拾味正宗刀削麵館 (渣甸街)

营业中

休息中

前幾天到餐廳叫了一碗豬軟骨大腸辣米線，由於初嘗小店，本來帶有一絲期望，希望有驚喜，可惜麵食一來，發現豬軟骨粉量少得可憐，同在場兩位中年以上的女樓面/ 收銀分別反映，她們聽完，一個回應也沒有便走開，非常沒有禮貌。由於太氣憤，結帳時再同上面其中一位的女樓面/ 收銀反映，她依然固我，繼續無視。明白餸分量餐廳有規定，但當客人反映不合理時，至少也敷衍一下，虛稱會向餐廳反映也好。但此餐廳員工聽完客戶投訴，完全零反應，未免連基本禮貌也沒有，實在過分。就食物評論，餐廳食品質素平平，沒有再光顧的吸引力。就服務態度以評，簡直垃圾餐廳，可以永久 black list.

🌞銅鑼灣篇～～～～今日到銅鑼灣逛街，去希慎廣場的誠品買書，買到打烊時間到先離開希慎廣場，已經夜晚10點鐘，路上已經很多店鋪打烊了，諗起渣甸街有好多食肆，突然睇到拾味刀削麵，睇下餐牌好多配菜可以選擇，入面環境有啲細😋😋😋今日嗌咗👇👇👇1.麻辣肥牛+拉麵因為我唔係好肚餓，有次食刀削麵，麵粗又多都食唔晒（唔係哩間餐廳）所以我今次就嗌咗拉麵，拉麵嘅麵體比較細，上菜時麵和肉係分開2碗嘅，湯頭屬於清湯，味道清甜，仲以為會整碗紅色似麻辣鍋咁樣，拉麵口感順滑又彈牙，口感很好，但肥牛煮太老，有點硬，比較可惜。食物🐽🐽🐽服務🐽🐽🐽環境🐽🐽價格🐽🐽🐽🐽

今天到銅鑼灣逛街，很久都沒有逛SOGO，買完東西後已經有點晚了，已經冇咩食肆可以選擇，走著走著就看到了刀削麵，也是很久沒吃，所以我就選擇了麻辣肥牛口味，以前在台灣的時候都會吃一下，第一次在香港吃刀削麵的時候因為太有嚼勁覺得吃得很累，這次就換點拉麵試看看，（這邊的拉麵指的是中式拉麵），菜單的選擇非常多種，但我只有一個人來所以應該也吃不下小菜，於是我就點一碗麵加上一杯豆漿，送上來的時候麵和湯是不辣的，而選的料則是會另外用碗裝，避免肉的味道被湯汁稀釋，麵很Q彈有嚼勁，湯頭也不錯，肥牛因為吃薄片我想怎樣應該都不錯，但他的肥牛煮過熟，很難咬，希望下次肥牛不要煮過熟會更好！豆漿也不錯，豆漿的甜味可以沖淡辣味。

二刷呢間刀削麵 第一次冇影到相 第二次一定要推比大家睇 同埋圍爐讚佢地！🤣 好耐之前食高一次已經覺得好味 今晚再食果然一樣 冇退步🤣豬頸肉熱拌 豬頸肉份量十足 有成7-8舊食落岩炸起 表皮好香脆 入面又有肉汁～❤️👍🏻 熱拌意思就係有啲微辣嘅醬汁撈起啲刀削麵 醬汁份量岩岩好 今次食冇上次咁辣～ 但都一樣好惹味肥牛+東坡肉熱拌刀削麵 肥牛份量一樣都係十足 還好 普通肥牛幾片 at least 唔係薄過紙🤣東坡肉值得一試～ 唔怕肥肉嘅大家 東坡肉煮到入哂味 而且好淋 入口即化 肉仍然保持到肉質口感 唔會梅哂刀削麵口感粗幼度岩岩好～ 夠食到有口感 煮嘅時間麵控制得岩岩好 唔會太淋～ 食落弓開始係彈彈地牙～ 之後就煙煙韌韌咁！Overall 雖然唔係最平嘅麵食 但食左唔會令你後悔 得覺得有興趣試刀削麵嘅可以考慮呢間！！環境：☁️☁️抵食指數：🐷🐷🐷🐷

