拉麵台風 (已搬遷) 新店位置

每次經過都見有好多人排隊，今次終於約埋朋友一齊排，去試食依間拉麵店🤣排左大概半小時後，終於可以被安排入座。因為我地有三個人，所以被編排坐係廁所附近嘅座位，感覺不是太好，因為都有少少味，但為左試食依間拉麵，都係算啦。我地都一齊都各自叫左一碗魚介豬骨湯拉麵。但湯底比叫濃同埋杰身，不是太喜歡湯嘅口感。拉麵亦都唔係我喜歡嘅口感，有少少似食即食拉麵嘅感覺。叉燒都麻麻地，唔係好入味...整理黎講，今次嘅體驗都幾失望，無論係環境上定係食物上。

台風拉麵經常聽朋友講，今次就專程入去試一試佢！平時晚餐時間經過都見到長長嘅人龍，所以今次就專登揀平日下午3點去，希望減少排隊嘅時間！😎😎去到真係唔使排隊，直接入去座，而且仲有好多位剩😆😆！環境雖然細，但日本風情好濃，好似置身係日本🇯🇵迫不及待點餐，見有幾款湯底選擇，堅道貼係牆上有幾張Menu，有張幾特別，叫極限台風‼️一睇就知係限定產品，決定試試佢😋大約等左10分鐘左右，極限台風拉麵上枱喇😍😍首先要試飲一下湯，係用咗咖喱湯底，味道濃郁，拉麵配料好豐富有叉燒、筍、紫菜、半熟蛋，最特別係有脆卜卜嘅辣椒🌶️好特別👍🏻拉麵嘅質感係粗拉麵，同啲咖喱一齊好夾，而且食落不油膩🤤🤤👍🏻之後會再黎食🤣

這家拉麵很樸實，能讓人吃到日本風味。這裡只賣一種東西，就是拉麵。這裡款式不多，有一款是限定風味，今次的是咖哩，但我個人就不太喜歡這種咖哩，所以都沒甚興趣。點了最基本的，一試便知龍與鳯店舖不是很大，可以看到師傅煮麵，有很多計時器，原來每碗他們都有計時的呢！等待的時候才發現兩位師傅都是日本人，而這裡的員工跟他們溝通也是日文呢，真是別有一番風味。麵條爽彈順滑，湯底不濃不淡，叉燒很足料！這裡還有一陣人情味。下次一定要再來！

這天晚上七時到達，每天限定三十碗的沾麵竟然還未售完！果斷點了一碗，麵選了正常份量；朋友則點了魚介豬骨湯拉麵。其實除了餐牌上的拉麵及沾麵外，還有每天不同口味的極限台風，是日極限台風為黃色暴雨拉麵（日式咖哩）。下單不久，朋友的拉麵便先到。嚐了一口，湯底香濃，拉麵的麵條質地偏硬，是我喜歡的口感。每天限定的沾麵上桌了。這裡的沾麵真的相當豐富，配料有薄叉燒、一整球叉燒碎（拉麵並沒有這個）、半顆溏心蛋、紫菜、竹筍及大量蔥花。由於選了多醬汁，湯底非常濃郁，從色水亦能看出比拉麵的魚介豬骨湯更濃。可惜沾過冷麵條後的湯很快便變凍了，味道不及最初的好吃，但仍然很不錯。沾麵的麵條是冷的，質地同樣偏硬，彈牙有口感，掛湯能力佳。這裡的價錢頗親民，拉麵$78，沾麵$83，已包上述全部配料，而且沒有加一收費，性價比相當高。值得一提的是儲起在這裡吃滿三碗麵的收據，下次再來時會送半顆溏心蛋呢。

台風都開左幾年，但一直未有機會試。之前一直有唔同朋友講過呢間拉麵店，好壞參半。有啲話好好食，有啲話好鹹。今日終於就去左試。條人龍都唔係好長，等左十分鐘就入得。叫左個魚介豬骨湯拉麵。湯底味道好特別，唔係平時食到嘅豬骨湯咁，好有魚味😋😋質地亦幾厚，麵條都被湯包住叉燒方面，肥瘦適中，不錯。麵條方是，個人比較喜歡硬一點。台風拉麵亦算幾啱口味，頗有口感。唯一挑剔係隻蛋熟左啲。亦得一提係台風拉麵份量十足。喺落單時間，客人可選擇麵嘅份量 - 50%,75% 普通 或加麵。本身以為正常份量會同其他拉麵鋪差不多，點知嚟到發現好大碗。食左一半已經頂住肚了。男仔嚟食一定唔怕唔夠飽。整體來說，台風拉麵味道不錯，價錢亦十分合理。

