影片
营业时间
今日营业
12:00 - 15:15
17:30 - 21:45
星期一至四
12:00 - 15:15
17:30 - 21:30
星期五至六
12:00 - 15:15
17:30 - 21:45
星期日
12:00 - 15:15
17:30 - 21:30
以上资料只供参考，请与餐厅确认详情
相关文章
系旺角有间可以自选天妇罗丼饭既餐厅就好似doraya咁可以自选刺身丼好似几有趣所以去左试下位置系广华医院格离对住窝打老道d舖位门口好多牌都几易认我地星期日 五点八左右到达仲可以直入餐厅有两层地下系bar台位楼上系tatami位我地就坐左楼上座位就宽落d不过要除鞋墙身贴满晒动漫野QR code落单都有写明晚市要加一既好像车仔面咁可以自己拣𩠌或者有指定丼饭既所以先话有d似doraya咁我地就拣左一个自选丼定一个指定丼自选定食仲可以转乌冬咬口都唔错另外仲加多左个吉烈猪扒香脆唔鞋口定食同自选都拣左虎虾大大条自选仲拣左带子都好大粒下连半熟蛋都有得拣天妇罗有d似炸蛋但无咁厚皮两个定食都有跟味噌汤同沙津虽然要捧上黎楼上但都仲系热辣辣唔会油淋淋面衣亦都唔算厚整体系食得好满足既落番地下门口埋单两个定食加埋吉猪连加一大约三旧水正常价位餐厅有动漫feel服务OK都唔错可以一战有限时六十分钟食完出门口见到已经大排长龙都有唔少捧场客系香港呢个时势都真系算少见所以都系早少少黎比较稳阵
继续阅读
平日夜晚七点经过餐厅门外已经有十个人左右喺度排队，大约排左十五分钟就有位，餐厅有上下层，下层全部系吧枱，气氛几好。🍽️原只软壳蟹天妇罗 $48软壳蟹几大只，咬落唔会成口炸粉，几香几多肉，配上飞鱼籽同紫菜食好好味，价钱公道。🍽️煎鹅肝配苹果 $58鹅肝味道浓郁细腻，口感柔软，入口似奶油咁喺口中融化。鹅肝同苹果一齐食，爽脆嘅口感中和咗鹅肝肥腻嘅感觉，几夹。🍽️自选天妇罗定食 $30起定食除咗饭，仲可以拣冻或热嘅乌冬、荞麦面，亦跟埋汤同沙律。我哋叫咗冷酢橘荞麦面 (+$8)，汤底酸酸甜甜几清爽开胃。天妇罗方面叫咗鲜带子 (+$18)、帆立贝 (+$12)同紫菜虾胶 (+$12)。带子同帆立贝都几鲜甜，中心部份仲好湿润；紫菜虾胶味道好夹，唔错。🍽️海老穴子天丼 $108天丼卖相非常吸引，金黄色嘅天妇罗铺满成个碗面！呢个丼好啱我呢啲选择困难症心大心细咩都想试吓嘅人～天妇罗有穴子、黑虎虾、蟹柳、南瓜、本菇、紫菜同四季豆，每款都炸到金黄色，炸粉均匀唔会好厚，食落外脆内软而唔油腻。米饭上充满特制酱汁，结合咗酥脆同鲜味，好好味。穴子味道清淡爽口，肉质细腻；黑虎虾肉口感爽口弹牙而且鲜甜，整体唔错有日本嘅质素。🍨炸菠萝雪糕(海盐雪糕) $28炸菠萝片连雪糕一齐食一冻一热几得意！食完炸物食返啲酸酸甜甜嘅甜品好清爽！整体唔错，难怪平日都咁多人排队！
继续阅读
