拾味正宗刀削麵館 (渣甸街)

营业中

休息中

高質素手打刀削麵專門店 一於試下佢招牌麵 而家夏天咁熱叫左碗涼盤食,食落清爽又唔油膩 花雕醉雞配菜飯 份量好大碟,雞肉好嫩滑,連個層雞皮果凍都有係度浸雞有一手,酒香不濃,但好入味,雞肉非常香嫩 菜飯清爽不油,加多杯豆漿已經好滿足冷拌刀削麵好足料 配粟米肉醬,青瓜絲,雞肉絲拌勻醬汁肉醬,味道香辣惹味,刀削麵獨有既香味又帶點煙韌口感銅鑼灣渣甸街44號地鋪消費$100

同男朋友叫咗兩個口水冷刀，即涼拌刀削麵，份量好大碗👍🏻面冇得揀辣度，不過辣度適中都接受到，唔食辣都可以揀其他湯/唔辣刀削麵最後仲叫咗個涼拌海蜇，比較普通，個人唔係幾鐘意佢太酸，不過小食種類好多，下次會再試其他👍🏻

好耐無食刀削麵，今日經過見到拾味刀削麵，店舖外睇落裝修乾淨企野，諗住都唔會差，即刻入坐試下先。點知.......被安排坐喺最入嗰度😶，咁啱嗰個時間，店員喺度處理食材，本身都不以為然，但之後再望真D，旁邊就係廚房位置，同時間店員一邊開水冲地下，又在處理廚餘，因為坐既位置見到晒一切，感覺好污糟。😑已經令食慾大減🙄🙄。再講返D野食，刀削麵都有口感既，但湯底完全唔掂，無味😫😫。再加上口水雞本身都好鞋，一D都唔好食。試完呢次感覺好差，下次唔會再去😅

🍴🍽🍴🍽🍴🍽🥟🥟🥟🥟🥟🍴🍽🍴🍽🍴🍽-拾味嘅刀削麵可以揀熱拌、冷撈或者配熱湯我自己就比較鍾意熱拌同冷撈嘅配搭配熱湯略為有啲鹹，同埋粉感比較重不過咩食法都好，佢地嘅份量都係好驚人😂食極都見唔到碗底所以如果唔係好肚餓嘅話建議兩個人去食最好嗌一個麵一個小食🤔-🥢消暑冷刀配手撕雞 -今次介紹嘅消暑冷刀嘅配料有青瓜絲、粟米粒同芝麻醬如果唔鍾意手撕雞嘅話都可以選擇豬肚絲或者牛肉絲等等😍除咗主打嘅刀削麵之外，亦都可以轉做拉麵/米線-🥢上海淨水餃 (10隻)-湯底方面係用雞殼同豬骨等等嘅湯料熬煮同熱湯刀削麵一樣，對我嚟講都係有啲太鹹🥺水餃無得揀餡料，不過隻隻都皮薄豐滿🤤-🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 9/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10服務 𝗦𝗲𝗿𝘃𝗶𝗰𝗲 8/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 9/10整體 𝗢𝘃𝗲𝗿𝗮𝗹𝗹 8.5/10-🍴🍽🍴🍽🍴🍽🥟🥟🥟🥟🥟🍴🍽🍴🍽🍴🍽

前後食過兩次，第一次食雲吞刀削麵，麵質地幾煙un, 整體還不錯。第二次食就很失望，湯底很咸，加了$10的竹笙只有三小塊，飲左一整杯凍豆漿都係好口乾口渴，咁就$61😓

今日天氣好熱 行過銅鑼灣想搵啲平靚正嘅餐廳食中午飯 經過呢間刀削麵餐廳見到門口有好多人排隊等拎外賣 餐廳入邊亦都坐滿晒人 喺門口睇咗陣個餐牌 就決定一試天氣熱辣辣食下涼拌刀削麵就最好不過啦 我叫咗個手撕雞麻辣醬刀削麵 有花生芝麻青瓜絲 由於餐廳坐滿晒人 應該都好多order 所以我個面都等咗成15分鐘先到一嚟到賣相唔錯啲配料放得好整齊 麵質感非常彈牙爽口 個汁好惹味 份量都好足 $65 來講算係性價高整體來講都幾推介👍🏾👍🏾

呢間黃店嘅刀削麵館，客人每叫一碗麪都係師傅即場即削出黎新鮮煮起👍刀削麵都有幾款食法，有湯麪、涼拌、熱拌餸方面都有好多選擇，麪餸係會分開上，佢地嘅麻辣係比較辣個人覺得🌶️冷氣會覺得唔係好夠涼🥵今日就叫咗🌶️口水手撕雞刀削麵 💰5️⃣8️⃣麪質口感煙韌👍，每條麪人手削出黎口度好平均😋新鮮制作係正啲手撕雞如果辣度唔夠，仲有一罌麻辣醬畀你自己加新張期內三點至六點係下午茶時間，有9折優惠值得一試✅

