拾味正宗刀削麵館 (渣甸街)

营业中

休息中

老闆有二間店，之前在灣仔上班去過幾次灣仔道拾味，中午時段非常繁忙，都是上班族幫襯多，每次都要等5-10分鐘左右。兩間比較，覺得銅鑼灣店坐位較寛鬆，刀削麵條手工方面，銅鑼灣店厚薄較為平均，即叫即削。湯底用上鷄殻和豬骨、粟米和薑熬制二小時以上，湯底清甜。（我等緊麵既時候睇到店內的短片介紹的）刀削麵長度厚度平均，彈牙且口感有DD煙韌，個人覺得如果厚度再薄1mm就更好，由於有厚度所以食落味道會感偏淡（不過如果配麻辣餸就可以中和返d辣味、對於喜歡淡口味的人是不錯的）。因我家大厨喜好濃味所以我也習慣了較濃的味道，所以要求店員提供了醬油給我，馬上感覺這樣才對勁。👍雲吞雲吞皮厚度剛好，餡料很充足，烹煮既時間沒有過火，我喜歡沾上黑醋來吃。麻辣牛𦟌上面淋上麻辣油和蒜蓉，但我覺得辣度不足，味道偏淡，而且因為d花椒粒太硬，很容易攝住牙縫，我又不會直接吞下所以都要撥走花椒粒才吃牛𦟌，但加一些醬油提鮮馬上加分👍（個人喜好）會再來的！麻辣牛𦟌刀削麵$55+上海雲吞$10（下午茶時段原來有9折，所以只付了$59）

#pb食在銅鑼灣 #pb支持黃店💛惹味刀削麵🍜之前同朋友行開cwb 想食得簡簡單單又可以飽肚😋 無意中發現呢間刀削麵黃店 感覺幾特別🤩 佢係灣仔都有另一間分店 大家可以睇下邊間方便自己🥰.除左熱湯刀削麵 佢仲有冷拌 & 熱拌刀削麵 好多元化😍 唔中意食刀削麵 都可以食上海菜飯😋 全部都係$50-$60👍🏻🔹口水手撕雞 + 上海雲吞刀削麵🍜同朋友share食一碗 所以叫左一個單餸刀削麵 + 兩份上海雲吞😋 刀削麵大大碗 口感彈牙 抵食又飽肚🥰 口水手撕雞有少少麻辣 愈食愈惹味😍 不過略嫌份量少左d😐 另加嘅上海雲吞 $10有3粒 全部都大大粒🤩 入面嘅菜肉餡唔會好重味 剛剛好👍🏻.網上見有人話店員服務態度麻麻 但係我食個日又覺得ok🤪 係店員建議我地另加雲吞會抵食d👍🏻 刀削麵咁特別 仲要係黃店 真係要去試下💕拾味正宗刀削麵館銅鑼灣渣甸街44號地鋪拾味山西刀削麵館灣仔灣仔道212-214號怡康大廈地下A號舖

上網搵黃店食 ,係附近搵到呢間 ,見未試過就入去試吓 點知幫我地落單個樓面(好易認 ,有紋身TB)態度極不友善 ,句句說話有骨雖然知道幫襯一百幾十唔好有咩要求 ,但唔係要調返轉受你氣呀?仲要粗粗魯魯掉杯飲品落嚟整瀉哂 ,sorry都無句就行開咗已經算數唔計較當你唔小心 ,好聲好氣問你可唔可以幫手抹返就黑口黑面求其掃兩下 (真係兩下) 抹唔乾淨 ,最後要我地自己用濕紙巾抹返

原來睇返openrice先知道有幾個評語都係話服務問題...睇黎都要講下...之前都食過幾次，野食唔錯，加上黃店，更加加分...但自昨日起，真係激鬼氣...有個短髮女職員（應該以係店長），幫我地落單，之後我同朋友仲問係咪下午茶有折扣，有個男職員較好回答我哋埋單時會計返...之後，等左成14-20分鐘都未見野食野飲未黎，咁就追問一下啦，點知佢話我哋係外賣，擺左係度，又冇叫號碼，仲要我哋坐咁耐都唔會問下我哋點解枱上冇野黎...一個短頭髮姐姐話唔係佢入錯單，其實你講聲唔好意思轉返堂食就可以解決問題...仲要同我哋拗...到野食送上，食哂咁滯都未上兩杯野飲，又再追一追先拎黎...仲要個似店長拎黎‘啪’一聲咁擺上枱...真係想問發生咩事...我哋再睇睇張單，單上兩碗野同兩杯野飲（各加左$1，總共$4）我哋就問一問，點知阿類似店長既又態度超差地回答：「一陣間減返$2，未得囉」...咩態度，我係客，未必客人永遠是對的，但事實是職員態度問題同是由職員入單入錯，都不是客人錯，點解要受氣...最後，埋單同阿店長計數，唔會自動改返堂食單，仲要我朋友話要計埋下午茶折扣，阿店長真係好冇態度找回$9（總計是$12

