掌壽司 (已結業)

Going to the 駱駝漆 is the last wish that takes the most time to completeAfter work, let try the food on the opposite sideBecause I am not sensitive to foodI can finally drink and eat without any restrictionIncluding raw food and seafoodOf course there is SakeDinner set for 2 $796 onlySaladCrab roe, cucumber, crab sticksJust stir it well and you can eat6 kind of SashimiThere are red prawns, scallops, tuna, ark shell, etc.Deep Fried Shrimp (4pcs)Stuffed Chicken wing w mentaiko Three types of sushiFl

收工約朋友晚飯，難得在觀塘有間高水準日本餐廳，今晚決定去試一試，果然一試難忘。喜歡食日本野既我，見到刺身種類繁多，真是想樣樣都試呀。經過店員介紹，我和朋友選了精選二人套餐 $796。精選二人套餐食物非常豐富，種類繁多，有不同種類的食物。時令沙律有椰菜絲，蕃茄仔，味道酸酸甜甜很開胃。刺身成六點刺身有六款，拖羅，時令堅魚，三文魚，立貝，赤蝦，廣島蠔，刺身賣相已相當刺激視覺和味覺，款款都十分新鮮，鮮甜。廣島蠔非常肥美。拖羅油份高，有入口即溶感覺。赤蝦清甜鮮味。壽司盛三點火炙劍雨醬油漬很新鮮，入口嫩滑帶微微焦香味。油甘魚油脂味濃，十分香滑。而我最愛的是吞拿魚蓉壽司，味道香濃美味，食完滿滿幸福感。鹽燒花魚外皮酥脆，魚肉鮮嫩，檸檬汁更能帶出魚的鮮味。壽喜燒鍋物最期待的主菜是壽喜燒鍋物，肉類包括有兩種，澳洲產M9和牛牛味濃，北海道豚肉軟滑。湯內有金菇，蔬菜，粉絲，豆腐卜，冬菇，湯味香甜，粉絲彈牙。最後是日甜品是日本蜜瓜，味道甜美，是一個最好的晚餐總結。

很久没跟表妹食日本菜，知道她是食日本菜的專家。經她介绍下，得知觀塘有間食日本菜的掌壽司餐廳。 所以约了表妺到來品嚐，這裡有各式各樣的日本菜可以選擇，大食或細胃人士也可滿足。餐廳裝潢滿有日式風格，感覺舒服。看看餐牌也覺得收費相對合宜。我們點了精選套餐二人前試試。 二人前時令沙律頭盆是木瓜沙律配南瓜醬，帶點辣。份量剛剛好，味道帶點酸，特別好品嚐。 二人前刺身盛通常食刺身拼盤都是三文魚和吞拿魚等等，實在有一點沉悶。但這二人前刺身盛有一些未聽過的刺身，每樣都是2件，分别有大大隻生蠔、三文魚、吞拿魚腩、甜蝦、帶子及鰹魚。全部都好新鮮，魚味鮮甜，而且口感好豐富，每種刺身都有自己特點。 二人前壽司盛待應叫我地先食柚子果凍，可以清一清個口。壽司味道也很鮮甜，有油甘魚，新鮮貴價海膽，鳥貝三款壽司。 二人前燒物燒黃花魚，燒得好脆。食落非常香口之餘也不油膩，沾上甜豉油，味道好夾。 二人前鍋物安格斯薄牛肉份量比想像中多，濃郁牛味， 灼一灼嫩滑無比。加上有蔬菜，冬菇湯底，配合得十分滋味。 最後水果是密瓜，非常爽甜而滿足了。 整體而言，這環境舒適，在觀塘鐵站旁邊，交通便利，日本菜式用料新鮮，貨真價實，店員服務周到

朋友約食飯，我去駱駝漆買凍肉多，都冇留意到原來有好多食肆。雖然係工廠大廈，餐廳表面冇特別裝潢，但入面就好闊落，配搭佢嘅屏風，頓時有日式感。嘢食選擇都幾多，喺附近返工嘅人都可以考慮嚟呢度食午餐我哋今晚叫咗個二人餐我本身係一個唔鍾意食沙律嘅人，但佢嘅青木瓜沙律好爽脆，配搭佢嘅南瓜醬，香甜清新，好好食！而佢嘅刺身亦都非常新鮮隻蠔勁肥美相比起，壽司就不過不失。由於今晚冇雞肉卷，所以餐廳轉左煎魚俾我哋，反而仲好！條魚好香好滑，唔多骨。而壽喜燒，我覺得最有驚喜嘅係佢嘅薯粉，好煙韌。最後以香甜嘅密瓜作結。

