拉麵Jo

营业中

休息中

好多年冇食過拉麵Jo ，當年黎呢度大排長龍，呢日順路經開見唔洗等位就入左去，點左雞白湯拉麵，賣相好對版，奶白色湯底打左泡望落好日式，可惜一入口就覺得雞味好弱，好似豚骨味比較重，當做普通豬骨湯拉麵就okay ，湯又唔係太熱，叉燒、麵、蛋都屬於正常水平，成碗麵食完都冇乜記憶點，冇我當年第一次黎呢度食沾麵水準咁好，反而set lunch加錢就有八爪魚丸，價錢抵之餘都幾好味，即叫即製脆卜卜，估唔到小食比拉麵更出色

今日係星期六晚上時間過黎食🍽️一入到去位置唔係好多，大家都係面對厨師坐佢地係一個open kitchen設計，可以見到厨師煮面成個過程🤩🤗當日净係見到一個厨師當值，d單陸續有黎，都做到無停手🥵沾面$94叉燒有兩件，睇落去真係非常邪惡😈大大舊肥膏，完全係半肥瘦嘅叉燒😯😲但係食落口無想象中咁油膩，油脂味唔重😆😗麵條係粗面，揀左熱面，麵條有d小麥顆粒😍😋食落口彈牙，有嚼口有嚼勁，好挂汁😜🤪湯底係偏咸口麵豉湯，如果剩係飲湯會有點太咸😮🤔一定要配埋面一起食😋配料有竹荀同一片紫菜，湯裏面仲有小量野菜同洋葱🧄分量足夠一個人食，同朋友過來可以試下佢地招牌餃子🥟評分：💚💚💚💚

今日喺開香港區活動。晚餐自然揀返銅鑼灣。食飽方便坐車返屋企😂🤭揀咗食沾麵。俾佢勁多肉嘅圖畫吸引咗。等左一下子話入座。坐低咗之後，沾沾就多啲人排隊。好彩早咗一步🤭結果叫咗一個拉麵一個沾麵。絕對冇失望麵好食。湯好飲。賣相能夠提升食欲🤭沾面嘅汁都啱啱好唔會過咸，肉質都算嫩滑，有機會會再食😅雖然我好少會番食同一間食肆，除非同唔同嘅人。不過可能呢一間都會大機會encore🤭😂價錢合理。仲叫咗雞皮餃子。不過比我想像中迷李。其實都係圖片只供參考😂🤭不過味道好就夠。啲面份量足夠。大碗。抵食

特製低溫叉燒拉麵 $118豚骨拉麵$88米芝蓮必比登推介拉麵叉燒好食湯底木魚味好出麵條有咬口又掛湯其他嘢係日本拉麵水準(唔係香港好多扮日本拉麵嘅鋪頭level)店內比較細坐得唔係太舒服唔使排隊嘅可以一試味道：🌕🌕🌕🌕🌑CP：🌕🌕🌕🌗🌑--------------------

2013年開店的拉麵Jo，曾連續多年獲得米芝蓮必比登推介，今次於銅鑼灣本店嘗試特製沾麵，使用日本食材熬製濃厚木魚豚骨沾麵湯底，配上激粗身麵條，掛汁力一流。沾汁中央的木魚粉更是神來之筆，麵條沾上粉末後，口感及香氣有所提升，讓食客更好好能感受這碗沾麵的各種層次。Tsukemen of Ramen Jo feature rich seafood and pork bone broth with its extra thick noodles, while the katsuobushi powder enhances the aroma and flavor, allowing you to fully appreciate the various layers of this bowl.

Had lunch at Ramen Jo yesterday. The cashier kept sneezing without her mask. In fact, she took off mask when she sneezed and put on mask afterwards. I started to have fever last night and tested covid positive today. It could be a coincidence but suggested the cashier should be more considerate and avoid sneezing without mask in front of customers.

