捌加廿陸天婦羅居酒屋

营业中

休息中

呢一間餐廳日日都有好多人排隊，而今日終於都試到。白湯烏冬+虎蝦+南瓜烏冬湯底好濃郁，但又唔會過鹹。另外必食虎蝦，只要加$12就有。虎蝦炸到香脆，而食落不失鮮味，十分推薦👍🏻

忽然間掛住日本嘅味道，趁住今晚早咗收工，所以就同朋友嚟咗呢間天丼食晚飯喇。雖然早咗嚟，但係都已經有唔少人排隊！無論喺門面嘅燈罩，定係舖頭入面日色吧檯嘅格局，都顯得成間舖好有日本特色。自選天婦羅丼穴子超長超大塊，肉質幾滑；廣島蠔好大隻，食落唔腥，幾易入口；黑虎蝦蝦肉好滑，好夠蝦味，食落每一啖都好滿足；每一條金菇都炸到好爽脆，口感好豐富；蓮藕都係幾爽口。海鮮天丼同自選丼一樣都揀咗黑虎蝦；帆立貝大大隻，都幾juicy；第一次食那歌魚，質地有啲似魚蛋，幾香口；本菇幾有香菇味，幾爽口；紫菜炸得好爽口。雞皮餃子塊皮真係好薄，食落唔會好有罪惡感！一咬落去即刻爆汁，餡入面嘅餃子肉非常之入味，真係令人回味。磯燒鮑魚配帶子鮑魚大大隻，唔會煮得好硬，仲燒得幾入味；帶子好滑，又非常之juicy，塊炸皮一樣唔會好厚。

平時都好少會食天婦羅，不過今次想試吓新嘢，平時經過油麻地都見到呢間好多人排隊，所以今次就嚟咗呢度試吓呢間主打天婦羅嘅餐廳。 今次同朋友就試咗呢個自選天婦羅丼，佢入面都有唔少嘢可以揀，朋友就揀咗帆立貝，竹輪，雞肉，蟹柳，金菇配鰹魚湯烏冬。而我就揀咗黑虎蝦，帆立貝，牛肉餅，雞肉，蟹柳，金菇配飯。 絕對係估唔到有咁多食物，原來都可以造成天婦羅，而且亦都好好食。特別係蟹柳同埋金菇，呢兩樣絕對係我從來都未見過造成天婦羅嘅嘢相當特別，而且口感亦都好好，佢哋嘅天婦羅皮全部都炸得啱啱好，脆得來亦都唔會太過油膩。而且絕對會推介黑虎蝦，比起平時出面食嘅天婦羅蝦，呢度嘅蝦係特別鮮甜，加外層脆卜卜嘅天婦羅，絕對係一直難忘。而佢哋嘅鰹魚湯烏冬亦都煮得相當入味，而烏冬亦都好彈牙，算係水平之上嘅烏冬。

行經公主道，見到呢一間舖頭大排長龍，原來係專食天婦羅🍤的食店，最特別的係佢可以逐件逐件叫，客人可以按照自己嘅口味自己拼自己嘅天婦羅丼，仲可以自己選擇要飯定係要烏冬，又或者蕎麥麵。整體而言，呢度嘅天婦羅都算中上水平，所有都係即叫即炸，炸粉算薄身，而且啲火好乾淨，開放式廚房可以俾食客睇到一清二楚，價錢合理，係會再黎食嘅餐廳開放式廚房：師傅即炸小食：魷魚鬚天婦羅丼飯天婦羅蕎麥麵餐廳環境甜品：黑糖蕨餅大排長龍

捌加廿陸天婦羅居酒屋，價格親民且環境舒適，店內裝修精美，充滿日本風情，非常適合打卡和享受日本氛圍。價格：相對較為合理，性價比還算不錯。菜單上提供了多種天婦羅菜式可供選擇，讓人可以根據自己的喜好自由搭配。這對那些喜歡自由選擇的人來說是一個不錯的選擇。關於食物質素，整體來說尚可。朋友點了雞肉、雞髀菇和蝦膠紫菜，整體口感不錯，但雞髀菇的份量稍微有點小。我點了炸蠔、牛肉餅和炸蝦。炸蠔中有綠色內臟物，帶有一點苦味，讓我有些失望。牛肉餅口感過於扎實，不似可樂餅，不太推薦。不過，炸蝦的質量不錯。總括來說，捌加廿陸天婦羅居酒屋的食物質素對得起價格，但不要對它抱有太高的期望。如果在同價位範圍內，也可以考慮其他質素更好的店鋪。作為一家一般的天婦羅小店，這裡還是不錯的選擇。如果你想去打卡，也可以考慮一試。

