文華雞飯(新加坡)

营业中

休息中

跟男友晚上到奧海城看戲買完戲票只是三點多便散步到大角咀的文華雞飯吃午餐入座時有兩台客人聽他們閒談間好像都是經常來的店內座位也有30個左右格局有點像九龍城的小店餐牌很簡單的其實就是海南雞、燒雞、叉燒和叻沙我和男友都是第一次到訪所以我們便點了海南雞和燒雞飯其實男友本來是想點叉燒燒雞, 但叉燒賣完了(哭)海南起骨雞飯 $55雞和飯的份量都不算多剛剛好是一個女生的份量最喜歡它的雞皮下有一層啫喱狀雞油加上它的雞皮爽而不油膩雞肉的質地算是很嫩滑整體是不錯的燒雞飯 $55相比海南雞 燒雞的味道較濃吃起來蠻香的雞肉的質地都是一樣嫩滑我想說說它的飯表面看起來不太值得期待看上去是乾的 但吃起來是濕潤的而且濃郁度剛好 吃起來非常香令人很有添飯的衝動呀其實我不知道這和新加坡文華酒店的海南雞飯是否一樣但這價錢 這質素我覺得絕對值得呀!

難得媽咪指明想試呢間～乖乖女既我即刻就帶啊爸啊媽去食～11:30開店時間我地就到luuu~😝 愈坐愈多人~証明應該好食！不過大熱天時食呢一餐都實在太辛苦...😅 行過去又熱,食呢類食物又熱,回程行返去仲熱呢.............* 燒雞白雞半隻 ---- 白雞比較滑, 燒雞始終係炸過,一定會鞋少少！但兩者都可一試！ 媽咪應該滿意,因為我地之後仲order 全隻外賣攞走！* 油飯 ---- 唔錯！無乜油膩感！* 貢丸喇唦 ----味道唔錯！米缐口感亦係我鐘意既, 唔會話放得耐變淋！* 肉骨茶---- 印象中我一生只係試過一次, 對藥材湯沒有太大興題😐今日再挑戰我覺得唔錯易入口既！但啊爸啊媽就覺得味道比較淡, 唔夠濃😅

文華雞飯剛開張時跟同事來吃過一次，事隔幾年，才又來第2次沒辦法，門口等位的人多，lunch hour又短今次同事一放lunch，9秒9衝落去等位，才終於迎來幾年後的第2次想食肉骨茶，又想食雞，又想試新加坡叉燒，最後一人點了一個餐，share食！好豐富，又湯有飯有肉又有菜白雞同叉燒叉燒上枱想說「慘，可能是伏」不過結果是完全不柴之餘還好juicy，而且夠味得來又不咸白雞雞肉好嫰一碟的份量絕對不會「呃稱」肉骨茶好足料不過這個肉骨茶比較偏馬拉feel，因為新加坡的肉骨茶我覺得胡椒味重。不過兩種口味我都like埋單一人$75大洋，雖然比平時吃lunch貴少少，但間中一餐半餐ok啦～絕對值得再去第三四五六七八九十次

聽說呢間的海南雞好出名，特意過來大角嘴試下，叫左個雙併雞，味道一般，普通，炸的雞，整定，吾脆，好油，而雞的醬汁就幾好，吾差，反而送的例湯，幾好飲。總括而言，吾值得我排隊，價錢都相對貴！間鋪冷氣吾夠，飲肉骨茶配雞飯，已經出哂汁，無心機食

朋友A工作量大，有時候忙得只能在辦公室裏吃個快餐。那天，難得她可以重見天日，一齊共進午餐，餐廳地點就由她決定吧。她盛讚這裏的海南雞飯和肉骨茶，我明知餐廳離地鐵站有點遠，也依她的選擇。 從奧海城站走過來，大概需要15分鐘路程。幸好那天人流不多，不用等位，我們可以即時入座。要不然，我下午很遲才能回到公司了。由於大家不算太肚餓，我們沒有點套餐，只點了兩碟飯。白雞燒雞飯 白雞和燒雞都是比較乾身，肉身亦較薄，極為失望，唯一好處是接近零肥膏。與新加坡熟食市場內的檔口相比，實在差天共地。新加坡叉燒飯 叉燒味道較廣東燒味甜，可能由於不是套餐，叉燒比較細件。但比名過其實的海南雞飯好。桌上有三種醬汁讓你選擇。薑蓉 醬油 都只是普通水準辣蓉 味道很淡，稀得如水今次午餐唯一慶幸是可以與朋友A聚一聚，食物味道絕對令我失望，不過未至於難食。朋友A笑說我未嘗招牌肉骨茶。嗯⋯各人口味確實不同，這裏的食物不是我杯茶。

