拉麵來 (已搬遷) 新店位置

呢間坐位都算好逼 不停同人搭台同坐得好埋 如果拎住一袋二袋千祈唔好黎不過佢既環境好靚 好有心思 整左好多日本既擺設同玩具 佢仲有細個玩個d吹波波買 野食方面我就簡左白松露豬骨湯佢既白松露味唔算好出 係有小小 不過要飲埋個湯先飲得出 個豬骨味都好濃 好張既感覺 拉麵方面我簡症硬身都唔算好硬 我覺得係正常口感不過佢成碗野好熱 d麵好快就變到林晒 不過佢勝在都好多木耳 好爽口 增加返個口感 叉燒都係偏肥 不過都好香 好林 都有小小入口即溶食完出去賣單個陣佢仲有印花卡 食夠十個送一個不過可能佢地都keep住好忙 d侍應做到燥低 不過我覺得好好笑

上週想吃拉麵想了一周，路過拉麵來被吸引進來，超開心不用等位。坐底見到餐牌分為金木水火土，而且畫功超可愛。我點了極上海老吟釀湯麵(HK$102)。紅彤彤的湯麵看起來食慾大增。先嘗口湯，有蝦的鮮味甘甜，湯頭很濃，嘗得出來烹製了很久，可是有點偏鹹。拉麵是可以自己選硬度，拉麵的軟硬度掌握的不錯，很有韌性。蝦還蠻大隻的，幾鮮甜。女皇點了溫泉玉子雞汁拌麵(HK$ 82)。底下的雞汁挺濃郁的很鮮美，女皇說好像可以嚐到雞骨頭的味道，但是又不過於濃郁而太鹹。面很有韌性，增加了咬的口感。上面的雞肉，表面微焦，但肉是嫩的，而且調味沒有很重，不會搶了面的味道。但是分量太小了，女皇吃完還說不太有感覺

係旺角行完街四圍搵野食，轉到入小巷仔發現一間充滿懷舊日本裝飾的餐廳。牆上掛著不少玩具及日本招牌入坐後店員給menu及order紙。因每人喜好不同，order紙提供選擇要唔要葱，醬油，拉麵的軟硬度等等 男朋友想食黑蒜，便叫了熊本黑蒜油豚骨拉麵。麵質就普通硬度。黑蒜味十分香濃麵有兩片豚肉片，肥瘦適中，不韌。另外點了香濃雞白湯麵，湯底比黑蒜還要濃，男朋友還喝出雞骨的味道😂🙈，相信煲了很久吧。還跟上了半舊骨膠原啫哩自己放落拉麵。麵質一樣選擇了普通，豚肉跟黑蒜麵的沒大分別。另外加了$15要一隻糖心蛋。餐廳並沒有把蛋切開，原隻蛋放進拉麵。想一口咬下時，糖心蛋好像要爆開的因為個心未熟得哂。當咬到蛋黃時，d蛋黃汁便流出來冇得頂好夠糖心最後仲叫了個吉烈蠔配沙律菜。雖然細左d，但都好重蠔腥味又唔會炸到滿是油

四 ‧ 十三 雨聽說拉麵來是十大推存拉麵店之一，一直未有機會到總店，人在九龍，就到旺角店試試。餐單上有多款拉麵選擇，選了個人比較喜歡的白松露拉麵，友人另選了濃蝦湯拉麵。白松露拉麵上加上了黑松露醬，香味足夠，湯底亦夠鮮甜不膩，不會覺得口渴。問題出在麵條身上，點選了硬身麵條，出來的效果個人認為只屬普通，甚至偏軟，麵質也不算好，澱粉感很重。結果麵吃不了一半便放棄。以為只是單一拉麵出現問題，友人的麵條也是同樣問題。蝦湯是夠濃郁，但附上的蝦有點霉味，加上麵條太快變軟。也是吃不下全部。另點了餃子，內裡的菜肉不夠飽滿，吃下去感覺不滿足，餃子皮澱粉感也是太過強，味道屬中下水平。這樣的價錢，水平確實未能接受，唯有下次到總店再試。

朋友突然間被裁員...突然有時間約出黎聚一聚！今日做唔夠功課...選左2間 cafe 下午都唔開...黎到黑布街就是但選啦！拉麵來係不錯既選擇！入到黎好懷舊日式既佈置！坐底後侍應姐姐每人派張紙！可以選麵既軟硬程度要唔要蔥蒜湯濃唔濃！另外就係加餸菜！今日我食呢個係溶岩味噌豚骨湯拉麵！每日限量廿碗！個湯加埋牛油既味道好好味！因為我鍾意食淋麵！襯埋個湯！清哂底！配菜有蓮藕叉燒粟米本菇！整體都好配合！個叉燒薄左少少！但入口即溶！唔錯！仲有個石窩保暖！食到尾都係熱架！朋友叫既赤麵朋友叫既金麵加蛋！個蛋我食左半隻！糖心不夠！煎餃子都唔錯！餡料好多！但我覺得個底唔夠香脆！

中午友人提議到旺角拉麵來，門外裝潢別具風味，拉開門見到內裡更有懷舊味道，收銀扮成小賣店，深色木檯配圓凳，一盞盞鎢絲燈散發著暖和的黃光，氣氛很好。 餐牌以漫畫畫出食物，簡潔有趣，食物選擇不少，有創新的有傳統的，今天想清新輕鬆所以選了魚介拉麵。 在點菜紙上填好選擇，好像已經成為各家拉麵店的指定動作。 魚介拉麵有叉燒、木耳、蔥及紫菜作配料，上面又灑上以鰹魚、鯖魚和沙甸魚乾製成的魚介粉，香氣香醇。湯頭鮮甜，我吃到香香的鰹魚鮮帶點點鯖魚味，豚骨湯質厚實順口，加入魚介後不會有重身的感覺，撈入青蔥後味道更香。拉麵屬幼身，麵身軟硬度掌控不錯。叉燒焦焦的偏薄，味道普通，肉質瘦所以有點嚡口。店家氣氛營造得不錯，地方舒適，不過以魚介麵來說，性價比有進步空間，包括份量及叉燒質素，有機會會試獨家味道拉麵，希望更為滿意。

