拉麵Jo

营业中

休息中

見網上好評如潮，米之蓮推介，所以帶住期待一心去試拉麵。真係令人失望，入到去個地方已經好細，碗麵實際同網上張相賣相差好遠，網上靚好多，夜晚食完返屋企好肚痛，唔知係咪佢環境衛生有問題，其實間店環境都不算好，叫左2碗醬油豚肉拉麵＋煎餃子，味道一般，唔算太特別好食，首先，麵湯無期待的豬骨湯香味，醬油味也不明顯，湯底缺少了用真材實料餚湯應有的鮮味，它的麵質也欠缺彈性和回韌性，最後是那兩片豚肉，味道亦是一般。唔明點解網上甘多好評，希望將來質素會改善。

呢間拉麵店喺2014-2020年連續攞咗七年嘅米芝蓮，一入去就可以見到七塊獎牌掛晒喺牆上面好有氣勢🏆，啲店員仲好似係日本人嚟。​.​🍜辣味沾麵（$95）​個湯底係用木魚豚骨熬製而成嘅，辣味令成個湯底更加出，平時唔太鍾意食沾面嘅我都超鍾意呢度嘅沾麵呀👍！出面嘅沾麵好多時因為怕唔夠味都非常死鹹，呢度完全冇呢個問題，又唔會冇味，掛湯能力強，而麵底可以選擇冷麵或者熱麵，我揀咗冷麵，麵條會比較彈牙，而且冷麵唔係喺雪櫃拎即刻拎出嚟超級凍冰冰嗰隻，係室溫狀態，好貼心唔會令個湯即刻凍晒，叉燒有兩塊，肥肉略略多過瘦肉少少。​好食程度：🌕🌕🌕🌕🌕​.​🍜豚骨拉麵（$85）​呢個相對上就冇咁驚喜，湯底比較鹹，而且食食吓唔知點解會有陣雞湯味而唔係豚骨味，麵質方面有彈性，叉燒都係有兩塊， 肥肉略略多過瘦肉少少。​好食程度：🌕🌕🌕🌖🌑​.​🍗日式炸雞​Lunch set 加$10 換咗兩件炸雞，炸雞超級脆，炸皮薄到好似冇咁，咬開淡淡肉汁，好食😋​好食程度：🌕🌕🌕🌕🌕​.​🥟雞皮餃子​見到幾特別好似冇乜地方有就Lunch set 加$10叫咗嚟試，total有三舊，覺得雞皮炸得唔夠耐，唔夠脆，同埋入面個餡有啲少。​

抗疫外賣炸雞便當   39元   4/5分1. 炸雞即叫即炸,要等15分鐘,有5塊,非常好味有汁,值得等待2. 飯有飯素,可惜外賣會令米飯冷卻,味道唔夠乾爽3. 沙律是神來之筆,配上細細舊的蛋卷,實在美味遇上疫情,拉面店根本無能為力,就算推出這種便當也無助增加收入,當日只有我一個人購買,而且是星期六,之後更全日不可以堂食,到底香港政府想害死多少小店呢?拉面JO本來大受歡迎,希望下次有機會過來品嚐拉面,加油~

同朋友去開銅鑼灣，恰巧是晚飯時間，就去左Ramen Jo食拉麵。 店內提供酸菜、芽菜和蒜蓉等醬料和冰水供客人隨意添加。 我和朋友都比較喜歡吃沾麵，所以選擇了2款不同口味的沾麵。🌶🍜名古屋辛味沾麵 ($96)（極粗麵、特製豬肉碎辛味汁、叉燒x1、芽菜、韮菜、日本熟蛋）沾麵可選冷面或熱面，個人覺得要吃到彈牙爽口嘅面，當然要選冷面。沾麵還有一片厚而長的叉燒，還有一隻非常吸引的糖心蛋。 沾麵以外面還有一鍋熱燙燙的沾麵汁，汁內有香辣的肉碎、芽菜、蔥花等得，非常惹味。將沾麵浸在熱燙燙的汁上，掛汁力非常高，而且麵質非常彈牙爽口，非常好吃。🐟🍜特製沾麵 ($106)（極粗麵、濃厚木魚豚骨、叉燒x3、椰菜、玉葱、京葱、干筍、木魚粉、紫菜x3、半個日本半熟蛋） 同樣地選了冷麵的特製沾麵，原來是木魚豚骨口味，沾麵上還有三片厚而長的叉燒，還有一隻非常吸引的糖心蛋。  鍋內有大量筍片、椰菜，吃上來富濃郁的鰹魚味，湯底濃稠美味掛汁力高，湯底夠熱，用上熱鍋呈上湯底不停滾騰沾麵，超爽。 🐄蔥花牛舌 ($70) 蔥花牛舌即叫即煮，所以上桌時是熱辣辣，香味撲鼻。牛舌口感爽口，入口非常惹味。🥟

