捌加廿陸天婦羅居酒屋

营业中

休息中

平日夜晚七點經過餐廳門外已經有十個人左右喺度排隊，大約排左十五分鐘就有位，餐廳有上下層，下層全部係吧枱，氣氛幾好。🍽️原隻軟殼蟹天婦羅 $48軟殼蟹幾大隻，咬落唔會成口炸粉，幾香幾多肉，配上飛魚籽同紫菜食好好味，價錢公道。🍽️煎鵝肝配蘋果 $58鵝肝味道濃郁細膩，口感柔軟，入口似奶油咁喺口中融化。鵝肝同蘋果一齊食，爽脆嘅口感中和咗鵝肝肥膩嘅感覺，幾夾。🍽️自選天婦羅定食 $30起定食除咗飯，仲可以揀凍或熱嘅烏冬、蕎麥麵，亦跟埋湯同沙律。我哋叫咗冷酢橘蕎麥麵 (+$8)，湯底酸酸甜甜幾清爽開胃。天婦羅方面叫咗鮮帶子 (+$18)、帆立貝 (+$12)同紫菜蝦膠 (+$12)。帶子同帆立貝都幾鮮甜，中心部份仲好濕潤；紫菜蝦膠味道好夾，唔錯。🍽️海老穴子天丼 $108天丼賣相非常吸引，金黃色嘅天婦羅鋪滿成個碗面！呢個丼好啱我呢啲選擇困難症心大心細咩都想試吓嘅人～天婦羅有穴子、黑虎蝦、蟹柳、南瓜、本菇、紫菜同四季豆，每款都炸到金黃色，炸粉均勻唔會好厚，食落外脆內軟而唔油膩。米飯上充滿特製醬汁，結合咗酥脆同鮮味，好好味。穴子味道清淡爽口，肉質細膩；黑虎蝦肉口感爽口彈牙而且鮮甜，整體唔錯有日本嘅質素。🍨炸

Blingbling美食推介✨📍旺角捌加廿陸天婦羅居酒屋✨爆場人氣居酒屋・主打超豪華天丼！💠💠💠💠💠💠💠💠📸 平民價錢，日式職人味道！每碗天丼堆到滿滿的~ 絕對係打卡一流🍤🍚怪唔知成日都好多人排隊啦☺️💠特盛海鮮天丼 $108🦐 黑虎蝦2隻｜🐟 那歌魚｜🦪 帆立貝｜鱚魚｜四季豆｜金菇海鮮配料勁澎湃，炸衣酥脆唔油膩，蝦肉厚實彈牙，帆立貝鮮甜Juicy，魚肉嫩滑，每啖都係驚喜！😍💠海老穴子天丼 $108穴子（星鰻）｜🦐黑虎蝦｜🦀蟹柳｜🎃南瓜｜本菇｜紫菜｜四季豆穴子肥美綿密，蝦炸得鬆脆唔乾柴，仲有紫菜增添層次感，整碗色香味俱全！😋💠雞皮餃子（5隻）$48居酒屋必點‼️餃子外皮香脆焦香，雞皮包住肉汁四溢的餡料，咬開即爆汁🔥！非常邪惡！😈💠吉烈豬扒 $48金黃酥脆炸皮，豬扒厚切juicy，油香四溢但唔膩，配埋醬汁一流！😎餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5人均消費：約$170捌加廿陸天婦羅居酒屋@baka_tempura📍旺角窩打老道31-39號翠園大廈一期地下33A號舖

