文華雞飯(新加坡)

营业中

休息中

之前見到人地IG影左啲雞飯出黎話好好食喎，我心諗: 睇相好一般咋喎，有幾好食啊！但係。。我都有將文華keep喺自己搵食list入面，呢晚就黎潮聖一下。我見店面裝修以簡約平民風為主調，食客們都好街坊feel，店員亦好有禮貌，食得好滋味又自在。我打開餐牌一望，其實選擇唔算好多，所以好快鎖定目標要白雞飯套餐，跟餐有個油飯、油菜，你亦可以揀肉骨茶或飲品。雖然係套餐，但雞嘅份量都唔少㗎，嗱。。我食完可以話你知啦，佢真係香港暫時最正嘅海南雞，雞肉滑dodo又juicy，就算唔係脾位都係好滑好柔軟嘅。果個油飯香到呢，好香雞油味，但又未至於油到好漏，剛剛好，係。。我知肥。。但食左先算啦 😂肉骨茶我唔係特別喜愛，偏向喜歡淡味一啲，唔好咁大陣藥材味濃到苦果種囉，呢個係跟餐嘅，淡淡嘅四物湯咁嘅味道，我接受到，不過都係果句，趁熱飲（我愛飲熱湯）笑~另外再加個雞腎練下牙骹先 （爆）呢碟雞腎切到細細粒，好爽口啊，仲好香麻油味，冇果種內臟嘅腥味，真係食唔停口啊！仲有雞腳。。呢個都好味，整到好稔，但我覺得稔得滯，如果雞皮可以彈性返d會更加好，但呢個程度又未至於稔到溶左，可以接受嘅。

Been here twice in a month. The Bak kut teh was superb. I'm a fan of sg chicken rice. Tried their chicken rice lunch set which was a very good deal. Acceptable price, portion is good enough even for a man. Most important is the meat is tender! No doubt on the cooking skills but hope the owner can keep this selling price. It's very difficult to find nice and cheap meal nowadays in HK!

呢間食咗幾年，由尖沙咀大廈天井細舖到山林道再到大角嘴，水準冇變。穩定。正!次次去親都係白雞轉髀套餐。個肉骨茶夠晒味道，排骨肥瘦恰到好處。雞肉嫩滑，雞皮唔捨得唔食。點埋跟餐嘅珠油同薑蓉，一絕。年紀大了，間唔中食佢一次雞什，冇得頂。

渣車去左果頭，見到文華雞飯，以前係尖沙咀做野想試一住撞唔岩時間，原來搬左鋪好耐。還掂咁岩黎到，所以決定同屋企人入去呢間當食團年。雞飯餐入面有飯有菜可選肉骨茶。老人家話ok。我都覺得味道一般，可能本身太掛住新加坡當地既海南雞飯，因為年頭去果面旅行食左個覺得係世界第一既雞飯，無論雞肉/油飯/雞汁都係我心目中既世界級，可能咁樣，所以有比較。總結: 雞算滑，冇骨，啖啖肉，油飯味道冇乜味，辣椒ok, 肉骨茶一般，迷你版，有兩個豆卜，價位都ok 。

友人提議食新加坡菜，浪子首先是想到海南雞飯，友人說附近有一家好好食的雞飯飯店，卻想不到是離大角嘴大成街較遠，位於奧海城至港灣豪庭的中間，若果不是本區人應該是比較難搵的。說是3號小巴的總站應該較容易問人和找到吧？坐下後發覺這間新加坡菜不是叫小菜的，菜牌十分簡單，幾乎就只有四個餐可以選擇：海南雞有白雞和燒雞，還有肉骨菜和新加坡叉燒套餐。其實還有喇沙的，不過觀乎全程，都不覺得有人選擇的。飲品方面，也有一些少見的，其中芝麻奶茶和椰汁奶茶是我們今天要試的。先來的是白雞，雞皮較稔，皮下脂肪很少，肉質非常嫩滑。與很多地方相比，這兒的口味更接近新加坡，而少了一種貼近本地人的味道。墊底的手拍青瓜十分爽脆。不過因為白雞是以嫩滑取勝，味道真的較淡，非常依靠薑蓉和醬油。之後來的是燒雞，皮較乾身，不過也不是脆皮的一種，像有點煙靭的感覺。雞肉明顯較白雞較有口感，也就是較鞋了一點點。不過這種鞋不是咬不開的一種，而是雞的纖維較粗身，較有咬口吧。與白雞相比，燒雞本身已帶有一點醬油香。其中薑蓉、辣蓉和醬油都是放在檯面的，可以隨意加。友人非常喜歡薑蓉送飯，就可以很滿足的不斷加薑蓉。海南雞又名「文昌雞」，除了雞肉外，另一重點

