文華雞飯(新加坡)

营业中

休息中

唔諗咁多，就白雞飯套餐吧！套餐跟飲品，或者肉骨茶 (細)，猶豫了一會，都係要後者。豬骨幾鬆化，豆卜索性味，只是味道太溫和，不管是藥材味，定係胡椒味，也很薄弱，跟在新加坡喝到的，有一段距離。另外，此刻若能有碟油炸鬼，就好了。海南雞飯上桌，賣相不拘小節，但雞肉起了骨，雖沒有要求轉雞髀，肉質依然嫩滑，啖啖肉，吃得滿意。油飯滿有油香，只是比較硬身一點，不過於我而言，是沒有問題。吃雞飯，三色醬有時比主角更吸引，個人從來最喜歡黑漆漆的甜豉油，濃濃地沾在雞件上，份外美味。你又喜歡哪款醬呢?跟餐有點菜，不是粗身，卻十分硬淨。點解，我又會想去新加坡? 痴左線嗎?

原本想去漁民樂，但該天午餐一般，於是決定再行吓揾第二間。行行吓，見到有間專食海南雞嘅，但餐款咁似文華嘅，抬頭一望，原來真係文華。估都估唔到由尖沙咀搬到大角咀，阿姐話tst勁加租，唯有搬到大角咀。我地一行二人，阿姐建議燒雞白雞各一客，其中一個要套餐，有肉骨茶。白雞碟頭飯，雞份量少過套餐嗰個，而且仲要係翼位，好多皮又肥。肉嫩，配埋黑豉油同酸汁，送飯可口。燒雞份量多，而且皮薄肉嫩，比白雞更出色！肉骨茶中有排骨同罐頭蘑菇，用罐頭蘑菇實在太古怪，唔多match。肉骨茶入口甜甜，沒有濃濃嘅藥材味，適合唔鍾意藥材嘅人，雖然甜，但越飲越好味！

這天晚上又來到大角咀參加追思禮拜, 還是那一句, 能夠繼續彈下去, 是主的恩典. 儀式完成之後, 當然要吃晚餐, 就拉著姊妹跟我一同來試試文華雞飯.這家店子在尖沙咀的時候曾經引來不少討論, 反而來到大角咀好像沒有甚麼聲音了, 且看水準又如何? 晚上八點半, 人客也不少. 這裡的格局有點奇怪, 是否沒有改動上一手的裝修? 兩個人來, 就吃盡兩款店方的招牌.海南起骨白雞飯套餐 $68: 8.5分, 先來一客海南起骨白雞飯套餐, 包括白雞, 油飯, 油菜以及細肉骨茶, 相當豐富.例牌先吃吃油飯, 果然是幾有水準, 雞油香相當突出, 飯粒軟硬度適中, 真的不用跟雞, 就這樣吃油飯也無問題.至於雞肉方面, 已經起骨, 肉質是很嫩滑的, 雞皮也不會太肥. 當然要點上三色醬同吃, 當中的黑豉油相當香甜, 辣醬亦很惹味.油菜大大碟, 也幾新鮮, 真好, 最適合要多吃菜蔬的我.另外還跟上細肉骨茶, 味道是偏淡, 不太有藥材味.新加坡叉燒飯 $48: 8.5分, 至於新加坡叉燒飯就不要套餐, 只要碟頭飯. 想不到叉燒是很有水準, 那個醬汁很甜美, 實是靈魂所在, 用來下飯, 一流. 而且叉燒的肉質亦很對辦

今天下午終於有機會到同事們讚不絕口的{文華雞飯}吃午飯啦! 午膳時間來到, 發現有不少人在門外等侯。大約等了二十分鐘, 終於有位置啦! 入門立刻留意到天花板上的吊燈連吊扇, 還有牆上的相框。走近沙發坐位, 發現相框中原來全都是各大報章雜誌對{文華雞飯}的報導和推薦。午膳時間分秒必爭, 坐下立即看餐牌點餐! 點了招牌「白雞併燒雞飯套餐($71)」!大約五分鐘後上菜! 套餐包括白雞、燒雞、油飯、油菜, 還有細肉骨茶(可轉飲品)。先吃一口油飯: 這個油飯實在不得了!! 超好吃!! 它雖然是一碗雞"油"飯, 可是一點油膩感都沒有。飯粒帶黏, 煙煙韌韌的。味道咸咸香香帶一點點甜味, 吞下飯粒時喉嚨會有點涼涼的, 大概是因為有一點點薑汁和蒜香吧。平常的我真的不多吃白飯, 不過要是這碗油飯, 要我淨吃兩大碗也可以!! 接著是主菜: 白雞燒雞都新鮮又惹味, 不過個人更喜歡白雞, 因為肉質更為嫰滑!  店家故意配上蕃茄和幾塊青瓜, 不但有助去油膩感, 還增添口感層次。客人亦可自行添加各種調味料, 包括黑豉油、薑茸和辣椒醬, 讓味道更豐富。因為實在太好吃, 所以明知

