拉麵台風 (已搬遷) 新店位置

我和朋友可說是拉麵痴，今日路經荃灣，當然要試試人氣台風拉麵。 每人叫了一款拉麵，賣相不錯，整體湯底是濃而稠稠的，味道不錯。 可能我們不太喜歡粗麵，而每碗的麵量250g , 不能吸收湯底味道，吃極都吃不完，三位大人都未能清底，可想……。三片义燒厚厚的，抵食，但凍冰冰，不夠入味可能與區域有關， 餸和麵特多，男士們會喜愛些吧！

朕之前黎食過沾麵同埋魚介豬骨湯拉麵，今次佢有季節限定－辛辣海蝦拉麵，緊係試佢一試啦！呢度落Order個時已經可以要麵既軟硬度，汁既多少，同埋加唔加配菜等等。呢個季節限定辣Hi蝦麵，又真係幾辣，我要硬麵，多汁同多香油，入口夠哂豐富，不過塊叉燒比起以前就薄左啲，朕覺得佢地自從開左分店之後質素好似無以前咁好。－－－－－完－－－－－

終於休半日，仲要係閒日，唔洗咁多人排。不過都要等成15分鐘先有得入！係門口等戈時， 店員就已經會比張點餐紙你  填法同一蘭差不多，可以選擇麵既軟硬度，份量，醬汁要幾多，加唔加配菜等等，所以入到去坐低，好快就有得食呢碗拉麵叫"伊台風" (HK$88)，香濃的蕃茄湯底，湯底比較杰，口感就有啲似蕃茄醬，再配撘融化左嘅芝士條條，真係令到個湯底更香更濃郁。配合埋溏心蛋同拉麵，簡直一流！我只係要左普通既份量，因為已經好夠女仔食，除非你好大食喇

今次已經係唔知第幾次黎食喇～次次去荃灣都會去食～今次夜左d先去 夜晚8點幾去要排陣隊先有得～等左15分鐘到終於有得入去醫飽個肚～店員會比張點餐紙你～我同fd都依然叫返例牌～首先出場係我嘅魚介豬軟骨拉麵～我唔太鐘意落埋佢本身比左嘅魚膠粉因為會令到個湯底更加濃～所以我通常都會走左佢麵一如我要求比較硬身～溏心蛋同以前一樣甜甜地熟度岩岩好可怕嘅係今次嘅叉燒冇之前咁肥同滑湯底都係看似好濃 但其實飲落好岩岩好～份量好夠 次次食完都超飽而我朋友都係叫返佢個蕃茄拉麵服務態度依然好👍等我下次再去荃灣一定再黎😂食極都唔會厭😂

聽人講呢到間拉麵好食，所以同男朋友一齊泥試下…叫左個魚介豬骨湯拉麵，啲湯個味道都唔錯，夠濃，但又唔會話有魚腥味👍🏻👍🏻呢間拉麵點餐好得意，俾你揀麵嘅分量，軟硬…因為第一次食，所以揀曬普通…普通分量嘅麵已經好多，食唔曬，口感稍為嫌都係硬左啲…不過啲肉真係好滑，好好食😋😋😋

之前食過一次已經覺得麻麻，見佢旺左試多次，一樣難食，塊肉硬到咬唔入，咬到都冇用，冇味好似食樹皮咁，拉麵我覺得都麻麻又係太硬，湯底ok,芽菜可以减少，搞到好似食雲南米線咁

之前食過一次已經覺得麻麻，見宜家多人食左試多次，一樣咁難食，個塊肉硬到咬唔入，咬到都冇用又冇味好似食紙皮咁，d拉麵我都覺得麻麻，係湯底好d,但係佢唔知做咩又放一大堆芽菜，宜家食拉麵唔係雲南米線囉