叫口水雞刀削麵加大腸，店員話不如調轉大腸刀削麵加口水雞，然後出咗後我才發現口水雞68蚊刀削麵62,同店員講點解唔話畀我聽原來價錢會當小食佢話你自己選擇與人無尤，另一個店員嚟到仲話你食咗啦仲想點樣，我話一係講對唔住一係小食半價，仲講粗口鬧鬼我如果未食過千祈唔好去食過嘅都要考慮仲去唔去最主要係味道普通態度其他衛生仲。。。

今天和家人大小三口路過來堂食，我叫了一碗刀削麵快結束時吃出粗大鼻毛一根。服務員過來看後立馬收走，讓換一碗，我拒絕再食。付款時如數收錢，我提出後服務員不滿，咬定是辣椒油的調料榨，還同我大聲爭辯爭吵。罕見的一次級差就餐體驗。分享大家參考。⋯⋯⋯⋯⋯⋯⋯⋯⋯⋯今天和家人大小三口路過來堂食，我叫了一碗刀削麵快結束時吃出粗大鼻毛一根。服務員過來看後立馬收走，讓換一碗，我拒絕再食。付款時如數收錢，我提出後服務員不滿，咬定是辣椒油的調料榨，還同我大聲爭辯爭吵。罕見的一次級差就餐體驗。分享大家參考。

天氣熱想食啲辣嘢，又覺得口痕想食下麵🫣咁就諗起encore拾味嘅口水風味冷刀啦～加手撕雞topping係基本，為咗多食啲蛋白質（教練is watching me）又加咗一份麻辣手撕雞走麻辣（上次食過麻辣冷刀真係辣到癲，今次乖乖食雞就算😂）拎返屋企麵都係變成一球？畢竟經過一個鐘車程，不過拌下拌下都可以全部分開冇乜影響，辣嘅程度剛好，青瓜絲同雞絲都量夠足，麵條軟硬剛好有咬口，我一邊覺得有啲guilty一邊全部食晒🫣手撕雞睇落細細一盒其實量都唔少，走咗麻辣反而可以嚐到好似有焗/煙燻雞肉嘅香味？食落唔會覺得dry，同青瓜絲嘅配搭都幾balance😋口水風味冷刀 7.5/9麻辣手撕雞（走麻辣）7.0/9OVERALL 7.5/9之前都係買灣仔店，今次試咗銅鑼灣店，質素都keep得一樣，食得好滿足💛

-//位於銅鑼灣·正宗刀削麵，中環 灣仔有分店主打麻辣湯麵、刀削冷麵、特色上海菜飯等好出名嘅刀削麵可以揀熱、冷撈或者配熱湯📍消暑冷刀 $68刀削冷麵有幾個款，素食、麻辣、芝麻醬等我就叫咗消暑刀削麵，就有青瓜絲、粟米、黃金芝麻醬，另外可自選一個餸，包括：豬肚絲、牛肉絲、手撕雞、豬耳、雞腎等個人覺得刀削麵口感比較煙靭，嚼勁十足😂另外手撕雞份量都算多，材料都鋪到滿哂味道正常👯但Lunch價錢嚟講唔算好抵食🥹📍另外凍檸茶+$8#銅鑼灣美食 #餐廳推介不設加一服務費✖️抵食程度：🌝🌝🌗🌚🌚📍拾味正宗刀削麵館 (銅鑼灣)銅鑼灣渣甸街44號地鋪

每日中午食飯都見到呢間餐廳大排長龍，所以今日中午就叫咗刀削麵小辣+麻辣豬耳(小食)。.先講味道，刀削麵麵條粗幼不一，有啲真係特別厚，幸好因為湯底夠濃味，連埋啲湯食都唔錯嘅。而麻辣豬耳嘅味道就真係好一般，可以唔使試。.湯底係刀削麵嘅精華，食刀削麵一定要連湯食先有味道，但係！！我食多幾啖就發現 個湯面好多油🫠，於是我開始用匙羹隔油。然而，最後我隔咗一大半走，剩低都仲係咁多油😅😅.最後食咗3-4成，真係頂唔順成口油嘅感覺，就放棄咗碗麵。將湯倒落鋅盤的時候，成隻碗底係油，仲有啲凍咗結成白色固體的油痴係碗底。😫😫😫難以想像佢究竟用咗幾多油🤯🤯。.除咗多油之外，都幾重味精，食完好口渴😵‍💫

