影片
更多
2022-01-09
1118 浏览
拉麵JO 銅鑼灣嘅美食多不勝數，一般人會認為百德新街希慎廣場百樂中心有最多野食，在我眼中，希雲街一帶先至係香港小店嘅集中地，而呢間望落平平無奇嘅拉麵店卻大有來頭😯。 拉麵Jo至今有三間分店，原來店主蒲谷康成嘅母親係「麵屋一平安」嘅創辦人，喺拉麵世家出生🤯。2013年創立後一年後至今都得到米芝蓮必比登推介，實力絕對唔會輸比啊媽💪。 餐廳格局一眼睇哂，全部都係bar枱，坐得有少少緊迫，就係傳統日本拉麵店嘅模樣😅。食物選擇簡單易明，食客只需選擇湯底，當日仲有幾款限定拉麵，而小食選擇都唔少嘅🤩。 當日就同學校朋友去食，而佢哋「跟風」跟埋我食同一樣野，所以今次只能介紹一款🤣。 魚介湯拉麵$98(期間限定) 望落就幾大碗，價錢以持有「必比登」嘅綽號黎講算係好正常(仲要而家D拉麵買到成$1xx黎講🥲)。日本人對拉麵製作過程嚴謹，又有米芝蓮加持，我對呢碗麵期望係比平時高🤔。 湯底偏向深色，質感厚實，有D沙沙地，飲落有濃厚嘅豚骨，重口味，冇平時白色嘅豚骨湯咁creamy，但都係順喉嘅🤤，亦有少少魚乾所帶來嘅鮮味。配上大量魚粉，增加層次感同鮮味(umami)呢個湯就算唔錯😋。 叉燒中間係紅潤嘅，用眼見到肥
銅鑼灣嘅美食多不勝數，一般人會認為百德新街希慎廣場百樂中心有最多野食，在我眼中，希雲街一帶先至係香港小店嘅集中地，而呢間望落平平無奇嘅拉麵店卻大有來頭😯。
拉麵Jo至今有三間分店，原來店主蒲谷康成嘅母親係「麵屋一平安」嘅創辦人，喺拉麵世家出生🤯。2013年創立後一年後至今都得到米芝蓮必比登推介，實力絕對唔會輸比啊媽💪。
餐廳格局一眼睇哂，全部都係bar枱，坐得有少少緊迫，就係傳統日本拉麵店嘅模樣😅。食物選擇簡單易明，食客只需選擇湯底，當日仲有幾款限定拉麵，而小食選擇都唔少嘅🤩。
當日就同學校朋友去食，而佢哋「跟風」跟埋我食同一樣野，所以今次只能介紹一款🤣。
魚介湯拉麵$98(期間限定)
魚介濃湯拉麵
$98
104 浏览
0 赞好
0 留言
望落就幾大碗，價錢以持有「必比登」嘅綽號黎講算係好正常(仲要而家D拉麵買到成$1xx黎講🥲)。日本人對拉麵製作過程嚴謹，又有米芝蓮加持，我對呢碗麵期望係比平時高🤔。
湯底偏向深色，質感厚實，有D沙沙地，飲落有濃厚嘅豚骨，重口味，冇平時白色嘅豚骨湯咁creamy，但都係順喉嘅🤤，亦有少少魚乾所帶來嘅鮮味。配上大量魚粉，增加層次感同鮮味(umami)呢個湯就算唔錯😋。
叉燒中間係紅潤嘅，用眼見到肥瘦嘅比例唔會差好遠。肉質係超級軟嫩，好似慢煮過咁😲😲，完全唔柴，但就食唔有味淋清酒嗰隻甜味同濃味，變相只係一舊平平無奇嘅豬肉🤐(可能係餐廳特登咁做，但我就唔識欣賞)
除咗叉燒之外，入面仲有雞肉片，肉類比平時嘅拉麵黎得多🤑。雞肉色澤白淨，同叉燒一樣鮮嫩無比，令我對雞胸改觀，超厲害🤯。順帶一提，叉燒上面嘅柚子蓉係冇任何用途，不能解膩🤪。
拉麵唔知係自製定來貨，size偏向幼簿，有少少曲，掛湯能力中下水平，同呢個咁濃嘅湯頭配合得好好，烚嘅時間亦都啱啱好，口感彈牙又唔會太腍👍。總括黎講食物質素良好，可以一試。
张贴
