文華雞飯(新加坡)

营业中

休息中

友人甲話肉骨茶好正，友人乙話海南雞飯好食，OK 呢餐友人發版：白雞+燒雞飯套餐($78+$3)：雞肉夠滑，真·無骨。燒雞味都OK，白雞味更純真。油飯好味又唔膩。肉骨茶套餐($73)：聽聞每家肉骨茶都有一陣自家味道。怕太燥，分咗一碗仔，入口感覺濃郁，藥材味唔太重，肉排煲到林哂又入味。新加坡叉燒飯套餐($78)：叉燒味OK，肉林，但有啲似乸林的。海鮮喇沙套餐($75)：湯底有蝦味，少辣，味都OK，但自己比較喜歡雞飯。

一坐入去先岩岩開始睇menu就即刻有人黎落單，講緊唔係問你寫得未而係放左張單係張枱咁想即刻寫。見我地未得就自己係度介紹然後想寫埋落張單度。咁..當然我就black左面叫佢比我地睇下先啦。到落得單，佢見我地唔係兩個都叫貴餐，即刻系左聲同埋拋我話少啲雞嘅。大姐你個平餐都講緊差唔多六十蚊，貴餐多碟菜多兩三塊肉同變左肉骨茶就差唔多八十。份量多啲就貴啲係合理嘅，但我食唔曬唔通又要迫住叫個貴嘅？心諗系聲都算，點知佢落完單係我後面撞左我一野sorry都無句仲要掉張單落黎枱度。即刻火都黎。我唔介意你整到我，但呢度唔係茶記，你亦唔係收緊平嘅價錢，點解可以咁嘅態度？公平啲咁講：野食係ok嘅，肉骨茶都幾好味，亦唔係每個staff都無禮貌。但今日果個帶位、落單、收銀果個阿姐態度真係奇差。我以為呢間鋪賣點係雞飯，但原來Set先係。

今日同同事幾個一齊唔行去太子反而行去大角咀度食. 之前都已經聽聞過有一間好出名的海南雞飯好想試,但個日係星期三去到又磨門丁因為店舖憑星期三例休, 所以今日咁好既機會我地就一於出發去食個海南雞飯. 去到選擇方面都唔算多, 都有海車雞飯或者LAKSA 選擇. 海南雞飯可以選擇白雞同燒雞或者白飯同油飯. 我就叫左個大雞套餐,大雞套餐既份量飯同雞其實係同細雞一樣, 不過係多左碟菜同肉骨茶. 雞好滑又唔會肥, 雞油飯好香又唔會油非常乾身, 令到你愈食愈想食.　肉骨茶都算係一個重點, 胡椒味香濃飲落去飲到好重既湯料味. 飲落辣辣地真係好吸引. 菜就真係好一般啦, 又凍又好油. 所以我下次係會叫一個小雞飯加肉骨茶就算啦～

This place specializes in hainan chicken rice though they have a few items like laksa. I would ignore the other dishes as they are average, but the hainan chicken rice is a knockout. You can get steamed, roasted or mixed - and I went for mixed to try a bit of both. I enjoyed the flavor of the chicken skin on the roasted version, while the chicken meat tasted better on the steamed version, so getting to have both was perfect. The chicken broth infused rice was perfectly made, both in flavor and t

我是一名海南雞迷 成日周圍食海南雞次次聽到有好味海南雞飯都會去試今次來到文華雞飯 最驚喜有燒雞/ 白雞選擇未試過食燒雞版海南雞飯 其實都幾好味不過我自己選了白雞 老公選了燒雞 我自己鐘意食原味多d 這樣我兩款都可以試食到飯好正 雞又滑 好食過grand hyxxt好出名的海南雞飯 個醬好味 我覺得暫時是香港最好味價錢又合理的海南雞飯 整體算大份 而且套餐連一碟菜 我覺得價錢好合理 肉骨茶好足料好濃 味道幾好味配台式珍珠奶茶 一定會再嚟食

小妹本身因好耐之前一次去台灣,食左碗肉骨茶,當時已深深愛上其後一直訪尋不同的肉骨茶,剛巧路經此店。雖然個個同事都話呢到既海南雞好好食,但我都要一意孤行,要叫呢個肉骨茶set。嘩。。首先要講個肉骨茶真係好。好。好。好大碗。雖然比不上我念念不忘個種味道,但都算唔錯。單單個份量足夠成為肉骨茶湯飯大碗內有豆卜同豬骨,啖啖肉,再跟多個油菜同客飯。不過見同事他地食個個都食海南雞,跟埋有黃油飯都好似好吸引。總括而言,食完又飽又溫暖

很久以前去過無數次尖沙嘴舊址食， 真的很好味道及服務很好的。搬到大角嘴後都有食過， 不過咁耐冇去咁今晚就入去食白雞套餐， 有一碟海南雞， 油飯， 灼菜及一碗細肉骨茶， 我再加一份雞什海南雞已經同以前的水準差很多很遠！油飯一樣咁好味，灼菜正常 （只不過D菜比較老）肉骨茶一樣咁嘅味（不過排骨比起以前少了很多） 可能是成本上漲吧！不過D服務態度很不好， 我未食完就行過來同我講 （我幫你收拾一下同比張單價你埋先， 因為我們有很多人排隊）可能佢哋覺得我一個人食飯會嘥佢哋一張檯啦！我比完錢之後，佢先至睇到我未食完， 不過我都冇晒心情再繼續食埋去就離開了！我都明白鋪租， 人工， 食物成本同燈油火蠟都好貴， 不過咁樣趕客走想快D做多一枱新客， 就不如想想點樣做生意好過啦！

本人同朋友在這裡用餐, 餐館沒有寫限時用餐, 但本人同朋友用餐也有傾談, 到走時服務員對我說我們坐咁耐要收我3倍價錢!!!這是什麼服務態度???你又不是客多, 我又不是沒有在這裡用餐, 入座時間又沒有寫明, 為什麼這間店服務員可以咁講野???想我再去食都幾難!!!

