拉麵Jo

营业中

休息中

一入去已經熱到癲 好似係冷氣房出街咁食物質素賣相絕對唔值近百元 同自己係屋企食出前一丁差不多 座位亦不適 走廊堆滿貨物 環境昏暗然後邊食邊滴汗 廚房熱氣+自己兜麵嘅熱氣 冷氣可能壞了 得部風扇慢慢地左右吹如果連冰水都無嘅話就簡直好似焗桑拿咁到埋單企係門口位等俾錢嗰陣門口居然有涼風猛吹入嚟一出門口先驚覺原來出面仲涼爽過店入面仲要係中秋時份 室溫同街外溫差對比已經咁大可想而知入面係熱得幾離譜回想掛滿牆的米芝蓮 究竟係點樣獲得嘅不會再有下次 即使冬天都好

以前食過幾好食，所以今日諗唔到食咩就行咗入去。入邊冇乜冷氣有啲熱，好在叫做有冰水俾你之後寫紙仔叫咗個辛味沾麵佢每隻味都有普通同埋特選，個分別就係多隻蛋，多嚿肉，同埋多幾塊紫菜不過對我嚟講如果食普通90幾蚊，連半隻蛋都冇，感覺都幾差，不過心諗算啦，個麵好食就得但係嚟到個麵底成兜水，似未fing乾就掉左落碗到再望吓個醬湯，好稀，完全唔似平時出面食開沾麵嗰種掛汁，食落同湯拉麵差唔多最後當湯拉麵咁食算數食完之後望返餐牌嘅參考圖，發現仲有一啲配料比漏咗食完今次唔會再有下次

-伏！！{銅鑼灣拉麵店🍜}又有得食拉麵😚今次去之前拎過好多年米芝連嘅拉麵店😙🤤特製沾麵🤤 ($106)麵係粗麵 麵身有硬有軟好奇怪😖有三塊豚肉味道正常啦 湯底方面似溝出黎嘅味精湯 溏心蛋過熟不過有醬油味🙂👖褲評: 4/10🤤炸雞肉🤤 ($10)有兩塊 都有肉汁嘅但炸粉就厚左啲👀👖褲評: 6.8/10有啲不解點攞到米芝連 仲要坐低嘅時候仲有上一手剩低嘅麵條碎😀性價比: 2/10服務: 7/10環境: 6/10🚩 拉麵Jo 🚩地址: 銅鑼灣加路連山道3號地舖尖沙咀柯士甸道西1號ELEMENTS圓方水區1樓1030號舖

兩年前去過，諗住返黎食返餐好，點知食物質素令我要登入黎寫個食評。首先嗰日差唔多兩點入到去，冷氣應該壞左半，有半間舖係熱辣辣既，成日大排檔咁。坐低你會感受到廚房散出黎既熱氣。諗住坐底食野環境算啦，野食好咪得囉。叫兩個限定麵黎食啦。特製魚介豚骨拉麵同特製低溫叉燒沾麵。個拉麵剩係得啲咸味，差過同你喺屋企食出前一丁，因為個味你仲有得自己控制。跟手食低溫叉燒，又係重鹽。跟手講個沾麵湯，更精彩，除左喊，竟然係酸既。極度有理由懷疑係店舖既一冷一熱，令到食材變左。冇影相，因為又熱，啲侍應又唔好招呼，想話掉去四人枱，話唔得。好，忍你。轉個頭，一個人入黎，就立即比個人坐落去。我真係眼都突。啲嘢真係好唔得，呢間舖已經變差左，想去試既歡迎，不過食物質素極度唔推介。

今日黎到銅鑼灣做野，做完野經過拉麵Jo，可能係時間較晏，唔洗排隊，就決定食個Late Lunch。揀左特製沾麵。賣相吸引，份量都算好多。一碗熱熱嘅沾湯，豚骨湯好濃郁，帶魚介香味，湯較為杰身黏口，係我喜愛嘅味道同口感。揀左要冷麵，麵底口感好煙韌，個人偏愛硬麵正好合適，麵條亦相當掛湯，整體配合得不曾。大大塊五花肉，肥瘦分別，入口都算相當腍，浸一浸湯會更加好。另外配上一隻半熟溏心蛋，蛋白有少少裂左，外型有扣分，但入口好嫩滑，亦充滿住醬油味。將紫菜浸落湯，包住拉麵一食齊。最後再加湯飲晒成碗湯，非常飽足。

