拉麵台風 (已搬遷) 新店位置

之前有食過好幾次，但就第一次寫呢間小店的食評。我今次點左沾麵。可以選擇拉麵的硬度、葱的量、醬油的量等（都幾貼心）。因為午餐時間的關係，點餐送半份的配菜（有叉燒、温泉蛋、紫菜等）或者汽水一罐。因為c9的性格，我選左最貴的半份叉燒。沾麵將涼涼的拉麵配上熱熱的湯，真係好好味。送既半份配菜都材料十足，就算肥仔的我都食到好飽。因為煮拉麵的正方就係食客的眼前，所以可以親眼見到師傅為客人煮麵，感覺特別興奮。不過我個人認為如果冷氣可以凍少少會更好。

聽朋友說荃灣有間十分正宗的拉麵叫台風，平常晚飯時間經過都會見到門外有人龍，難得今日早收工，門外只得幾人排隊，一於同女友一試，門口設計簡單，但幾有特色，遠看十分吸引目光，排了十分鐘左右就可以入，排隊途中侍應已幫我們落好單，所以一入去就有得食，而且服務很好，有專人幫手拉椅子，還給了橡根給同行友人札頭髮，十分貼心!今次叫了個伊台風拉麵，一上台香氣四溢，蕃茄湯底十分足料，而且湯底濃厚，麫質也夠彈牙，令人印象深刻，點餐時可以選擇加餸，我與友人都貪心加了叉燒，份量多到我一個大男人竟然食不盡，同行友人食剩更多，感覺有點浪費，下次可以一人加叉燒再分享，為了試盡其他湯底，下次會再黎!

同朋友去開荃灣就直接留喺荃灣搵食 附近餐廳林立 真係有d選擇困難🤔 但見到呢間拉麵店門外排哂大隊 就吸引到我去試試呢度共有5款拉麵可以選擇 每一款都各有特式 非常吸引 而沾麵就每日只有30碗 所以今晚未有機會試到～喺我前面等位嘅大約十個人左右 工作人員好細心 先比我地點餐先 一陣有位就可以即刻食 今次先試下最基本嘅豬骨拉麵<<魚介豬骨湯拉麵 $78>>一嚟到見到粒溏心蛋已經即刻心心眼蛋黃黏稠 好好味～豬骨拉麵嘅精粹就係個湯底 呢度嘅湯底真係非常有驚喜 除左豬骨味非常香濃之外 仲有好香嘅魚鮮味 用料十足而叉燒都非常有質素 肉味好濃食得出係用心製作 絕對上得大枱 另外我選擇左硬身嘅麵條 所以非常彈牙 試食左朋友個個普通麵質 其實都好有口感另外值得一讚嘅係 餐廳好貼心 有個牌會教客人每款拉麵嘅品嚐方法我試過跟足哂介紹 果然一碗麵 可以感受到不同食法嘅層次 非常有驚喜

本來係睇Facebook知道有呢間野，又以為係好似以前咁吹棒出來所以多人識，行過荃灣就決定試下，原來真係好食到唔講得笑。<紅色暴雨拉麵>湯底濃厚唔油膩，飲得出係真材實料，拉麵軟硬適中，叉燒肉味香濃，加埋半隻流心蛋，真係一D缺點都搵唔到，而且仲可以揀辣度，麵既軟硬，份量岩岩。雖然要等成30分鐘，而且環境比較細，坐得比較迫，但係食到咁好食既野真係咩都抵返哂，唔係吹水，呢間真係我係香港食過最好食既拉麵，希望佢地可以繼續努力，可以換到更好既環境俾食客。

