拉麵來 (已搬遷) 新店位置

不嬲都鐘意食拉麵，朋友極力推介"拉麵來"，所以一放工就冒名而去，可能時間尚早(約7點)及位置格懾既關係吧！唔算太多人，算坐得幾舒服既! (但食完臨走果陣，店面差唔多full曬)上麵時間及服務ok, 尚可接受 ! 店內既佈置幾得意，仲有d懷舊既牌仔同玩具貼嚮牆上。至於食物方面，朋友試左土1，由於我對蝦敏感，雖然只可淺嘗少少湯，但係都覺得有濃郁既蝦湯底，正!而我就試左土3，揀左普通硬度，麵質係ok既，豚肉片肥瘦適中，一d都唔韌，係值得讚既，but黑蒜味唔夠，感覺"出前一丁"果隻仲香過佢囉，湯底唔夠濃味，失望(︶︹︺)]總括而言，呢間拉麵店價錢偏貴，味道一般，無下次。

已經係用手圈紙仔, WAITRESS打單都可以打錯, 好彩廚房見張單同我圈既唔同先搞返岩張單。叫左個濃厚魚介豚骨湯麵, 個湯底已經揀普通濃度, 係濃厚呀, 勁咸丫嘛, 食到我勁口渴, 得個咸字完全伕唔到豬骨味。重點係個叉燒勁燶, 你o地睇o下張圖, 面果塊叉燒都黑黑o地(瘦肉部份), 食落已經係有苦味, 底果塊更黑, 食落勁苦。定係我唔識o野, 瘦肉部份係唔食, 主要係食肥膏果part?

小編當日大概2點到達 都幾多人 店員會拎個箱仔比客人放袋 位置都幾明闊裝飾  用一張木枱有六個位 旁邊既牆身有好多日本既裝飾小編點左火 辛辣豚骨 麵是幼麵 所以掛湯力好差 麵質唔硬 肉燥辣醬  攪拌左之後辣到咩都食唔出 除左辣 都係得辣 一路食一路胃痛  配料正正常常 唔會好差 但唔會有什麼驚喜  配料有芝麻 蒜頭 重有醋可以自行添加 水除左放左幾片檸檬就冇

本人對黑蒜油都幾情有獨鐘，奈何平時都只能自己煮一包「黑蒜油公仔麵」來慰藉，今次去到呢間鋪頭試下，店方加了大量蒜蓉，味道濃烈，湯底的原來味道被掩蓋不少，但係本人並唔滿足，湯底加了黑蒜油，但唔多夠香，麵質就唔錯，偏硬身硬麵，唔會太淋，叉燒就就肥肥地，又薄身，份量就唔多。而且份量都夠，唔錯唔錯！最重要係佢蒜蓉多，正！

以前大坑果間已經想試好耐, 不過實在太遠, 所以旺角開左終於有機會試.金+蛋豬骨湯夠濃, 义燒薄左D, 面夠彈牙, 蛋夠流心, 好味.木豬骨湯同金好似差唔多, 面夠彈牙, 义燒都係得兩片少左D, 整體都好好味.

之前食過4-5次, 覺得幾好食, 所以encore叫左個鰹魚湯底拉面, 係新口味, 朋友就叫左個蝦海老湯底等左陣有得食, 黎到即刻飲啖湯, 充味鰹魚味, 如果濃味D更好。個面有筍, 柴菜同兩塊日式叉燒, 味道一如以往, 不過不失不過今日D面好唔掂,份量少左同好硬, 無左少前既香味, 唔知係料唔靚定前一晚賣唔晒放左隔夜貨朋友都話佢蝦海老湯好味,無味精。蝦都新鮮, 係衰係個面度今次比喊面, 因為個面太差了, 希望下次做返應有水準。

I was here with my friend N after shopping in Mong Kok.We arrived at around 7 and there were not many people there.The tables and seats were too close that it would be uncomforatble if it was full.There were a range of choices but I chose the original one as I wanna try the original taste.Ramen (Original Favor/ 金) was just so-so.  The ramen was thin and the texture was too soft which it was not my cup of tea.  The soup was too thick for a bowl of ramen and the pork was not soft enough.  The port