响香港嘅日式料理餐廳有好多好多，但好似日本嘅拉麵店（只賣拉麵）真係好少好少，即使有都超貴，對我哋呢啲草根窮人嚟講……估唔到今日難得嚟荃灣行街竟然遇到“台風”！台風係香港少數嘅拉麵店，店內只賣4款拉麵，分別係魚介豬骨湯麵，沾麵，蕃茄芝士湯麵，仲有一款期間限定嘅咖哩湯麵。That's all！冇錯，冇飯，冇小食，冇套餐！因為專注，所以正宗！食拉麵最好梗係坐bar枱，因為可以參觀煮麵過程又可以同師傅交流一下。但今日就無緣，仲要面壁 今日點咗豬骨拉麵同埋每日限定30客嘅沾麵！落單前要填寫餐單，包括麵款、麵量、醬料量、配菜。午餐有優惠送飲品或半份配菜，非常抵食！而每款麵都有配菜叉燒，筍，溏心蛋。魚介豬骨湯麵 - 魚介偏鹹，所以唔好一嚟就撈落啲湯度，可以根據個人口味嚟加，豬骨湯湯頭濃郁帶少少膠質，令每條麵都可以掛到湯汁 叉燒鹵得入味，口感鬆化軟淋唔黏牙，而且有3~4片，份量十足。溏心蛋香濃有蛋味 沾麵 - 麵質屬中粗麵條，彈牙爽口，可以沾上更多麵汁。沾麵汁比湯麵湯底更濃郁，更富膠質，食出店家用心熬製，誠意十足。如此用心嘅拉麵，食食吓真係有錯覺以為自己置身東京拉麵店，下次一定有下次！

環境:大約夜晚7-8點門口就會有人龍排隊了，天氣好的時候又不太肚餓，是值得等喔。入到去大約有十幾個坐位，椅子下有兜放手袋，環境裝修普普通通。食物:我經常點骨膠原撈麵，每次也很滿意的，麵份量可以自己選擇，紫菜要快食因為很容易變淋。價錢:是平價的拉麵店，因為無小食選擇，得拉麵同飲品賣，還免收加一，一男一女食$200內埋單的，拍拖平平地食首選，又飽肚又好食。如果成日食記住草收據，三碗麵就可以換到一隻半熟蛋，無限期嫁，但小心收據甩色

lunch time 與同事即興去食。需要排隊呀，因這間是長期有名氣，在旺角也有一間大分店的。其實我有時候也會自己一個去，因為怕別人知道我能食完一大碗，HAHA。這次叫了骨膠元撈麵。看到中間一球啫哩物體就是骨膠元~食完會不會肌膚細滑充滿彈性呢?把所有碗中物料撈好就正式享用。其實我覺得近排那日式叉燒肉，比較硬和乾、較難咬。希望可以再軟淋一點!另外一碗就是最多人叫的魚介豬骨湯拉麵。湯底濃、味道足，很好食呀!!它的糖心蛋更更更加入味，同事都特意再添加一隻。如果消費儲起收據，3張可換1隻糖心蛋，儲15張可換T shirt / 頭巾。(要視乎店內存貨) 我就把同事收據儲起，下一次去食可以換糖心蛋啦!

【飲食台】上次有巴打介紹呢間位於荃灣既拉麵店，見有個long weekend，一於去試下佢係咪真係咁好味！🍜.一去到係出面要排隊喎，睇黎真係有d料喎！呢間店得4款麵揀：1）魚介豬骨湯拉麵🐟🐷2）沾麵（限量30碗）3）骨膠原撈麵4）伊台風（蕃茄+芝士）🍅🧀.但，佢最重點係有個「極限拉麵」，係期間限定拉麵，今日係「黑蒜油+黑芝麻+麻辣椒」🌟.我就緊係揀呢個！有齊紫菜、半熟蛋、叉燒、辣芽菜、荀，個湯底好濃郁啊，食食下就開始麻，係麻多過辣，麵稍硬，腦麼鍾意軟奶奶的🌚.總括而言都推介的！提提大家佢既麵量係其他拉麵店既1.5倍，腦麼咁細食叫左普通量係食唔哂😭大家可以叫少量啊！

平時一想食拉麵就會想起又近又好味既拉麵台風！今晚又突然想食拉麵，收工後7點幾一心以為會有好多人排隊，點知去到唔見有人排隊仲以為無開門，再行近...有開啊！所以一去到就直入唔駛等，仲要仲有沾麵（每日限賣30碗）Lucky🤗 當然係支持下啦，煮到岩岩好既拉麵好有口感，沾埋濃醇湯底又不油膩，另一重點叉燒 油潤鬆化... 仲有我最最鐘意既糖心蛋👍🏻 正.... 值得再來！正常分量的拉麵對女士來講可能太多，所以有75%或50%麵量可供選擇，惜食- 食唔晒都唔好嘥！👍🏻*到我哋走時原來又出現人龍，應該係我哋行快幾步先有咁既機會！！

