覺得唔夠過癮.可能口味問題, 我覺得呢度o既選擇單調左d.