-{黃店💛港島刀削拌麵😙}喺銅鑼灣平平哋嘅選擇唔多 今次揾倒間最近喺銅鑼灣開分店嘅刀削麵 就過黎試下啦😙😚🤤熱拌豬軟骨刀削麵🤤($58)間間嘅刀削麵都好大碗😂問啲姐姐要豬軟骨定豬頸肉佢地話豬軟骨新鮮啲😏嚿肉係痴線咁淋好好食🥺仲要好大嚿🤩個醬超辣但好好食😆勁香似炸醬但係係麻辣嗰種 啲麵係粗幼不一有咬口💁‍♀️但最尾太辣🥲👖褲評: 8/10🤤口水雞湯刀削麵🤤($55)口水雞反而麻麻哋 雞可以再嫩啲👀另外湯麵唔辣個湯正正常常咁喇~麵質都差不多 但好熱 出曬煙嗰隻😚👖褲評: 6.8/10佢類似開放式廚房見倒佢猜緊個刀削麵麵團😙5x蚊幾抵食 最重要夠大碗一定飽🥰最緊要一定要試個豬軟骨！性價比: 8.7/10服務: 8.3/10環境: 7.8/10🚩拾味正宗刀削麵館🚩地址:灣仔灣仔道212-214號怡康大廈地下A號舖銅鑼灣渣甸街44號地鋪

💛💛💛拾味正宗刀削麵館💛💛💛嗌外賣嗌左好多次，今次係第一次食堂食。我早過佢開門時間去到，最終都因為太肚餓，忍唔住問下可唔可以早啲開，好彩好彈性咁比我早啲入去食😂。上海雲吞刀削麵 $45冇嗌其他小食。原因係我永遠都食唔晒啲刀削麵，仲嗌乜野小食啊😝。份量超！級！多！我又一次食唔晒啲麵😣。刀削麵超級煙韌，好滑，粉團整得好好。每條麵都好完整，唔會斷斷續續咁樣💗。上海雲吞好食，我已經食左同一個餸十次都有，因為真係大件夾抵食🤣。好大粒，肉同菜比例差唔多。個皮唔會太厚，又係好滑😍。埋單 $45（無加一）

刀削麵越開越多，但冇一間開係我附近，呢個世界已經冇嘢可以阻止到我食到刀削麵嘅決心。Lunch time特登搭地鐵去銅鑼灣，呢間分店距離地鐵站出口只需要行3分鐘，好彩前面只有一張枱等緊，大概5分鐘就有位。啲位坐得勁迫，社交距離來講係極不理想。Menu多選擇到要前一日開始諗定食物，最後揀咗牛展熱拌刀削麵，醬汁有啲辣，但好彩可以醬汁另上，可以自己決定落幾多。我心心念念嘅刀削麵，厚身、有咬口，啲面係有師傅現場即刻削嘅，所以長度同厚度都唔一致。我自己好鍾意咬麵糰的感覺，所以極愛刀削麵。至於牛展，係五香牛展嚟，惹味，但切得勁薄，大概有6塊。同行朋友叫的醉雞湯麵，如果鍾意有咬口麵條，建議都係叫熱拌或者冷拌，麵條就會有咬口啲，唔會比啲湯浸淋。

一打開個面蓋發覺點解會得咁少面未食嘅時候仲會擔心唔飽但係食到一半就已經冇再有呢個擔憂因為每一條面都好粗，而且好煙銀湯唔係藥材味，係清湯口水雞好好味每舊雞都好滑而且冇骨辣椒亦都好好味，唔會淨係死麻辣，亦有辣椒嘅香味，不過比較油最好食係側邊嘅花生

好聲好氣有禮貌問個中短髮既阿姐待應加野一句徳埋黎話俾錢咪有囉 隔離枱叫野一樣野都冇岩過 仲要話個客 個客問野仲要返白眼個陣已經唔係lunch hour 唔算多人或者好忙啲野又唔係平 仲要受氣 食個飯姐 慘!