✨旺角・捌加廿陸天婦羅居酒屋✨🔹🔹🔹🔹🔹🔹🔹🔹🔹🔹🔹滑蛋豬扒丼：蛋液十分順滑，配上嫩嫩的豬扒，口感真是味極了。豬扒煎得剛剛好，外酥內嫩，一口咬去，肉汁四溢，讓人回味無窮。蒲燒鰻魚丼：鰻魚切得厚實肥嫩，配上融化口中的蒲燒醬，味道十分濃郁，令人食指大動。魚的煮熟程度掌握得剛好，不僅保持了魚肉的鮮口感，還散發出一股獨特的香氣。唐揚魷魚鬚：魷魚鬚經特殊的處理，外酥內嫩，一口咬下去，彷彿能夠受到魷魚的鮮甜。魷魚鬚上的炸粉完全沒有多餘油膩感，吃起來十分清爽。調味料也相當不錯，恰到好處的鹹度和微微的辣味，讓人食指大動。雞皮餃子（5隻）：餃子的皮煎得酥脆金黃，一口咬去發出脆爽的聲音。餡料使用了新鮮的雞肉和蔬菜口感豐富而不油膩。雞的加入十分獨特，增添餃子的口感和風味。每一顆餃子都包裝得十分完，看起來十分誘人。黑糖蕨餅：這家餐廳的黑糖蕨餅真是美味非凡蕨餅口感Q彈，配上香甜的黑糖醬，絕對是甜品愛好者的最愛。蕨餅的烘烤得十分均勻，外皮酥脆，內部鬆軟，一口咬下去，黑糖的甜味在口中散開，令人陶醉。🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

我今日約同好友去旺角行街，順道去位於旺角窩打老道31-39號翠園大廈1期地下33A號舖的捌加廿陸天婦羅居酒屋食日本料理，環境舒適開揚，好有日式風格，坐得舒服。我點左個特盛海鮮天丼$108，＋磯燒鮑魚配帶子$68；好友點左個蒲燒鰻魚丼$88，＋豬肉餃子（5隻）$38。特盛海鮮天丼有黑虎蝦兩隻＋那哥魚＋帆立貝＋鱔魚＋金菇及秋葵，薄薄的天婦羅炸醬帶出炸物的鮮味，好味又好食；鮑魚和帶子的肉質新鮮好味；鰻魚燒得好味多汁；豬肉餃子煎得香脆好味。

呢間舖頭係新開嘅，一開始已經好高人氣，所以諗住過多陣再去試食。點知就算隔咗幾個月，而家去到門口嘅時候都仲係好多人要排隊。舖頭入邊唔算好大，見到所有職員都好忙。雖然真係排咗好耐隊，不過有朋友傾吓計時間又好快過，排隊嘅時候都聞到嗰浸油香味，所以最後都係決定等落去。食完嘅時候就覺得如果唔使等咁耐嘅話應該都仲會食多次，但係如果要排隊等咁耐嘅話我就會揀第二間。‣ 海老穴子天丼 $108 ⭐️⭐️⭐️✨穴子我覺得炸得唔錯，幾好食，魚肉都好嫩滑，都唔會有一浸腥味。而黑虎蝦都係大大條，咬落去爽口彈牙，都幾得我心。蟹柳南瓜就正常發揮，驚喜係四季豆比我想像中更加甜。講完好嘅就講啲一般啲嘅，紫菜俾我想像中淋啲，而個本菇個處理爭少少，菇嘅草腥味太濃。我自己就再追加咗帆立貝同半熟蛋，兩隻冇話好特別。半熟蛋就真係半熟蛋，畢竟唔係流心蛋，唔係太做到蛋汁撈飯嘅效果。‣ 雞皮餃子 $48 ⭐️⭐️⭐️⭐️✨如果嚟呢到食嘅話，我極推薦雞皮餃子。我覺得勁有驚喜，咬落去嘅時候都幾多汁，而且炸得相當香脆，咬落去嘅時候雞油嘅香都出晒嚟。而且因為係雞皮，所以有啲煙韌，但係咁樣先好食，配埋餡料真係一流，食完一碟係仲想會再嗌多碟。#foodbara