第一次嚟到拉麵Jo食拉麵，一入到嚟侍應講英文，感覺都唔錯，見到餐廳貼住幾屆嘅米芝蓮，有少少期待。兩個人叫咗一碗辛辣味拉麵，同埋一碗特濃沾麵，仲有個蜜桃汽水。枱面有唔少調味料，有山蒜頭仲有個架撐俾你整蒜蓉，有七味粉、醋嗰啲。辛辣麵拉麵味道都正正常常，加咗啲調味，味道唔錯，沾麵嘅麵質地都幾煙靭，但係冇乜好驚艷嘅感覺。蜜桃汽水有啲貴，20幾蚊一罐。環境就一般拉麵舖嘅佈置，坐得有啲迫。總括而言，食物水準都ok，但係價錢偏貴，兩個人埋單二百幾蚊。

開關之後，真係多咗好多機會見返啲移民朋友。最近，係加拿大嘅親戚返黎香港放假。接待佢哋有個大難題，就係加拿大乜都有得食，而且比香港更正宗，更好食😅對於佢哋嚟講，香港嘅食物份量比較細，唔夠食。好處就係可以叫啲平時食唔到嘅嘢🫢一定清得哂🫢好多年前嘅拉麵熱朝，已經食過拉麵Jo。當時係差唔多每間拉麵店都大排長龍。以前為咗唔想排隊，特別喺啲奇怪時間黎食😂今日7點左右到，唔單止人龍無咗，餐廳入面快有好靜😬醬油豚骨拉麵 - 幼麵 ($91)沾麵 - 粗麵 ($94)特製沾麵 - 粗麵 ($110)大部分嘅拉麵都係幼麵，而沾麵就全部都係粗麵。沾麵可以揀熱麵或者冷麵。我哋叫咗兩款沾麵，職員放低嘅時候講低，邊款係普通沾麵，另一個係特製沾麵。但餐廳有啲嘈，完全聽唔到佢講咩😅睇落兩款又完全一樣。我哋再追問嘅時候，個職員好唔耐煩，仲好大聲話頭先已經講咗俾我哋知🙄自製餃子(5隻) ($48)餃子有3隻同5隻，我哋人多，揀咗5隻🖐🏻不過職員放低嘅時候，得3隻嘅🤔發現搞錯咗，職員成碟收起，後來再補返2隻餃子。一來一回，原本整好嘅餃子有啲凍咗，但味道仍然唔錯，如果煎起熱辣辣嗰下，應該更好食。炸雞軟骨 ($48)雞軟骨炸得

店名: 拉麵Jo地址: 銅鑼灣加路連山道3號地舖銅鑼灣站F1出口，行5分鐘環境: 3/5價錢:4.5/5味道: 4/5另設元朗，尖沙咀分店特製沾麵$110佢係粗面配3塊叉燒，半個日本半熟蛋，湯底係魚介嘅沾面🤩叉燒好大舊，好用肉味得黎又唔會話好咸😚下面啲面超彈牙，食落勁有咬口，配上隔離好熱嘅沾面湯，勁夾🙈特製低温叉燒麵$118相比起沾面嘅叉燒，因為呢款係低温叉燒嘅關係，食落口肉質更淋，但就無沾面個款個咁入味加上係醬油湯底，醬油豚骨味湯座🍜，食落成碗拉麵都好清相比之下，鍾意食濃面嘅我覺得沾面略勝一籌🙈竹筍$10因為好鍾意食爽口嘢嘅關係，加左十蚊要左一份竹筍😂好爽口，放落面到一齊食好滿足#stitchfoodie銅鑼灣

雞白湯拉麵味道鮮爽，湯底香濃，麵條有彈性，與鮮味湯底搭配得宜。湯底嘅濃度剛好，味道濃郁而不會過重，也不會太淡，帶有濃濃嘅雞香味，每一啖都食到雞肉嘅味道。湯頭嘅顏色係奶白食，而且唔油膩。湯底嘅味道讓人回味無窮，令你想再食一啖，絕對值得一試。

情人節晚上諗住食拉麵唔會老襯， 晚上6:30就沖左入去，岩岩好最後兩個bar枱位💪🏻 店員係外藉人士， 要英文溝通， 相信如果中文無問題掛， 主要填紙落單。今次叫左特制沾麵，辣拉麵，雞皮餃子和薯仔沙律🥗特制沾麵 - 大大碗有三塊叉燒，湯底香濃，可惜食到凍時味道偏鹹辣拉麵 - 辣醬突出，湯頭味濃雞皮餃子 - 成塊雞皮食落口，頗有特色薯仔沙嘴 - 加了青瓜和蘿蔔，凍凍地解膩必叫另外枱面有任食小菜，辣芽菜和木耳絲。其中辣芽菜很值得推薦！ 辣得很過癮！食飽大概7:15， 看到門外已要排七八人的人龍了！

