拉麵Jo

营业中

休息中

同男友試食呢間米芝蓮推介拉麵店坐左吧檯位，可以好近距離咁睇到師傅整野食調味區仲有生蒜、辣芽菜之類任你加我嗌左期間限定嘅魚介湯拉麵（$88配料都幾特別，有啲柚子碎同魚介粉同個湯底撞埋都算幾清新拉麵質地係較硬身嘅蛋麵，梘水味比較重個人就唔太喜歡呢種麵湯底係偏杰身嘅質地，魚介味道幾濃郁👍🏻糖心日本蛋味好淡，有啲失望😔叉燒本身係凍嘅，食落有啲硬同un，麻麻地個麵仲有幾塊雞胸，雞胸比叉燒好一啲、淋啲，會吸到少少湯嘅味道啲筍幾粗幾大條，但就冇乜味道🤔男友嗌左魚介湯嘅沾麵（$98睇得出塊叉燒真係硬哂軚、凍嘅狀態🤯脂肪好厚，沾落湯度都冇乜幫助如果叉燒本身係熱熱地的話應該會更好紫菜未食時已經林左😔除此之外個麵都不過不失另外店內環境都幾窄，背後走廊位置放滿貨物侍應經過我地背後時都要挺一挺直避開佢有啲狼狽😥店內師傅都比較沉默，同客人零交流，冇乜氣氛總結嚟講，湯底同麵都可以，不過不失但係塊叉燒我地就唔識欣賞加上坐得唔係咁舒服，體驗普通，呢間米芝蓮推介應該試一次就算了。