✨旺角・捌加廿陸天婦羅居酒屋✨🔹🔹🔹🔹🔹🔹🔹🔹🔹🔹🔹滑蛋豬扒丼蒲燒鰻魚丼唐揚魷魚鬚雞皮餃子（5隻）黑糖蕨餅這次去試了一家日本料理店，點了幾道人氣美食。第一道滑蛋豬扒丼，讓我驚豔不已。豬扒煎得恰到好處，外酥內嫩，每一口都散發著肉汁的美味。滑蛋則是濃順滑，與豬扒的口感形成絕妙的對比，讓我回味窮。蒲燒鰻魚丼的鰻魚肉質嫩，蒲燒醬汁入味，帶了一種獨特的甜味，讓垂涎欲滴。鰻魚和飯的配非常完美，每一口都我感受到日本料理的精髓。唐揚魷魚鬚是我最愛的小吃之一店家用炸醬油把魷魚鬚炸得香脆可口，每一根都人咬下後滿口的鮮味。它的酥脆口感和酸甜的汁絕妙地融合在一起，人停不下來吃。雞皮餃子是這家店的招牌點心，每天限量供應。皮薄多汁餃子內餡裡面包著鮮嫩雞肉，每一口咬下去都能感受到富的口感。搭配上店家特製的醬料，更是讓這道子的味道更加完美。最後是黑糖蕨餅。這個甜點我驚喜不已。蕨餅外層脆的，內側則是綿密滑，配上黑糖的香甜味，味道非常搭配。整體而言，這個甜點是一個甜蜜又美味的結尾。🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

.ᐟ.ᐟ 必收藏🔖爆紅天婦羅專門店🍤 .ᐟ.ᐟ最平$30有交易😳? 人均$100✨!!近期這家天婦羅專門店討論度極高(ﾟoﾟ;;餐廳氛圍真的有種去了一趟日本的感覺🎌有超過27款天婦羅，即叫即炸.ᐟ.ᐟ重點是，價錢便宜得誇張( ･᷄ὢ･᷅ )自選天婦羅丼飯最平$30就有交易🤝推介鰻魚，黑虎蝦和半熟蛋天婦羅♡︎📍捌加廿陸天婦羅居酒屋 旺角窩打老道31-39號翠園大廈一期地下33A號鋪 😇✧˖° ✐⋰ ⋱✐⋰ ⋱✐⋰ ⋱✐⋰ ⋱✐⋰ ⋱✐⋰☁︎ 𝐁𝐞𝐥𝐥𝐲𝐰𝐨𝐧𝐠𝐬 - 𝐓𝐡𝐞 𝐖𝐨𝐧𝐠𝐬' 𝐅𝐨𝐨𝐝 𝐚𝐧𝐝 𝐓𝐫𝐚𝐯𝐞𝐥 𝐃𝐢𝐚𝐫𝐲 𓌉𓇋

搭車經過見到呢間門面燈牌好日式嘅餐廳經常都有條長龍，今日終於有機會試，明白有條長龍都總有佢原因！今日都等左半個鐘先有位，不過食完你就覺得值得一等！原因係性價比真係好高！除咗門口嘅燈牌，餐廳裏面環境都好日式！乾淨衞生！一個鰹魚湯烏冬set都係$30,另加天婦羅配料，有二十七種選擇😮，一個set 有酸瓜，麵豉湯，香橙🍊！真係大滿足😍😍😍😍麵豉湯好鮮甜！高質👍🏻配料嘅生蠔好鮮甜又juicy ,天婦羅一啲都唔油膩！先係$12！起值👍🏻湯烏冬份量多都食唔晒😍鰻魚丼飯👍🏻👍🏻有天婦羅鰻魚加鮮鰻魚兩食，好新鮮，口感爽口，真係超值！仲有小食都好好味，個芝士年糕大大粒一咬落去爆哂漿🤤🤤

