拉麵Jo

营业中

休息中

來到這間沾麵店, 它的室內環境不是太大, 但坐得也算舒適, 而且店員的服務態度很好。服務我們的店員是日本人 , 他用英文跟我們溝通, 服務態度非常好, 果然是日本人最有禮貌。我本來想點一碗特製沾麵, 但看到他們有期間限定沾麵, 便決定要試一試 。牆上掛著一塊小卡紙, 上面寫了今期的期間限定沾麵是炙燒麵豉沾麵, 看落很吸引, 而且是期間限定的, 當然要試一試!炙燒麵豉沾麵上有一塊半肥瘦叉燒、日本半熟蛋。旁邊附上濃厚炙燒麵豉沾湯用來伴麵。炙燒麵豉沾湯味道濃郁突出, 入面帶有少少薑的味道, 亦帶點辣味, 很惹味。入面亦有嗚門卷、豬肉碎和干筍。把麵條放入炙燒麵豉沾汁一會兒, 然後放入口, 暖暖的，非常好吃! 沾麵份量多, 麵條有嚼勁, 每條麵條由第一口到最後一口都保持到彈牙的質感。沾麵湯底濃稠, 掛湯力強👍, 沾麵充分吸收到味噌湯的味道。晚餐的另一個重點是那隻日本半熟蛋😍, 它的蛋黃是半流心的, 超正!

今晚來到拉麵Jo, 看看鋪面牆上掛上5個獎牌, 才知道它是從2014 到2018 都獲米芝蓮車胎人美食推介的餐廳, 令人期待。 果然, 真的好好味! 我和朋友點了特製辣味沾麵配木魚豚肉, 豬骨拉麵和蔥花牛舌。特製辣味沾麵選了冷食, 它是粗麵, 麵質煙彈牙, 麵底多, 木魚豚肉大大塊且軟淋淋, 配埋濃郁香辣湯底, 味道豐富, 惹味十足。豬骨湯麵是幼麵, 熱食, 麵條幼滑, 叉燒軟香, 清而濃的湯底, 吃出原始風味! 牛舌也值得大讚, 軟而爽, 清新檸汁加蔥花, 香味十足! 最後想飲點東西, 便點了桃汁, 起初想著食甜桃水, 誰知有桃肉, 開心! 這餐飯很愉快! 展開美好一星期!

在吃的方面，香港人其實很幸福的。彈丸之地充滿各國特色菜肴應有盡有，即使是米芝蓮級數的食肆亦瞬間可達。朋友介紹下知道銅鑼灣的<拉麵Jo>是米芝蓮推介，今天特意來一嘗。冇花冇假，連續五年的米芝蓮榮譽高高的掛在牆上。來到正宗的日式拉麵鋪當然要一嘗日本果汁。白桃果汁超香甜的，內裏有絲絲的白桃肉，必定是女生最愛。除了有蒜頭可以即刻即壓即用外，還有辣味芽菜和醬油醃菜可以加在拉麵上吃。等了一會兒我的豚骨拉麵就來到了。起初看到淡白色的湯底也有點失望，但原來喝下去的時候比我想像中要濃味得多！！既充滿了肉的鮮甜味，亦有滿滿膠原的感覺，感覺清新不是嘩眾取寵的濃味類型。半肥瘦的叉燒香軟柔滑，肉味香濃，咬下去的時候還可以感受到膠原那種黏黏的口感。幼身的拉麵屬軟滑那種，每條麵條也緊緊的掛著湯汁，好吃好吃店鋪也有提供沾麵，雖然來自日本的侍應先生可以和我們用廣東話作簡單溝通，但是有了這張圖解沾麵食法就更簡單易明，非常貼心。記著不要一個面餅就整個倒下沾麵汁，要吃的時候才沾上湯汁才最正宗。名古屋辣味沾麵是期間限定的沾麵，沾麵汁裏有免治豚肉，味道濃郁，青椒的味道慢慢滲出，有點像麻婆豆腐的味道。沾麵的麵較為

