捌加廿陸天婦羅居酒屋

营业中

休息中

📍 捌加廿陸天婦羅居酒屋 (旺角)今日係收工既時候落一場大雨，好多人成身濕曬，我地都唔例外，我地經過旺角近窩打老道附近有間日式居酒屋，裝修到餐廳好似自己身處日本咁，好有日本人放工去消遣咁，餐廳入面非常熱鬧。餐廳出名天婦羅，決定試一試。⭐️滑蛋豬扒丼 $68滑蛋豬排丼，豬排大大塊，同個碗一樣大，飯粒軟硬適中，湯汁連豬排一起吃，幸福指數爆燈🩷⭐️海老穴子天丼 $108海老包括穴子、黑虎蝦、蟹柳、南瓜、本菇、紫菜、四季豆，天婦羅份量十足，如果選擇自選可以碗麵，烏冬等，配什麼都可以，炸炒非常薄，唔會成口油味，乾脆，再配上特制天婦羅汁，十分入味，如果唔夠可再點龍蝦天婦羅。⭐️芝士吉列豬扒 $58吉列豬扒內有好豐滿既芝士係入面，熱辣辣配上柚子醋同埋蛋黃醬，真係好好食。🔥⭐️雞皮餃子 $48餐廳炸物非常優秀，炸完上碟唔會有好多油，感覺不會太油膩，雞皮香脆內軟，好juice👍🏽👍🏽😎⭐️炸菠蘿雪糕 $28餐廳炸菠蘿是亮點，餐廳用天婦羅方法處理，出奇地與海鹽雪糕非常夾，好似食緊西多士，非常推薦大家揀。🔅🔅需另加一服務費🔅🔅——————————————- 📍 捌加廿陸天婦羅居酒屋 (旺角)🏠 旺角窩打老道31-39

係旺角有間可以自選天婦羅丼飯既餐廳就好似doraya咁可以自選刺身丼好似幾有趣所以去左試下位置係廣華醫院格離對住窩打老道d舖位門口好多牌都幾易認我地星期日 五點八左右到達仲可以直入餐廳有兩層地下係bar檯位樓上係tatami位我地就坐左樓上座位就寬落d不過要除鞋牆身貼滿晒動漫野QR code落單都有寫明晚市要加一既好像車仔麵咁可以自己揀餸或者有指定丼飯既所以先話有d似doraya咁我地就揀左一個自選丼定一個指定丼自選定食仲可以轉烏冬咬口都唔錯另外仲加多左個吉烈豬扒香脆唔鞋口定食同自選都揀左虎蝦大大條自選仲揀左帶子都好大粒下連半熟蛋都有得揀天婦羅有d似炸蛋但無咁厚皮兩個定食都有跟味噌湯同沙津雖然要捧上黎樓上但都仲係熱辣辣唔會油淋淋麵衣亦都唔算厚整體係食得好滿足既落番地下門口埋單兩個定食加埋吉豬連加一大約三舊水正常價位餐廳有動漫feel服務OK都唔錯可以一戰有限時六十分鐘食完出門口見到已經大排長龍都有唔少捧場客係香港呢個時勢都真係算少見所以都係早少少黎比較穩陣