疫情關係唔選擇落街食飯，午飯時間打電話落單外賣自取返公司同埋同事一齊食，好快有得攞！已經食過幾次，今次食熱拌刀削麵，個刀削麵有彈性，煙韌但唔會硬掘掘😋 拌麵個辣醬好食(我叫小辣唔辣)，但同事唔係好食得辣，叫咗小辣、辣醬放邊，但仍然話好辣😆😆😆！***手撕雞係每次必點，夠味同埋鍾意d青瓜絲！鍾意食大腸嘅朋友可以試吓，我鍾意佢無臭味又冇哂多餘的肥膏，正！同同事share叫小食，叫咗口水雞(醬好食、雞肉唔鞋)同埋炸素菜春卷$40/6條，係好食嘅，但咁細條來計就覺得貴咗d⋯⋯

好大碗而且好好食😋建議2個人share 一碗 再單叫一個餸刀削麵套餐配料有好多選擇刀削麵嘅煮法亦可以揀湯麵 或者 熱/冷拌麵我每次嚟都係食熱嘅刀削湯麵🍜刀削麵比較粗同厚 麵質好正 口感煙韌 鍾意食有口感既朋友一定鍾意🤤刀削麵即叫即削 望入廚房會見到師傅喺度削緊麵👨🏻‍🍳配料方面我揀咗配🌟口水雞刀削麵🐔 $55真係好辣！但啲雞好滑好好食🌶🌟麻辣豬軟骨刀削麵🐷 $52見到啲辣油都驚 雖然辣但你都會keep住食 啲豬軟骨加埋啲蒜頭好正🌶最後單叫咗一碟🌟麻辣魚腐 🐟$42又係好辣！同平時食開嗰啲魚腐唔同 呢個外面脆脆地 而且啲肉又有口感 再配搭埋蒜頭同辣椒咁擺入口 真係好辣但係好好食🌶

我係食素嫁，好難得見到呢間有個紫菜素湯所以就諗住一試。一試就覺得中伏啦，個湯完全好似係清水咁淡，少少salt都無，完全無誠意，好失望。我覺得如果有心出素湯就應該拎d誠意出黎，佢個素湯又唔係免費仲係要另外加錢，感覺好似俾人呃咁，滾水加紫菜。最後想講d人成日誤解食素一定要清淡，其實食素有有好多原因囉，唔一定要淡都咁，有誠意既都可以做到好好味既湯底。 佢唯一抵讚既就係紫菜既份量都唔少，但食一樣完全無味既野真係會完全無胃口令你想繼續食落去。

收工喺銅鑼灣見到新開嘅刀削麵餐廳...見佢都有啲人排隊所以試一試！款式極多配搭！我揀咗熱撈 刀削麵 配水餃撈麵感覺幾特別，刀削麵+醬汁少少辣好惹味 唔錯唔錯！水餃 合格。下次試吓水煮肥牛 見到隔離枱食 賣相唔錯！

💛#支持良心餐廳💰花雕醉雞刀削麵$55黃店都有刀削麵食絕對係彈牙控嘅福音🥺 如果開多啲分店開埋去九龍就更加好~刀削麵份量多 咬下咬下 好L滿足😋醉雞都滑 但份量可以再多啲呢個價錢絕對絕對會回購🤣

一個男性髮型嘅女生落單，友人叫一個大腸麵+東坡肉，凍檸茶 ，之後佢覆單 一個大腸麵 一個東坡肉麵凍檸茶，同佢講唔啱佢繼續同我哋爭拗，我地r哂頭，咁都好拗態度好惡劣一直啤住我朋友🧐最後落完單，其後另一位朋友叫咗凍奶茶少冰，直接上咗一杯冇甜凍奶茶 叫左個姨姨可唔可以加番啲糖水，佢喺櫃桶直接拎包砂糖出嚟叫我朋友落砂糖😯凍奶茶落砂糖點落，隨後另一位四眼阿姐將砂糖溝熱水叫我朋友落落去😬即場0左 之後佢拎走左杯野行到去水吧位置，都係倒咗落杯凍奶茶度，變左完全唔似平時嘅凍奶茶，都算。最後個面仲有條頭髮，真係完全食唔落，背脊骨落哂😐