 非常之咁難食，呢間野搞咩！口水雞，送到來咬開裡面全部結霜！未解凍！離曬譜！雲吞，世上最難唔好食，佢可以做到隔左三晚咁內咁款，難食到麻辣魚蛋，魚蛋應該煲左三日賣不去麻辣得個辣，冇麻冇香永世不會再幫襯好能驚，覺得中大伏，食左隔成個星期的核突野 

想食清啲就揀左刀削面，呢間好似好多媒體報道過就去試下，真心推！蒜蓉牛耳個蒜好香好蒜，食完你帶住個口罩完whole day 會感覺到個蒜味，個種蒜頭的辣味係難忘的。豬軟骨揀左唔辣，好林好香，食到有藥材浸過的味道！刀削麵呢個係重點，個湯係真材實料到冇得輸，以為佢好油膩？nonono佢係好清甜！最後仲成碗湯飲哂！個面的刀功亦係冇得頂完完全全係姐歡喜的有咬口的texture, 就算浸左湯咁耐都冇影響口感，勁勁勁讚！

Open rice外賣自提手機點完餐後20分鐘左右到達餐廳，站在門外等的時候目送站在我後面的一對情侶進去堂食，大約十多分鐘後他們已經吃上了，而我還在門口等外賣⋯⋯又過了五分鐘，手機顯示已準備好可以取餐，但是商家說還沒好，然後我又等了十分鐘⋯⋯我只是點了一碗麵而已，我做錯了什麼⋯⋯

前幾排去呢度食嘢，個陣過左中午黎食，所以鋪頭唔多客人。本來好好地食下野，點知見到個小強係到行黎行去，當下吊一聲，跟住最核突嘅唔係呢到，係個戴帽嘅tomboy 女樓面直接係我地面前直接踩死佢，跟住淡定咁講左句:「唉，又黎」，然之後就將個屍體直接踢去裝要洗碗嘅桶到😨講真，個句「唉，又黎」，可想而知，呢間鋪唔係第一次有小強，真係好驚其他人有一日個碗冇啦啦加左餸🤦🏻‍♂️

小編都真係好愛吃涼拌，尤其係涼拌刀削麵。係荃灣食過間真係幾好食，但係奈何荃灣離我太遠，所以我唯有再搵下其他止下癮。呢間講真不論味道定係麵質都冇荃灣個間咁好食，但係呢間絕對唔差。見大家都係食口水冷撈，所以我毫不猶豫就叫咗佢。本身就已經有青瓜絲同花生，再叫咗手撕雞。佢個麵質係好有彈性，幾好咬。不過口水汁都辣，但係係屬於食到有d辛苦既辣，會食到條利痛😂愛食辣嘅朋友可以一試。簡單黎講，中意食刀削麵嘅朋友絕對可以一試💛

今日走去食依間拾味 叫左麻辣牛腩加豬軟骨 刀削麵 湯話係純天然 淡得過份 牛腩可以 入味 唔係柴皮豬軟骨算差 一來軟骨少 二來食落仲係爽口 偏硬果隻 雖然黃店 如果再幫襯 可能頂多試口水雞 見幾多人外賣叫 65$ 未計野飲 d餸份量偏少 單餸又係一碟 叫雙餸結果兩樣堆埋一碟 🤡真係靠麵塞飽你個肚 唯一優點上菜速度快🤡 快到一開始上錯野 撈亂左我同朋友既野食 另外 終於明依間點解熱拌仲反貴多幾蚊 果堆醬真係好味過 清湯

📍拾味正宗刀削麵館📍銅鑼灣渣甸街44號地鋪#銅鑼灣美食 #刀削麵 #口水雞——口水雞刀削麵（$55）第二次過嚟食，當我想食有咬口嘅嘢，就會想食刀削麵。每次食完都會好飽～～口水雞好讚！！！上次食麻辣肥牛都好優秀！！！上次收錯錢，收多咗退唔返。今次再過嚟食，佢送返杯豆漿比我飲❤️謝謝一直記着。豆漿都好飲！原價$10。每次都係一個人去食，一個人也不尷尬的餐廳，會再去吃的！！——人均消費：60HKD（午市）｜好味指數：🍔🍔🍔🍔🫓環境舒適：🍔🍔🍔🍔🫓考慮再吃：🍔🍔🍔🍔🫓

坐低位置近廚房，見到師傅狂削緊個麵團，原來系即叫即削，不過都好快有得食。麵條好煙韌，不過擺落清湯會冇乜味，但我又幾鐘意，覺得食完好飽足但個辣乾撈就好辣，鐘意食辣既朋友應該會鐘意，因為佢個辣系好味既辣黎。今次嗌左呢啲:清湯刀削麵加兩餸($55)乾撈刀削麵加炸豬扒($60)豆漿($10)另外見到小食都非常吸引，如果食得落，都想食返個口水雞😋