平日夜晚七點經過餐廳門外已經有十個人左右喺度排隊，大約排左十五分鐘就有位，餐廳有上下層，下層全部係吧枱，氣氛幾好。🍽️原隻軟殼蟹天婦羅 $48軟殼蟹幾大隻，咬落唔會成口炸粉，幾香幾多肉，配上飛魚籽同紫菜食好好味，價錢公道。🍽️煎鵝肝配蘋果 $58鵝肝味道濃郁細膩，口感柔軟，入口似奶油咁喺口中融化。鵝肝同蘋果一齊食，爽脆嘅口感中和咗鵝肝肥膩嘅感覺，幾夾。🍽️自選天婦羅定食 $30起定食除咗飯，仲可以揀凍或熱嘅烏冬、蕎麥麵，亦跟埋湯同沙律。我哋叫咗冷酢橘蕎麥麵 (+$8)，湯底酸酸甜甜幾清爽開胃。天婦羅方面叫咗鮮帶子 (+$18)、帆立貝 (+$12)同紫菜蝦膠 (+$12)。帶子同帆立貝都幾鮮甜，中心部份仲好濕潤；紫菜蝦膠味道好夾，唔錯。🍽️海老穴子天丼 $108天丼賣相非常吸引，金黃色嘅天婦羅鋪滿成個碗面！呢個丼好啱我呢啲選擇困難症心大心細咩都想試吓嘅人～天婦羅有穴子、黑虎蝦、蟹柳、南瓜、本菇、紫菜同四季豆，每款都炸到金黃色，炸粉均勻唔會好厚，食落外脆內軟而唔油膩。米飯上充滿特製醬汁，結合咗酥脆同鮮味，好好味。穴子味道清淡爽口，肉質細膩；黑虎蝦肉口感爽口彈牙而且鮮甜，整體唔錯有日本嘅質素。🍨炸

Blingbling美食推介✨📍旺角捌加廿陸天婦羅居酒屋✨爆場人氣居酒屋・主打超豪華天丼！💠💠💠💠💠💠💠💠📸 平民價錢，日式職人味道！每碗天丼堆到滿滿的~ 絕對係打卡一流🍤🍚怪唔知成日都好多人排隊啦☺️💠特盛海鮮天丼 $108🦐 黑虎蝦2隻｜🐟 那歌魚｜🦪 帆立貝｜鱚魚｜四季豆｜金菇海鮮配料勁澎湃，炸衣酥脆唔油膩，蝦肉厚實彈牙，帆立貝鮮甜Juicy，魚肉嫩滑，每啖都係驚喜！😍💠海老穴子天丼 $108穴子（星鰻）｜🦐黑虎蝦｜🦀蟹柳｜🎃南瓜｜本菇｜紫菜｜四季豆穴子肥美綿密，蝦炸得鬆脆唔乾柴，仲有紫菜增添層次感，整碗色香味俱全！😋💠雞皮餃子（5隻）$48居酒屋必點‼️餃子外皮香脆焦香，雞皮包住肉汁四溢的餡料，咬開即爆汁🔥！非常邪惡！😈💠吉烈豬扒 $48金黃酥脆炸皮，豬扒厚切juicy，油香四溢但唔膩，配埋醬汁一流！😎餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5人均消費：約$170捌加廿陸天婦羅居酒屋@baka_tempura📍旺角窩打老道31-39號翠園大廈一期地下33A號舖

餐廳：捌加廿陸天婦羅居酒屋地點：旺角窩打老道菜式：天婦羅居酒屋餐牌：自選天婦羅定食、丼飯、小食、飲品、酒水、期間限定自選天婦羅定食 呢度有自選天婦羅定食，好flexible。飯/冷烏冬/湯烏冬/冷蕎麥麵/湯蕎麥麵底$30，其他主食加錢，然後就加錢加料自選啦。冷烏冬好大碗，個湯夠清而烏冬有咬口，加上蔥花，碗邊有日式芥末。真心覺得食天婦羅要配冷烏冬或者麵，好解油膩感。鮑魚 加$28鮑魚炸完都會俾返隻殼你一齊上，好彈牙又鮮美。松葉蟹鉗 加$23松葉蟹鉗真材實料連殼上，蟹肉鮮甜。穴子 加$22 原條穴子真係好大條，魚肉滑溜有魚味。廣島蠔 加$18 廣島蠔好多汁又大隻。鮮帶子 加$18 帶子肉真心鮮美又嫩，好香帶子味。黑虎蝦 加$12 黑虎蝦都好大隻，蝦肉鮮甜。南瓜 加$8南瓜超大件，滑溜唔硬。茄子 加$8茄子厚切多汁。杏飽菇 加$8杏飽菇爽脆。冬菇 加$8冬菇都好爽脆。成個餐包龍蝦麵豉湯一碗，青瓜漬一段同鮮橙半片可解膩。原隻活龍蝦天婦羅 $88我第一次食原隻活龍蝦天婦羅，超大隻連頭，果然係原隻。個身已經去殼，超多肉食。龍蝦肉好鮮味又彈牙，口感味道一流。炸菠蘿伴海鹽雪糕 $28一大片炸菠蘿面頭加

