掌壽司 (已結業)

今餐，一行四人，食到懷疑人生，真係好少可食物差，態度更差，食到背脊骨落成世人第一個腐皮就係送比呢間野.食物唔點評論啦，大家直接睇相係工廈食，食呢啲野，要成千銀落樓.公平講，食完唔會肚痛唔會死既但真係唔可以叫做好食⋯（我個人覺得直頭係難食）份量又少，壽司飯又差乾爭爭，醋都少滴.然後講侍應，好精彩⋯間野有個女侍應，應該想間野快啲執.我地門口都未入佢：「喂你地企果度阻住我同事出黎」（同時佢同事企到老遠，完全無想出黎既意思）.入去叫野食，條女死sell我地想我地叫個又貴又無咩好食既二人餐·佢：「你地點解唔叫二人餐既？」我：「我地唔食魚」（佢二人餐menu有條熟魚which成台四人得我會食）.咁我再叫魚生飯果陣佢：「下你地又話唔食魚既」🥱🙄我想問，使唔使我邊間醫院出世都要同你交代呀大小姐？.同行果個女仔想問佢拎匙羹好聲好氣，講足五次用埋大叫聲量講，佢係扮聽唔到最尾仲要勁大聲同同事講「哦～人地係要匙羹！唔係要紙巾呀！」🙄🥱🤡.四人一千蚊落樓 又唔係多野食 食到一肚氣食麥當勞 食剩啲錢捐去愛協無咁嬲 認真無下次魚生飯 呢碗野加埋一要17x蚊⋯真係一絕😂😂😂成碗都係下欄野玉子多過魚😂😂😂邊個中意食蛋，

｜拖羅魚皮沙律｜拖羅魚皮爽韌，補充骨膠原，沙灘甜甜酸酸，十分開胃～｜刺身六款｜廣島蠔：大隻又肥美，無腥味～拖羅：肥美新鮮，好香魚油味～三文魚：厚切，紋理分佈平均好靚～元貝、蝦：清甜鮮味～鰹魚：重魚味，色澤透亮口感豐富～｜壽司｜🍱香蔥吞拿魚腩軍艦：香蔥配魚蓉，口腔充斥滿滿魚油香，紫菜爽脆🍣油甘魚壽司：新鮮清爽，鮮甜爽口～正～🍣魷魚壽司：呢種魷魚平時比較少見，好鮮味爽口｜野菜燒雞卷｜用雞肉卷住紅蘿蔔、青瓜煎，煎得香脆，夾住蔬菜條食唔油膩，更清新～｜鍋物：牛肉豚肉火鍋｜有牛肉、豚肉片、蔬菜，湯底清甜｜甜品｜蜜瓜好甜味多汁，質感絲滑～

觀塘工廈真係好多好野食，今日就同朋友食想試好耐嘅掌壽司。我們要了一個二人餐拖羅魚皮沙律魚皮好滑溜，個汁帶微辣，酸酸地，好醒胃。呑拿魚腩，帶子，三文魚，廣島蠔，鰹魚全部都好新鮮，好厚切，拖羅肥美 油脂分佈好平均，滿滿魚油香，廣島蠔creamy帶海水鮮味。帶子啖啖肉，赤蝦蝦肉晶凝爽脆。油甘魚，烏貝，呑拿魚蓉，魷魚卷油甘魚肉質結實，魚味重，烏貝爽口，呑拿魚魚蓉軟嫩甘甜，魷魚卷紫蘇葉味略重，四款壽司🍣帶岀不同味道和口感，都很不錯！鍋物壽喜燒澳洲牛肉，日本豚肉兩款肉都好不錯，牛肉軟嫩，牛味重，豚肉爽口又唔嚡。再蘸上日本鮮蛋漿，入口更滑更香😍有幾款蔬菜，腐皮，吸收了甜甜嘅壽喜燒湯底，好正！野菜雞肉卷外層係嫩滑雞肉卷住紅蘿蔔洋蔥，個汁都幾惹味。最後以日本蜜瓜作結，清甜解膩。😚$876 兩個人，性價比都高😃，今日真係好滿足。

有質素嘅二人套餐，比一般嘅平民日式料理出色，性價比高， 確實比想像中嘅質素超水準，刺身盆嗰兩隻夠照，魚生厚切好滿足，食材新鮮唔使講，價錢只不過係八百元咋，一定會再試👍