拉麵太硬，湯底太鹹並且冇乜味，入面好大風，但係超熱33.C +,擺埋個溫度計畀你睇。完全唔知道整解評價會咁高, 出面仲貼咗好多米芝蓮嘅貼紙。南亞staff。非正宗日本拉麵。

呢間拉麵Jo 小編食左好多年架啦，絕對係小編個人排名係香港top1！長期有個日本哥哥仔，小編一直覺得佢係老細！佢會打點晒店鋪一切同收銀，d廚好後生亦識同佢講下日文咁，成個vibe幾正架都。🤩幾年前絕對係每個月起碼食1-2次。個湯底有好多料又有小編勁鍾意既辣味！不過呢2年小編少左去銅鑼灣果區就變左一年先食兩次。年頭去過佢壞冷氣熱到食客出晒大汗，味道依然係好味，（不過料好似無之前咁澎湃⋯）不過人好似已經唔同晒，😅當日見唔到日本哥仔⋯店員亦好冷漠⋯日前再去到訪，本來仲驚佢會唔會以經執左，好彩仲係度。但人事方面好似又再大變動，依舊見唔到日本哥仔，店面變左兩位東南亞姐姐（感覺我去左九龍城相對兜踎少少既泰國菜⋯） 😅店舖裝潢同牆上多年既米芝連推介牌，同款既點菜紙依舊係度，但味道，氣氛完全好似去左第二間餐廳⋯😰【 名古屋辛味沾麵 】$96而家既味道唔差，都係偏好食既，但食完無以前果隻好滿足既feeling 🥲不姐姐不停行黎行去，雖然唔係大大力撞果隻，不過成餐飯個身畀佢個身無限次掃到都覺得唔係咗舒服。佢地要諗諗到底要貼近路邊既貨行家定係時候要執執d貨⋯分數：（10分滿分）味道：7.5價錢：7環境服務

我去買外賣，大大張poster寫明外賣自取takeaway 20% off, 叫咗$2xx嘢，但埋單只係減咗$20, 收錢個女人只識講英文，話”this is the discount. Everyone is the same. 20% off is foodpanda.” 我同佢講我上次都有八折，佢話”I don’t know.” 態度惡劣！冇折咪唔好貼張poster囉, 寫咗出嚟又唔俾人，呃錢！！唔會再去

近排啲拉麵都流行用叉燒佈滿碗邊？今次食米芝連級嘅拉麵Jo依碗期間限定嘅特制低溫叉燒拉麵作為食肉獸嘅我又點可以唔試吓呢一碗香噴噴嘅拉麵放到我面前又一次嘅震撼慢煮叉燒嘅色澤同質感顛覆我對肉嘅認知如果用一般軟嫩嘅叉燒比喻為少女肌咁依款低溫叉燒絕對係BB肌 粉嫩細滑而且肉味保持得好好湯底係傳統豚骨醬油湯味道十分濃郁 而且比較輕身配合幼麵 充分把麵和湯一次索進口中十分幸福成碗拉麵嘅配合絕對高質難怪會成為米芝連推介但根據個人口味就未必強烈推介但都會返食嘅

好多人都覺得拉麵JO 好好食，坦白講，我覺得一般，可能依加太多新拉麵，又可能其實拉麵都好個人口味。我覺得拉麵JO個湯底太濃太杰，令人好快就滯，而味道上佢都係偏咸，好快就會令人食唔落。好彩我身邊有個人同我share，我食半碗之後比晒佢：）

之前食完Shari Shari留意到旁邊有間拉麵店，一直都想試試看(⁎⁍̴̛ᴗ⁍̴̛⁎)碰巧路經銅鑼灣，老公便提議來這裡醫肚！/✨期間限定🍜特製魚介豚骨拉麵 $98魚介湯底香甜濃厚、不死鹹，與魚粉撈勻後鮮味更突出，害我忍不住喝了好多湯🐷(不過喝完會有口渴感呢🙈)曲身幼麵條彈牙，掛湯力不強，配這麼濃稠的湯底就沒那麼容易膩！廣島縣「曉」卵屬正常質素，可以再大粒啲同流心少少就好喇😛個人最欣賞它的慢煮肉類❤️使用佐賀縣有田鳥的低溫雞胸，肉質一啲都唔鞋，啖啖肉且鮮嫩無比，非常出色 💯原汁原味的低溫美國豚肩叉燒賣相呈嫩粉紅色，肥瘦相伴，充滿肉香，也沒有我討厭的豬蘇味👍🏻/沒有抱期望下，意想不到又有驚喜，整體質素以及價錢也合理！唯一缺點就是空間太窄，店員出入都會常碰到背，令人不太舒服🥲