旺角向來各式各樣嘅食物都有，選擇好多近排見到好多天婦羅嘅店舖，我再約朋友的起心肝試試佢，估唔到地方唔算方便就腳，出門卻排長龍而我係比環境吸引黎的，果然無令我失望自選天婦羅丼除咗可以選擇指定好嘅天婦羅丼，仲可以自選鍾意嘅天婦羅配搭丼飯/烏冬/蕎麥麵我地簡左一烏冬，一蕎麥麵半熟蛋，紫蘇蝦膠，竹輪，黑虎蝦，那哥魚，牛肉餅，南瓜 個人認為紫蘇蝦膠，竹輪，黑虎蝦，南瓜都唔錯👍即使放左一陣仲脆，唔會似平日香港既會油淋淋同淋曬炸菠蘿雪糕（海鹽味） 上網睇個個都叫雪糕話好食我都唔執輸，點知當天炸蘋果雪糕沽清，我就試試我最愛嘅菠蘿，菠蘿平日成日食，但係炸我真係第一次佢雪糕上面仲有啲炸左既脆粒，食落口感幾好菠蘿同埋雪糕都夾，而且雪糕可以揀雲呢拿同海鹽味，我同朋友諗都唔諗一定係海鹽味無敵🤤🤤龍角散梅酒，生原酒 純米呤釀習慣同朋友去餐廳見酒必叫，兩款好唔同感覺嘅酒龍角散梅酒就真係第一次見

🍤自選天婦羅餐配麵豉湯揀左冷蕎麥麵、鮮帶子、鰻魚、那哥魚&紫薯，款式眾多，好想全部都揀哂🙈天婦羅外層超酥脆，仲要係即點即炸，海鮮天婦羅都好新鮮，濃濃既麵汁沾上蕎麥麵，舌尖上既享受！🍱蒲燒鰻魚丼配麵豉湯炙燒過既鰻魚放係飯上，再淋上蒲燒醬汁&紫菜絲！鰻魚肉質超級嫩滑，配上白飯係perfect match!🍤唐揚魷魚鬚魷魚鬚被炸得外酥內嫩，沾上開胃既醋，食到停唔到！🍧炸菠蘿海鹽雪糕外面酥脆既炸菠蘿，每口配搭海鹽雪糕，好有驚喜！呢種鹹甜結合好棒！🥤波子汽水📍捌加廿陸天婦羅居酒屋 旺角窩打老道31-39號翠園大廈一期地下33A號舖

最近見到有間招牌主打食天婦羅丼飯好吸引，星期六下午收工去食，未到2點已見排隊人龍啦😯，店鋪樓上設有榻榻米卡座，樓下就係Bar 台形式坐就比較狹窄。一入鋪頭好有去左日本居酒屋feel 呀😬仲要俾我排到上樓坐，好舒服呀！餐牌有自選天婦羅配搭或者丼飯揀，選擇困難既我，一於揀左特盛海鮮天丼（黑虎蝦2隻，那歌魚，帆立貝，鰝魚，四季豆，金菇）加配磯燒鮑魚配帶子和芝麻雞翼（2隻）小食。滿滿一大碗既飯及配料，仲有麵豉湯及前菜配。天婦羅炸皮好薄，又好酥脆。雞翅炸完都仲好juicy。鮑魚及帶子都好新鮮，炸完都仲好彈牙👍🏻另外叫左碗滑蛋豬扒丼略有孫色左少少，豬扒少少干身😅。不過總括黎講，呢個親民價錢又有咁高質，係抵食既！

好耐冇見嘅朋友約食飯，我提議8+26，朋友同意並建議early dinner，我哋見食評話要排隊，所以約大概5:00左右，食頭一輪。喺門外等時順便睇吓食乜好真係呢樣又想食嗰樣又想食5:30到啦店員安排我哋入座，之後遞上QR CODE ，手機選餐落單，朋友揀自選，舉棋不定嘅我都覺得自選好似開心啲落單後師傅即時炸天婦羅朋友揀咗廣島蠔、黑虎蝦、帆立貝、紫菜、四季豆同蘆筍配冷烏冬我揀咗鮮帶子、廣𡷊蠔、半熟蛋、牛肉餅同紫菜蝦膠配鰹魚湯蕎麥麵半熟蛋好正（必點），牛肉餅紮實本來想叫小食，好彩朋友話食咗先，如果唔係就浪費。下次要試其他款式嘅自選天婦羅丼