餐廳：捌加廿陸天婦羅居酒屋地點：旺角窩打老道菜式：天婦羅居酒屋餐牌：自選天婦羅定食、丼飯、小食、飲品、酒水、期間限定自選天婦羅定食 呢度有自選天婦羅定食，好flexible。飯/冷烏冬/湯烏冬/冷蕎麥麵/湯蕎麥麵底$30，其他主食加錢，然後就加錢加料自選啦。冷烏冬好大碗，個湯夠清而烏冬有咬口，加上蔥花，碗邊有日式芥末。真心覺得食天婦羅要配冷烏冬或者麵，好解油膩感。鮑魚 加$28鮑魚炸完都會俾返隻殼你一齊上，好彈牙又鮮美。松葉蟹鉗 加$23松葉蟹鉗真材實料連殼上，蟹肉鮮甜。穴子 加$22 原條穴子真係好大條，魚肉滑溜有魚味。廣島蠔 加$18 廣島蠔好多汁又大隻。鮮帶子 加$18 帶子肉真心鮮美又嫩，好香帶子味。黑虎蝦 加$12 黑虎蝦都好大隻，蝦肉鮮甜。南瓜 加$8南瓜超大件，滑溜唔硬。茄子 加$8茄子厚切多汁。杏飽菇 加$8杏飽菇爽脆。冬菇 加$8冬菇都好爽脆。成個餐包龍蝦麵豉湯一碗，青瓜漬一段同鮮橙半片可解膩。原隻活龍蝦天婦羅 $88我第一次食原隻活龍蝦天婦羅，超大隻連頭，果然係原隻。個身已經去殼，超多肉食。龍蝦肉好鮮味又彈牙，口感味道一流。炸菠蘿伴海鹽雪糕 $28一大片炸菠蘿面頭加

捌加廿陸天婦羅居酒屋地址：旺角窩打老道31-39號翠園大廈一期地下33A號舖海老穴子天丼🍤 $108今次試咗呢個海老穴子天丼，真係好正！一上枱已經俾佢嘅賣相吸引住，滿滿嘅天婦羅鋪喺飯面，勁有氣勢！🤩 穴子（即係星鰻）炸得外脆內嫩，肉質好滑，完全冇腥味，正！黑虎蝦超大隻，咬落去彈牙又鮮甜，完全冇得輸🦐。南瓜同本菇炸得好香口，紫菜同四季豆加咗啲清新感，整體配搭好平衡，唔會太膩。性價比超高，食完超滿足！👍 正自選天婦羅定食🍤 $150呢個自選定食真係可以話係「天婦羅控」嘅天堂！我揀咗冷烏冬做主食，烏冬彈牙又清爽，配天婦羅一流！🤤 穴子同鮮帶子都係必食之選，帶子鮮甜到爆，完全冇雪藏味。黑虎蝦我仲要咗兩隻，真係食到停唔到口，蝦肉爽口到不得了！帆立貝同那哥魚都炸得啱啱好，外皮脆但唔會太厚，紫菜蝦膠好特別，咬落去有啲脆脆哋嘅口感。南瓜依然係我嘅最愛，甜得嚟又唔會太膩。真係抵到爛！💯 正無糖可樂🥤 $12食咗咁多炸嘢，梗係要飲返支無糖可樂解吓膩啦！😎 #nicefoodie九龍城-—————

這間專門做天婦羅的居酒屋我已經留意了一段時間，但一直怕排隊，所以遲遲未試。今天剛好和太太經過，竟然有空位，而且還是樓下的吧枱，當然馬上入座！樓上還有四張小枱，環境寬敞寧靜，帶點日本風情，不過是榻榻米座席，為免太太投訴，還是乖乖留在樓下吧。 這間居酒屋充滿日式風味，店內主要由年輕人打理，午市還不用加一，感覺親切又實惠。 #鴛鴦鰻魚丼飯（$98）一次過試到蒲燒鰻魚和天婦羅鰻魚，雙重口感，滿足度加倍！ #自選天婦羅定食（$96）自選就是任性！主食可選烏冬、蕎麥麵或飯，然後自由搭配自己喜歡的天婦羅。 最後我們選了：鰹魚湯烏冬、廣島蠔、牛肉餅、黑虎蝦、蓮藕、金菇、茄子。 天婦羅外皮輕薄香脆不油膩，不會過厚搶去主食材風采，咬下去仍能感受到食材的新鮮原味，每一口都酥脆又滿足！ #小食拼盤（$78）內含炸魷魚鬚、唐揚雞、雞軟骨，唐揚雞用的是雞鎚，外脆內嫩，幾款炸物都香口唔膩。#炸菠蘿雪糕（$28）這款甜品相當特別！菠蘿清甜多汁，搭配香脆的天婦羅外皮，脆脆不會因為雪糕而變腍，好吃又有驚喜！