久唔久鋪拉麵癮又會起😂今次同朋友試下呢間拉麵jo🤤經過幾次終於食到佢🤣👉🏿✨特製沾麵 Hkd 104 💸📌其實我好怕食啲沾麵係好濃味個湯底又會好膩個隻，但呢款絕對唔會！係岩岩好，點到即止個種！佢既沾麵粗度剛好，軟硬適中☺️完全係我中意食個款！叉燒啲肥膏入口即溶，雖然係膩啲，但一兩塊都可以放肆下😝👉🏿✨辣拉麵 Hkd 85 💸📌呢款拉麵既麵底就偏幼，辣度都幾西利，好在就放落個匙羹到，可以俾你再自己落～加左個溏心蛋 Hkd 15 ~ 果然係拉麵係唔小得佢！個蛋黃真係正呀😆👉🏿✨炒野菜 Hkd 38 💸📌平時食親拉麵都係加餃子多，好小叫野菜😂都係多得我朋友😆不過原來炒野菜都幾好食喎😳又爽又甜，加埋啲辣椒落去一定仲惹味！

黎銅鑼灣食親拉麵都會諗起拉麵JO，鍾意佢個location，有一排冇去食，今晚去睇下有咩新菜單先。今期的期間限定有呢幾款，idea好新鮮，全部都好想試。日本橙汁($22)，Bireley's 的無汽果汁，懷舊的樽裝，酸酸地，ok好味。日本蜜桃汁($20)，有粒粒果蓉係入面，桃味濃郁！蒜油豚骨(幼麵)($85)，蒜油味香，有叉燒、木耳、椰菜、竹筍，豬骨湯底濃厚，但稍為鹹了點，麵口感不錯，叉燒肥瘦均勻，厚度剛好，份量適中。炸八爪魚球$48脆口的炸八爪魚球，口感煙韌，同坊間的製法有點不一樣，可以試下。北海道炙燒麵豉沾麵($96)湯和麵分開上，湯用石鍋上保温，內有洋蔥、竹荀，味道十分濃厚。流心的糖心蛋超好味，很有水準。粗麵凍上，煮得好彈牙，能掛上大量湯汁，食得好滿足，食到尾都仲keep到熱。

上兩個星期同朋友去銅鑼灣行街，突然想食下拉麵，應該有一段時間無食過啦🤤 終於試左呢間開左多年，想試又無機會試嘅拉麵Jo~餐廳有拉麵同沾麵選擇，但無咩customized嘅option. 你可以揀有冇蔥，但就無得揀麵條嘅軟硬度。我就食左蒜油豚骨拉麵，湯底蒜味唔太濃，但個湯底比較濃味，會重口味D!另外，值我一讚係有好多筍片，筍片調味準確，容易入口，無怪味！ 豚骨片大概有兩三塊，脂肪唔算太多，肉質偏淋，唔會太硬！麵底有D硬身，但我個人黎講，幾岩！份量幾夠，男仔叫多個小食應該好夠飽！呢個一定要提嘅係，有炸八爪魚🐙球可以做小食，熱辣辣，味道唔錯，外皮唔會太硬，但入面八爪魚粒唔算多。但作為拉麵店賣嘅小食黎講，已經算唔錯！

今晚來銅鑼灣幫屋企人買電話，四圍兜啊兜，見到呢度拉麵鋪好多人排隊。等我達人來食下先。我同FD一人叫一個。我就喜歡食辣，當然就係辣味豬骨濃湯拉麵，加個紫菜同蛋。拉麵爽彈又咬口索曬個濃湯，配上小小辣。好惹味呀…但又未至於辣到食唔到。湯底唔鹹，夠曬骨香。而FD就唔好辣，選個蒜油拉麵。距個面底稍微煮霖身小小，但都保留到爽身口感。喜歡蒜頭既朋友真係可以試下，湯底夠曬蒜香味。配上粒半熟蛋，又滑又香。好正…小菜我地就叫個餃子share，皮薄，餡足，唔油膩，都唔錯。嘢飲，我地選個日本蜜桃汁，本身以為係蜜桃味汽水。原來真係桃汁，啖啖果蓉。又幾好飲哦。食飽飽我地行左去食甜品。係街口有一間叫Via Tokyo....強烈推薦比抹茶迷，距個抹茶雪糕勁好食。濃濃抹茶香又不太甜。大大份，配上丸子同脆米紅豆蓉 真係無得挑剔。另外個牛奶雪糕都好正呀，底下有涼粉，紅豆。面頭鋪滿生果，仲有煙韌丸子。好好食。食完拉麵，又有甜品食，大滿足~