無寫過，但忍唔住之前係因為有間餐廳好需要投訴但最終又覺得我根本不值得嘥時間開咗acc almost 3 years 今日有好嘢一定要讚好嘅呢！今日晏晝我就算知自己飲晒啲湯會肚痾都飲晒.....所以一開始無影相喇只係飲晒湯，醒起一定要大讚喇！因為，有年零兩年無食佢，但今日真係冒住又俾佢之前啲大陸口音嘅姐姐不禮貌對待嘅心情下去食，因為係真心掛住呢個麵質！今日，唔只見佢哋換咗一班有禮貌嘅一班有心人，見佢哋終於有返喺日本肯學肯做嘅態度而為老闆感到開心👏🏻👏🏻🙂👼🏻而且今日仲食返佢係一開始，重申，係一開始好好味嘅，佢要做過江龍時嘅誠懇嘅味道！比起之前嗰咋，叫佢哋做少少嘢好似要佢哋去死嘅嗰段時間，佢哋真係個湯都做得越嚟越差。今日，真係，好開心食返呢個味，呢個拉麵！！師傅比起之前「都係嗰段時間」更有心機去聽客人嘅”surtsurt”聲，雖然我都唔認得係咪仲係嗰位師傅，定係原本嘅師傅已經駐守喺尖吵咀嘅舖而唔同人，但我相信佢都係因為有開心嘅staff，開心嘅客人，加上有咁好嘅精神去留意客人反應～ 好開心！希望你哋可以維持水準！更好味！更多新口味！我又可以繼續近近地有得食拉麵喇🤤🤤🤤

成日見到依個好多人排隊，今次就試吓好唔好食我哋今次就叫咗魚介豬骨湯同伊台風聽聞呢度最出名係魚湯拉麵所以就要試吓啦，另一個嗰個係蕃茄湯底加芝士冇特別同好似好新潮咁嚟到之後真係有嚇一跳， 超級勁爆大碗，每本都有好多塊叉燒，蔥都好多，湯底都好濃郁嘅，幾特別嘅感覺另一個係叫咗魚湯，佢入面有啲魚介粉，溝埋一齊有幾特別，同樣地麵嘅份量好多叉燒份量都好多，湯底都濃郁嘅，相對之前試過嘅豬骨湯依個冇咁油膩依個價錢同依個份量，喺咁多香港拉麵係入面係最大碗嘅，性價比都高

打風前總是風平浪靚, 櫬仲有得食梗係填飽個肚先! 常聽說台風時有人龍。今晚排左六個, 幸好侍應會提早讓排隊客人先點餐, 以縮減等餐時間。麵類只有幾款一目了然, 想不到晚巿仲食到每日限定30碗的沾麵。餐廳有自助檸檬水供應, 侍應們亦會很有禮貌的歡迎客人, 座位下每人有一小籃子放個人物品, 小小細節十分窩心。自問對日本拉麵文化不太熟悉, 這張圖就教你怎樣正確吃拉麵 🍜沾麵與湯汁是分開的, 整碗豐富足料, 麵條韌度有咬勁而且份量不少。湯頭濃郁沾上冷麵條很是惹味。唯一要挑剔的是荀條略淡且不夠爽口, 整體還是很不錯 👍🏻

小小的特色店鋪入面，眼見只有bar檯12-13個位，菜單選擇只有5款，其中一款沾麵更加係每日限定30碗！🤩🤩🤩今次我食左 紅色暴雨拉麵 (中辣)麵入面既叉燒好林，肥瘦適中，絕對唔係某啲拉麵鋪o趙足一百年既叉燒，好味！麵入面仲有芽菜同溏心蛋都好出色！👍🏻👍🏻👍🏻仲有個麵好足份量，絕對唔係果啲食完好似冇食，完全冇飽肚feel既拉麵！另外，同行朋友試左限量既沾麵，佢話感覺好amazing好好味！等我下次試下先~🤤🤤

雖然是日返早可以早收工去行下個颱風兜黎兜去雨又落唔停😵☔️對於週末假日係十分掃興既事🤦🏻‍♂️🌧不過唯一開心既係早排「台風」裝修完重新開鋪可以再黎回味一番😆拉麵「台風」位於荃灣大河道由荃灣站經天橋行過黎都十分方便☺️🚶🏻‍♂️由於坐滿人的關係入座前會先叫客人填寫點餐紙入到去就即刻食得最後我點左個人大愛的限量沾麵！😆🍜早來鳥兒有麵食沾麵賣相一流🤩1.5倍麵份量同滿滿的配料亦十分豐富足料有叉燒、半熟蛋、筍、紫菜同埋大量的蔥🤤較粗身既拉麵沾上濃郁既沾麵汁一齊食亦十分掛湯享受完沾麵後有剩的沾麵汁仲可以另外加熱湯飲埋所在精華😆🍜另外沾麵每日只限賣30碗所以如果想食就要早啲黎食啦😆