今天約了朋友，在觀塘駱駝漆大廈買東西，之後便於這家餐廳吃晚飯精選二人套餐 $796時令沙律沙律的汁非常特別，帶一點辛辣的味道，撈起沙律一起吃，非常醒胃爽口刺身盛六點拖羅很厚很，富天然魚油的甘香，入口即溶。 時令堅魚魚味濃厚，三文魚非常肥美鮮甜，帆立貝， 赤蝦也很甜。廣島蠔很大隻肉厚，鮮咸，於口中的蠔味長久不散。壽司盛三點火炙劍魚醬油漬肥美油甘魚表面有名貴黑松露， 魚肉爽口，但又淡淡黑松露味吞拿魚蓉是我的摯愛，超甜又入口溶，脂肪精華味道濃郁壽喜燒鍋物壽喜燒非常甜，裏面有菜和粉絲等食材。澳洲產M9和牛，非常大片，牛味重，點了生雞蛋更滑更香甜北海道豚肉很滑很嫩口甜品是密瓜，甜度非常高，令這一頓飯畫上完美的句號。

今次點左精選二人套餐，方便又唔使考慮咁多時令沙律新鮮日本鮮菜，切成一條條，有煎好既蒜片，加上酸酸地既青色沙津汁，開胃非常刺身盛六點幾款刺身各有特色，全盤盛買相好吸引，七彩繽紛既刺身，令人食指大動赤蝦刺身巨型既赤海蝦，又長又多肉，鮮紅蝦肉入口鮮甜帶子帶子外型又白又濕滑，入口juicy 又帶甜廣島蠔超大隻蠔好少見，廣島蠔入口屬清清既口味，蠔身略帶爽口，入口仍保留海水味道白身魚白色的魚刺身帶淡淡既鮮味，味道屬於易接受既拖羅剌身厚厚既，油脂分布均稱，咬落既甘香非常，有慢慢融化既味道三文魚食出鮮甜非常，鮮味十足壽司盛三點一盤有柚子蘿蔔，清新既柚子香，清一清味蕾亦有酸薑，味道有特色鳥貝鳥貝壽司薄身，有淡淡的貝類味道，咬落亦不會刃油甘魚油甘魚壽司配上黑魚子，一口食完，新鮮碎蔥呑拿魚碎蔥呑拿魚壽司，吞拿魚好有嚼感，應該會是師傅親自碎開的，鮮味十足，蔥粒突顯了吞拿魚的魚鮮感香煎西京魚轉了一道菜為煎西京魚，魚煎得外表香口，魚肉好入味，應該有奄過，口感滑，外表白，魚鮮煎好特別好味壽喜燒鍋配豚肉、牛肉壽喜燒鍋物大大鍋，內有好多材料，有吸了甜甜壽喜燒味的日本炸豆腐，金菇、冬菇都吸到湯的香味。豚肉來自北海道，都帶

開頭會以為佢係性價比好高嘅餐廳，所以諗住入去試吓，加上呢間鋪開咗好多年都屹立不倒，咁估計應該係幾好食嘅。入到去舖頭，感覺好親民啦，冇咩好華麗嘅裝修，但係一望到餐牌，略嫌係呢一個地段收費偏貴。兩個人食咗$600但係都有就住叫，粗略估計，如果真係要食得飽應該都要$800埋單，咁我就覺得唔使喺呢一度食囉。食材方面都係新鮮好味嘅！最有印象叫咗甜蝦刺身，好好味好鮮甜。牛肉嗰個煲都好食，但都係果句唔值呢個價錢囉。

早一晚同另一半話想食日式火鍋，今晚就有安排了，收工帶到官塘工廠區，原來就是到掌壽司。二人套餐南瓜醬木瓜沙律 木瓜十分爽脆而且份量滿滿，以健康沙律打底，可減輕待會的罪疚感刺身盛有生蠔，鰹魚，赤蝦，帶子，拖羅是我的最愛，入口大大舊肥豬肉，感覺滿足， 還有肥美的三文魚壽司盛海膽壽司入口清甜，溶化在口腔內鳥貝壽司 第一次食有別於一般貝類的爽口油甘魚壽司肉質甘香，也是我最愛壽喜燒鍋物澳洲M9和牛 北海道豚肉已包了2款肉類，M9和牛入口充滿油脂，充滿牛味，而北海道豚肉入口滑溜，還有鍋內的雜菜，有娃娃菜，菇菌甚為豐富。燒野菜雞肉卷雞肉連雞皮包了甘荀，肉質嫩滑，且口感豐富，有肉有菜很均衡，十分滿足最後還有蜜瓜作完結雖不是雪糕，但很清甜。