很久以前經過大坑，看到這間鋪頭的門面很有大正昭和年代的氣息，然後就把店名記在心中了。後來發現旺角也開了他們的分店，這麼方便也就沒藉口不試了。門外一塊全日文的告示牌，雖然看數字就明，但竟然玩那麼大？未入場其實有先看門外的餐牌，甚麼金木水火土的拉麵我還以為跟五行有甚麼關係，不過似乎我想多了。而土的幾款口味是期間限定，有四款之多，還有分開寫的特別限定…拉麵湯底款式不少，倒是怕會顧此失彼。而且還有小食類呢﹗正因拉麵款式多，就更花時間想吃那款了。最後還是吃個期間限定的吧，就選極上海老吟釀湯麵，麵的質地要硬身，湯底則揀正常濃度。等拉麵時間就四處八卦，這裡的裝修實在很古色，就好像電視劇裡看到的二十世紀中葉時的商店街，當然，是日本的劇。枱上有不少調味料包括昆布醋，同場還有不凍的檸檬水。不久拉麵送上，湯底紅色的主要原因來自蝦殼的顏色，相信是經過長時間熬製至令顏色變得如此鮮紅，餐牌上寫湯底用上日本甜蝦、海虎蝦、蝦味噌及日本清酒烹調，我想海虎蝦應該就是那幾隻蝦球了。湯底十分濃郁而鹹鮮，跟龍蝦湯相比有過之而無不及，而且還是漿口的質感，味道不過鹹無須邊吃麵邊喝水。但是，說好的吟釀味卻是喝不出來的。蝦球大隻而肥厚

又一新嘗試極上海老吟釀拉麵冒着中伏的風險，突破框框，有時會找到新驚喜。沒有鮮豚肉濃湯，沒有一貫的拉麵配料，反而更突顯超濃蝦味湯底和爽口拉麵的配搭。一點也不膩，愈食愈上癮😋。唯配料是冰鮮蝦，與整碗'土1拉麵'格格不入，美中不足😔。店內地道的日本橫裝也很有看頭，可惜沒機會影下，下次到訪再記錄📷😎。

嚴格來說是第二次經過才被吸進來！話說上星期我這隱青出山，到附近食雞才驚覺香港竟然有如此日本地道裝潢的食店！心想下次有機會一定要試試！機會來了！其實午餐才吃過那集團經營的咩咩堂拉麵，還想說愈來愈差而且勁鹹，飯腳們食完都勁口喝！拉麵我係唔介意一日食2次既！平日差不多10點，店內有8成客都算不錯！menu全都是手繪的！好有heart!令我不禁要拍下！跟友人一人一客拉麵再加個炸雞炸雞是小小的一舊的，咬下去大半都是雞皮，有點失望，還好配上沙拉菜點綴，把肥膩感減少了我點了【海老拉麵】，因為比較罕見，而且午餐已吃了classic那些味道。一擺式蝦味香氣四溢....湯底濃濃杰杰的，再放入口，嘩，無咩味既....係咪放漏左鹽？食到尾段，湯稍為涼點，味道也出一點，最後我都差不多把湯全都喝完呢～友人點了【黑蒜油拉麵】，不得了～真係好香好濃既黑蒜油味呢！偷食左啖～我的拉麵完全給比下去了！真的後悔沒有點這個～～～～下次去一定要試試！

尋日目標係... 日本拉麵!6點去到黑布街 來到餐廳 人不多餐廳有日本本土feel 成間鋪牆身都掛滿不同的懷舊裝飾及兒時玩具 懷舊味濃叫左最原始的 金·原味豚骨湯麵 $82 (以價錢來講 這裡的基本豚骨湯算是便宜的)選了 硬麵·濃湯·有青蔥·有蒜蓉·有香味油 加味玉 $15拉麵一會便奉上 呷一囗湯 這兒的湯底豚骨味非常濃郁杰身 帶微漿口感 做到香醇而不膩麵條屬於粗身 有嚼勁 但對我來講太硬 (這兒普通硬度的麵身應該係出面既硬)再來黑木耳絲更硬叉燒厚切 脂位較多 瘦既部分有啲鞋口唯一能讚既係味玉 有蛋香 火喉剛好 好軟滑 好味