今次已經係第二次過嚟食，貪心啲就嗌個自選，入咗坐之後就覺得一個人嚟食有啲可惜，如果兩個人我一定會嗌個龍蝦天婦羅，因為真係相當之少見！睇隔離枱食客好快就掃咗個龍蝦天婦羅，應該幾好食。‣ 自選天婦羅定食 $115最貴都係松葉蟹鉗，但係蟹肉好清甜，如果再大隻啲就好。諗咗一陣鰻魚定係穴子好啲，最後都係揀穴子，畢竟穴子本身脂肪比較少，口感相對上清淡啲，比較夾我今次嘅配搭，我覺得作為炸物穴子真係冇得輸。之後就揀咗黑虎蝦同埋帆立貝，虎蝦都係正常發揮，一樣都係咁彈牙。而我揀咗帆立貝係因為我都幾想食帆立貝個裙邊，咬落去超爽。蔬菜嚟講我都幾推薦南瓜同埋金菇，金菇炸完出嚟好似把扇咁樣，保留到個口感之餘，個樣都幾靚。南瓜就相當之鮮甜，如果唔係個肚塞唔落，我應該會再嗌多幾份。‣ 炸雞軟骨 $38我鍾意佢嘅雞軟骨真係勁大粒，食落去仲咬到啲肉，炸得相當香脆，仲保留到啲肉汁，仲有啲蛋黃醬俾你點嚟食，我覺得呢個價錢呢個份量相當抵食。上次食咗雞皮餃子，今次食雞軟骨，兩個都係我極度推薦嘅小食。

呢間天婦羅店真係好正，坐喺榻榻米非常之有特色！我叫咗特盛海鮮天丼，裡面有兩隻黑虎蝦、那歌魚、帆立貝同埋鱸魚，仲有四季豆同金菇，食落去每一口都好鮮甜，天婦羅炸得金黃酥脆，配埋米飯真係一流！我朋友叫咗海老穴子天丼，入面有穴子、黑虎蝦、蟹柳、南瓜、本菇同紫菜，口感層次好豐富。最後，我仲叫咗磯燒鮑魚配帶子，鮑魚鮮嫩，帶子嘅味道亦好突出，真係食到停唔到口。配埋罐蘋果汁，清新又解膩。佢下晝會有落場嘅時間，要留意開放時間 。

🔥人均 30 + 的天妇罗定食，仪式感拉满🍤最近被全网刷屏的「日漫风天妇罗小店」终于打卡成功！推门瞬间像钻进治愈系日漫场景，暖黄灯光 + 木质吧台，餐厅装潢充满日本风情🎏~楼底高，天花板悬挂着日式灯笼🏮连炸物的滋滋声都自带 BGM～最绝的是自选定食才 30HKD 起，花小钱吃出高级感！📝点单攻略：这样选好吃到跺脚✅ 自选定食公式：主食（面 / 饭）+ 天妇罗单品 + 免费味增汤▪主食选热汤豚骨乌冬！汤底浓到挂唇，浇上烧烤酱 + 辣油，漫画里的同款治愈感直接拉满🍜▪天妇罗闭眼冲这几款：🦐黑虎虾：外酥里嫩到爆汁，虾肉弹牙到能打乒乓球！🍳半熟流心蛋：咬开瞬间蛋液像瀑布流下，裹上蘸料绝了🦪广岛蚝：比手掌还大，炸完居然没缩水，鲜到掉眉毛蒲烧鳗鱼丼一定要单独夸夸这碗饭！鳗鱼烤得外皮焦脆，内里嫩到入口即化，蒲烧酱汁甜而不腻，铺在油润的米饭上，每勺都能挖到大块鱼肉~🍍炸菠萝雪糕这个甜品超级惊喜！！菠萝是天妇罗的做法～冰淇淋带奶香🍦炸菠萝和雪糕两种食材很好的结合到了一起～热乎的天妇罗菠萝配海盐冰淇淋，甜咸交织超解腻