當天正午12時到達，大概是店內第一位客人，因此不用排隊。從社交媒體上得悉店內一個月前更換了空調設備，果然比從前更舒爽。既然是第一位客人，我馬上就點了一碗限量三十碗的沾麵。五分鐘左右，麵就送來了，這家沾麵是沾汁另上(即配料在麵上)的方式，好處是所有配料一目了然，不用在沾汁裡找來找去，而由於我點了多香油，因此麵一送來就能嗅到香氣撲鼻，令我食指大動。台風的麵質十分粗且有咬口，即使不點沾汁吃也相當美味；而沾汁雖然比其他拉麵店稀，但勝在味道足夠，豬骨雞骨和海鮮的味道都能嚐出來，而且麵條掛湯力強，一放麵，一吸啜，鮮味的湯汁與嚼勁十足的麵條混和在口中，簡直是人生一大享受。叉燒方面有兩種，一種是碎叉燒，另一種是完整一塊叉燒，兩者本質上沒太大分別，但碎叉燒吃起來比較方便，而完整的就啖啖肉，滿足感十足，因此不相伯仲，平分秋色，值得一提的是叉燒口感進步了很多，相當嫩口，不再是以前的「煲湯瘦肉」。而半熟蛋溏心程度恰到好處，蛋黃不會十分流質亦不會很熟，味道亦適中，浸少許沾汁吃則更上一層樓。筍干亦十分爽口，也不像別的店有一陣陣臭味，怕吃筍的朋友亦不用膽心。而其他配料如蔥花、沙律菜、檸檬等等亦相當新鮮，不會有蔬菜澀

經過這間拉麵店, 被門外張貼的雜誌訪問吸引我停低腳步, 於是入去試下啦。店內面前不太大, 小小既店舖只有十多個座位, 座位面對住煮麵師傅, 可以清楚見到煮麵過程。 店員帶領我到坐位, 坐位好高, 正當我苦惱坐上去怎點樣拉近餐台, 店員示意我坐上去後, 他會從後幫我推。 感覺有少少尷尬, 不好意思, 隨後店員提供了掛鉤及橡筋, 掛鉤可以掛起手袋, 橡筋避免食拉麵時弄髒頭髮, 相當貼心。拉麵只有5款, 當中沾麵每日限量30碗, 所以決定試這款, 加上天氣有點熱, 食沾麵會較湯拉麵涼快, 因為沾麵本身是冷麵, 配上沾麵汁食。 沾麵 - $83, 另加配菜叉燒 +$25, 紫菜 +$10, 半熟蛋 + $15; 麵份量選了普通, 原來普通也很多呀, 細看餐牌才發現拉麵份量比一般拉麵店多1。5倍, 難怪那麼大碗, 由於開放式廚房, 看到師傅會用電子磅秤麵的份量, 所以每碗麵的份量都是有規格的。 沾麵有叉燒, 半邊熟蛋, 筍, 沙律菜, 檸檬及一碗濃濃的熱沾麵汁, 麵是冷麵, 軟硬適中, 很有口感很少吃沾麵, 這樣吃蠻特別的, 最後請店員為沾麵汁加上熱湯, 又是另一個風味, 味道很好。

呢排成日去荃灣做野，順便約喺附近返工既朋友仔食飯，今日下午就兩個人去食拉麵啦。上網搵左呢間好多好評既拉麵店，門面睇落去平平無奇，估唔到咁多人排隊。佢開十二點，十二點幾去到都要等一陣。喺門口仲有人派紙俾我地點住麵先。朋友揀左限量沾麵，但我都係鍾情傳統豬骨湯底。入到去好快就有得食。豬骨湯聞到香噴噴，夠熱！飲啖湯先，好濃郁嘅豬骨味，加埋魚介粉，滲咗鮮味。佢啲叉燒份量夠，有咬口，唔會散收收，隻半熟玉子係點睛之物！麵底係粗身拉麵，食到好飽，好彩冇加底。朋友點嘅沾麵，試左啖湯，好濃，少少辣，惹味。另原來麵質都有啲唔同，好彈牙，都唔錯！$78蚊，唔係貴，有呢個水準，讚。

好友係拉麵控，成日都捐窿捐罅食拉麵。咁啱去荃灣搵佢，佢就帶我一嚐呢間日本人開嘅拉麵店。餐廳好易搵，就對住個公園仔。門口的餐單用漫畫表示店內五款拉麵。見到沾麵寫住每日限定30碗，我見先中午十二點幾，即管問下仲有冇，聽見仲有就即點！間店好均真同細心，我圈少麵，佢問我少幾多，少1/2、1/3定1/4。我揀少1/2，之後佢話因為少麵，可以俾返份配菜我，咁我就揀左半熟蛋。不得不提上麵前店員問我要唔要橡筋紮起頭髮，唔駛食得咁狼狽，超細心！沾麵個麵底係凍嘅，要沾熱湯嘅醬汁嚟食。配料完全唔欺場，叉燒有原塊有叉燒碎、一隻糖心蛋、荀絲等。麵底比一般拉麵煙靱，好有嚼勁，我鍾意。湯底十分濃郁，有鮮味，每條麵都掛到汁，冷熱交替口感，不錯！友人點的魚介豬骨湯，佢話味道好濃好香，我太飽，想試啖都放棄左。下次黎我會試下！