今日來到銅鑼灣，想起之前在橫街窄巷的米之蓮獎的拉麵JO，那煙煙韌韌的拉麵，還有那脆皮，好味的炸雞，想起都覺得回味，於是決定再食那回味的拉麵JO。辛味豚肉拉麵$85。好喜歡面上的白蔥絲及芝麻，放少少醋，與煙煙韌韌的拉麵一齊食，帶少少酸味，真是十分惹味。燒肉大大件有三件，切得十分均勻帶小小𡁻口。熱特製沾麵$104。麵與湯是分開的，令拉麵特別乾身，所以比湯麵特別煙韌爽口，這就是沾麵的特別之處，沾麵同樣有三塊豚肉及半隻流心蛋，十分喜歡那流心蛋黃軟滑香濃的感覺。炸雞四件$53。與上次一樣我又要了炸雞，炸雞與上次一樣皮脆肉嫩滑，㸃上沙律醬，又是另一番味道，真是香濃滿口，米芝蓮獎並非浪得虛名呢。餃子三隻$28。餃子煎到金金黃黃十分吸引，帶著煎的香味，皮帶著少少焦脆，點少少醋，十分香濃好味及醒胃。這是再次吸引我到拉麵JO的誘惑所在。

呢間位於銅鑼灣嘅拉麵Jo一向都好有人氣，去開銅鑼灣就同朋友排一排佢試吓係咪有幾正先入到去見到有幾款唔同嘅拉麵，望一望周圍先發現客人九成都係嗌沾面嘅，所以我都叫咗個特製沾面試吓啦~等個面嘅時候發現原來依間拉麵店已經連續幾年成為米芝蓮推介餐廳，質素一定有保證唔怪得佢咁受歡迎啦拉麵嚟嘅時候熱騰騰嘅湯底仲之之聲，個面仲可以揀熱面定冷面，有唔同嘅口感不得不提嘅就係佢嘅叉燒，肥瘦適中同平時出邊食到嘅拉麵叉燒唔同，有種入口即溶嘅感覺。個糖心蛋亦都係好值得讚，睇張相都見到個蛋黃落緊出嚟可惜得半隻啦，真係好想再加多隻啊。我仲叫咗個橙汁汽水，黎嘅時候先發現原來呢隻牌子淨係日本先有。係餐廳特別訂過嚟香港先有架最後仲加左個小食燒牛脷，薄薄嘅牛脷加埋檸檬汁好入味。總括嚟講呢間拉麵店好值得一吃再吃，難怪佢咁多年都獲得推薦啦

獲米芝連垂青的拉麵Jo果然了得，試過才知非浪得虛名。今日途經不見人龍，二話不說立即入去試一下，聽講平時閒閒地要等數十分鐘㗎！只有兩種食法選擇，沾麵又或者是拉麵。我比較喜歡拉麵的食法，因沾麵湯底較濃稠，吃不到一半己覺飽滯。點了辣味豚骨湯底，原來辣味是以自家製辣醬伴的，首先嚐了豚骨湯底，那肉香樸鼻，有漿口感。再將辣醬混入湯底，湯色己變了橙紅，再嚐一口，感覺那辣度剛好，好香，十分開胃惹味。麵條是幼身，爽口有彈性。义燒要讚美肉質軟腍，基乎入口即化的感覺。另點了一小吃蔥花牛舌，薄薄的，質感軟熟。大量的蔥花增加了香口感。整體水準不錯，難怪有咁多粉絲啦！

今日泥到銅鑼灣呢面行街，一早已經想諗好想食拉麵，始終對面海既拉麵多選擇啲正宗啲，我揀左朋友推介既米芝連拉麵jo，連續5年米芝連呢，巧利害的說。雖然不是係正旺區，但都只係係旺區後面行5分鐘所以都不難找到，睇個佢鋪頭細細，坐位跟返日本咁沿住煮麵爐而坐，我地6點去到，都已經有好幾枱食客，樓面仲有位日本人服務生，識講廣東話架，不難溝通。講返野食，我點左豚骨拉麵同蒜油豚骨拉麵，小食就點左炸雞同八爪魚丸。睇住師傅整係有所不同，乾淨企理，即煮即刻擺到你面前，保持拉麵熱辣辣同剛煮起既口感，豚骨湯底香濃而不油膩，麵質係我鐘意既細麵同適中軟度，豚肉有2大塊，我本身係不吃肥膏的，但呢塊豚肉入口即溶，超級好食！😎👍🏻蒜香豚湯蒜味濃郁比起普通豚湯更帶出湯既鮮味道。至於炸雞🍗同八爪魚丸也是出色，炸雞炸得非常香口，大大件，炸得雞肉滑嫩，不乾不鞋口，咬落去仲有肉汁係到。另外八爪魚丸都好出色，外脆內軟，入面一粒大大粒既八爪魚係到，同我係日本食既真係無分別！朋友不停嗌好食不夠喉要再加麵底，一碗份量也不少的，朋友添食左半個麵先滿足呢，呢個價錢呢個品質我個人非常滿意❤👍🏻