藏在旺角的小店真的火到誇張🔥下午兩點半衝過去居然全滿！餐廳主打性價比日式天婦羅$100左右已經能吃到豐富雜錦天婦羅套餐而且日式居酒屋的設計和滿牆雜誌、漫畫秒回日本吃午飯🍤 特盛海鮮天丼 HK$108👇帆立貝+炸蝦+那哥魚+沙追魚+金菇+四季豆脆漿薄得像玻璃紙✨咬下去「咔哧」聲超治癒～飯底還可以轉不同湯底的烏冬和蕎麥麵🍱自選定食 HK$30起白飯+味噌湯+前菜居然這價😱點了超多想的海鮮和野菜也才$100左右🦞 期間限定▫️ 原隻活龍蝦天婦羅 HK$88衝着這個龍蝦去的💡 真實食感✓ 即炸天婦羅完全不油膩✓ 海鮮丼料多到根本吃不下主食✓ 龍蝦CP值逆天但真的要早去！

最近想食天婦羅，於是睇戲前嚟到附近嘅捌加廿陸天婦羅居酒屋，一入到去就見到牆身貼滿電影動畫嘅海報，充滿特色，加上今日仲有坐喺樓上Tatami位置，可以打卡影靚靚相🤭 食物方面，除咗丼飯、小食之外，仲可以自選天掃羅定食，人均都唔使 $150，好抵食呢！ 鍾意食天婦羅既朋友，記得過嚟試下呀～丼飯嘅份量都幾多，食材有兩隻黑虎蝦、那歌魚、帆立貝、鰝魚、四季豆同金菇等，麵衣充滿酥脆口感，忍唔住一啖又一啖。每一啖嘅天婦羅都外脆內嫩，油炸得恰啱啱好，唔會有油膩嘅感覺。而磯燒鮑魚入口肉厚爽脆，配埋帶子，好滿足呀！蒲燒鰻魚丼同樣吸引🤩 啖啖肉之餘又唔會乾身，而且丼飯加入蛋絲，口感更加豐富。✨特盛海鮮天丼✨蒲燒鰻魚丼✨磯燒鮑魚配帶子✨蘋果汁✨提子汽水

旺角分店雖然細細間得10幾個位，但晚市都要排隊! 入到去好似去咗日本小店咁，好有feel～每個定食/丼飯都包埋麵豉湯同水果，價錢合理又飽肚。🍤自選天婦羅定食 $118可以瘋狂自選天婦羅，款式選擇超多，仲可以跟冷烏冬，夏天食啱晒! 帶子 $18 - 大大隻勁肥美, 仲一啲都唔乾!廣島蠔 $18 - 咬落爆汁黑虎蝦 $12 - 大大隻夠晒彈牙帆立貝 $12 紫菜蝦膠 $12 - 市面較少見, 好有特色南瓜 $8 - 非常香甜!杏鮑菇 $8 🍤海老穴子天丼 $108成碗鋪滿炸物，星鰻大大條，一啲都唔腥仲啖啖肉，仲有超鮮甜蟹柳!🧀芝士年糕 $38必叫小食之一，一咬開芝士多到漏出嚟，仲有拉絲效果~

捌加廿陸天婦羅居酒屋 🍤餐廳地址：捌加廿陸天婦羅居酒屋 (旺角)旺角窩打老道31-39號翠園大廈一期地下33A號舖唔知大家去日本有冇食過好好食嘅天婦羅？！新鮮食材加埋即叫即炸，真係冇得頂！估唔到香港一樣有咁高質嘅天婦羅，仲要$100左右就食到！✨✨佢哋有多款配搭好嘅天婦羅定食，啱晒選擇困難症嘅朋友～不過如果大家同我一樣，會偏食嘅話都唔緊要，因為佢哋都有自選天婦羅定食，俾大家揀自己鍾意嘅天婦羅婦！我哋分別揀咗兩個自選天婦羅定食🍱，揀咗好多款天婦羅，分別有黑虎蝦🍤、鰻魚🐟、帆立貝🐚、紫菜蝦膠🦐、竹輪、半熟蛋🥚、紫菜、粟米芯🌽、杏鮑菇🍄‍🟫、蘆筍，佢哋嘅每一款天婦羅都好好食，基本上乜嘢都唔會中伏，大家可以放心嗌～ 每一個定食都包咗一款主食，我哋分別揀咗冷酢橘蕎麥麵 同埋 鰹魚湯烏冬～舖頭除咗有提供唔同款式嘅天婦羅之外，都仲有其他丼飯可以選擇，同行朋友揀咗滑蛋豬扒丼 🐷，一樣都係好味又抵食！#香港美食 #香港美食 #香港必食 #香港探店 #香港打卡 #香港旅游 #香港必喝 #香港放題探店 #香港放題店 #香港好去处 #香港推荐食品#香港探店 #香港打卡 #香港旅游 #香港必喝 #香港放題探店