多年前曾在這裡在大坑的總壇吃過一次，感覺還不是那樣差的。萬料不到事隔多時再重臨舊地，不過今趟是在旺角分舖吃。嚐後卻驚覺水準是差了一皮也不止....分店裝潢的格局和總店差不多是一模一樣。印象中這兒的地方好像更大呢....兩大一小分享兩碗麵，再添加兩碟小食，絕對是足夠有突....小弟的 "金" (即原味豚骨湯麵)給人一種今非昔比的感覺 ---- 豬骨湯是全沒了以往的膠口濃厚之質感，差不多是可跡近用味淡來形容之。太太的雞白湯麵已吩咐廚房要最濃的味道但依她所說仍是和濃郁二字全沾不上邊；叉燒瘦的部位甚嚡囗且吃得到有陣陣的雪味，實在乏善足陳；至於麵條的掛湯能力則只屬一般而彈性亦欠奉....雞白湯麵的特別之處在於那一個用雞湯凝結而成的"骨膠原"小球。將之放進湯內透過熱力瞬間便溶掉，湯的鮮度也由此提昇....要付多十五大洋換來的一只所謂日本產雞蛋，無論蛋白的燻味以至蛋黃的流心及甘甜度都不及從前舊壇的出色。早知便慳番不叫好了....屬小食系列之一，拉麵店常備的餃子反倒做得不俗。每隻皆包成漲卜卜而肉餡也帶著蒜香的確甚不俗，唯一的缺失是餃子本身的熱度是有點不太夠....芝士與蝦皆為太太鍾愛的食物，故此一道芝

旺角有好幾間出名的拉麵店，「拉麵來」係其中一間，亦都係我幾 like 的一間。可能因為位置較遠離旺角的中心，次次都係 walk in 直入，今次都唔例外。一坐低，落 order，上拉麵，前後唔駛 5 分鐘，非常抵讚。(有次去某連鎖拉麵店，等左成二十分鐘！！！)我今次揀左「熊本黑蒜油豚骨湯麵」，麵既軟硬度係硬。拉麵個湯底加了黑蒜油，好似無乜化學作用咁，唔多夠香。麵質幾好，特別係我喜歡硬麵，完全做到我的要求。叉燒就肥瘦適中，得兩塊唔多夠喉。另外要彈就係份量太小(不是一般的小)，唔「替玉」的話，男人食係唔夠飽。

唔知點又整到條腰，星期六全日呆在家連靚仔教練都冇見，更加冇去揼骨做facial。經友人提醒，除咗針灸仲可以睇推拿。於是星期日晨早躪起身，打去約以前救過我隻右手同條腰無限次嘅推拿老醫師。既然去旺角又未食早餐，記起早幾晚掃街經過黑布街有拉麵，順便啪咖啡。12點幾去到冇乜人。環境好別緻，扮舊時嘅日本街道、小賣店。見到有期間限定土－魚介末湯，要咗普通濃度，硬麵，加溏心蛋，叫咗唔夠5分鐘就上。飲啖湯，覺得比坊間淡口，濃稠度適中，但魚介味、豬骨味幾平衡，又唔會有過鹹嘅弊端，撈勻葱、蒜蓉、香油就重味番啲。啲麵夠硬身，由於湯底淡，少有食到麵粉香。配菜得木耳，好唔豐富。叉燒有焦香，肥瘦相間幾平均，肥膏爽身，瘦位雖有肉味但唔算腍。溏心蛋有調味，又冇過鹹，帶少少甜，味道係好但熟咗啲。之後飲咗好多水清味蕾，因為要過隔離啪啡試味。

啊仔今期愛上拉麵，今日來到這裏試吓，睇睇係唔係真是咁好食。星期六下午，人流不算多，不用等位。麵的選擇都ok, 係一唔似其他同類拉麵店可以選擇辣的程度。啊仔叫咗䐁肉拉麵加玉子，我叫咗北海道味噌䐁骨拉麵。我地兩個都無失望，真係好好味。唯一係其中一個服務員d服務嘛嘛，如果唔係成件事便perfect。