帶埋媽媽及小姐吃日本菜朋友介紹這一家日式魅力，口味正宗，價格相宜。 一家大細去都不會肉痛。店舖裝修雅緻，有很多日本清酒選擇。亦有不少適合小朋友的菜式。這個天婦羅大蝦手卷，小姐仔讚口不絕， 吃了兩個。 特色時令壽司拼盤～ 油甘魚、鳥貝、碎蔥吞拿魚、火炙魷魚卷、火灸堅魚。鳥貝壽司 非常爽甜碎蔥吞拿魚 滿滿油香。 一口一件。火鍋配料多， 蔬菜新鮮。 牛肉和豬肉的質素也很高呢。燒魚配酸汁外面燒得香口隨身，裏面魚肉又嫩又清甜。沒有很多骨，非常適合小朋友吃。

觀塘工廈高檔日式料理呢間經常性幫襯， 每次都有驚喜。 酸辣青木瓜沙律全素菜， 微辣，有點兒泰式風味。 再來刺身拼盤， 擺盤精美， 高檔日式料理格局。 淺粉紅色吞拿魚魚腩，真係可遇不可求。非常高質，油香四溢，入口即溶，完全唔使咀嚼。 高檔 omakase 質素。 日本本蠔。 唔算好厚身， 但清甜juicy , 冇鐵銹味冇泥味。 牡丹蝦，超大隻，三啖先食得晒。 肉質青甜黏口。 再叫左 shabu shabu. 湯底清甜，蔬菜勁多。 最緊要牛肉係A4 和牛， 正正。

今晚朋友話想食日本菜，於是佢就book咗一間位於觀塘駱駝漆大廈的掌壽司。時令沙律主要材料有青木瓜，青木瓜好爽脆，配以南瓜醬，面頭仲有一浸香口嘅脆片，口感和味道都好正！剌身盛剌身盛共有六款刺身，款款新鮮美味。當中特別至愛生蠔，生蠔大大隻，肥美肉滑，味道清甜。另外，拖羅都好出色，富天然魚油脂的甘香，入口即溶。壽司盛壽司盛則有三款壽司，包括活赤貝、油甘魚、吞拿魚。而吞拿魚蓉壽司最有驚喜，吃下去一種軟綿綿的口感，令人回味無窮。燒魚燒魚香口，唔會話好多骨，食落啖啖肉，魚味濃而不腥。壽喜燒鍋物唔知幾時開始，越嚟越鍾意鹹鹹甜甜嘅壽喜燒湯汁，基本上，無論放乜嘢食物入鍋中都會變得非常好吃😋！美國M9和牛牛味濃，一啖就可以嚐盡鮮甜、軟嫩、多汁的口感。而北海道豚肉肉質有彈性，肉味突出，兩個都好好味！最後用水果作結，非常完美！想不到今晚除咗可以食到豐富嘅晚餐之外，仲可以同朋友暢談一番。🥂😌

早排聽朋友講係官塘工廠區有間高質日本餐廳，今日有時間去試一試，原來而家嘅工廈唔單止有餐廳，仲有好多小店，又可以醫肚之餘仲可以血拼一下。我同朋友行完街之前就去試吓呢間日本餐廳，店員好快安排我地入座，我地都好快咁點左佢地個2人套餐，見7百幾蚊但食物都好豐富所以就選擇咗呢個餐。先黎左一個時令沙律，呢個沙律味道酸酸甜甜，有少少嘅泰式風味，而且餐廳所用嘅蔬菜都好新鮮，店員仲喺沙律裏面加咗一啲脆卜卜嘅嘢，我同埋醬汁真係好滋味令到我好開胃。食完個沙律之後，店員就捧左一盆好靚嘅刺身俾我哋，裏面有蝦，帶子，三文魚刺身，吞拿魚刺身等，仲有好肥美嘅日本生蠔，而且每款刺身都好新鮮，吞拿魚好大鮮味，帶子又好鮮甜，而家日本生蠔好肥美，好大陣海水味，一隻真係唔係好夠食。之後店員就送上壽司俾我哋食，壽司所用嘅配料全部都好新鮮，壽司上面仲有一個柚子嘅果凍，店員介紹完壽司之後，建議我哋先食左柚子果凍去清除口腔嘅味蕾，之後再去品嘗壽司，果然食落口真係好鮮甜，別有一番風味。食完壽司之後店員就為我哋準備壽喜燒，壽喜燒嘅湯底好鮮甜而且裏面嘅配料十足，而且呢個壽喜燒仲配左澳洲M9和牛同北海道豚肉，和牛肉質好鮮嫩，入口即溶化，豚肉有