Perhaps as a result of catering to Hongkies’ preferences, I personally think the chicken rice and bakuteh actually surpasses even the real Singaporean Man Wah and the chicken rice in Fullerton! Rice was flavourful and wickedly moist with the fragrance of chicken aroma, roast chicken had an almost crispy skin and tender texture, and bakuteh was not overpoweringly medicinal. Yum!

我和朋友2個人，尊登12點半前行入去，因為無咁多人。一入到去，第1名員工叫我地坐，就被第2名員工說不好，指揮我地坐第二度，但第1名員工又話唔好，怕有4個人來要拼枱，攪到我地2個起左一半身又坐返底，坐底返又被第2名員工叫指揮我地去第二度。咁都算，食左半個鐘開始多人，d 職員開始又為左 d 客人點坐迫我地走。。。我地仲有肉骨茶未飲晒，我地隔離是4坐位，但客人有5位，識員為免5位客人等，叫佢地坐住先，職員話我地2個好快走，但其實我地2個仲未食完的。。。傾傾下計。。。突然職員少許大聲地講："你地計傾不如我調你地去果邊坐，人地5個人坐得好辛苦。。。"我好無奈地說："不用了，我地走 la"走左之後條氣真氣好唔順，其實要我地調位無問題，但你大大聲咁講話我地傾計，全村人都以為我地霸住個位囉。。。我真係好想講：我其實未食完囉！攪到隔離果5個客人坐得好辛苦是職員問題，唔係我地客人做成的！不過隔離枱果5個人都知這不是我地問題，我地走果下佢地都唔好意思既樣望一望我。。。

Decided to go try this hainan chicken rice today for lunch with a friend as it was highly recommended by a few colleagues. There was no wait to a table and the food was served very efficiently.I ordered the white chicken thigh rice, added extra $5 to the standard $75. The chicken thigh was very tender, the oily rice was very yummy. The best thing was that the sweet sauce was unlimited. I would rate this a 4.5 out of 5 because the portion could be a little bit bigger. But overall, it’s definitely

之前已聽聞這間海南雞飯有d名氣，所以特來一試。平日午餐可以55蚊既價錢食到一個海南雞飯，份量係正常套餐少1/4。另外加了5蚊要個凍檸茶。凍檸茶先上，基本上好淡，比水有d味既茶。海南雞飯一上來，份量其實好細，男人未必會夠，雞得幾件，不過最緊要係味道。我那份是雞胸，正當然冇雞脾咁嫩滑，但真係比較鞋口，味道亦比較淡，冇乜雞味。海南雞我好重視個醬汁，我試了薑蓉同甜醬汁，薑蓉很普通，偏淡，冇乜香味。 甜醬汁又係偏淡，又唔濃郁，更唔好講香味。 這個60蚊既套餐，我寧願食個50蚊有找既港式切雞飯都冇咁失望。西貢那個很出名的海南雞飯已經退左步都好過而度好多。

起骨燒雞海南雞飯午餐$55好食指數:5/10之前又見乜假期乜男女介紹過 諗住實係好野黎無死啦 😀如果你都想去試 睇埋落去先首先我見佢執緊枱掃緊垃圾咪唔坐入去住阻佢做野 佢就話我阻住佢間舖點解唔係佢一路執枱一路坐入去Fine!咁我叫左碟燒雞海南雞飯啦如果你同我一樣 都係鐘意啖啖肉既 你可以唔洗黎食 因為係無乜肉可言 雞皮佔多數 真正有肉只得右手邊三件 其餘係皮既多 個飯係好食既 不過食完好口渴不過如果你話55蚊買碗油飯加三塊雞肉既話都抵既話 你可以一試整體 名過於實唔好再話大角咀係美食隱世乜乜乜 實情係中伏仲多過乜---------------17中匯街 大角咀

放工經過大角咀搵晚飯食，諗住見門面幾靚，又多明星相，好似幾出名咁就入左去食。食品menu一版紙睇曬，都唔使點選擇就揀左一個海南雞飯單點同一個燒雞飯套餐，諗住揀呢個招牌菜實無死啦，點知就中伏。單點海南雞飯佢比左雞翼我，去完啲骨，啲皮多過肉，又冇味，又唔係特別滑，墊底果啲青瓜仲多過雞。套餐燒雞就稍為多幾舊肉，但一樣都係冇乜味，跟餐碟菜心仲老到條條有渣。成間野唯一可取既就係啲油飯係幾好食既，但如果要特登去食雞就可以考慮其他食店，我覺得會有價錢更相宜同更好既選擇。總括黎講，名過於實，明星效應，服務又麻麻，唔會再去第二次。

我自己好鐘意食海南雞，所以成日去出名既海南雞餐廳度品嚐。今次就黎到大角咀文華餐廳，試下e度既海南雞。果日我係朝早11:30去，佢果陣岩岩拉閘開門，之後就唔洗等位直接去食了🤤。今次試左兩款既雞，燒雞同白雞1. 海南雞飯（白雞）轉左雞脾，D雞好滑，油飯色澤唔錯，好夠味👍👍2. 海南雞飯（燒雞）D雞都ok滑，但燒得唔算好好食。我會傾向推介白雞3. 餐湯餐湯都係普通中湯，中規中矩。今次無飲到肉骨茶，因為個人對肉骨茶興趣不大。整體黎講，海南雞飯（白雞）值得推介，性價比都算高