觀塘工業區一直隱藏眾多餐廳小店，而且有不少質素頗高，這一次來到開源道附近逛Outlet，在工廈的水牌看到這家樓上壽司店，網上評價亦高，便決定一試位置（7/10）：駱駝漆大廈3座5樓，港鐵觀塘站步行過去大廈約5分鐘，位置算是易找及方便，但畢竟在工廈樓上舖，相信walk in客不多吧環境（8/10）：餐廳面積不少，而且裝修有心思，較像咖啡廳。座位亦夠寛闊，空間感可以，算是舒適服務（8/10）：侍應主動介紹二人套餐的食材，亦會一直幫忙加水。雖然有些漏單情況，但處理算是有效率，服務令人滿意食物（8/10）：餐廳是日本料理，主打刺身壽司及鍋物，觀察到大部份顧客都是點套餐，可能因為價格合理而菜單吸引精選二人套餐 $796應侍應推薦，點了一份二人套餐，包括以下食物：時令沙律沙律用上爽口彈牙的吞拿魚魚皮 、椰菜絲、車厘茄、炸蔥頭及紅蘿白絲，整體酸酸甜甜挺開胃，而炸蔥頭帶點香辣及脆口，味道不錯，再加上一點蕃紅花做點綴，色香味俱全刺身盛六點六款刺身包括來自九州厚肉鮮甜的廣島蠔 、厚切軟滑的中拖羅、大隻而鮮甜的牡丹蝦、厚切有口感的三文魚、甜美易入口的帆立貝及火炙過非常香的鰹魚，相當豐富壽司盛點三點餐牌上寫三

這日相約朋友在觀塘相聚，見面後，朋友帶我來到駱駝漆大廈閒逛，讓人大開眼界，運動店，精品店，超市都齊備，行完就來到5 樓的『掌壽司』晚飯。餐廳內部設計玩味十足， 給人年輕的感覺，餐牌內壽司，刺身，天婦羅，壽喜燒等齊備，想食餐好，完全無難度！見到2人餐都唔錯，有生蠔，壽司，刺身，最重要係有M9 黑毛和牛～🌼🌼🌼精選二人套餐 $796🌼🌼🌼🎯時令沙律沙律賣相唔錯，店員提醒需要混合拌好再食，裡面有厚身煙韌的吞拿魚皮，椰菜，炸蔥頭，青瓜，甘筍，黑芝麻等，入口爽脆，清新，仲有好濃的沙律醬味，真係幾好食。🎯刺身盛六點估唔到質素都唔錯～～有厚切三文魚，中拖羅，鰹魚，帶子，牡丹蝦，生蠔，整體都幾新鮮。重量級廣島蠔入口新鮮軟滑，海水味濃。牡丹蝦大大隻，肉質彈牙，綿密。中拖羅超厚切，魚肉紅粉嫩口，唯較多筋。鰹魚店員提醒最後才食，鰹魚一樣厚切，大大塊，入口除魚的鮮味外，也帶火炙過的香味。🎯壽司盛六點2️⃣油甘魚油油亮亮，鮮度十足！2️⃣吞拿魚蓉魚肉切碎容易食，魚味最濃！1️⃣魷魚魷魚中間包著紫蘇和三文魚肉，做法新穎，味道較為特別。1️⃣ 鳥貝比較少見的貝類，好鮮味，口感有彈性同韌勁，要多咀嚼 。🎯汁燒野菜雞肉卷雞髀肉包著甘筍

今日同老婆兩周年紀念，之前喺駱駝漆大廈行街嘅時候發現咗呢一間叫做掌壽司嘅日本料理，上次經過見佢裏面裝修唔錯又幾靜，所以就決定book呢一間做周年紀念嘅餐廳，入到去原來剛剛遇着啱啱佢哋做緊一個二人優惠套餐，見到個套餐都好似幾豐富咁就膽粗粗試一試，結果真係太令我喜出望外，首先是認一見到我哋都好熱情同好細心咁樣講解餐牌上面嘅嘢食，今日嘅時令海鮮，同埋最出名嘅名物，頭盤係一個木瓜沙律酸酸地幾開胃，然後就主角上場了，超級豪華嘅刺身船，有生蠔拖羅三文魚腩帶子同埋蝦海膽，老實兩個人食晒呢野之後其實都已經好滿足好滿足，生蠔非常新鮮飽滿！其餘海膽個份量係多到老婆係海膽控都食唔晒，然後就都壽司出場，有個油甘魚佢特登燒香咗佢，食落真係10分有驚喜，好香魚油，仲有個有啲特別嘅係魷魚卷細細塊，如果有多啲就好啦😟因為嗰舊野真係又香又鮮！然後就去到壽喜燒部份，10分足料，侍應好有耐性咁樣解釋佢哋嘅牛係澳洲M9和牛，牛味會比較重少少，果然牛味10分龍柔軟又滑，然後豬都一樣好吸引，鹿兒島嘅白豚柔軟又滑油脂10分豐富，入面好似有啲薯粉咁嘅嘢但係非常之夾壽喜燒裏面嘅蔬菜！份量十分之多食到一半嘅時候我其實已經超級飽但係因為見