觀塘駱駝漆三期的掌壽司，坐下感覺舒服，而且帶有日本風格，在這美好環境下，品嚐日本菜是好選擇！日本沙律有別於西式沙律，沙律菜很爽口，味道清新，配了特別的沙律醬汁，好味！刺身盛六點，如名有六種剌身，大隻的廣島蠔味道極鮮，間白魚厚而帶有淡香，帶子入口份量剛好，拖羅厚切味道甘香，三文魚油香味濃，長長的赤蝦味帶鮮甜，全部好鮮！壽司盛三點，如名有三種壽司，油甘魚好鮮味，鳥貝新鮮感極重，碎蔥呑拿魚食到特有鮮魚的口感！壽喜燒鍋物有澳洲產M9和牛和北海道豚肉配上，配有熊本縣的雞蛋作蛋汁，和牛脂肪平均，牛味香濃；豚肉帶有油香，味道新鮮！是日甜品為日本蜜瓜，味道鮮甜，完成一頓套餐，物超所值！

今日到觀塘駱駝漆大廈購買嬰兒用品，順道在附近吃晚餐，原來現在工廈都很多餐廳選擇👍🏻今晚第一次吃這間 掌壽司我們點了一個二人套餐，什麼都有，不用想🤣頭盤沙律有蕃茄仔、生菜絲和一些脆米，醬汁酸酸辣辣的很開胃👍🏻刺身有六款有大拖羅、牡丹蝦、三文魚腩、帶子、廣島蠔和池魚。單看賣相已十分吸引，廣島號海水味比較淡，肉質非常肥美超好吃每款刺身都十分新鮮，大拖羅厚切，啖啖肉再來是油甘魚、響螺和京蔥吞拿魚腩壽司，店員介紹先吃柚子果凍清一清味蕾再吃壽司，會比較能吃到壽司的鮮味。壽司又是水準之作，最重要是食材新鮮壽喜燒鍋物有澳洲M9和牛和北海道豚肉，這道菜令我想起在日本吃的味道，很正宗，湯底甜甜的，蔬菜吸收了湯底的精華，很入味。店員介紹今天的套餐有雞肉卷改為燒魚，正合我意，我比較喜歡吃燒魚，配上檸檬汁更能帶出魚的鮮味香口最後有日本哈密瓜，非常清甜，為晚餐作一個完美的句號，很滿足值得一讚是餐廳地方坐得很舒適，座位之間都有足夠空位，不會有擠逼感

老婆今日返左娘家，收工就過去接佢同帶佢去揾間好野食。官塘區識揾其實好多好野，工廠區就各國美食任你選擇。 好在做定晒功課，在掌壽司訂左枱。放工時間多人是十分正常，但駱駝漆呢度等搭𨋢都要好耐，為左食好野唯有被d耐性啦香港人一路行去餐廳都好多人潮著同一個方向， 入餐廳都係正常步驟，量體溫do安心出行，消毒雙手。點了有二人套餐, 十分豐富先來前菜沙律南瓜醬木瓜沙律  醬汁稍為少了點，木瓜都夠爽甜，還有鋪滿滿的櫻花花，食落口卜卜脆刺身盛六點鰹魚 酸甜 味道特別 酸中帶甜 口感軟棉赤蝦 好大隻 有蝦羔 拖羅 十分肥美，入口溶化，老婆至愛生蠔 鮮甜美味三文魚 夠肥美帶子 清甜壽司盛三點油甘魚 油脂肥美鳥貝 味道較淡 海膽軍艦 海膽鮮甜美味醬油漬墨魚 帶酸的味道，幾過癮燒野菜雞肉卷以雞肉卷了甘荀跟豆角，厚厚雞肉包著但肉質很嫩，且有雞皮的油脂十分味美壽喜燒鍋物澳洲M9和牛 100g北海道豚肉 100g鍋內已有各類野菜，m9和牛入口溶化，但過人還是較喜愛豚肉，配上日本生雞蛋令肉質更滑溜最後以甜美的日本蜜瓜作為完結