本來想食車仔面又有排等就周圍行見到佢，男人就話不如試下，入到去冷氣吾係好夠有點焗。我地叫左一個飯和一個海鮮喇沙，食完都幾飽肚但味道就比心目中差點 。海鮮喇沙有一隻青口，帶子，蝦和蟹肉條，粉粉分量都吾少，湯底少了股椰汁香，竟然係少辣…整體只屬一般，加多杯野飲$70。海南雞餐仲有細肉骨茶和菜，男人仲加脾又加飲品，好似原來$68…雞肉都嫩滑但份量吾叫多，油飯偏濕，菜係用豉油就冇咩味道可言，偏老。肉骨茶都濃郁而入面材料都好淋同入味。整體吾叫吾好食，但只屬一般，一試就夠。

之前見到人地IG影左啲雞飯出黎話好好食喎，我心諗: 睇相好一般咋喎，有幾好食啊！但係。。我都有將文華keep喺自己搵食list入面，呢晚就黎潮聖一下。我見店面裝修以簡約平民風為主調，食客們都好街坊feel，店員亦好有禮貌，食得好滋味又自在。我打開餐牌一望，其實選擇唔算好多，所以好快鎖定目標要白雞飯套餐，跟餐有個油飯、油菜，你亦可以揀肉骨茶或飲品。雖然係套餐，但雞嘅份量都唔少㗎，嗱。。我食完可以話你知啦，佢真係香港暫時最正嘅海南雞，雞肉滑dodo又juicy，就算唔係脾位都係好滑好柔軟嘅。果個油飯香到呢，好香雞油味，但又未至於油到好漏，剛剛好，係。。我知肥。。但食左先算啦 😂肉骨茶我唔係特別喜愛，偏向喜歡淡味一啲，唔好咁大陣藥材味濃到苦果種囉，呢個係跟餐嘅，淡淡嘅四物湯咁嘅味道，我接受到，不過都係果句，趁熱飲（我愛飲熱湯）笑~另外再加個雞腎練下牙骹先 （爆）呢碟雞腎切到細細粒，好爽口啊，仲好香麻油味，冇果種內臟嘅腥味，真係食唔停口啊！仲有雞腳。。呢個都好味，整到好稔，但我覺得稔得滯，如果雞皮可以彈性返d會更加好，但呢個程度又未至於稔到溶左，可以接受嘅。

Been here twice in a month. The Bak kut teh was superb. I'm a fan of sg chicken rice. Tried their chicken rice lunch set which was a very good deal. Acceptable price, portion is good enough even for a man. Most important is the meat is tender! No doubt on the cooking skills but hope the owner can keep this selling price. It's very difficult to find nice and cheap meal nowadays in HK!

呢間食咗幾年，由尖沙咀大廈天井細舖到山林道再到大角嘴，水準冇變。穩定。正!次次去親都係白雞轉髀套餐。個肉骨茶夠晒味道，排骨肥瘦恰到好處。雞肉嫩滑，雞皮唔捨得唔食。點埋跟餐嘅珠油同薑蓉，一絕。年紀大了，間唔中食佢一次雞什，冇得頂。

渣車去左果頭，見到文華雞飯，以前係尖沙咀做野想試一住撞唔岩時間，原來搬左鋪好耐。還掂咁岩黎到，所以決定同屋企人入去呢間當食團年。雞飯餐入面有飯有菜可選肉骨茶。老人家話ok。我都覺得味道一般，可能本身太掛住新加坡當地既海南雞飯，因為年頭去果面旅行食左個覺得係世界第一既雞飯，無論雞肉/油飯/雞汁都係我心目中既世界級，可能咁樣，所以有比較。總結: 雞算滑，冇骨，啖啖肉，油飯味道冇乜味，辣椒ok, 肉骨茶一般，迷你版，有兩個豆卜，價位都ok 。