今日約咗個心儀嘅女仔食晚飯，朋友介紹左呢間位於駱駝漆既掌壽司，話佢地既二人餐性價比又高又好食，一於試試實力！結果當然完全冇令我失望，裝修同環境都好舒服，職員好細心咁介紹二人餐上今日既時令海鮮！原來女神bb原來食唔到魚生，但係職員好貼心咁叫師父燒熟啲魚同盡量用貝類海鮮，救左我一命！首先係個木瓜沙律！清新又開胃！跟著就到刺身船，食材十分新鮮，拖羅又肥又厚，認真食完個刺身拼盤都已經飽左一半，但係只係美食之旅既開頭！又點可以咁快飽，跟著黎既壽司，女神只可以食火炙壽司，但係所有熟既壽司都做得好好食，個火燒金鎗魚香到不得了，海膽軍艦塞到滿哂一啲都唔孤寒！一咬就係幸福嘅感覺！然後再黎既壽喜燒同埋燒紅魚, 牛係澳洲既m9和牛，牛味又香又濃，豬係鹿兒島既，軟！滑！到最後既甜品係靜岡既蜜瓜，剛剛好解哂之前食既好多油膩感，埋單都係4百蚊個頭左右，有咁既服務，好過去食放題好多好多！

父親節帶父母去試日本菜😊🍣🍱爸爸見工廠大廈樓上就回憶起昔日打工日子。我地4個人點了2人餐再加烏冬及珍珠飯已經好滿足😊2人餐份量比一般多，魚生，帶子，生蠔也很新鮮，M5黑毛和牛鍋好味，媽媽喜歡壽司就再點1份，食到飽飽飽。

位於工廠大廈但收中環價錢價錢貴，選擇少，食物質素一般。唔會再去。食完仲要再搵下場。餃子乾柴！疆屍天婦羅，食完都唔知食咗啲咩！加州卷正常。刺身正常但不算出色。依個地段，依個裝修，唔應該收依個價

約了舊同事放工後到樓下五樓的"掌壽司"一起晚飯，還記得兩年前這家料理店的味道，相當有質素…… 今晚再品嚐末知水準會否保持呢？ 低調的門面依然，內進氣氛也依然，受到職員的熱情招呼入座~ 疫情下座位用上了優雅的竹屏風相間 距離~看Menu多了種類配搭菜式，套餐多款選擇，我們選一個抵食的~精選二人前套餐 $ 796時令的木瓜沙律非常清新！材料豐富，有 fusion風味！面層芝麻香口醬汁帶有柚子，檸檬香氣酸酸甜甜十分惹味！木瓜和蔬菜青爽，是道出色的沙律！刺身盛刺身色澤晶瑩剔透！內容豐富，三文魚，大拖羅，甜蝦，鰹魚，廣島蠔，帶子等。最愛甜蝦！很大隻肉質嫩滑鮮甜！時令的鰹魚軟滑細緻。廣島蠔清爽口感！壽司油甘魚，鳥貝，海膽，加小杯海哲漬物，吃完壽司再吃漬物，口感就像由清淡進入_另一個味的層面……燒物~塩燒赤魚 ，外皮焦香吃到一梳梳魚肉的紋理，很嫩滑！壽喜燒鍋物~連爐上枱，粉皮，腐皮，什菜……扁甜的湯底很有風味~配有澳洲M9和牛100G,北海道豚肉100G，顔色鮮亮！令人食慾大增！沾上鮮蛋液非常嫩滑甜美！甜品:蜜瓜每次在"掌壽司"都有美好的印象……食材優質，製作匹心，服務窩心， 性價比高！

一直都知觀塘係隱世餐廳集中地，好多小店藏係工廠大廈裏面，特別係駱駝漆🤣 今次機緣巧合之下，揾到呢間得到唔少好評嘅隱世日式小店-掌壽司🤩 餐廳入面只有幾張檯，但檯與檯之間都有屏風隔住，私隱度極高，岩晒情侶、夫婦黎撐枱腳🤣👍🏻黎之前睇唔少食評都見人叫二人套餐，因為包羅萬有，岩晒有選擇困難症，樣樣都想食嘅朋友🤣每檯用餐時間兩小時，每上一道菜侍應都會認真介紹，等你食晒成道菜先上下一道，食客可以慢慢品嚐，同朋友閒聊👍🏻套餐每道菜式精緻，賣相吸引，而且用料新鮮，最驚喜係係香港食到鮮甜嘅海膽😭 雖然佢地嘅壽喜燒唔係日本正宗嘅壽喜燒，但呢個價錢黎講，佢嘅牛肉高質，鬆軟唔韌，配埋壽喜燒湯汁加日本雞蛋，正😋✨精選二人套餐 $796/2位✨🥗時令沙律🐟刺身盛 六點🍣壽司盛 六點🐠燒物🍲壽喜燒鍋物🍈北海道哈密瓜