Blingbling美食推介✨📍旺角捌加廿陆天妇罗居酒屋✨爆场人气居酒屋・主打超豪华天丼！💠💠💠💠💠💠💠💠📸 平民价钱，日式职人味道！每碗天丼堆到满满的~ 绝对系打卡一流🍤🍚怪唔知成日都好多人排队啦☺️💠特盛海鲜天丼 $108🦐 黑虎虾2只｜🐟 那歌鱼｜🦪 帆立贝｜鱚鱼｜四季豆｜金菇海鲜配料劲澎湃，炸衣酥脆唔油腻，虾肉厚实弹牙，帆立贝鲜甜Juicy，鱼肉嫩滑，每啖都系惊喜！😍💠海老穴子天丼 $108穴子（星鳗）｜🦐黑虎虾｜🦀蟹柳｜🎃南瓜｜本菇｜紫菜｜四季豆穴子肥美绵密，虾炸得松脆唔干柴，仲有紫菜增添层次感，整碗色香味俱全！😋💠鸡皮饺子（5只）$48居酒屋必点‼️饺子外皮香脆焦香，鸡皮包住肉汁四溢的馅料，咬开即爆汁🔥！非常邪恶！😈💠吉烈猪扒 $48金黄酥脆炸皮，猪扒厚切juicy，油香四溢但唔腻，配埋酱汁一流！😎餐厅环境：💎💎💎💎💎/5服务质素：🌸🌸🌸🌸🌸/5食物味道：😋😋😋😋😋/5性价比：💰💰💰💰💰/5人均消费：约$170捌加廿陆天妇罗居酒屋@baka_tempura📍旺角窝打老道31-39号翠园大厦一期地下33A号舖
继续阅读
餐厅：捌加廿陆天妇罗居酒屋地点：旺角窝打老道菜式：天妇罗居酒屋餐牌：自选天妇罗定食、丼饭、小食、饮品、酒水、期间限定自选天妇罗定食 呢度有自选天妇罗定食，好flexible。饭/冷乌冬/汤乌冬/冷荞麦面/汤荞麦面底$30，其他主食加钱，然后就加钱加料自选啦。冷乌冬好大碗，个汤够清而乌冬有咬口，加上葱花，碗边有日式芥末。真心觉得食天妇罗要配冷乌冬或者面，好解油腻感。鲍鱼 加$28鲍鱼炸完都会俾返只壳你一齐上，好弹牙又鲜美。松叶蟹钳 加$23松叶蟹钳真材实料连壳上，蟹肉鲜甜。穴子 加$22 原条穴子真系好大条，鱼肉滑溜有鱼味。广岛蚝 加$18 广岛蚝好多汁又大只。鲜带子 加$18 带子肉真心鲜美又嫩，好香带子味。黑虎虾 加$12 黑虎虾都好大只，虾肉鲜甜。南瓜 加$8南瓜超大件，滑溜唔硬。茄子 加$8茄子厚切多汁。杏饱菇 加$8杏饱菇爽脆。冬菇 加$8冬菇都好爽脆。成个餐包龙虾面豉汤一碗，青瓜渍一段同鲜橙半片可解腻。原只活龙虾天妇罗 $88我第一次食原只活龙虾天妇罗，超大只连头，果然系原只。个身已经去壳，超多肉食。龙虾肉好鲜味又弹牙，口感味道一流。炸菠萝伴海盐雪糕 $28一大片炸菠萝面头加上一球蓝色海盐雪糕球，再加上脆脆。香甜多汁热辣辣炸菠萝配少少咸嘅融化海盐雪糕，味道口感超正！雪糕另外有云尼拿口味拣。总括而言，呢度天妇罗皮够薄脆，入面食物多汁好味够鲜美，不愧为天妇罗专门店。座位全部都系吧枱，可以望住师傅炸野比你食。入面装修好有日本风味。枱上面有七味粉，柚子盐，盐同炸蒜，跟餐都有天妇罗汁。平日午膳满座，好多学生食客。
继续阅读
捌加廿陆天妇罗居酒屋地址：旺角窝打老道31-39号翠园大厦一期地下33A号舖海老穴子天丼🍤 $108今次试咗呢个海老穴子天丼，真系好正！一上枱已经俾佢嘅卖相吸引住，满满嘅天妇罗铺喺饭面，劲有气势！🤩 穴子（即系星鳗）炸得外脆内嫩，肉质好滑，完全冇腥味，正！黑虎虾超大只，咬落去弹牙又鲜甜，完全冇得输🦐。南瓜同本菇炸得好香口，紫菜同四季豆加咗啲清新感，整体配搭好平衡，唔会太腻。性价比超高，食完超满足！👍 正自选天妇罗定食🍤 $150呢个自选定食真系可以话系「天妇罗控」嘅天堂！我拣咗冷乌冬做主食，乌冬弹牙又清爽，配天妇罗一流！🤤 穴子同鲜带子都系必食之选，带子鲜甜到爆，完全冇雪藏味。黑虎虾我仲要咗两只，真系食到停唔到口，虾肉爽口到不得了！帆立贝同那哥鱼都炸得啱啱好，外皮脆但唔会太厚，紫菜虾胶好特别，咬落去有啲脆脆哋嘅口感。南瓜依然系我嘅最爱，甜得嚟又唔会太腻。真系抵到烂！💯 正无糖可乐🥤 $12食咗咁多炸嘢，梗系要饮返支无糖可乐解吓腻啦！😎 #nicefoodie九龙城-—————
继续阅读