日式餐廳滿晒場勁長卡枱座位午市已經坐滿晒閣樓榻榻米坐位好有氣氛 🍚滑蛋豬扒丼珍珠米水潤飽滿豬扒舖滿成個碗份量很多啊豬扒厚度適中配合炸粉剛剛好 🍚海鮮天婦羅丼好多款天婦羅黑虎蝦 / 帆立貝 / 那哥魚 / 蟹柳 本菇 / 紫菜 / 四季豆外皮酥脆 裹粉香口剛剛好食材新鮮配天婦羅汁色香味俱全 🍚炸雞軟骨大大粒果款軟骨有少少肉好有嚼口配炸粉口感豐富又脆又有咬口 🍚南蠻炸雞雞肉很嫩醬料醃過咸咸地好香口炸過都保留肉汁 🍚雞皮餃子餃子肉餡味濃好豐富雞皮香口煙韌味道好夾好適合送啤酒邊食邊飲 🍚蘋果汁提子汽水日式罐裝汽水比較甜汽比較多氣泡能刺激打嗝很爽

假日去旺角行街食飯，呢度有間好出名的天婦羅店，夜晚來吃的話一般都大排長龍，我地唔想等咁耐就揀左下晝來食。餐廳裝潢好日式，鋪頭的氛圍讓人猶如置身於日本的居酒屋之中，牆身貼滿日系畫作。我倆上左閣樓坐在榻榻米的飯桌，意想不到的舒適又自在，而且可以手機下單，非常方便，絕對是好友相聚，暢談的地方。自選天婦羅定食：⭐️冷蕎麥麵配麵豉湯松葉蟹鉗穴子廣島蠔黑虎蝦⭐️堅魚湯烏冬配麵豉湯黑虎蝦紫薯竹輪整體而言，天婦羅的粉醬極薄，咬口香脆，食材也十分新鮮，最值得推介是黑虎蝦和廣島蠔，炸完一口咬落去勁多汁！呢度吾會炸定先，係即叫即炸，選擇多彈性大，可以好似車仔麵甘自由配搭。冷蕎麥麵夠凍，面條口感彈牙，湯底清新，而堅魚湯配熱烏冬亦最適合不過。最後追加了小食:⭐️雞皮餃子外皮香脆，咬落去爆汁！非常有驚喜！必點！雞皮包住了滿滿肉汁的雞肉，是餃子屆的天花版。期間限定：⭐️A5和牛配日本蛋和牛份量充足，肉質軟滑而有油脂香。

自己本身都好鍾意食天婦羅知道旺角開咗一間天婦羅專門店 約咗朋友一齊試吓 ~ 我哋大概七點去到都真係好多人排緊 果然係人氣打完日本小店 !!餐牌主要都係以天婦羅為主，加上小食🤪唔想煩嘅可以直接叫一個set, 或者可以自選 我自己就鍾意自選，因為可以揀自己想食嘅嘢 , 朋友就叫咗一個特盛海鮮天丼我哋用QR code落完單之後好快就上菜 我嘅自選天婦羅定食 叫咗冷烏冬 再加上穴子 半熟蛋 牛肉肉餅 紫菜蝦餃 蓮藕同茄子 🥰果然呢度嘅炸物真係好好食 炸醬好薄 新鮮熱辣非常脆口 當中最出色嘅一定係半熟蛋 外脆內軟 入邊啲蛋漿流晒出嚟非常好食 ! 至於紫菜蝦膠亦都非常咸鮮都大力推薦 ! 朋友嘅特盛海鮮天丼都一樣咁正 佢話黑虎蝦超級爽口彈吓😀好想再叫多幾條😆😆😆小食要咗炸軟骨， 一路飲凍嘢一路食炸物真係人生一大享受 ！我哋叫咗咁多嘢，加埋都唔使$300，性價比很高啊🥰