放假冇野做，突然想食天婦羅，即刻諗起捌加廿陸天婦羅居酒屋 ，近近地就喺旺角，之前食親都係夜晚，第一次食lunch，原來lunch都有唔少學生幫襯，應該都係因為佢價錢夠彈性⭐️自選天婦羅定食可以揀飯㨂麵，天氣熱我就揀左凍烏冬，定食仲有埋沙律同麵豉湯天婦羅就揀左：希靈魚,黑虎蝦,那哥魚, 半熟蛋,金菇,粟米芯,蓮藕,四季豆，有一排冇食，好多野都想食，忍唔住愈嗌愈多🙊唯一不變嘅係水準keep到，炸落夠乾身，食落唔油膩👍⭐️紫薯紅豆豆腐雪糕兩粒一口炸紫薯底，仲有d紅豆粒粒，上面就放左一球豆腐味嘅雪糕，再放左少少紅豆粒做點綴，又簡單、又靚、又好味，仲好夾添😋食lunch 仲唔洗加一添呀，更抵😍

[✨油麻地捌加廿陸天婦羅居酒屋 ]#捌加廿陸 #油麻地 #居酒屋🔸滑蛋海老丼 $68上面鋪滿滑嫩嘅炒滑蛋同新鮮炸起嘅海老，滑蛋口感柔滑超好食，搭配特製醬汁真係好好食！🔸蒲燒鰻魚丼 $88經典嘅日式料理，鰻魚熱騰騰大大件，肉質鮮嫩醬汁香甜，同米飯搭配得非常和諧，水準好高！🔸原隻活龍蝦天婦羅 $88龍蝦肉好鮮嫩，即使係天婦羅炸完，都保留到滿滿嘅肉汁鮮甜又彈牙，而且真係大大隻啖啖肉超好食，好值一試下！🔸花尾龍躉天婦羅(1件) $28新鮮龍躉魚切片，炸到好酥脆，龍躉肉質細膩，搭配天婦羅酥脆口感，風味十足嘅一份小食。————————♡♡♡♡♡♡————————✨總結餐廳有2層，充滿日式裝飾，如紙燈籠、和風海報等等，氛圍感十足，加上樓上設有榻榻米座位，用餐環境真係和風滿滿，不僅可以品嚐到美味嘅日式料理，仲享受到獨特嘅用餐體驗，值得推薦！📍捌加廿陸天婦羅居酒屋🏠旺角窩打老道31-39號翠園大廈一期地下33A號舖

隱身於旺角窩打老道的「捌加廿陸」，以吧枱座位與榻榻米閣樓營造濃厚日式居酒屋氛圍，主打即叫即炸的天婦羅，炸衣薄脆不油膩，食材鮮度十足。 **磯燒鮑魚配帶子** 鮑魚軟嫩彈牙，帶子鮮甜多汁，輕裹天婦羅衣炸至微脆，蘸柚子鹽更提鮮。 **新鮮虎蝦天婦羅** 黑虎蝦尺寸驚人，蝦肉爽彈鮮美，炸衣酥脆不搶戲，蘸天婦羅汁或七味粉皆宜。 **龍躉天婦羅** 魚肉厚實嫩滑，外層金黃酥脆，魚油香氣濃郁，佐蘿蔔泥天汁解膩。 **南瓜天婦羅 & 炸芝士年糕** 南瓜甜糯綿密，炸後保留水分；芝士年糕外脆內流心，拉絲效果邪惡誘人。 **生蠔天婦羅** 廣島蠔肥大飽滿，炸後仍鎖住蠔汁，鮮味爆棚。 從海鮮到蔬菜均處理得當，炸功細膩，惟部分食材（如龍躉）需趁熱食用以免腥味滲出。適合追求高CP值天婦羅的食客。