J先生在公司看報紙介紹海南雞飯, 是日帶我到大角咀品嚐 - 文華雞飯(新加坡)因為等二人枱, 五分鐘入座了; 大部份等四人枱或以上!黑豉油, 薑茸, 辣椒醬白雞飯套餐 $68(白雞, 油飯, 蠔油菜, 細肉骨茶)雞肉分量足, 肉質算滑嫩飯質香帶黏; 因為加了糯米!醬汁似鹵水味道燒雞飯套餐 $68(燒雞, 油飯, 蠔油菜, 細肉骨茶)雞肉分量足, 沒有燒雞皮脆香; 雞皮同雞肉完全分開是日油菜 : 芥蘭; 我不吃的!J先生話: 煮得夠爽香濃椰汁冰深色茶湯, 濃烈藥材味文華雞飯 總結: 值得一試!

是晚出席老太太基督教喪禮，享齡九十多，屬笑喪，大家並無太傷心。一行四人，禮儀結束後在附近找吃的，聽說大角咀地鐵站附近多了特色小店，隨意四處逛，郤找到了文華雞飯。忘記了是那一年，是三、四年前罷，興起一陣海南雞飯熱，大家皆説師承新加坡文華酒店，文華飯店亦是其一，可惜未能安排到其佐敦店拜訪，想不到今晚路過，原來早已搬遷。現在小店依然以新加坡特色作招牌，也許真是正宗。既來之，當然嚐其鎮店海南雞。 鴛鴦雞飯海南雞飯有兩款選擇，燒雞及白切雞，有決擇困難的可選鴛鴦雞，  哈哈！另加油飯。專門店果然眼明手快，下單不久，鴛鴦飯到，飢餓的我們亦急不及待，大啖吃了，雞肉果然嫩滑滋味，肉質彈牙，雞皮有些離肉有厚度但肥膏不多，燒雞相比白切雞香惹但無並燒至焦脆，可惜始終是冰鮮雞，雞味欠奉，但能做到無雪味且肉質彈牙嫩滑，確有水準。必配油飯，因為愛其香惹，既然來到，用不着擔心雞油，依我之見，不配油飯反令其大為失色！  新加坡叉燒好奇下點選，正如所料，不及我們港式的香囗滋味！相信亦是用最靚的梅肉，醃至入味，但醃料不一樣，欠蜜糖焦香，肉質過瘦，總算不嚡口，有鼓油汁在碟底。亦嚐了肉骨茶及喇沙，水準可以，作為一家專門店，

專程去大角咀，抱著"試下"既心態，坐落睇餐牌，貪心既我，㨂左雙拼(白雞加燒雞), 再加埋肉骨茶。肉骨茶，味和質，只屬一般。白雞皮好脆，但無咩雞味，雞亦唔肥，而燒雞就醃得好入味，燒得好香，兩者雞肉嫩滑(我要全雞胸)，抵讚！ 最驚喜既係油飯，既香雞油味，亦有香茅味，更有微微蒜香，正中我口味既油飯，激讚！

大角咀這區真是幾有趣, 因為你會看到好多強烈對比畫面, 大同新村這堆舊樓被一大堆私人貴樓包圍著; 茶餐廳vs.西餐廳; 糖水西餅店vs.甜品旦糕店; 魚旦粉檔vs.日本拉麵店; 煎釀三寶店vs.高檔漢堡包.......老人家vs.年輕夫婦......哈, 今次我推介既係有平食有貴食既海南雞飯店.  文華雞飯原來真正來自新加坡已經營了十多年, 自稱店內所用既雞係龍崗雞. 在這裏有我最愛既肉骨茶, 還有新加坡义燒飯? 好好奇未食過新加坡义燒, 唔知跟香港style有什麼不同, 但都不敢抱太多期望一於試試無妨. 平食: 一碟义燒飯 + 清菜湯 $48 (另+$8肉骨茶) = $56貴食套餐: 一碟雞/义燒飯 + 肉骨茶/飲品 + 油菜 $68义燒飯: 望落跟港式义燒一樣, 只係無港式既咁多蜜汁及肥(而家都好難搵肥义).   新加坡式既肉質偏林, 港式燒得較燶.  肉骨茶: 比想像中少了點藥材味, 但都有不少湯料, 有豆卜, 磨菇片, 肉. 份量都大的.雞飯套餐: 比起散叫, 其實即多了碟油菜, 我們SHARE食, 份量都好足夠了.  雞雖然唔多件數, 但已起骨, 好滑, 有雞味; 油飯, 沒