餐廳名字：捌加廿陸天婦羅居酒屋 (旺角)餐廳地址：旺角窩打老道31-39號翠園大廈一期地下33A號舖冷蕎麥麵🍜麵條滑溜，搭配咗清新的醬油汁，味道清新，特別適合炎炎夏日，令人一口接一口。天婦羅方面，我選咗鰻魚、黑虎蝦、帆立貝、南瓜同茄子。🍤 🎃🍆🐟鰻魚炸得外脆內嫩，滋味無窮；黑虎蝦金黃香脆，咬下去肉質彈牙，簡直係海鮮愛好者的夢想。帆立貝則保持住原汁原味，鮮甜之餘仲有一絲海水的清香。而南瓜同茄子的天婦羅則令整個定食增添咗一份素雅，口感輕盈，唔會太膩。飯方面配咗竹輪，紫菜，南瓜天婦羅🎃簡單但又好味，竹輪帶有淡淡的魚香，啖啖滋味，紫菜則增添咗海味，令人食得開心。炸菠蘿配雲呢拿雪糕🍍🍧菠蘿外脆內嫩，甜中帶酸，真係好正！搭配香滑的雲呢拿，簡直係完美嘅結尾，令人意猶未盡。

呢間專門食天婦羅嘅居酒屋長期都有人排隊，今晚咁啱經過就決定嚟試吓，我同朋友都揀咗自選天婦羅定食。第一份自選天婦羅定食就揀咗冷烏冬，鮮帶子，廣島蠔，鰻魚，黑虎蝦，金菇。每一款材料都偏向大嚿，海鮮好新鮮，每一款天婦羅都炸得好乾身，個人推介鮮帶子同鰻魚！第二份自選天婦羅定食就揀咗冷酢橘鳥冬，鮮帶子，鱚魚，希靈魚，黑虎蝦，茄子。呢款凍烏冬加咗青檸同特製醬汁，味道好特別，個人推介希靈魚同茄子！每款定食都會有湯、沙律，份量嚟講絕對夠晒，唔夠喉嘅話仲有好多小食可以選擇，今次就試咗清酒煮沙白，清酒嘅味道好濃，沙白冇沙，而且粒粒都好大隻，夠晒飽滿。望住師傅炸天婦羅感覺就好似喺日本食緊居酒屋咁，唔怪得知日日都大排長龍啦！

🚶‍♂️由油麻地站行過去只需幾分鐘，晚市時段人流多，要排隊等位，但絕對值得！🍽️一入店就感受到濃濃日本風情，坐喺吧枱位仲可以近距離睇住師傅即席炸物，視覺＋嗅覺雙重享受！✨今次試咗以下幾款推介：🥚滑蛋豬扒丼：炸豬扒外脆內嫩，配上滑蛋同香甜醬汁，超級惹味！🍤海鮮天丼：配有沙律＋麵豉湯做前菜，麵豉湯出奇地好飲，鹹香濃郁。天丼仲附有一兜點海鮮的醬汁，令炸物更添層次。🦐黑虎蝦｜🐚帆立貝｜🦀蟹柳｜🐟那歌魚｜🍄本菇｜🌿紫菜｜🌱四季豆每款炸物都即叫即炸，外皮酥脆不油膩，海鮮鮮味十足，蔬菜炸得剛剛好，保留原味。🥟豬肉餃子（5隻）：皮薄餡靚，肉汁豐富，值得加點！🧀芝士年糕：煙韌中帶濃郁芝士味，邪惡又滿足！🍡黑糖蕨餅：飯後甜品一流，黑糖香濃，口感滑溜。🥤飲品方面：雀巢檸檬茶清新解膩，可樂（無糖版）就啱晒唔想太甜嘅朋友。📸整體體驗非常好，食物新鮮、環境有氣氛，係旺角區一間值得回訪嘅日式丼飯店！