去開觀塘附近工作，和朋友選了一間樓上餐廳食日本菜。餐牌有很多菜式，很多款式都想試，就索性叫了一個精選二人套餐。時令沙律有珍珠帶子配芝麻爽脆木耳及蔬菜絲，入口清新，增加食慾刺身盛有六款，包括廣島生蠔、鳥貝、三文魚腩、中拖羅、油甘魚、赤蝦。三款魚類都非常新鮮，三文魚腩是厚切的，魚油豐富。中拖羅入口順滑，不會有渣。廣島生蠔很大隻，海水味較淡，食落很肥美及清甜。赤蝦肉質鮮甜，蝦肉晶瑩剔透。壽司有三款，帆立貝勁大粒，表面有光澤，鮮味十足。吞拿魚蓉，配上黑白芝麻和蔥花，食落和中拖羅又另一種感覺。之後再食埋柚子果凍清清味蕾就開始熱食。汁燒野菜雞肉卷及鹽燒日本茄子滑嫩多汁的雞肉包著不同的蔬菜絲，口感豐富茄子燒得剛好，不會過油亦保留到蔬菜的水份。壽喜燒鍋物澳洲M9黑毛和牛肥瘦比例適中，牛味夠濃。北海道豚肉入口軟滑亦有各款配菜，例如冬菇和菜，吸收了湯底的精華 煮好的和牛點了熊本雞蛋更是畫龍點睛，令肉類更鮮味和滑最後食埋蜜瓜就非常飽了。餐廳佈置亦有心思，有一幅日本酒的牆身，令人仿如置身日本之中。

好友來公司接放工一起晚飯，我會請她到樓下五樓的「掌 壽司 」這間日本料理店多年來帶給我不少的美味記憶～ 今晚情客有信心一點也不失禮！ 與好友來到料理店有禮的職員殷勤招待。 我們決定不散點而選擇一份二人前套餐 796元；時令沙律刺身盛壽司盛燒物鍋物甜品食物配搭很平均，想試的刺身，燒物都有！時令的木瓜沙律，清爽，醬汁酸甜清新很醒胃！刺身盛好豐富新鮮！有蠔，鏗魚，大拖羅，帶子，甜蝦，三文魚等。都是用上時令的食材。甜蝦很大隻！肉質甜嫩滑，拖羅入囗即溶很肥美，廣島蠔清甜爽口！三款精緻的壽司油甘魚，鳥貝，海膽壽司，每件大小適中，十分鮮味！燒赤魚一梳梳的魚肉十分嫩滑，有一夜乾的口感。爐具上枱準備上鍋物~壽喜燒鍋底清澈味偏甜，內有腐皮，冬菇，粉條，時令菜蔬等。澳洲M9牛肉和北海道豚肉～色澤鮮明，在湯上灼一灼佔點鷄蛋液更加鮮甜軟滑！甜甜的湯令粉絲，蔬菜更有日式風味！蜜瓜甜蜜蜜的！很享受這個二人套餐，好友大讚！服務，味道，每次都一樣的滿意！

觀塘嘅駱駝漆中心，除咗有嘢買之外，亦都有好多隱世餐廳，今日放工之後就嚟到呢一間掌壽司食日本菜這個二人套餐，價錢不貴，電話預訂還有九折，食到飽一飽，每人都只需三百幾蚊沙律揀了一個珍珠帶子雲耳沙律，擺盤很漂亮，就像一個藝術品，爽脆的雲耳，配上執咁軟諗而帶鮮甜的珍珠帶子，絕對係一道好吃的開胃前菜再來的，就是時令的刺身拼盤，刺身共有六款，當中還有鮮活的廣島蠔，每件刺身都是厚切，肉質帶有光澤，從外表已經看到新鮮肥大肉厚的廣島蠔，入口啖啖肉，一啖食落去，生蠔的鮮味於充滿整個口腔。相比法國蠔，雖然少了一浸海水味同重金屬的味道，但卻多了一份清甜的味道和爽脆的口感還有外表很吸引的拖羅，油脂分布得很平均，入口魚油香濃郁，肉質幻滑，鮮味不可擋食完刺身，還有三款不同的壽司，最吸引的有香蔥吞拿魚腩蓉和帆立貝壽司，帆立貝肥大肉厚，充滿光澤，將整個帆立貝放入口中，口感鮮甜吞拿魚茸壽司賣相好吸引，別看小那黑白芝麻，一點點的芝麻香，迅速昇華咗吞拿魚的鮮味，那入口即化的吞拿魚口感，搭配想珍珠米的飯團，實在一絕吃得半飽，還有汁燒野菜雞肉卷，雞肉肉質鮮嫩之餘亦帶有肉汁，咬入口，雞汁就在口腔中爆發出來，加上那一點點的芥辣醬，實