係外面望入去環境好似幾好咁 就試下新鋪啦 但坐底無耐就竟然有冷氣機水滴落我隻手到囖講返D食物方面 佢地基本上得海南雞同啦沙仲有肉骨茶呢三款啫 但好食就無所謂啦 咁我都衹有點呢三款，海南雞（單個$48）套餐有菜另可選擇細肉骨茶或加2蚊𨍭飲品（$68）D雞係無骨但份量就真係超少囉 而雞味道一般反而D飯幾好，啦沙個味道都好正宗帶少辣，但份量都係偏少（$48單碗）肉骨茶（$18細）容量係等於平時飯碗咁多啫內有1粒豆泡同一舊排骨咁多啫~ 而楜椒味好濃，總括呢講我係女仔都唔太夠食囉 由其係D餸加埋一嘅價錢其實唔算平，何必咁孤寒呢 如果係呢區可以有其他選擇我下次一定唔會再幫襯呢間囉

重開嘅文華選址大角咀,哩到好多餐廳,所以行經都會吸引到人流.是晚叫左白雞飯套餐($68)同燒雞飯套餐($68).包括油飯,雞,油菜,肉骨茶/飲品.白雞同燒雞肉質都一樣,唔可以話好嫩,但又唔係韌. 當然,冰鮮雞都好難有雞味.燒雞味道類似豉油雞. 但味道唔會太咸,預左你要點醬食.本人認為哩到d雞肉麻麻,而且雞嘅份量都幾少. 枱上有辣椒醬同薑蓉任加,個辣椒醬不錯,味道唔會太重,且辣味十足.薑蓉亦唔會太油.雞以外,油飯係海南雞飯另一重點. 一大碗飯上枱時仲冒緊煙,色澤都好光鮮.可惜食左一啖,略嫌油飯未夠香同軟左d.油菜都幾大碟,蠔油俾得足. 最後係肉骨茶,全晚所有野都普普通通,佢係全晚嘅亮點. 肉骨茶唔會太濃味,容易入口,而且料夠,一細碗入面有豆卜,豬骨同蘑菇,味道好鮮,不太重藥材味.雖然味道不太正宗,但係幾好飲.晚上六點後收加一.

個人而言向來鍾情於海南雞飯，大大小小茶餐廳、食店的海南雞飯都試過, 不過要搵到高質素好味的, 確實比較難找到。 最近看到食評, 有一間專賣新加坡海南雞嘅小店叫「文華雞飯（新加坡）」, 這小店曾經在尖沙咀區得到不少好評, 以海南雞飯為招牌菜, 原來最近已重新開業於大角咀區。文華雞飯店舖面積算大，店舖格局非常簡單, 店子雖說是剛剛開業不久，原來已經有很多食客想來試試，所以店中部分座位已經坐了客人，好彩還有少量座位未有客人，可以不用等候便能安坐用餐。這店以「海南雞飯」最出名, 看看餐牌原來海南雞飯套餐是有兩款的，分別是「白雞飯套餐」和「燒雞飯套餐」，價錢同樣是 $68，兩款套餐都有一碟雞、一碗油飯、一碟蠔油菜和細肉骨茶或飲品，如果要雙拼就要另加 $3, 如果改雞髀的話要另加 $5, 我點了「白雞飯套餐」。白雞肉賣相已經好吸引，雞肉整齊排列, 雞肉烹得唔會太熟, 無骨海南雞食落啖啖肉,肉質嫩滑非常, 雞皮好滑，可惜雞味未夠濃。點海南雞的醬料有薑蓉、甜醬油和辣醬，配菜部份的青瓜有苦味。海南雞飯跟油飯，而且油飯也有水準, 食落味道豐富, 油飯香味，飯粒極有咬口，同雞肉的味道配合得非常夾。細肉骨茶藥