連續7年米芝蓮推介的銅鑼灣分店拉麵Jo，佢地既豬骨湯底花咗10多小時熬製，一定要嚟試吓。平日夜晚6點幾嚟到，雖然座位唔多，但係等咗一陣就可以入座。🔻特製魚介豚骨拉麵 $98 【期間限定】今次期間限定有特製魚介豚骨拉麵，魚介湯底好香好濃郁，配上大量魚粉，令到湯底既鮮味好突出，完全唔覺得咸😋拉麵配菜有叉燒、雞胸肉、糖芯蛋、厚切竹筍、少少柚子皮😊麵條偏幼，軟硬度適中，非常好味🤤🌟 Lamlam脷指數 😋😋😋😋😋 (5/5)♨️特製沾麵 $106沾麵湯用石鍋上菜，keep住熱辣辣，食得慢都唔怕會攤凍哂🔥湯底濃稠，有好濃厚魚介豚骨既味道，聞落好香，不過食落就有少少咸🤭沾麵配料有椰菜、竹筍片、京蔥。拉麵條口感彈牙，掛汁力非常高，湯底完全融入係麵裏面，食到好滿足🤩仲配有2塊叉燒，雖然薄咗少少，不過肥瘦適中🌟 Lamlam脷指數 😋😋😋😋(4/5)🥢另外仲可以追加多款小食或者配菜✨ 整體評價: 最受歡迎既特製沾麵雖然有少少咸，不過豚骨湯底加魚介製成既湯底的確好鮮甜。而期間限定既特製魚介豚骨拉麵都係必試😋😋✨ Encore指數 ⭐️⭐️⭐️⭐️⭐️(5/5)

Lunch time加$10就可以叫多個小食好抵，所以就試咗佢嘅雞皮餃子，好友驚喜，平時好少見呢款餃子，所以以為佢係餡入邊包咗雞皮，上菜嘅時候先知佢係用雞皮代替餃子皮。雞皮脆卜卜，食落唔會好油膩。對佢嘅沾麵有啲失望，因為好似除咗鹹之外就唔係好食到其他味。個面好粗，所以識落有少少似烏冬。啲肉嘅賣相都好似唔太好，有啲碎碎地。不過個份量好大，沾麵來講性價比都幾高，但係我食過佢嘅拉麵，比沾麵更加好食。

呢間店係朋友推介原本諗住呢到淨係得拉面 點知原來有沾面 不過我最尾都係揀拉面試左先今次我叫左個魚介拉面 105蚊叫佢個主要原因係咩都有有雞肉同叉燒 最重要有一隻糖心蛋呢次個叉燒都幾特別 呢個部位好似我地d 港式叉燒佢一拎埋黎我以為生食落應該係低溫慢煮出黎雞肉就一定係慢煮 仲食到唔完全熟透位我唔sure 係咪慢熟 因為食左好多間慢熟都係咁😹😹😹蛋就好完美表現 但佢隻蛋無咩蛋味 唔知關唔關個湯都幾重口味事個湯都好正常整體黎講 佢個價錢同份量我都好滿意仲要起銅鑼灣呢d 地方如果食其他 100蚊都唔知有無蛋同5舊肉btw 我見人食沾面 d 面多到有d 驚驚唔飽可以叫沾面

拉麵控🍜既目標就係想試哂全香港既拉麵店！未有時間去旅行 就唯有係香港止下癮先🥹今次就揀左哩間位於銅鑼灣內街既拉麵🍜▫️特製雞白湯拉麵 $98哩碗拉麵係期間限定黎湯底夠濃厚！每啖麵都好掛汁🤤湯底除左雞油味之外 仲會食得出有小小魚介味所以唔會好油膩！至於叉燒 都用左兩款肉 分別就係雞胸同豚肉經過低溫烹調 肉質會比較軟滑加埋雞白湯一齊食 好好味！😋▫️雞皮餃子🥟 $48不得不提 哩個餃子真係好出色👍🏻餃子皮係用雞皮做既 外脆內軟！薄薄一片既雞皮好脆口🤤包住餃子餡夠肉汁！夠香口！🔸總結．哩間拉麵店值得推介👍🏻 一定會為左個雞皮餃子再encore🤤 ．店舖比較細 所以會坐得小小迫，加上坐位比較小 所以都需要排一陣隊😗．除左銅鑼灣之外，尖沙咀同元朗都有分店 方便返港九新界既人去食😌．要留意返既係 銅鑼灣分店只收現金💰 所以要帶備足夠既金錢😂