捌加廿陸天婦羅居酒屋

营业中

休息中

平時經過旺角，見餐廳成日都排滿人，我同同事今日遲咗食lunch，見冇咩人，終於可以試吓。餐廳不大，有兩層，樓下係吧枱，樓上有四張細枱。我哋叫咗兩款自選天婦羅丼、雞皮餃子及炸雞軟骨。自選天婦羅丼第一個丼揀咗鰹魚湯烏冬，鰹魚湯清甜，烏冬煙韌，天婦羅有鮮帶子、黑虎蝦、竹輪、半熟蛋、蘆筍、茄子及杏鮑菇，天婦羅炸衣好薄，炸到外面鬆脆，但又能保持食物嘅水份同味道，非常好食。第二個丼揀左冷蕎麥麵，夏天非常適合食蕎麥麵，蕎麥麵煮得啱啱好，掛埋蕎麥麵湯汁，清爽好食，天婦羅有廣島蠔、黑虎蝦、雞肉、粟米芯、南瓜及杏鮑菇，一樣都咁好食，尤其係廣島蠔，非常creamy 同鮮味。雞皮餃子邪惡之選，炸到外脆嘅雞皮，配上柚子醋，又邪惡又美味。炸雞軟骨雞軟骨炸得好鬆脆，配上沙律醬，細細粒，一粒接一粒，食唔定口。

最近想食日料見到呢間餐廳唔使等位 都見有人食就入咗去初頭係俾佢入邊嘅裝修風格吸引點知嘢食都好味店員嘅態度好友善 但係主要想大贊嘅就係佢嘅裝修風格成個風格都非常之日系 好似有啲居酒屋嘅感覺 但係又好啱年青一代成個設計唔單止有近期大熱嘅動漫 仲有一啲明星 甚至啲店員嘅衣着都非常之日系啊坐喺吧枱可以望到廚師們煮嘢食嗌咗嘢之後好快就上到 嘢食熱辣辣超好味價錢都好合適 會再嚟同朋友過嚟食～～本人係自費去食 沒有收到任何餐廳嘅贊助本人若有作出虛假陳述，願意承擔法律責任 因為本人自費去食沒有收到任何贊助或提供任何優惠給我

我本身真係好鐘意食天婦羅丼飯，不過始終香港呢種專門店唔係好多~ 近年係有多咗少少連鎖店💕之前搵先發現原來旺角有間小店都係有得食！平日晚到勁多人排隊,天氣熱真係等到出晒汗😂特盛海鮮天丼 $108入面有黑虎蝦2隻，那歌魚，帆立貝，鰝魚，四季豆，金菇海老穴子天丼 $108入面有穴子，黑虎蝦，蟹柳，南瓜，本菇，紫菜，四季豆天丼整體勁多料,都好好食！飯望落唔多,但太飽都食唔晒🙈但感覺飯嘅汁可以多啲！唐揚魷魚鬚 $38呢個推薦推薦🙌🏻🙌🏻炸得好脆！有個小插曲,本身叫咗個甜品-黑糖蕨餅但係太趕住走，飽到又唔記得咗食完俾咗錢，先醒起漏左單😂😂希望之後留意下🙈🙈🙈

餐廳嘅座位都係吧枱嘅位置，落單後就見到店員現場即刻炸起天婦羅，所以所有嘅天婦羅都好熱辣辣又香脆。居內裝潢係居酒屋嘅風格，感覺幾有氣氛。自選天婦羅定食自選天婦羅有好多其他丼飯沒有的選擇，可以根據自己嘅喜好去揀，我就揀左廣島蠔 牛肉餅同鮮帶子。廣島蠔都幾飽滿，食到蠔嘅鮮甜。牛肉餅幾大塊，食落都好有牛味。帶子食落依然嫩滑，外脆內嫩。我就選擇左冷烏冬配天婦羅，冷烏冬嘅醬汁同wasabi 溝埋一齊食凍凍地，而且仲更解膩。特盛海鮮天丼望落非常豐富，有滿滿炸到金黃嘅天婦羅，當中包括黑虎蝦 那哥魚 帆立貝 鱔魚 金菇 秋葵。如果懶得諗，就可以叫黎一次過試到哂咁多款天婦羅。除左天婦羅多外，飯嘅份量都非常多，食完之後超滿足。雞皮餃子餃子好飽滿脹卜卜，炸到金黃香脆，雞皮更增添油香，外脆內軟嫩。