銅鑼灣有好多拉麵店，但係我最中意就係呢間，因為有我中意食嘅沾麵。對於一個食辣食上癮嘅人嚟講，辣味沾麵，就最啱我口味。 沾麵用嘅麵條都係粗面，好有口感，麵條比拉麵多了一個過冷河嘅過程，所以同拉麵唔同，夏天的話，我比較中意食沾麵。 名古屋辛辣沾麵對比起辣味沾麵就少咗d紅油，比較適合不太吃辣的朋友。 炸八爪魚球其實就係章魚燒たこやき，我一開始以為係將八爪魚炸成一個球。拉麵店做嘅炸八爪魚球都係即叫即製，食到係熱辣辣，上面撒上木魚粉同埋章魚燒醬料，有6顆，作為我同朋友晚餐小食非常足夠。 雞皮餃子店鋪做晚市推廣，雞皮餃子，每桌可以要一個，$3。 日本蜜桃汁蜜桃汁係鐵罐裝，入面有蜜桃肉，唔同普通果汁，呢個真係用上25%純果汁整。

米芝蓮推介拉麵@銅鑼灣左邊牆上有勁多塊米芝蓮獎牌，能夠連續 7 年獲得米芝蓮推介，點都有翻一定實力嘅！一入去就由店員探體溫，每人派咗塊酒精消毒棉，感覺衛生啲。依道係小店，但座位之間唔逼，坐得幾舒服。叉燒係以 66 度低溫烹調，肉質嫩滑，薄切但口感油潤唔會話好少咁，圍住個碗咁擺好靚𠻹呢依道主打嘅九州熊本風豬骨湯底濃郁細緻而不濁，拉麵比較幼身煙韌，掛湯力高。唔係人人都鍾意筍嗰股濃烈嘅味道，依道先用醬油將筍煮過，易入口好多，唔會搶咗拉麵嘅鋒頭。沾麵湯汁係用魚介汁熬成，內有京蔥同筍乾等等，十分惹味！沾麵就係粗麵條，可以沾到多啲湯汁，有冷暖麵選擇，我就揀咗冷麵，食起嚟更加彈牙。配菜好豐富，有叉燒、日本半熟蛋同幾塊紫菜。放沾汁嘅瓷碗好厚重，啲汁食到最尾重係好暖和。通常拉麵店都有餃子食，雞皮餃子我就無食過喇，的確係用雞皮包住肉餡㗎，雞皮香口到無得頂，入面好多肉汁唔肥膩喎。依家做緊優惠 $3 隻真係好抵食，每隻外皮都香脆！好耐無食過章魚燒，炸八爪魚球圓碌碌幾大粒，八爪魚粒有咬口，絕對唔係得粉漿海量嘅柴魚片切幼咗，無咁易跌落嚟，連埋啲沙律醬同照燒醬好正，兩個小食水準都好好～