新加坡菜，第一樣野就諗到海南雞，三種醬汁同雞油飯，無一不可。初次來呢間打正期號嘅雞飯店，對佢都有少少期望，加埋好多名星效應，覺得為食嘅我點都要試下（大角咀出晒名多好野食添！）！兩個人，一人叫左個白雞餐，有碟菜、數件雞、一碗飯同一碗肉骨茶，另外我地再叫左碟新加坡叉燒share。先講叉燒，我覺得中國叉燒好食好多，果晚果碟燒到皮有D 「un」同「鞋」，亦因爲燒得耐（可能係新加坡特色），所以唔juicy，令到食到尾食淨幾件。而個雞都算叫嫩，三種醬自己添，雞油飯就麻麻，可能怕客人唔接受得太油，只係比普通飯多少少油，碟菜又只係得幾條，無咩味白灼。我真心覺得，某快餐店推出嘅海南雞飯套餐重好味。所以期望係肉骨茶度，但可惜味精都算重，但我欣賞係用豬軟骨來煲湯，欠缺pepper味，除左豬，就只得蘑菇，無咩藥材味，可能又係怕客人唔鍾意，變得地道左。我未去過新加坡，所以唔知正宗係咩味或者煮法（只係檳城買過肉骨茶茶包回港自己煮），但果度嘅姐姐細心仔細介紹我地應該食咩，同價錢點計，都值得一讚，今時今日嘅服務態度，係應該要咁。

大角咀出名多好野食，而呢間雞飯一定係榜上有名啦。佢既海南雞分左燒雞同白雞，但係都一樣好有雞味唔會有雪藏味，而d雞肉好嫩滑，d雞皮既脂肪又唔會過多喎，配個香油飯簡直係一絕。最重要係佢地起左骨，淡淡肉，正呀😋😋😋我平時食會加多$5轉雞脾，因為我覺得仲好味呀👍🏻👍🏻👍🏻👍🏻

初次一試，點了一個套餐（仲要左雙併），可以試齊想食既食品。 首先黎既肉骨茶，一試令人眼前一亮好好味，好濃好甜既味道，裡面既肉好入味，肉都煲到好腍，好入味。之後點左燒雞同白雞飯，燒雞都幾香，本身碟雞都有汁係底，都可以加上餐廳既醬汁— 黑豉油、薑、辣醬，三款醬油都係唔太 rich, 比起其他餐廳都係淡口味 d。可惜的是雞冇咩驚喜，唔係“鞋”，但又唔係特別好滑咁。個油飯好香，比較腍，用既米係細粒既，但略嫌油膩左d，同 d 飯唔夠爽身，有時仲夾雜左一舊舊既飯。食完整餐飯既感覺係好濃味，都要飲返2杯茶先中和返，但個肉骨茶真係可以 encore 既！

上星期五同朋友食飯 有朋友話想食東南亞菜 openrice下就搵到呢間! 一開始睇餐牌以為係茶記裝修嘅餐廳 但叫到咁多正評 又有得book位就嚟啦😋一入到餐廳 西餐廳setting 食東南亞茶 又幾過癮喎叫左三個餐：白切雞/燒雞/新加坡叉燒 三個套餐都要左細肉骨茶 朋友不停話啲雞皮幾好食 (佢平時會走雞皮) 我就著眼個叉燒多啲 的確又真係同香港嘅唔同 (想知點唔同?去食下囉) 而且唔太肥 啱晒苗條嘅女士食最後肉骨茶都好好飲 鹹度適中 香料味亦好夠 不過唔太飲到藥材味 (本人亦唔太鍾意太大陣藥材味) Ps1. 整體我會比 8 分Ps2. 套餐有飯有餸有菜又有湯 $70再加一 晚飯價錢差唔多啦Ps3. 唔好意思 無影到相 但我諗大家喺相簿都搵到唔少啦

Stumbled upon this mom and pop shop slash Hainan chicken empire nestled away on an unassuming street in Tai Kok Tsui. When we first saw it we thought it looked rather authentic based on the no frills decor and the number of photos of famous people who have dined here. Not great indicators of true quality, to be quite honest, but the fact that this place existed on a dark, very unspectacular and non-gentrified street had to mean something. TVB's finest were coming here for a reason.When we came b