我係晚餐時段去，餐廳入面坐滿曬人，出面仲曬隊🤣入到去，發現餐廳裝修好有日式風格，牆上貼滿獨特畫作，抬頭可以望到好多日式燈籠🏮餐牌選擇主要係天婦羅丼，可以自選或者叫指定丼飯，仲有小食可以點海老穴子天丼 $108有穴子、黑虎蝦、蟹柳、南瓜、本菇等，炸得好香脆，乾身唔油膩👍🏻👍🏻👍🏻虎蝦好大隻，連蔬菜都炸得好出色，好有食慾特盛海鮮天丼 $108材料好豐富，好足料，有黑虎蝦兩隻、那歌魚、帆立貝、鱚魚、四季豆等，選材好新鮮，同樣炸得香脆、乾身唔油膩🤤🤤🤤丼飯粒粒均勻，唔錯！唐揚魷魚鬚 $38魷魚鬚份量唔少，咬落唔會乾爭爭之餘，仲好香，點配醬料食，正！可樂（樽） $12蘋果汁 $10

捌加廿陸想食好耐，之前每次坐車都經過，見到好多人排隊，今晚終於可以試下入面鋪頭唔算大，有上下2層，下層吧枱為主，可以望到師博點整天婦羅，我見佢用凍水開漿，每樣食材都平均點晒天婦羅漿再即炸，好俾心機我地叫左自選，好似車仔面既，叫左廣島蠔，鱚魚，黑虎蝦，南瓜，冬菇，蟹柳，茄子，本菇，每樣都好出式，廣島蠔同黑虎蝦推介推介👍🏾👍🏾配冷蕎麥麵係絕配，熱辣辣既天婦羅加上冷既蕎麥麵仲係好好食我地仲叫左個小食，炸雞軟骨，當然一樣甘有水準啦，下次一定再encore，一想食天婦羅一定諗起捌加甘陸

💭平時夜晚經過呢間餐廳都見到排隊，今次下午路經旺角，見有位即刻試試～餐廳裝修風格好似置身係日本咁，牆身怖滿動漫海報或廣告，氣氛幾好！天婦羅係即叫即炸，非常新鮮。除咗可以揀指定配好咗嘅天婦羅丼飯外，仲可以自選天婦羅，揀自己最鍾意嘅配搭👍🏻─═★:;*─═☆:;*─═★:;*─═☆:;*─═★:;*🔸自選天婦羅定食自選除咗天婦羅，仲可以簡飯、烏冬定蕎麥麵。價錢由$30起，每款天婦羅再加$8/$12/$18一件，揀咗黑虎蝦、茄子、金菇、鰻魚同半熟蛋。烏冬彈牙有咬口，沾上芥辣同醬汁，清涼 又開胃🍜黑虎蝦爽口彈牙🍤流心蛋有驚喜🤭外面脆皮裡面係流心蛋黃🤪🔸海老穴子天丼有穴子、黑虎蝦、蟹柳、南瓜、本菇、紫菜同四季豆。份量好多好大份，粉漿夠薄，而且炸到非常脆，穴子超大條🐟星鰻較薄身，肉質嫩滑！南瓜超腍又香甜🤪🔸芝士年糕芝士味道濃郁✨流心又有拉絲👍🏻

餐廳：捌加廿陸天婦羅居酒屋地點：旺角窩打老道菜式：天婦羅居酒屋餐牌：自選天婦羅飯，丼飯，小食，飲品，期間限定自選天婦羅丼 $96 另加一呢度有自選天婦羅丼，好flexible。飯/冷烏冬/湯烏冬/蕎麥麵底$30，白飯唔會太多。可加錢加料。廣島蠔 加$18 另加一廣島蠔好多汁喜魚 加$18 另加一喜魚好大塊，炸得皮脆肉嫩鰻魚 加$18 另加一鰻魚外脆內有豐富鰻魚汁紫菜蝦膠 加$12 另加一紫菜蝦膠好彈牙，蝦味濃，夾紫菜好味。成個餐包麵豉湯一大碗，青瓜一粒同鮮橙半件。唔會太飽。海鮮天丼 $88 另加一海鮮包括黑虎蝦，帆立貝，那歌魚，蟹柳，本菇，紫菜同四季豆各一件，好豐富。我試左蟹柳同四季豆，都唔錯。下底飯底都多，面頭加有醬油。一樣包麵豉湯一大碗，青瓜一粒同鮮橙半件。吉列豬扒 $48 另加一吉列豬扒一大塊，已經切開6件方便食用。吉列皮好脆，入面豬肉好嫩口，熱辣辣上枱，墊有椰菜絲沙律。伴有沙律醬同燒烤醬可選。南蠻炸雞 $38 另加一南蠻炸雞一客五件，有大有細，唔係普通連皮炸雞，而係雞塊。面頭加上豐富沙律醬同燒烤醬，入口滑溜，而皮脆肉嫩。墊有椰菜絲沙律。總括而言，天婦羅皮夠薄脆，入面食物多汁好味