拉麵JO 銅鑼灣嘅美食多不勝數，一般人會認為百德新街希慎廣場百樂中心有最多野食，在我眼中，希雲街一帶先至係香港小店嘅集中地，而呢間望落平平無奇嘅拉麵店卻大有來頭😯。 拉麵Jo至今有三間分店，原來店主蒲谷康成嘅母親係「麵屋一平安」嘅創辦人，喺拉麵世家出生🤯。2013年創立後一年後至今都得到米芝蓮必比登推介，實力絕對唔會輸比啊媽💪。 餐廳格局一眼睇哂，全部都係bar枱，坐得有少少緊迫，就係傳統日本拉麵店嘅模樣😅。食物選擇簡單易明，食客只需選擇湯底，當日仲有幾款限定拉麵，而小食選擇都唔少嘅🤩。 當日就同學校朋友去食，而佢哋「跟風」跟埋我食同一樣野，所以今次只能介紹一款🤣。 魚介湯拉麵$98(期間限定) 望落就幾大碗，價錢以持有「必比登」嘅綽號黎講算係好正常(仲要而家D拉麵買到成$1xx黎講🥲)。日本人對拉麵製作過程嚴謹，又有米芝蓮加持，我對呢碗麵期望係比平時高🤔。 湯底偏向深色，質感厚實，有D沙沙地，飲落有濃厚嘅豚骨，重口味，冇平時白色嘅豚骨湯咁creamy，但都係順喉嘅🤤，亦有少少魚乾所帶來嘅鮮味。配上大量魚粉，增加層次感同鮮味(umami)呢個湯就算唔錯😋。 叉燒中間係紅潤嘅，用眼見到肥

就係被依個咁豐盛嘅肉肉拉麵吸引而嚟沾麵版本都幾吸引仲有期間限定同普通menu兩大碗肉肉特製低溫叉燒麵 $118 肉肉肉肉肉肉味道唔錯嘅 而且片片都好嫩不過湯底好普通 乜味都無🧐加少少辣芽菜 會好返少少🥲得半邊蛋 蛋黃仲要熟晒 有啲失望特製低溫叉燒沾麵 $118沾麵嘅湯底much better!!!!濃郁又香噴噴而且隻蛋係真。溏心蛋 有水準炸八爪魚球 $52以為係炸花枝丸啲frd😂😂但原來係章魚燒$52得6粒 貴又細粒得嚟 質素好一般

📍 拉麵Jo (銅鑼灣)銅鑼灣加路連山道3號地舖📍天氣開始轉涼了，作為拉麵控ga我，梗係又想食拉麵，上網搵到呢間拉麵Jo。評價都幾好所以就決定試下佢！一入到去就有種去左日本既感覺，圍住師傅排排坐等食麵！室內都坐得幾舒服，不過如果授住個太大既袋就未必有位擺到（要留意返）黎個陣大概6點幾所以都唔洗排隊就入到，到走個陣就開始多人啦，真係早來的鳥兒有麵食。有好多選擇我就決定交比個天，選左期間限定，等左大概8分鐘就有得食！一黎到個賣相已經值一百分，勁多叉燒圍住鋪滿個碗，影相呃like一流，D湯仲係滾到起泡，正！個湯好濃好入味，將d麵浸落去個味道岩岩好！順帶一提d紫菜好好味同個湯好夾，食落去有紫菜本身既香味加埋濃湯既點綴簡單係畫龍點睛！叉燒肥瘦適中食落都唔會有膩既感覺！麵質好適中，飲埋個湯個胃都暖埋！見人開始多，找數埋單，滿足既一餐！超級推薦，不過小心要排比較耐，不過好食都抵返😍😍😍😍😍📍總结拉麵店最緊要就係叉燒，今次拉麵Jo完全達到我預期，對得住米芝蓮本人極力推介🤣🤣🤣

呢間拉麵鋪bookmark左好耐終於得閒去食，聽講係米芝蓮級數，食落雖然係好味但感覺冇啲人吹捧得咁勁！特製低溫調理叉燒麵 $118又係食肉獸最鍾意食既拉麵，呢個拉麵足足有十塊肉，雖然叉燒比較薄身，但唔影響佢既味道，質感比較煙韌。湯方面個人我覺得係份量幾多既，每一啖都拉麵配湯都仲會有剩餘嘅湯可以就咁飲。湯既味道就唔淡唔濃，適合任何人。整體黎講，呢個拉麵雖然幾抵食，但味道方面唔算太突出。