之前光顧過原店都唔錯，今次係銅鑼灣唔知食咩好，就揀左佢黎做午餐🍲。入到店，見到周圍既海報同裝飾，心情有久違既感動🥺。講返食物先，點左兩餸湯刀削麵，仲加多杯豆漿🥛。麻辣豬扒·豬頸肉刀削麵 $65 + 凍豆漿 $6一黎就見到啲餸好大堆頭，豬頸肉🐷炸得好香脆，但肉質仲保持爽彈。豬扒偏淋身，食落無咩咬口，但醃得幾入味。唔好睇少面頭既辣椒油同蒜🧄，越食越辣🌶，越辣就越起勁。至於麵既方面，就好啲失望，同原祖店比好似有啲失色。麵身咬落比較硬，介乎熟同唔熟之間，亦都無咁彈牙😣。另外值得一提係份量好足，一般女仔都未必食得哂，記得叫少麵就唔會做大嘥鬼喇。

由灣仔起家的拾味，主打正宗山西刀削麵，是良心刀削麵的佼佼者💛在疫市擴張至銅鑼灣，令飲食選擇更加多元化，門面有朝氣感覺，不會覺得老派。 .佈置和一般茶餐廳相若，梳化椅背有cushion頗舒服。餐牌大大張一目了然📑分了不同種類的材料，竟然有超過四十種，更有麻辣和口水調味，輕重口味自己話事，由湯麵、熱拌麵到冷拌麵也有，工夫不少有用心❤ 在店內可以看到師傅捧著一大舊麵團在切出粗長的刀削麵🧑‍🍳每一條都是全人手削落湯鍋煮熟，是匠心之作。 🍝消暑冷刀 配 手撕雞 | $65 | 8/10不消5分鐘就送上一碗涼浸浸的刀削麵，主料有嫩滑的手撕雞🐔配料有爽脆的青瓜絲、清甜的粟米粒和黃金芝麻醬，拌混後吃得令人欲罷不能，不過如果多點醬會更好，麵身口感煙韌😋

拌麵的辣醬好香，魚腐好入味，豬軟骨有小小咁多的鞋🤏，麵質正常硬度湯麵的刀削麵麵質不夠Q、太淋，下次落單可以叫「爽啲」😛麻辣豬耳本身無乜味，所以一定要點埋d辣油食，辣油好香，辣度都好夠（以YY食3小辣黎講😆）回頭指數： 😋😋😋

奉勸大家唔好食，超級難食加普通，寧願屋企煮個公仔麵仲好過...食咗個麻辣豬扒刀削面，上左個刀削麵，等咗起碼20分鐘先上個麻辣豬扒. ..啲面都凍哂同淋晒！首先講個面，啲面好普通，自己煮公仔麵仲好過佢. 豬扒係重點，超級乾！簡直係超級難食.食完一肚氣.另外嗌咗個醉雞刀削麵，啲雞上面我搵到條毛髮，極之不衛生. 雖然都有幫我哋換咗佢，但都係失望。以後一定吾幫襯，銅鑼灣大把嘢食！!

拾味刀宗麵館上海小雲吞刀削麵😊麵質好煙靭，好有咬口刀削麵每一條都好有質感台灣麵粉製麵，麵團每日新鮮製造而小雲吞都好新鮮調味不錯👍🏻入面嘅菜都好爽口$48/碗 有機經過都可以試試看

拾味山西刀削麵館在香港有三間鋪全在港島區分別中環、灣仔及銅鑼灣，今日來到銅鑼灣渣甸坊44號鋪，店舖細小非常逼夾，裝潢簡陋，服務普普通通。是否正宗我不確定，我去過山西旅行，食過三餐刀削麵麵口感Q有口感，麵硬度適中。一入去係店面會見到師傅係廚房拎起大麵團係咁削削削麵，感覺都好有趣。口水雞刀削麵HK$58口水雞完全不辣，對於食得辣的我黎講辣度應該唔算係辣，碟仔細細 但真係好大份雞肉，雞脾肉滑身厚肉。麵條削得有粗有幼滿碎，口感有啲硬有咬感。豆漿HKD6好淡，沒有豆味道