## 天婦羅專門店的食評天婦羅專門店的食評次次行過呢間天婦羅專門店都發覺好多人排哂隊我都有幾次停低望兀餐牌其實被佢既獨特的日式居酒屋風格所吸引終於有機會約埋friend黎試下啦~一入到去 就見到牆身貼滿泛黃的懷舊海報散發出濃濃的復古氛圍仿佛置身於日本街頭這種懷舊情懷,加上溫暖的燈光營造出一種悠閒自在的用餐體驗🔸招牌天丼份量十足,包括了兩隻大尾的黑虎蝦、蟹柳、南瓜、蓮藕和四季豆等每一件配料都完美炸製,外酥內軟,色泽金黃誘人即使拍照耽誤了 天丼依然香脆可口🔸自選婦羅丼同樣精彩 可以自由搭配多種食材例如肥美的廣島生蠔、香滑的鰻魚、Q彈的黑虎蝦,以及午餐肉、蟹柳和南瓜等配料每款$8起 外層金黃酥脆 每一口都令人回味無窮🔸至於小食方面,不能錯過酥脆多汁的芝麻雞翼,外皮酥脆,肉質鮮嫩,淋上特製的醬汁,令人食指大動📍捌加廿陸天婦羅居酒屋📍旺角窩打老道31-39號翠園大廈一期地下33A號舖

-捌加廿陸天婦羅居酒屋-📍旺角.每日放工經過窩打老道見到哩間餐廳都排左長長人龍，難得今日早左放工，見到唔太多人排隊，便決定一試，排左10分鐘左右就可以入店。.餐廳有2層，地下個層係bar枱形式，可以睇到廚師新鮮即炸天婦羅。.自選天婦羅丼 ($108)連飯底都有唔同選擇，我揀左好肥仔的香蔥牛油飯，估唔到白飯加上牛油啊味道咁好食。如果唔鍾意食飯，仲可以選擇烏冬或蕎麥麵。.可以自己選擇鍾意的配料，我點了鮮帶子、希靈魚、紫菜蝦膠、蓮藕、蘆筍和半熟蛋。.天婦羅的麵衣好薄，唔會食到好厚的粉層。.紫菜蝦膠好彈牙爽口，加埋香脆紫菜，推介一試。.半熟蛋咬開有流心蛋黃，加埋邪惡的香蔥牛油飯非常好食。.唐揚炸雞丼 ($68)炸雞的份量都好多。炸雞新鮮炸起，外脆內軟，保留到雞的肉汁，食落好滑。.磯燒鮑魚配帶子 ($68)估唔到炸過的磯燒鮑魚都好軟身，食落夠彈牙。帶子好厚身，飽滿肥美。.黑糖蕨餅 ($28)蕨餅份量都好多，外層滿滿黃豆粉，咬落好軟糯。黑糖醬唔會太甜，同黃豆粉好夾。.

這間小店非常有特式，入到去就像到了日本一樣，座位不是太多，所以需要排隊。雞皮餃子雞皮餃子外皮煎得酥脆，內餡湯汁鮮美，搭配著特製的醬料，味道更加美味可口。特盛海鮮天丼特盛海鮮天丼絕對是海鮮愛好者的必試之選。黑虎蝦、那歌魚、帆立貝、鱚魚等多種新鮮海鮮搭配蔬菜和白飯，色澤誘人，口感豐富多層次，每一種海鮮都炸得非常入味，口感鮮嫩多汁。每一口都彷彿讓人置身於海洋中，享受到來自大海的鮮美。自選天婦羅丼自選天婦羅丼由自己選擇主食及配料，主食可選飯或麵，而我選了冷蒿麥麵、配料選了鮮帶子、廣島蠔、黑虎蝦、粟米芯、蘆筍，材料新鮮，炸得香口，口感非常豐富。蘋果汁蘋果汁清新爽口，喝起來帶有淡淡的果香，不太甜膩。

