拾味正宗刀削麵館 (渣甸街)

营业中

休息中

拾味正宗刀削麵館地址：銅鑼灣渣甸街44號地鋪由麵粉加水鹽, 人手搓粉團成型, 再由麵團用刀, 利用刀鋒速度削出一條條手工麵, 這就是一碗刀削麵的初形了。下滾水煮熟及加入調味與配料, 就成了一碗刀削麵刀削麵定價$50元左右, 是很親民的價錢, 有湯麵及拌麵選擇, 豬軟骨拌刀削麵 $62 豬軟骨入味, 用了四川擔擔麵醬, 很惹味, 如果豬軟骨份量多些就好了, 我很喜歡吃, 總覺得份量越來越好。加了個小食$42 涼拌海蜇，爽口清新，有青瓜絲，個調味夠入味。加多杯飲品，埋單百多元，就嚐到自己喜歡吃的拌刀削麵了

朋友介绍我食刀削麵，人生係香港第一次食。。之前係西安食過，回憶返哂泥😋好多選擇有拌麵又有湯麵又有冷有熱仲有小食真係眼花繚亂呀！終於揀好啦😅😅魚蛋熱拌刀削麵配檸檬茶$63 +8嘩！好多魚蛋呀！仲好大碗，而拌麵醬係用四川擔擔醬以為會辣辣地😂點知一d都唔辣但係個醬又勁惹味喝😋😋魚蛋仲好彈牙架，d麵好厚有口感好彈牙香滑又煙煙靭靭好好味💯💯麻辣豬頸肉刀削麵配凍蜂蜜柚子$茶60+10，先來個清湯刀削麵後上一碟麻辣豬頸肉有好多麻辣汁㗎🌶🌶咁我梗係將麻辣豬頸肉一次過放落碗刀削麵度喇喎😁😁😋睇吓好惹味好辣咁喎🌶湯麵仲滑呀💯啲麵好厚好有豐富口感好飽肚添呀！ 頸肉好軟淋淋好好味配埋佢啲麻辣汁好惹味添🌶🌶💯💯花鵰醉雞$70，滑滑嘅雞咬落陣陣花鵰香味好回味呀！抵食👍👍拾味正宗刀削麵館 - 銅鑼灣地址：銅鑼灣渣甸街44號地鋪

花雕醉雞刀削麵醉雞入味 有濃郁酒香滑嫩的雞肉 盡吸收花雕酒精華刀削麵 粗幼適中 煙韌彈牙口感無得頂 浸得耐都唔會變淋麻辣雙拼 滋味小食非常多選擇今次試左豬脷 豬耳份量非常多 我地3個人都食唔哂豬脷吃起來肉質堅實無骨有嚼勁 口感鮮嫩豬耳爽口脆身 配埋麻辣醬 更惹味豬軟骨配刀削拌麵湯底變為橙色擔擔醬微辣又唔會過鹹豬軟骨好軟熟 入口即溶的感覺店鋪位置方便雖然面積唔大 但乾淨光猛企理見到廚師拎住個麵糰即場削刀削麵整體黎講 性價比極高好味道亦非常抵食

🍲拾味冷刀 $65冷刀削麵麵質偏硬，類似未煮熟嘅感覺，係煙韌嘅，但再煮耐少少🤏就更好。拾味冷刀配料有青瓜絲、擔擔醬、千島醬、粟米粒，可揀一款配料，我就揀咗手撕雞，唔係好滑嘅雞，味道就係可以想像到的千島醬拌麵，再帶點微辣。🍲刀削麵自由配 ZONE B $55熱麵個麵就係我喜歡的硬度，唔會太硬又唔會太淋，剛剛好，煙煙韌韌。湯底就清清地淡淡地。因為我唔食辣又想食肥牛，所以配料就揀了麻辣肥牛走麻辣，是正常的打邊爐肥牛。🥛豆漿 +$6唔係好濃豆味的豆漿。店舖衛生普普。

放Lunch食咩好？同同事間唔中會去渣甸街掃下街，無意中發現呢間刀削麵館，價錢得宜，就諗住去試下豬頸肉熱伴刀削麵加香辣豬軟骨 $72想食豬軟骨又想食豬頸肉，why not both🤭 豬軟骨超大件，豐富骨膠原🤩 豬頸肉燒得香，熱伴有微辣醬汁，撈勻食風味十足花雕醉雞刀削麵 $60熱湯🍜刀削麵麵質亦唔會浸得過淋，口感有咬口，雞件入口感覺到淡淡花雕酒香口水手撕雞 $68另外我哋仲嗌咗一個小食share嚟食，揀咗個口水手撕雞，唔怕有骨頭食得咁麻煩🤭熱豆漿熱奶茶 $6@跟麵加嘢飲只係$6，飲埋杯嘢岩岩好