一共五款拉麵，簡單，唔使多，好味就夠啦我最喜歡可以揀麵量多少，如果女仕們食吾晒，就可以要少麵， 唔會浪費，唔使做大嘥鬼因為冇得試沾麵(每日只限30碗，今日已賣晒)，要左最傳統嘅豬骨味湯底好香好濃，但一啲都唔會肥膩面嘅質感好，軟硬度適中 ，又有咬口，自家做即係自家做叉燒又厚又大 ，份量確實不少 ，浸喺湯裏面一陣再食，特別入味 ，肉質夠腍拉麵我特別喜歡多紫菜，所以追加紫菜 嘩。。。原來有咁多溫泉蛋配拉麵冇得輸 流心度夠筍都醃得好入味， 又香又爽仲有指示教埋你點樣食呢度嘅魚介粉先食原味，然後再撈埋魚介粉 ，真係有唔同層次嘅味道噃 撈咗魚介粉嘅麵會特別香濃咖雖然要等左幾個字先入到嚟食，但食到咁香濃嘅魚介豬骨拉麵，都抵

唔係親眼見到都唔相信，荃灣有間細細地嘅拉麵店， 聽朋友講好好食，但係要排隊 諗住早啲去試下，點知去到果然真係已經排左十幾個人喇~估佢吾到。。。 其貌不揚嘅鋪頭原來咁出名只賣拉麵，唔會有其他小食，真正嘅拉麵專門店但沾麵每日只限30碗，今日我無緣可以試，因為已經沽清我揀咗伊台風拉麵 佢係用好濃嘅蕃茄湯，啖湯真係好 再鋪上小小軟軟嘅芝士 喺义燒上面， 芝士嘅份量唔多 ，咁先唔會搶咗番茄嘅香濃味，配搭得剛剛好當然唔少得呢度主打嘅魚介粉啦～ 不愧為專門店，拉麵真係有番咁上下，彈牙又有咬口，真係與眾不同义燒係King size, 又厚又大， 浸佢落湯先至食，會特別腍，香，滑溫泉蛋係流心咖，淨係睇個蛋黃嘅色，已經夠吸引， 一碗好嘅拉麵當然要有一隻靚嘅溫泉蛋，咁先至係perfect㗎嘛筍爽口夠香， 雖然係配菜 ，但亦可以做到畫龍點睛嘅效果呢～如果可以追加筍就好喇記住依足佢嘅建議，先食三分一嘅麵先撈魚介粉，真係有另一層次嘅味道咖雖然要排隊，不過十五分鐘就入到去喇，同埋個個都好合作食完就走 排一陣食到咁好味嘅拉麵，都係值得嘅

呢間拉麵店已經好岀名，平時行過都排緊隊，今日早啲啲到，lunch hour嚐一碗沾麵吧!男朋友叫了碗拉麵，個湯好香濃我叫了沾麵，再加咗個蛋 ，太愛溏心蛋碗麵賣相好吸睛沾麵個汁更濃，之後食拉麵個湯可以話完全無味😂麵係選擇正常份量，但都非常多，好飽麵的硬度係普通，但下次我應該會叫軟啲😂 ，因為呢種雞蛋麵同麵粉麵唔同，偏硬，有口感啲。不過我本身偏好麵面麵(一蘭果隻麵), 所以選擇軟身會好啲🤪

