拉麵Jo

营业中

休息中

在openrice見到這家拉麵店好多好評，於是同媽咪一齊去試吓。大概等咗三個字之後，麵來了。齋睇嗰個湯都知道超級鹹！點知一試，真係超級鹹地方又好窄啦，食得一啲都唔舒服。真係唔知道點解呢間會有米芝蓮。90幾蚊一碗拉麵，銅鑼灣絕對有更加好嘅選擇！仲有，佢嘅豚骨湯係冇得揀粗麵！如果鍾意食粗麵，就唯有揀沾麵啦！

拉麵Jo嘅拉麵同沾麵有好多款選擇。特製沾麵嘅粗麵底口感好煙韌。豚骨湯好濃郁，但唔會重口味，湯底有鮮甜嘅椰菜同竹筍。將麵條放入熱湯沾一下再食，掛湯容易，味道恰到好處。半熟糖心蛋好香滑，層次感十足。

朋友推薦覺得還不錯的拉麵，因為4個人比較難等位都等左一段時間，排隊當時後面細路一直大聲叫令人好困擾🤣本來好想試期間限定既低溫叉燒拉麵，但可惜被店員告知已經完售，就只好試其他野。咁岩見到有優惠，買一杯highball就可以半價加購小食，但可惜只可以簡其中一樣，最後就加購左炸雞小食，都非常好食😋拉麵整體而言覺得都幾好味，不過可能系因為我個人好食得熱野，略嫌湯底唔夠熱，下次有機會會再試下其他同埋小食。

今天谂住叫外卖预先打电话去 一共call咗六次 一接听电话就马上挂一接听电话又继续挂線 可能唔想做生意 员工想做少啲. 食物正常 环境逼夹 建议有时间开心才去 如果唔系得个嬲字

#double👧🏽👧🏻吃在銅鑼灣【#double_沾麵 系列| 沒有驚喜的沾麵😌】..#🥭👧🏻🔻特製沾麵🥢($106)紫菜脆口 湯入面有椰菜 湯汁夠熱👍🏼上枱的時候還滾的 但質地略稀 叉燒有三片 麵條粗身 蛋只有半隻 未免也太吝嗇了吧🤧－－－－－－－－－🍴食物：3/5🏝環境：3/5🛋服務：3/5💲價錢：3/5💥翻兜指數：3/5✨CP值：3/5-🍴餐廳：拉麵Jo (銅鑼灣店)📍地址：銅鑼灣加路連山道3號地舖-🔎相關餐廳👉🏼#double_拉麵Jo🔎食物選擇👉🏼#double_沾麵🔎菜式選擇👉🏼#double_日韓🔎口味選擇👉🏼#double_咸

同男友試食呢間米芝蓮推介拉麵店坐左吧檯位，可以好近距離咁睇到師傅整野食調味區仲有生蒜、辣芽菜之類任你加我嗌左期間限定嘅魚介湯拉麵（$88配料都幾特別，有啲柚子碎同魚介粉同個湯底撞埋都算幾清新拉麵質地係較硬身嘅蛋麵，梘水味比較重個人就唔太喜歡呢種麵湯底係偏杰身嘅質地，魚介味道幾濃郁👍🏻糖心日本蛋味好淡，有啲失望😔叉燒本身係凍嘅，食落有啲硬同un，麻麻地個麵仲有幾塊雞胸，雞胸比叉燒好一啲、淋啲，會吸到少少湯嘅味道啲筍幾粗幾大條，但就冇乜味道🤔男友嗌左魚介湯嘅沾麵（$98睇得出塊叉燒真係硬哂軚、凍嘅狀態🤯脂肪好厚，沾落湯度都冇乜幫助如果叉燒本身係熱熱地的話應該會更好紫菜未食時已經林左😔除此之外個麵都不過不失另外店內環境都幾窄，背後走廊位置放滿貨物侍應經過我地背後時都要挺一挺直避開佢有啲狼狽😥店內師傅都比較沉默，同客人零交流，冇乜氣氛總結嚟講，湯底同麵都可以，不過不失但係塊叉燒我地就唔識欣賞加上坐得唔係咁舒服，體驗普通，呢間米芝蓮推介應該試一次就算了。

loved the rich pork bone broth with a subtle seafood flavour from the gyokai (the powder on top of the seaweed)! the ramen egg was perfectly cooked - still slightly runny in the middle. you can also mix in the yuzu which makes it more refreshing. personally I prefer normal chashu (braised pork) to the slow-cooked pork and chicken here and I thought the pork wasn't tender enough. overall a great bowl of ramen and I'd definitely revisit!✔️ 8/10💸 $98hkd

之前聽過朋友講拉麵Jo好食，一直都未有機會試🍜今次終於試到佢既沾麵 （$90）天氣熱所以我揀左冷麵一上已經聞到沾麵個湯好香濃，飲落都好香堅魚既味道，而且有啲黏口🤤麵質偏硬身，好有咬口，亦好掛湯👍叉燒肥瘦適中，非常軟淋，浸埋湯食一流非常值得食🥓今次係3點左右黎到食，唔洗等位，但都keep住有人流鋪面都比較細，坐位唔多，而且天氣太熱冷氣唔係好夠但食物質素搭夠😆

老友 @cscharlescheng 説過香港吃拉麵最大的問題, 第一是要過百元一碗, 第二是在沒有太多服務下要收加一, 我甚為同意. 拉麵Jo的一碗沾麵收費一百元多一點, 而其米芝連加持對於拉麵來説, 都是一個伏, 從Tsuta到金色不如歸也是, 不說價錢從沾麵質素而言, 我還是有點失望. 麵底夠爽而中間的麥粒令其更有口感, 有點像彩的風格, 掛湯力OK, 已是最滿意的一部份.湯底聲稱是比較濃的魚介, 咸度和濃度也較柔和, 力度比一般的魚介更弱, 至於豬腩肉件數不多, 脂肉層次也算分明, 只是沒有炙燒過, 也沒有明顯的油香和肉香, 叉燒而言也是不合格. 再一次說明了米芝連加持過的, 並不一定是令人滿意的餐廳.