呢度即刀削麵有湯麵 熱拌同冷拌仲有好多餸可以選擇 係出哂名勁大碗啲麵全部都係即叫即削 性價比超高見到師傅捧住勁大舊麵團 係咁削無停過✎冷刀削麵 $65冷麵都有唔同款款 今次就試下消暑冷麵 有大量清爽青瓜絲同粟米 再配上芝蔴醬刀削麵好煙韌 仲好粗身 份量超級多餸就試左手撕雞 同冷拌麵真係好夾撈埋青瓜絲係滿滿一大碗 男仔都食到勁飽熱拌刀削麵 $62我揀左豬軟骨 好腍好入味 仲好大舊熱拌麵係用左四川擔擔醬 小小辣 又唔會太咸相比起冷拌麵更索汁同惹味 暫時只係港島區有分店 不過都係鬧巿既希望快啲開番幾間係九龍區啦

之前都聽人講呢間刀削面好食，今次就去試下。佢有好多選擇，有湯，熱撈，凍撈。叫左個湯刀削面配麻辣豬扒。湯刀削面個湯底好好，唔會好濃，但岩岩好夠曬味，刀削面好有咬口! 麻辣豬扒另上，份量都好多，而且係厚切。面上仲有D蒜同辣椒粒，好好食。凍撈刀削面都有好多款，叫左個口水風味，再配口水雞。又係好足料，撈完好大碗! 唔算好重味，刀削面比湯仲要煙韌。另外仲叫左紅油炒手，大大粒，皮薄。食刀削面當然要配番豆漿! 好甜好好飲

之前都唔覺原來銅鑼灣都有一間拾味山西刀削麵館，今晚經過就決定係度食晚餐。餐牌有推薦菜式，刀削麵自由配，冷刀削麵，熱拌刀削麵，溫泉蛋木耳刀削麵。唔食麵都有其他選擇，例如上海菜飯，滋味小食等等。飲品有常見茶記冷熱飲品。刀削麵可轉拉麵，米線或者年糕。每人一碗刀削麵自由配，麵餸分開上。刀削麵係粗身扁狀帶少少不規則，熱湯刀削麵軟硬度適中，個湯好熱，超辣嘴，走左辣，味道好清淡，可以自己再加調味。蔥花芫荽另上係匙羹。呢碗轉左拉麵，拉麵係幼身白色麵，都滑溜，質感可以。配牛展就$58，一客有9片，叫左走辣，醬汁就係豉油味。牛展係薄切，不過都淋既。配越式春卷就$60。越式春卷一客六條。炸得又脆皮又薄，好似有好多薄薄層次，入面料係正常。伴有甜酸醬，可降溫，下底墊有生菜一片。涼拌海帶絲 $22小食叫左涼拌海帶絲，蒜蓉量適中，味道唔錯，質感脆口。星期五夜晚六點幾七點好多人，七點走見到人龍。

刀削麵館｜拾味正宗刀削麵館｜銅鑼灣店內唔係算大 夜晚多人食所以需要排隊等一陣小食勁多款 好多嘢簡！！—————————————🫶🏼 麻辣豬頸肉 $65上面有一堆蒜同辣椒份量超多 豬頸肉邊脆口肉質唔硬唔乾 啱啱好加埋醬汁食亦唔會太濃 味道啱啱好好食💗—————————————🫶🏼蒜泥燻蹄$65上面有大量嘅蒜蓉 蒜味好濃係偏攻鼻嘅蒜加埋燻蹄一齊食 勁正—————————————🫶🏼上海水餃 10隻外皮簿身有咬口 入面十分足料加入芹菜 口感爽口湯底清甜 會令你想飲曬佢🤍————————————————————————📍銅鑼灣渣甸街44號地鋪————————————————————————Overall 💗💗💗💗#銅鑼灣美食 #銅鑼灣 #food #delicious #hk #hongkong

第二次去食，貪佢大碗夠飽肚星期四中午時間去食，樓面有個中性外表女士，埋單$146，我俾左一張一百、兩張二十、一張十蚊，唔知佢未瞓醒定趕住入廚房開工啦，望一望啲錢就同我講：呢度得140。我呆左一呆，一直望住佢手上啲錢，明明就$150，張張分明咁攤喺佢手上，但佢又講得咁理直氣壯，搞到我都懷疑緊自己有冇俾少，所以一時間答唔出。佢可能覺得我傻更更就用唔耐煩嘅語氣講：我要1、4、6，呢度得140。（啲態度真係西到）之後我男朋友就出聲話：呢度150喎佢先真係用對眼黎睇下佢手上嘅錢，發現又真係150喎，就好用力咁喺收銀機找4蚊雞俾我。冇錯，佢全程都冇講一句唔好意思呀，我仲喺找錢時同佢講左唔該～住喺銅鑼灣嘅我哋唔會再去食啦～反正都唔差我哋呢百幾蚊～