以台風為名o既拉麵店，門面色彩鮮艷好鬼搶眼。小弟d 日文雖然得三個月，不過都知「台風」當然唔係解「台式風味」，而係真係o個個「颱風」，見佢個「台」字都設計到好似個旋渦咁。咁有趣，真係要試番下！唔係攞飛而係排隊的，見d 食客都好有秩序大體上一個跟一個。等o左陣先輪到我，內裡面積唔大，就是圍住個廚房o既長檯大約十個單人座位，好有傳統拉麵店o既風味。一面牆有幅大大幅富士山彩繪，另外遠少少o個邊個bench 見佢擺o左d figure 公仔做裝飾。試o左個伊台風($88 唔使加一)，係隻芝士蕃茄湯拉麵，聞落幾香蕃茄青新o既味道，湯底一如食開o既正式拉麵，都係超級濃稠。d 芝士條睇住佢用火槍炙燒過，軟綿綿得o黎唔會溶晒。夾一箸麵入口，滭淡湯，再連埋d 芝士粒食，帶一點酸，但又會有種奶滑o既口感。o係塊紫菜上面佢瀋o左一d 啡色o既魚粉俾你撈埋落d 湯度，menu 教再落埋胡椒粒同蒜蓉會更好食，d 胡椒o個d 已經放o左o係檯上。果然係唔錯wo，個酸度會再少d，同埋多o左d 肉香。配菜方面，叉燒厚切量多，感覺好抵食，而且整得好腍。鍾意食半熟蛋o既我特登另外加多o左一隻(加$15)，係我最鍾意有醃製

聽友人說荃灣的拉麵台風頗有名氣，時有人龍，但我平日甚少機會來荃灣，一直緣慳一面。今天坐了快將一個半小時的車程，來到荃灣，就只為吃這碗約定好的拉麵。週日的晚上約6:15分左右來到，店外已經大概有6個人在排隊，本來打算提早一點到達以避開人龍，但未如所願。等候期間，店員出來向外面排隊的客人們派發點菜紙，並提早幫客人落單。期間，觀察到一段小插曲：排在我正前面的是一對已屆花甲之年、滿頭銀絲的老夫婦，覺得甚有趣，一來，年青人排長龍只為吃餐好的似乎是年長人士眼中的「廢青」文化；二來，平常在香港的拉麵店光顧的客人，十居其九都是較年青的，甚少留意到有老人家光顧。今天讓我遇到一對專程來排隊吃拉麵的老夫婦，着實有趣。本以為兩位老人家定必是拉麵「粉絲」，誰知店員為他們落單時，婆婆問店員什麼是拉麵。這位女店員當時心裏定必打了個突，很少遇到拉麵店的客人不知道拉麵是什麼吧？不過面對婆婆一連串的問題，店員亦非常耐心地逐一回答，值得一讚。店員跟老夫婦擾攘一番後，就輪到我落單了。店內主打四款拉麵，以及每日限定30碗的沾麵。跟主流拉麵店不一樣的，是它完全不賣其他小食。始終對一間拉麵店來說，有多豐富的餐單也不及主角拉麵的質素

今日收工就去荃灣食拉麵🍜呢間開左好耐次次經過麵見到...收工見無野做自己一個去試下，要排隊先...👧🏽等左二十五分鐘 後面愈排愈多，講真好鬼累哈哈 不過為左食我可以的鬼叫你胃食咩。終於安排入左去 坐位係高枱黎 平排坐的。我叫左魚介豬骨拉麵🍜嘩 未食過咁大碗 起碼有平時食既拉麵既兩倍 感覺好好因爲唔洗再食 湯底較為濃且結身 喜歡的話應該不錯👍🏻麵線係我鐘意既硬身口感 值得讚 溏心蛋，不喜歡流心的應該會喜歡 整體不錯 服裝員好細心 幫客人推椅子同埋長頭髮又俾橡膠我👍🏻

之前都有嚟過呢間拉麵店食過幾次，次次都食到舐舐脷，今日嚟荃灣行街都決定夜晚嚟呢到朝聖。晚上七點幾已經有大約十個人排緊隊，為減少等候時間，店員會先比點餐紙我地填寫，同一般拉麵店一樣，可以選擇麵嘅軟硬度同配料多少等。餐廳係吧台形式，可以一邊進食，一邊觀賞廚師製作過程。兩位廚師都以日本語對話，相信其中一位係日本人，感覺去咗日本嘅拉麵店咁。餐牌生動有趣咁介紹拉麵同其進食方法。期待已久嘅拉麵終於整好啦，先飲啖湯，好香嘅魚味，味道好濃郁，咸度適中。開始食麵，比較粗身嘅拉麵好有口感，硬硬地又煙韌。叉燒有兩大塊，食落好腍。半熟蛋都整得好溏心。成個麵都好完美!!真係好好好好食，如果可以真係想每個星期都嚟食。