友人提議食新加坡菜，浪子首先是想到海南雞飯，友人說附近有一家好好食的雞飯飯店，卻想不到是離大角嘴大成街較遠，位於奧海城至港灣豪庭的中間，若果不是本區人應該是比較難搵的。說是3號小巴的總站應該較容易問人和找到吧？坐下後發覺這間新加坡菜不是叫小菜的，菜牌十分簡單，幾乎就只有四個餐可以選擇：海南雞有白雞和燒雞，還有肉骨菜和新加坡叉燒套餐。其實還有喇沙的，不過觀乎全程，都不覺得有人選擇的。飲品方面，也有一些少見的，其中芝麻奶茶和椰汁奶茶是我們今天要試的。先來的是白雞，雞皮較稔，皮下脂肪很少，肉質非常嫩滑。與很多地方相比，這兒的口味更接近新加坡，而少了一種貼近本地人的味道。墊底的手拍青瓜十分爽脆。不過因為白雞是以嫩滑取勝，味道真的較淡，非常依靠薑蓉和醬油。之後來的是燒雞，皮較乾身，不過也不是脆皮的一種，像有點煙靭的感覺。雞肉明顯較白雞較有口感，也就是較鞋了一點點。不過這種鞋不是咬不開的一種，而是雞的纖維較粗身，較有咬口吧。與白雞相比，燒雞本身已帶有一點醬油香。其中薑蓉、辣蓉和醬油都是放在檯面的，可以隨意加。友人非常喜歡薑蓉送飯，就可以很滿足的不斷加薑蓉。海南雞又名「文昌雞」，除了雞肉外，另一重點

新加坡菜，第一樣野就諗到海南雞，三種醬汁同雞油飯，無一不可。初次來呢間打正期號嘅雞飯店，對佢都有少少期望，加埋好多名星效應，覺得為食嘅我點都要試下（大角咀出晒名多好野食添！）！兩個人，一人叫左個白雞餐，有碟菜、數件雞、一碗飯同一碗肉骨茶，另外我地再叫左碟新加坡叉燒share。先講叉燒，我覺得中國叉燒好食好多，果晚果碟燒到皮有D 「un」同「鞋」，亦因爲燒得耐（可能係新加坡特色），所以唔juicy，令到食到尾食淨幾件。而個雞都算叫嫩，三種醬自己添，雞油飯就麻麻，可能怕客人唔接受得太油，只係比普通飯多少少油，碟菜又只係得幾條，無咩味白灼。我真心覺得，某快餐店推出嘅海南雞飯套餐重好味。所以期望係肉骨茶度，但可惜味精都算重，但我欣賞係用豬軟骨來煲湯，欠缺pepper味，除左豬，就只得蘑菇，無咩藥材味，可能又係怕客人唔鍾意，變得地道左。我未去過新加坡，所以唔知正宗係咩味或者煮法（只係檳城買過肉骨茶茶包回港自己煮），但果度嘅姐姐細心仔細介紹我地應該食咩，同價錢點計，都值得一讚，今時今日嘅服務態度，係應該要咁。

大角咀出名多好野食，而呢間雞飯一定係榜上有名啦。佢既海南雞分左燒雞同白雞，但係都一樣好有雞味唔會有雪藏味，而d雞肉好嫩滑，d雞皮既脂肪又唔會過多喎，配個香油飯簡直係一絕。最重要係佢地起左骨，淡淡肉，正呀😋😋😋我平時食會加多$5轉雞脾，因為我覺得仲好味呀👍🏻👍🏻👍🏻👍🏻

初次一試，點了一個套餐（仲要左雙併），可以試齊想食既食品。 首先黎既肉骨茶，一試令人眼前一亮好好味，好濃好甜既味道，裡面既肉好入味，肉都煲到好腍，好入味。之後點左燒雞同白雞飯，燒雞都幾香，本身碟雞都有汁係底，都可以加上餐廳既醬汁— 黑豉油、薑、辣醬，三款醬油都係唔太 rich, 比起其他餐廳都係淡口味 d。可惜的是雞冇咩驚喜，唔係“鞋”，但又唔係特別好滑咁。個油飯好香，比較腍，用既米係細粒既，但略嫌油膩左d，同 d 飯唔夠爽身，有時仲夾雜左一舊舊既飯。食完整餐飯既感覺係好濃味，都要飲返2杯茶先中和返，但個肉骨茶真係可以 encore 既！

上星期五同朋友食飯 有朋友話想食東南亞菜 openrice下就搵到呢間! 一開始睇餐牌以為係茶記裝修嘅餐廳 但叫到咁多正評 又有得book位就嚟啦😋一入到餐廳 西餐廳setting 食東南亞茶 又幾過癮喎叫左三個餐：白切雞/燒雞/新加坡叉燒 三個套餐都要左細肉骨茶 朋友不停話啲雞皮幾好食 (佢平時會走雞皮) 我就著眼個叉燒多啲 的確又真係同香港嘅唔同 (想知點唔同?去食下囉) 而且唔太肥 啱晒苗條嘅女士食最後肉骨茶都好好飲 鹹度適中 香料味亦好夠 不過唔太飲到藥材味 (本人亦唔太鍾意太大陣藥材味) Ps1. 整體我會比 8 分Ps2. 套餐有飯有餸有菜又有湯 $70再加一 晚飯價錢差唔多啦Ps3. 唔好意思 無影到相 但我諗大家喺相簿都搵到唔少啦