位於銅鑼灣的刀削麵館，供應湯麵、冷拌及熱拌，配上多款配菜，另外還有上海菜飯及多款小食選擇。廚房是半開放式，見到師父捧著一大個麵團，以人手刨麵，所以每條麵條都是大小不一。滋味小食：紅油豬肚小食來說的份量也蠻多，豬肚絲爽彈，浸泡著紅油、蒜蓉及花生粒。冷刀削麵：麻辣風味冷刀餸：手撕雞份量大碗，拌麵比湯麵更加煙韌，口感硬身一點，很有嚼勁。食材有青瓜絲、手撕雞及刀削麵，拌上擔擔醬及麻辣醬。把醬汁拌勻，每條麵條及配菜都掛上醬汁，麻辣不算強，不過相當惹味。刀削麵自由配：麻辣手撕雞麵底及餸是分開上，清湯底。刀削麵厚身，浸在熱湯裡，也不容易浸至軟腍。雞絲淋上麻辣醬，跟清湯麵一起吃，味道剛好。

今日lunch 食咩好？！呢個問題日日都問同事？今日被我發現到一間新餐廳😙😙😙有舞林高手在民間，即叫即整既刀削麵！要好有技功既刀法先可以係咁削呀削呀… 就咁就削左成碗麵出嚟👍🏻👍🏻⭐️東坡肉刀削麵⭐️$58東坡肉忟得好淋，肥瘦比例岩岩好👍🏻👍🏻👍🏻刀削麵煙煙韌韌，好有𡁻口👍🏻👍🏻⭐️豬手刀削麵⭐️$58豬手好淋，好重骨膠原…. 刀削麵份量好多😂⭐️小食青瓜⭐️，$38清爽，新鮮😙😙刀削麵原來係山西最出名👍🏻👍🏻

良心小店要支持‼️熱拌刀削麵 跟四川擔擔醬牛筋份量超多！滷得好入味，色水都靚，睇落好有食慾😋咬落有口感，唔會硬或者過腍，口感QQ的，而且唔會太鹹👍🏻刀削麵都正～煙韌彈牙，四川擔擔醬味道似譚仔嘅炸醬，甜甜地咁，整體感覺幾清新～麻辣口水雞菜飯揀咗小辣，對於唔食得辣嘅人嚟講輕鬆～雞肉軟腍嫩滑，味道算太濃菜飯好大碗😜而且有大量菜粒，重點一啲都唔油，喺健康嘅菜飯麻辣豬扒好大塊，切件方便食用👍🏻豬扒冇落到鬆肉粉，口感比較紮實，配埋辣椒蒜蓉一齊食越食越香，外面炸得酥脆，好香口，配飯或者配面都好夾😍拾味正宗刀削麵館 (渣甸街) (銅鑼灣)銅鑼灣渣甸街44號地鋪

麻辣風味冷刀削麵+牛肉絲賣相充滿色彩，牛肉絲、青瓜同肉醬鋪滿刀削麵上面，最下面擺咗秘製嘅麻辣醬汁。撈勻之後先食，醬汁足夠掛滿每條刀削麵。冷刀削麵特別有口感，啱晒鍾意硬麵嘅朋友，加上麻辣醬食落好消暑。牛肉絲亦都煮得好夠味，而且好彈牙，不過唔食牛嘅話仲可以揀豬肚絲、豬耳同手撕雞。溫泉蛋木耳刀削麵+上海水餃上海水餃菜肉嘅比例適中，口感軟熟。刀削麵湯底甘甜。刀削麵嘅份量充滿，而口感當然比冷麵軟身，有口感得黎會冧得濟。溫泉蛋係有入味嘅蛋白，有啲似食緊日式拉麵嘅蛋咁。

呢間刀削麵店都好出名，剛剛開門已經坐滿哂客人，店員仲好Nice 咁同我哋講解有咩推介🥰 餐廳空間都幾大，牆上亦好有心思咁放咗啲小裝飾🚴我同朋友就各點咗一個拌麵及一個湯麵，亦親眼睇到師傅刀削嘅功夫🤩豬軟骨熱拌刀削麵豬軟骨好大件，煮得軟腍入味，膠質豐富。麵質好煙韌彈牙，混入拌麵醬，微辣香口上海雲吞溫泉蛋木耳刀削麵至於呢款湯麵，主打嘅溫泉蛋夠哂流心，木耳爽脆，雲吞係厚皮，食落有口感。每一粒都脹卜卜，餡料滿滿小食有涼拌萵筍絲，清新爽甜