今日同個朋友👭🏻約咗去銅鑼灣，對方話lunch想食拉麵，我就即刻諗起呢間連續榮獲咗7年米芝蓮推介嘅拉麵Jo😋，同事向我介紹咗好耐，但係一直都未有機會去試，今次睇嚟係個好機會喇🥰。一拉開餐廳門，就見到貌似日本人嘅店員同廚師，個感覺即刻好似去咗日本咁🇯🇵。餐廳入面其實都有啲狹窄，雖然我同朋友好好彩咁兩個人坐到張四人枱，但入去嘅過程有啲艱辛，因為條通道太窄。拉麵Jo有幾款湯底，麵都有分粗麵同幼麵，不過係跟湯底嘅，冇得自由揀粗幼，落單時就要記得睇清楚喇😛。豚骨拉麵 ($85)多數第一次去一間拉麵店，我都會叫豚骨拉麵，因為我覺得豚骨湯底係拉麵嘅精粹，想評論一間拉麵店好唔好，就要試下個豚骨拉麵嘅水準😎。個豚骨拉麵都冇令到我失望，個湯底夠香濃得嚟又唔會太油太肥膩，不過對口味偏濃味嘅人嚟講，可以會相對較淡。麵質方面，我本身就偏好幼麵，佢既軟硬度亦非常適中👍🏻。而兩片叉燒既肥瘦對我嚟講都啱啱好，唔會太肥。個拉麵有筍呢個係我個人嘅加分位呀，因為我真係超鍾意食筍㗎。蒜油豚骨拉麵 ($88)而我朋友就叫咗蒜油豚骨拉麵，佢話蒜油同豚骨湯嘅比例嚟得啱啱好，唔會俾蒜油搶過哂個豚骨味，組合出嚟嘅效果好balanced

<<拉麵JO>>連續七年米芝知蓮推介呢我就覺得有啲名過於實拉麵湯底其實都唔錯正常水平未到好Wow既地步但排隊要成個鐘，我就覺得有啲唔值😅典型拉麵店店舖細，座位唔算舒服如果人少，或者咁岩經過先會再食🤣🍜特製低溫叉燒拉麵 HKD118上枱果陣個樣真係幾吸精👀我都係比幅圖吸引而嗌叉燒薄片鋪滿碗邊，好滿足個湯底亦都唔錯🍜特製辣味沾麵 HKD112呢個就普通咗啲個拉麵底有啲硬唔算好掛湯📍No. 3 Caroline Hill Road, Causeway Bay, HK

米芝蓮星級係唔係一定好食呢？呢間拉麵Jo,係我既waiting list都等左好耐、終於有機會試到！今次揀左午餐時間去位於銅鑼灣既分店試試、店鋪唔算好大、人流都OK,等左兩張枱就有位！！黎到當然要試特製低溫叉燒麵。以66度去煮叉燒，叉燒薄切帶點油香！可惜湯底未如理想、豬骨味欠缺、剩餘就只有咸！湯汁過咸、夏天食更增加負擔😩特製沾麵。有叉燒、椰菜、干筍、京蔥、玉蔥。湯底比拉麵湯濃郁、有魚湯香味、可惜仍然太咸！整體敗北在湯底太過咸！！導致叉燒、拉麵都大大減低食欲！非常失望🙍！夏天真唔建議大家去、餐廳好似冇冷氣咁超級熱🥵🥵如果以呢個價錢 一定有更好選擇、更舒適地方！

🐖特製低溫叉燒拉麵 $ 118 （6.8/10）叉燒用嘅係豬梅花，顏色粉嫩，食落有咬口☺️。溫泉蛋煮得恰到好處，醬酒味都醃哂成個蛋白，充滿香味🥚。不過拉麵嘅靈魂就有點失色，湯底較稀，味薄嘅豚骨湯，缺少濃郁香嘅層次🥺🥺。🍜特製低溫叉燒沾麵$ 118（7/10）沾麵汁比較水唔掛汁😞，入口味道唔會濃咸但突出左鰹魚味。冷麵口感彈牙，有小麥香，麵嘅質素唔錯👀。📍Overall: 配料高質但湯底一般，價錢偏貴🥺。📍收現金 📍中間有落場時間

聽説這間拉麵Jo屢獲米芝蓮頭銜🏅果然湯頭濃郁 麵條口感清爽🍜有嚼勁之餘亦很掛湯 傳統的沾麵吃法是夾起一小撮麵條並蘸上湯汁 把麵條吃完後 更可叫店員將清湯混入餘下的沾汁湯中 一併喝下 想起喝完湯的一刻也頓感滿足💆🏻‍♀️

個湯好一般，同食堂一樣，無特別，未算難食，不過有d過鹹，依d咁既味，唔值＄106，最多＄50。不過上菜好慢，d服務生有d hea。不過最難忍受既係一直重複同一首洗腦bgm，搞到無晒胃口，唔好嚟。