企左係門口，個女侍應安排緊2位入座，我地都係2位，講左句2位唔該，就叫我地係出面等陣，我後面黎多2位，佢地又行埋去話2位跟住即刻俾佢地入。 我地叫住佢話我地黎先㗎喎，個垃圾女侍應明知自己衰左，唔好意思都冇句，乜都唔講就拉埋度門，我開返門，話咁宜家點啊？ 佢話要等。乜料啊，我同後面2位相隔20秒問，係咪咁都唔認得啊，同埋你啞㗎？！ 做錯野識唔識講唔好意思啊？

今次食日式拉麵店，之前經過見到門口有好多米芝蓮嘅得獎牌，所以今次決定試下。餐廳環境係典型嘅日本拉麵舖，有吧枱，亦都有四人枱，面積唔算好大，中間就係炮製拉麵嘅位置。由於疫症關係，餐廳好貼心預備咗消毒紙巾同埋口罩套，抵讚。期間限定款式係低溫叉燒拉麵，118蚊，拉麵個特點在於叉燒非常多，而且薄薄一塊，入口即溶，舖喺碗邊，賣相吸引。湯加咗香蔥，再有芝麻調味，味道香濃，而又唔算太油膩，麵身就係幼麵，質感唔錯。另外叫咗個沾麵，沾麵有圖解教點樣食。首先係將啲麵點落個汁，然後喺個汁度啜啲麵上嚟，雪雪聲非常過癮。沾麵可以揀凍同熱，我揀咗凍，因為配埋個暖湯，口感比較豐富。食完再可以加湯，沾麵湯真係好正。小食方面，點咗個咋八爪魚球，即係章魚燒，熱辣辣親熱食，加埋啲特製汁，值得一試。另外，餐廳推出左抗疫嘅雞皮餃子，三蚊一粒。我叫咗十粒，用雞皮包餃子，都幾特別。整體而言對於今次用餐感覺良好，服務都良好。

十二月第三個星期一晚上，銅鑼灣。愛吃拉麵的好友說，有一家拉麵店很想要試，於是下班後就跟他來看看。在銅鑼灣這條美食林立的街道上，黑底金字招牌不會過份搶眼，橫敞的木門旁邊的玻璃可以看到，原來他們已經連續六年獲得米芝連推薦，好厲害呢。吃飯高峰期，客人滿座，我們先在外面邊等邊點餐。麵有粗幼選擇，味道有豚骨、麵豉、蒜油、辣味、醬油豚骨，辛味以外，還有沾麵選擇，有配菜追加，小吃方面不只是有餃子而已，選擇真蠻多的。蔥花牛舌，牛舌切成薄片，彈牙脆口，蔥油份量剛好，肉質軟嫩沒有煎過老，香口美味。特製低溫叉燒麵，進店以後已是陣陣豬骨濃香氣，湯底呈乳白色，很純粹的豚骨清香味，喝得出來熬製豚骨湯的時間之長。鋪上一隻吸引眼球的流心半熟蛋，原來是以豚肉湯煮至半熟的，難怪有豚骨湯味慢慢散發。這個期間限定的拉麵，重點在於低溫叉燒。叉燒先以66度低溫慢煮，保持肉質鮮香嫩滑，再經過烤烘，薄切的滑溜除了豚肉本味，也帶煙燻香油香，均勻鋪滿一整碗，視覺的震撼好像叉燒花海一樣。麵條選了幼身拉麵，彈牙結實，每條麵充份吸收豚骨湯，一口接一口欲罷不能，吃了一整碗發現麵條的飽足感很強，肚皮感覺很實在。惟一要改善的地方是，店面跟一般拉麵店

嗰日同同事嚟呢度食lunch,咁我就叫咗一個辣味特製沾麵,個湯淆製得十分之濃味,入面呢仲有筍片,同一兩嚿腩肉.啲麵索曬佢啲湯汁之後真係食得十分之過癮,佢嘅叉燒都做得唔錯 ,我會再嚟呢度食多次!