朋自遠方來，嘉樂又排第十六，吃完才出發沙灘，估計太陽已下山，改吃拉麵。反正有友人早稱『拉麵台風』很棒，這天就試試吧。麵質不算很香，但軟硬度挺夠硬的，普通硬度，十級有一半，我選硬麵就有八級硬。上湯能力不錯，算是挺吸湯的，再加上我亦有喝湯，湯底很容易喝光。湯底是魚介豬骨湯，豬骨味不算極香濃，但夠稠夠厚，杰身的湯，選普通濃度都有丁點膩。叉燒挺瘦，在濃郁的湯底中，又有溏心蛋的流心蛋黃，但叉燒這樣瘦就難免失色，又瘦又痴牙，味道亦欠奉，差。服務還相當不錯，坐上高凳，後面店員幫忙推一把。另外，桌子旁有小型掛鈎讓客人掛袋子行李。

訓醒已經係12:00幾，梳洗後就去荃灣食個午餐，諗起拉麵台風，又好耐冇食，一於食番我們之前食開既魚介豬骨湯拉麵和骨膠原撈麵！已經要排隊，有三pair人在我們之前哩！店員很快遞上order紙，揀定店員便會收回準備。不消一會兒，可以坐下等食，一邊望實師傅整麵，一邊等！ 師傅送上麵來，我們急不及待開動！大大碗，大堆骨膠原，有葱花，有小舊檸檬，可refresh 下，可以中和油膩感，選了硬身麵，少香油，但是仍覺油多在底，勁多叉燒，有半隻溏心蛋加幾片筍， 叉燒幾入味，不肥，溏心蛋超滑，個黃又溜心，味道超捧！麵條雖然選了普通份量，都幾多下，其質地qq，超喜歡。雖然肚餓，但女孩子吃會多得滯……佢個碗魚介豬骨湯也甚得他歡心，見他shu shu 聲食就知道……間唔中食拉麵幾滋味！

我個人認為，在香港食日式拉麵，其實好像一場賭博一樣，因為可以好好食，亦可以好難食，好難有中間的拉麵，所以每次經過這長龍店，我都懷疑是否真的那麼好吃。而今晚成9點鐘，見沒有人排隊，不妨試試。在門口店員先給我一張點菜紙，與一蘭一樣，可選擇麵的軟硬度，醬汁多少，要不要蔥，及是否加配菜等，其實我個人反而喜歡由店家決定什麼是最好味的配搭，所以我所有都採中庸之道吧，加埋附加的辣芽菜。我被安排坐在麵吧的座位，可一睹廚師煮麵的英姿，我坐得有點不舒服，但希望麵係好食的。等了一會麵上來了。舖滿义燒，有蔥紫菜同另加的芽菜。先喝一口湯，十分有味道；但麵條係較粗，中心咬下去有另一種微硬的口感；值得一讚是啖啖肉不油膩的义燒，用火槍燒過，咬下去時仍有肉汁，加上份量不少，食得十分滿足，吃到最後的拉麵不要因浸湯太久而軟爛，值得推介，怪不得有這麼多人為一碗幾十元的拉麵而在荃灣這小店排隊

無諗過係一個唔起眼既地方，有間甘特色既拉麵店。我叫左一碗魚介豬骨拉麵，佢地既湯底水準好高，有好重既骨膠原質感，味濃而富層次，以一個普通人如我，都知道湯頭用左好多唔同種類既材料混和而成，就算未將碗內的魚介粉撈混，都食到湯內既魚味，值得一提係佢地配料之一既筍，都係預先經胡椒醃製過，所以零舍惹味，而佢地既叉燒，都係選取偏瘦部分，所以食呢碗麵黎講，一d都唔覺油膩，而美中不足既地方，就係麵太硬，對喜歡有嚼頭的人會係福音，但我麵條一放入嘴，即時覺得係師傅搞錯我張單，做錯左碗硬拉麵俾我，點知呢碗已經係按我既要求而做既軟拉麵，所以我食得好慢，因此，碗麵由最初上枱時既溫度，加上強冷氣環境底下漸漸降溫，湯一凍，湯會變得更咸，令整個食麵過程變得未如開初時美好，而且配菜種類偏少，個人覺得如有少量芽菜和木耳會更好。總括來說，它是碗有靈魂的拉麵，但同時，也是碗有性格既拉麵。