最近見到依間新店日日都起碼7成滿，又見門外有明星相和報導，所以就約左朋友兩個人來食。大概晚上7點幾，店內半滿。我地兩個人入到去就有個姐姐安排左一張緊貼趟門的座位俾我地，但唔夠一分鐘，有一個似係熟客的人入來，直接坐左我們隔離的4人桌，事後我先知原來我地乃野.....第一次來，我們想試盡店內的馳名菜，所以點了一個燒雞配黃油飯和新加坡叉燒併白雞飯。等候落單需時10分鐘以上，原因係期間樓面係一個人都無，叫都無人應....係等到職員拎外賣出來時，隔離檯的人成功阻攔到佢，我地依兩檯先可以落單.....但其實以一間十幾檯的餐廳，總共有4-5個樓面，唔應該攪成咁....首先到來的是跟餐的肉骨茶，藥材味和鹹味都岩岩好，而豆卜和肉都好入味，確實不錯。 而等主菜需時又係約10分鐘....惡夢開始，因為店內的客人開始走，經常有出有入和外賣，結果我身旁的那扇趟門經常開合，又經常有人在外望住，感覺很煩擾。另外，因座位的冷氣微弱，每當開門，熱氣便緊隨湧進，實在難受。主菜終於來到，結果來了白雞黃油飯和新加坡叉燒併白雞飯....期待的燒雞飯卻失蹤了，但因我朋友已開始食，不能叫他們更正....先說好的，黃油飯確定很香，味

曾經在尖沙咀區以海南雞飯贏得不少好評的「文華雞飯（新加坡）」，原來最近已在大角咀區重新開業。就在個多星期前的晚飯時間，我正好路過，見原先那間價錢不便宜，食物質素又普通的西餐廳已經換成了這間新的「文華雞飯（新加坡）」，便入內一試。雖說店子才不過開業十天左右，原來已有不少食客聞風而至，加上部分街坊前來幫襯，所以店中大部分座位已經坐滿客人，幸好還有少量座位未有客人，讓我與太太可以不用等候便能安坐用餐。第一次到來，吃的當然是招牌「海南雞飯」。這兒的海南雞飯餐是有兩款的，一款是「白雞飯套餐」，一款是「燒雞飯套餐」，兩者都包括一碟雞、一碗油飯、一碟蠔油菜和細肉骨茶或飲品，而且價錢也一樣，都是 $65，如果要白雞和燒雞雙拼，就要另加 $3。假如指定要雞髀的話，更要另加 $5。這晚夜，我吃的是「白雞飯套餐」，太太吃的則是「燒雞飯套餐」。這兒的海南雞質素的確不錯，嫩滑度令人滿意，蘸海南雞吃的薑蓉、甜醬油和辣醬也見地道，而且油飯也不差，不過配菜的青瓜有部分吃來帶有苦味，卻令海南雞扣了點分。「肉骨茶」則相當不錯，材料多，藥材味適中，不會太濃，也不會太鹹，喝來感覺良好。饞嘴的我因為看見餐牌上的特色小食中竟然有

大 角 咀 區 又 多 一 間 美 食 店 了 !! 位 於 中 匯 街 , 原 址 是 一 間 夏 威 夷 餐 廳 , 又 貴 又 難 食, 之 前 中 伏 過。上 星 期 路 過 , 發 現 結 業 了, 見 到【文 華 雞 飯 ( 新 加 坡 )】的 招 牌 , 不 過 仍 在 準 備 中 。這 兩 天 望 到 開 始 營 業 , 我 們 便 急 不 及 待 到 訪。海 南 雞 飯 起 源 自 海 南 島, 當 年 當 地 人 遷 移 到 南 洋, 將 海 南 雞 飯 帶 到 新 加 坡﹑泰 國 和 馬 來 西 亞 等 地 , 所 以 海 南 雞 飯 有 分 泰 式﹑新 加 坡 式 等 不 同 做 法。海 南 雞 飯 起 源 地 雖 然 不 是 在 新 加 坡, 但 新 加 坡 人 將 這 美 食 發 揚 光 大 , 演 變 到 現 在 仍 是 一 股 熱 潮。到 新 加 坡 旅 行 都 有 指 定 行 程 是 要 到 訪 不 同 的 海 南 雞 飯 店。說 回 大 角 咀 這 間 新 開 的 店 【文 華 雞 飯 ( 新 加 坡 )】, 招 牌 已 註 明 是 新 加 坡 式