接近兩點食晏快完的時間,不用等位就坐埋一張四人枱但就一定要坐埋同一邊？都快兩點啦！你兩點半就收還有客嗎？ok兩個人坐埋一邊叫了一碗普通湯底的沾麵及一碗辛辣湯底的沾麵,但湯底極咸！！已經是第二次了！之前一次以為師傅錯手但今次好失望連薄如紙的义燒也是只見肥不見肉的五花腩湯底除了咸就甚麼味道也吃不到,記得老板係日本人以往的照呼都不會太差但今次好失望！可能而家已唔憂做？早知入跑馬地麥兆記食腕雲吞麵好過, 啲阿姐照呼好好多

朋友話最近網上流存一間拉麵店好好味, 我地一行二人都去試一試, 原來地點就係睇賀歲杯香港大球場銅鑼灣路口, 新年年頭見過一面, 今次終於成為坐上客.叫左限定叉燒拉麵及特制腩肉沾麵加一份自家制餃子.限定叉燒拉麵, 如圖,見到疊滿一片片慢煮叉燒, 急不及待,吃了一片, 好薄淡淡的肉片, 湯是一般正常豬骨湯, 麵是幼麵,對本人來說比較硬, 整體, 賣相非常好的一碗麵, 味道一般.特製沾麵是麵較粗曲麵, 目的是可以沾多一點湯汁, 湯汁味較濃及偏咸, 餃子涵夾著酸菜, 此口味都幾特別,不是人人喜歡, 我自己覺得可以接受. 但大家記得不要像我一樣犯錯, 沾了餃子醋, 醋實在太酸了. 舖面不算多位置, 中心位置為拉麵廚房, 格局都是適合瘦底人士成為坐上客. 

見網上好評如潮，米芝蓮推介，帶著期待的心去一嘗拉麵。結果極失望。好喇，叫左碗味噌拉麵，師傅一路傾閒計一路笑一路整拉麵，好hea 咁，一點拉麵師傅應有嘅專業態度都冇。味噌拉麵：佢地叫麵豉，但味道唔係日式，湯底帶有用黎整中菜既中式麵豉味，仲奇怪地帶有中式南乳豬手既味道！麵底：試完湯底後即食，係。腍。既！！唔好話基本彈牙，我所試過既任何一間拉麵都彈過佢，懷疑係師傅掛住傾計，唔專注所致嘅疏忽。塊豬腩就好一般，口感偏「鞋」身。難食到我同朋友都只係食咗幾啖就放棄，離開被茶記阿姐呼喝、間野又逼又一陣味、見到廚房唔開胃既地方，之後去左第二度再醫肚。真心難食，唔會再黎。拉麵店做出如茶記感覺：一進店我們二人被安掛坐普通枱，被阿姐用命令式叫我地兩個一齊坐埋一邊，完全茶記feel。（要知道小店同茶記係有分別的）Request 後坐Bar枱，紙箱多既程度不可表受，連行入去坐低都好辛苦，坐低後waiters 出出入入經常撞到，驟眼望入廚房，衛生情況不良好，見到唔開胃。完全唔明點降咁多好評，希望將來質數改善。

知道這間拉麵得到米芝蓮榮譽已經好幾年今日特登來到銅鑼灣試吓.裝修是很傳統日本拉麵店我們12:30左右去到人還不算多.叫了兩款拉麵一款是味增一款是豬骨湯底不得不說湯底真的是非常香濃可口而且麵條保持適當的硬度不會煮得太林身.見到碗麵好似細細碗但因為湯底太濃厚，食到一半已經好飽

食左咁多年，質素越嚟越差，味噌拉麵湯底肉碎以往很豐富，現在都不復見。最大問題係員工態度惡劣，收銀那位阿姐不時呼喝同事，連個客落單都比人話，走白蔥都唔啱既，真係由佢開鋪食足咁多年未見過，仲夠膽死話我地拉麵無白蔥，食完𢳂番比佢睇，佢都仲死拗，仲話係芽菜，比d專業好無？當年員工殷勤服務，坐爆哂好忙，仲會細心教用鐵匙𢳂湯隔肉碎，仲有日本師傅煮麵，抵佢攞米芝蓮。依家連lunch都坐唔滿，都咁惡對客，真係最後一次了。一百蚊碗麵不如食第二間開心d。