依間天婦羅店好出名，網上成日見到話要大排長龍，屋企人亦都試過話好好食，呢日就約埋朋友黎試一試，地點位於油麻地站登打士街附近，都幾方便。 好彩我地算早黎，唔洗排好奈，食完已經見到長長人龍。最中意就係呢間餐廳嘅天婦羅丼係可以自選天婦羅，咁想食啲乜都可以自己揀。所有天婦羅都係廚師即炸的，所以非常新鮮，而且熱辣辣。自選天婦羅丼亦會配上前菜，水果和麵豉湯，非常豐富。我同朋友都係叫左自選嘅天婦羅，然後某啲款式就share食。自選天婦羅（$108）鰻魚，黑虎蝦，牛肉餅，半熟蛋，四季豆，茄子，杏鮑菇揀左咁多款嘢食都係100蚊左右，都幾抵食。鰻魚味濃郁，黑虎蝦爽口彈牙，而且蝦味很新鮮，半熟蛋流心程度剛剛好。另一款就揀左鮮帶子，鱚魚，黑虎蝦兩隻，半熟蛋，蓮藕（$110）鮮帶子大大隻，而且味道非常新鮮，鱚魚幾大件，而且肉汁嫩滑，蓮藕爽口。雞皮餃子（$48）本身都好喜歡食雞皮餃子，呢度嘅雞皮餃子都好出色，裡面保留住肉汁，非常juicy，而且雞皮都唔會油膩。呢間小店裝修非常有日本風味，而且格局有啲似拉面，枱底亦有鈎方便客人可以掛袋，而且職員都好有禮貌。

呢間小店成日經過都見到佢大排長龍，難得今日放早六點左右到唔使點排隊有得入座，就嚟食呢間小店嘅特色係佢嘅天婦羅可以逐件叫，客人可以按照自己嘅口味叫唔同嘅嘢食，加$30就可以將佢變成套餐，可以有烏冬蕎麥麵或者飯等等揀我同朋友都係各自散叫天婦羅轉做套餐，大家食嘅嘢都唔一樣基本上試晒佢所有唔同款式嘅天婦羅，比較推薦嘅係月子天婦羅、廣島蠔天婦羅、牛肉餅天婦羅、同埋佢啲蔬菜類天婦羅都好好食，例如南瓜天婦羅、紫薯天婦羅、金針菇天婦羅等等另外仲嗌咗個小食炸魷魚鬚，呢個就比較普通一啲

自選天婦羅丼 $106自選天婦羅丼可以揀要唔同種類嘅麵或者飯，我今次就揀咗鰹魚湯蕎麥麵，配菜方面穴子🐠、鱚魚🐟、黑虎蝦🦐、帆立貝🐚、紫菜蝦膠🍢，其中我最推薦嘅就係穴子 同埋 紫菜蝦膠！佢哋嘅天婦羅用嘅材料都係新鮮貴價料，而且真係炸得好香脆，而且炸粉可以做到好薄身！絕對係我喺香港食過最好食嘅天婦羅！自選天婦羅丼 $92另外一個自選天婦羅丼，我就揀咗豚骨湯烏冬，配料就要咗鮮帶子、廣島蠔🦪、鰻魚🐟、四季豆🫛個人覺得佢嘅豚骨湯烏冬都幾好食，我幾推薦大家都過嚟試，配菜方面，我我覺得我呢碗嘅四個配料都好好食，缺一不可！建議大家照跟嗌返一模一樣！❤️❤️😆磯燒鮑魚配帶子 $68磯燒鮑魚通常價錢都唔平，見佢連埋帶子都係$68好抵，所以就決定試吓！鮑魚都煮得好入味，加上天婦羅鮑魚真係第一次試，所以都覺得幾得意！🤩🤩

🍽️ 捌加廿陸天婦羅居酒屋 🍽️地址: 旺角窩打老道翠園大廈一期地下🔥 人氣爆棚,排隊人龍絡繹不絕!🔥餐廳營造了濃濃的日式氛圍,從裝潢到燈飾,處處散發著東瀛風情。🎎🍱 自選定食 $30起:這裡的自選定食非常吸引人,就像車仔麵一樣,可以自由選擇飯、烏冬、蕎麥麵或拉麵等主食。🍜🍤 海鮮新鮮多樣:除了主食,還可以選擇黑海老、帶子、穴子、帆立貝、生蠔、鰻魚等新鮮海鮮,以及多種蔬菜。最推介的是鮑魚帶子定食,只需$68,物超所值。🦞🦀🐟🍳 天婦羅入口即化:每一件天婦羅外皮酥脆,內餡卻保持海鮮鮮嫩多汁的完美口感,讓人難忘。🤤💯 捌加廿陸天婦羅居酒屋以實惠的價格提供優質海鮮和正宗日式天婦羅,絕對是旺角美食熱點。👍