我自己好鍾意食拉麵, 隔一排就會去食, 早前便去了位於銅鑼灣拉麵Jo食嘢. 睇下餐牌有咩食, 原來除了拉麵, 仲有我愛食的沾麵, 所以不用考慮, 就選了特製沾麵, 也點了一個小食 - 餃子. 落單後, 店員先俾一張食沾麵過程的牌我, 等客人知道怎樣去食沾麵. 店員先奉上餃子. 餃子的皮厚薄適中, 饀料也不會太乾身, 味道調教不錯. 特製沾麵終於上枱. 湯以石頭鍋上, 可以保持熱度. 特製沾麵幾豐富, 有义燒, 半熟蛋和紫菜. 第一時間先食蛋. 流心蛋時間控制好, 保持流心. 沾麵的麵條較拉麵粗身, 因為能夠掛更多的湯, 而且口感較佳, 所以這個極粗麵條啱晒我. 义燒有三片, 這是薄身, 半肥瘦. 食完後, 我就叫店員加湯, 可以飲幾啖湯, 飲完唔會口渴.

朋友喺銅鑼灣放工, 話想食拉麵, 呢間拉麵jo未食過就特登行過嚟試下。要左個辣味拉面。個湯底好濃郁, 而且好夠熱。辣辣地咁食幼拉面食到薯薯聲😂朋友問我做咩食得咁快😂我話因為太好味食到唔停口。另外要左兩個小食: 牛舌都唔錯。以兩個人嚟講份量其實好多😂三至四人食就剛好。燒得幾好味好有勁。另外仲要左個炒椰菜。都唔錯的。總括而言, 喺銅鑼灣食拉面唔一定張去登龍街。呢間拉面jo嘅quality都好高, 我決定命佢名為拉面jeng.l。

今日去了銅鑼灣買到心頭好的波鞋好開心，買完之後在加路連山道附近突然想吃拉麵於是便行去了「拉麵Jo」看看有沒有位，好彩時間尚早六點半左右所以不用排隊便可以有位。連續五年獲得米芝蓮推介的餐廳果然是屹立不到，真的給一個贊字。鋪頭大約有十多個座位，以吧枱為主，我坐了吧枱位置可看到師傅即席預備拉麵，還有兩張四人檯。謂何真的留住每個客人的心，我相信是用心去製作好每一碗拉麵。坐了之後便看看一張點餐表然後揀選那種口味的拉麵和追加配菜，後面還有幾款小食飲品可點的。麵豉拉麵 $89湯底是每天新鮮熬煮的豬骨湯底，麵豉湯味道好濃郁，嫩滑的叉燒是用日本醬油把豬腩肉醃製達五小時，叉燒切得略有厚度口感軟腍入味，配料還有粟米，竹筍，海草，我還追加了日本半熟蛋，蛋白浸透了醬油味濃，蛋黃咬落去微微黏口，蛋黃油香，木耳夠爽口。蒜油豚骨拉麵 $85濃郁甘醇的豚骨湯中加入香氣十足的日本黑蒜油，同樣配有椰菜，青蔥，竹筍，木耳，灑上芝麻食落去好有層次感，拉麵口感軟硬適中夠彈牙。同樣都追加了日本半熟蛋，京蔥及海草。

今晩終於去試了曾獲米芝蓮的日本拉麵店 「拉麵 Jo」，幸好是晩上八時半，不需排隊。食物種類不算太多，但有拉麵、米飯和小食。還有卡通漫畫教你怎樣吃沾麵，很可愛呢～我們也雙雙吃了特製沾麵 ($108)。湯底是熱騰騰的濃厚木魚豚骨，拉麵偏粗身，煙韌有彈性，很有嚼感。還有三片很腍的肥叉燒。更半隻溏心蛋也做到半流心效果，蛋汁沾著麵更美味。米芝蓮的拉麵確是高質。另外還加了自製餃子五個 ($42)，外面煎得香脆，做到皮薄餡靚。日本汽水 ($20) 味道有點像波子汽水呢～還不收加一，很掋食呀。