心血來潮想逛逛街…今次逛到黎荃灣…咁啱午餐又食唔飽…遇啱5點幾鐘呢個尷尬時間…食茶餐又尾聲…晚餐又未夠鐘咁…真係有點苦惱…靈機一觸…梗係上網搵<開飯>啦…搵得黎都應該有6點…結果就跟<風>而來…剛好6點鐘<風>眼大開…原來<台風>無想像中大…門口只有十個位左右…後來才發現入面仲有隱蔽座位…不過就只可對著壁畫進餐…慶幸我地被安排門口位置…可以見到3位師傅…為我地十幾個客人奔波勞碌…>,<…選擇唔多…扣起每日限售30碗既沾麵…只得4個選擇…唔知係咪<一蘭>帶起…依家潮興自選餐紙…可以選擇麵既軟硬度…麵既多少…湯底濃度…加餸等等…魚湯豬骨湯麵～咪係豬骨湯底…义燒配料…紫菜、溏心旦組合…呢碗額外加左紫菜…排到成把扇咁…睇到都好開心…^^…伊台風～原本以為係蕃茄湯底…點知又係豬骨味黎…唔同既只係多左蕃茄同芝士…不過賣相倒是吸引…不過係食法方面就要留意～先飲啖湯>再加2/3既魚粉撈混湯中食>食到尾聲再加餘下既1/3魚粉、蒜蓉、黑椒粉一齊食…湯底睇落去有點肥膩…一啖入口…肥膩既感覺全消…留

一早已經係唔同既渠道聽到「拉麵台風」依個大名，咁無論我幾時去都係「滿席」（周末），所以我一於就趁得閒既時後排下隊，試下依間荃灣「名店」。同其他較為港式日系既拉麵專門店（例如一蘭、豚王）一樣，佢地都係會係你一開始排隊既時候比你一張紙去填你要咩麵，麵要咩柔軟度等等…（因為正宗日本拉麵既湯度濃度軟硬度等係會由師傅決定）我就叫左個魚介豬骨湯拉麵，魚介唔係真係魚介，而係類似海鮮粉既粉末，加入去個湯入面都幾香。我最鐘意係個半熟蛋，入面jamjam地甜甜地幾好食。個荀都幾香幾好食。不過，叉燒就有D乾，而且有d過肥，不過個量幾多，所以都幾好。雖然唔係食過最好食既，不過係香港以依個價錢黎講已經算唔錯，所以都不妨一試。

等咗15分鐘左右就有得入去食啦佢哋認住我哋啲特徵，吾寫枱號都知我哋邊個叫咗咩啦麵，佢哋啲櫈好高，有少少辛苦先坐到上去，可能係日本文化？拉麵無好多款揀，叫咗一個魚介豬骨拉麵，一個骨膠原拉麵，兩個都好好食，魚介嗰嗰好食啲，骨膠原嗰嗰幾特別，糖心蛋好好好好味，甜甜哋，入口即融，拉麵彈牙，湯底鮮甜，最最要既係⋯⋯夠大碗，成日覺得食拉麵吾夠飽

今天跟朋友去左荃灣一間頗出名的拉面店台風,我叫了一個魚介湯拉面，這間拉面店雖然很狹小但服務也不錯～配料份量可以按照自己喜好自選的～拉面很快便來了嚐了一口 湯底很濃郁 不有魚腥 一口湯配一口面就剛好 不會太咸 正好可以嚐到魚香的味道 伴菜還有肉片 和溏心蛋 肉片滲入後份外有質感，溏心蛋甜度也是恰到好處 富有流心的效果 ～面條也是軟度適中 十分彈牙～總括這碗面算是十分不錯：）