文華雞飯蕉蕉除左鐘意食日本野，海南雞飯係第二最愛！呢日黎到大角咀食海南雞飯，朋友話呢度除左海南雞飯正，肉骨茶都好好飲。海南雞套餐 $70 （加$5轉脾）套餐包去骨海南雞一碟、油菜、油飯及肉骨茶，醬汁自行加添😍海南雞雞皮質感帶點爽脆，不太厚，皮下脂肪薄薄一層，一點都不覺膩，雞肉肉質嫩滑重雞味，滑溜溜的口感非常吸引！另外，跟餐的嫩芥蘭脆綠爽口，油飯有著淡淡的香茅味，粒粒分明，挺有油香，肉骨茶有濃濃藥材香，而且加入了大量胡椒，微嗆喉令味道更突出惹味。總括來說，這間餐廳的海南雞飯味道確是不錯，肉骨茶非常濃郁，而且價錢不算貴，一定會再來。------------------------------文華雞飯(新加坡) (大角咀)大角咀中匯街17號地下

當你好想食新加坡菜，就會諗起海南雞飯於是就黎到呢間海南雞飯幾出名既文華啦。一行四人分別叫左份白切雞套餐，燒雞套餐同大肉骨茶套餐。由於個時太肚餓，唔記得相機食先，所以只係影左燒雞餐既相，哈哈。燒雞飯套餐 ($70)餐跟一碟菜心，燒雞，細肉骨茶同一碗大大既油飯。菜心食落好爽好嫩，油飯每啖都充滿好香既雞油味，而肉骨茶飲落幾正宗，即使係細既都材料十足，入面都食到幾塊肉骨，飲到最後有重既胡椒味，而主角海南燒雞好好味，雞肉好嫩滑又多汁，加埋佢地自助既醬汁就十分次perfect池白切雞套餐($70)同燒雞餐一樣，不過友人覺得雞肉就比燒雞較有鮮味。大肉骨茶餐呢個都有菜心同一碗油飯，同行友人指胡椒味剛剛好，而且有豆卜同小小蘑菇，中和左肉骨既油膩感。如果口痕想食海南雞，文華你一定唔可以錯過啦

當日出席完活動之後，非常肚餓便立即找點吃的，想起很久沒吃雞飯似的，於是就來這家餐廳用膳 ~下午四時，就是比較寧靜 ~Menu ~我點了 , 白雞飯套餐 $70包括：白雞+油飯+蠔油菜+細肉骨茶或飲品肉骨茶 :有濃郁而芳香的藥材味，油份少，味道夠強 而不苦澀， 喝至最後胡椒之力才顯露出來，是我喜歡的口味 ~香飯 :飯粒煙韌 , 入口軟綿 , 油香滿溢 ~海南雞 :肉質細緻 , 嫩滑肉厚 , 皮脆卻皮下脂肪少 , 雞味濃鮮 ~油菜 :蔬菜是菜心苗， 清甜翠嫩而無渣 ~總括來說： 食物美味，店員有禮，價錢親民，食完好飽 ~本篇完 ~

25/6$150/人和朋友來這家在大角咀都頗有人氣的店, 也有不少人在等位, 幸好我早人一步, 不過要6人枱, 要麻煩其他食客左轉右轉枱才騰出一張6人枱給我們, 謝謝了!這裡出名雞, 所以叫了白雞(樣子好像白切雞) 和脆皮雞(感覺像霸王雞). 兩者一比較起來, 還是白雞比較滑. 脆皮雞不是不好吃, 比起來還比較香口呢! 但就沒有白雞那麼滑.新加坡叉燒到底跟港式的叉燒有什麼不同呢? 我也不知道. 好像有一點點分別的. 但又不值得特別來叫,肉味也濃郁, 少少重口味. 但小朋友送飯都不錯的.另外還叫了其他食物, 如喇沙湯麵, 雞腳和通菜, 還有3支啤酒, 椰汁冰……雖然等位人多, 我們也坐了很久,但 我們有小朋友, 又不斷加東西吃, 又坐最入, 所以也沒什麼壓力. 到後來沒有太多人客時, 老闆 (我估是) 又顯得較為落力招呼 (之前太忙,實在是加水也沒時間).總的來說, 我會推薦大家去的.

文華雞飯由尖沙咀搬左過大角咀後，都系第一次幫襯$70的套餐包去骨海南雞或炸雞一碟，油飯，油菜，肉骨茶或飲品，佢地的雞滑，油飯頗濕潤，三色醬自己任加唔嬲，肉骨茶藥材同胡椒味並重，薏米水又足料，雖然唔可以同星州相比，但以香港來講已經相當唔錯！ （午餐免加一）