#fatchubelly 旺角📍捌加廿陸天婦羅居酒屋 (旺角)💥海老穴子天丼呢款天都啱晒鍾意食穴子嘅朋友穴子食落去好香魚味😋食落去非常之鮮甜而其他蔬菜嘅天婦羅都非常新鮮食到蔬菜嘅鮮甜味 推廌🤤💥海鮮天丼海鮮天丼係性價比之選🍤有黑虎蝦，帆立貝，蟹柳同埋唔同嘅蔬菜款式非常之多 食材亦都非常新鮮綜合嚟講非常之好味😝💥小食拼盤餐廳有好多款小食🤩小食拼盤啱晒選擇困難嘅朋友出邊有炸雞魷魚雞軟骨一定有款啱你嘅口味！🙆🏻捌加廿陸天婦羅居酒屋 (旺角)旺角窩打老道31-39號翠園大廈一期地下33A號舖

話說我自己有點怕係香港食天婦羅因為唔係太油，就炸唔夠 or 太乾，總之就無次好但理間無完全推翻哂我以往嘅感覺我地揀左自選天婦羅組合就一個橋麥麵（可以揀其他飯/烏東..） $30炸帶子👍🏻👍🏻👍🏻外皮好脆，入面帶子仲食到一絲絲帶子肉同帶帶子香味炸蓮藕👍🏻👍🏻👍🏻自己好中意食炸蓮藕，同埋佢係厚剪，炸完仲好爽勁有滿足感😋私心推介😝炸南瓜👍🏻👍🏻正常，我估係用日本南瓜，食到南瓜肉一條條的佢都係厚切😋炸杏鮑菇👍🏻👍🏻俾我想像中的細條，但都好juicy炸牛肉餅👍🏻理個就同我預期有d出入，本身以為佢係好似免治牛肉咁嘅牛肉餅，但原來係似牛丸口感但變左餅嘅形式，下次我就未必會再叫理個🙈🙈整體黎講天婦羅，佢地控制個油溫好好，個粉漿炸到好脆又唔油，同時入面嘅食材keep到佢本身嘅水份，好好食👍🏻👍🏻😋最重要係即叫即炸，黎到面前係仲好熱的😋價錢都十分相宜，上面咁叫都係$78，當然你叫多d餸就再貴d, 每件炸物計咁

聽聞旺角呢間主打天丼/天婦羅嘅「捌加廿陸居酒屋」性價比唔錯，但上次嚟因太多人排隊而放棄。呢次剛好喺佢哋晚市剛開始時（我大概1735入場）嚟到，順利食到。點咗個$108嘅特盛海鮮天丼，內有兩隻黑虎蝦、一件那歌魚、鱚魚、帆立貝、四季豆同金菇。賣相唔錯，味道亦合格。當然海鮮質素我唔會同港島一啲天婦羅名店去比較，但我稍嫌兩件魚嘅質地同我預期落差較大，珍珠米上嘅醬汁以天丼嚟講亦太少。Happy hour時段有啲items特價，要了一個$29.9嘅雞皮餃子，夠香口幾好食。配杯同樣$29.9嘅麒麟生啤。呢杯啤酒就真係要批評吓，menu標名係570ml，但倒出嚟只有八成滿，真係好懷疑有冇400ml。既然係咁，不如唔好寫個容量出嚟好過囉。晚市要加一，最終三樣嘢埋單$185，算平嘅，但未到抵到爛。最後六點半左右離開時門口又有人排隊，閑日嚟講算好旺場吓。

唔值得排隊，凍烏冬完全唔凍只可以話暖.門口要等很多人，但係完全唔值得.上菜速度非常慢一開始以為天婦羅都炸，所以要等好耐.但係啲菜一想到完全唔熱只可以話暖.完全唔知點解要等咁耐同埋要排隊完全冇意思.