朋友拉麵癮又發作, 行過黑布街被呢間外型咁搞鬼既拉麵店所吸引, 好有日本風味, 一於拉門入去食返碗拉麵先內裏裝潢係舊式日本屋外場境, 四周佈置左懷舊玩具, 夠晒玩味打開餐牌, 拉麵類分開金, 木, 水, 火, 土類, 各自點左心水選擇就可以自己落單, 湯底濃淡度, 麵既軟硬度由你話事! 追加配料亦可! 亦有汽水小食供應我地鐘情於豚骨湯底, 全枱叫晒原味豚骨湯麵($82)試下先份量都幾對眼, 每碗有2片叉燒, 木耳絲及䓤粒, 當然唔少得係紫菜湯底飲得出豚骨味, 飲完一啖個口都有"黏稠"感, 又唔會好咸, 唔錯!叉燒個人感覺有D肥, 只食中間D肉, 但入口好腍身朋友追加木耳絲($5)及䓤粒($5)加叉燒($20), 都算幾抵食等拉麵上枱之際, 叫左一客關東煮($38)份量唔算多, 煮得幾入味, 點少少芥辣食都OK總括黎講, 味道幾似係日本食到, 想慰一下拉麵之苦都可以止到! 價錢唔算太貴, 可再食!

放學同朋友食飯，經過黑布街，見到有間懷舊日式拉麵店，朋友便建議入去試下。鋪頭入面裝修屬於日式懷舊風格🇯🇵，與以前甜品彌月屋有所相似，叫野食先，店入面好貼心咁比每個顧客選擇自己喜歡的口味， 例如拉麵的軟硬度，湯的濃淡口味等等 今日我就嗌左期間限定的北海道帶子鮮奶油雞白湯拉麵($108)。等了五分鐘，熱辣辣的拉麵就來了！先嚐一下湯底，奶油雞白湯底充滿驚喜💥，湯底與傳統拉麵豚骨或魚骨湯底不同，濃郁但不油膩，奶白色湯底令人一口又一口不停飲下去😋，帶子亦鮮味甘甜，配上最愛的流心蛋，一碗好味的拉麵就誕生了🍜

一個人的晚餐，拉麵係我喜歡嘅食物之一，一來一個人食都唔會覺得怪（雖然我好自在一個人）二來份量剛好，之前知道黑布街有好多食店，發現其中一間係拉麵來，之前食過大坑店，今次試下呢間分店！店內比大坑闊落，地方大好坐！格局行日式拉麵店懷舊，好似入咗日本人舊街！比較昏暗！長木枱矮木櫈！少許坐街邊檔感覺！發現有款新麵，季節限定蟹肉拌麵！雖然價錢幾貴，都試下（香港人對季節限定特別有感覺）山葵蟹肉拌麵（$118）賣相比圖畫差，蟹肉醃過，撈了啲蔥，增加了爽口感覺，但又失去了蟹肉嘅甘香！加青檸汁及山葵，幾清新，加上紫菜青蔥絲香口，但蟹肉出太多水，糊了汁液，令到拌麵唔夠乾身！麵條不規則的，有點刀削麵嘅煙韌！增加咬口感！好味！店員爽手，有禮！唔使加一！只叫一碗麵，飲品都無叫，枱面已有清水，剛好化解蟹麵嘅膩！

想食辣野，所以叫左一辣一唔辣拉麵火藥拉麵 與 白松露拉麵二碗湯頭都濃郁，好味 粒紅卜卜辣椒球，一來就攞走左先，再慢慢咁加入拉麵內 火藥真係好辣，食少少都"確喉"，但味道真係唔錯

見佢好評幾多所以去試試....廢話唔多:叫左 原味豬骨 同 黑蒜味優:裝潢有免費水飲枱面配料選擇多缺:味道一般麵條一般湯質感粉粉的好奇怪!似食撈麵多過湯麵食剩既'湯'飲唔落份量好少!隔離男生要加麵...總括而言:如果你平時食開味千既咪黎試下但係成舊水一碗又細,水準又唔係特別高既拉麵...sorry真係"完全唔值!!"

行完街，好肚餓，想食個間又full左，見到佢無咩人，就盲中中入左去食🤓. 1.原味豚骨湯麵 $82 + $15 蛋.隻花曬嘅碗已經話你知佢係幾咁實而不華🐒 .佢強調係濃厚豚骨湯⋯⋯但真係唔係太濃厚，下次tick特濃先得（但應該冇下次🙊）麵啦其他配料都無咩特別🐒 . 價錢又唔係平，真係喊左⋯⋯2.自家製餃子 $36熱辣辣，皮薄餡多，一咬開有肉汁流出，味道亦不錯，可惜個底煎得唔夠脆。3.拉麵來脆雞 $43說好的脆雞呢？脆雞皮係淋嘅？好明顯係預先炸定再擺左好耐。整體而言，有啲失望，應該唔會有第二次🙊

裝修以木為主的拉麵來營造出日本拉麵小店風格，舗內各處均有一堆70年代時期的裝飾或貼紙，例如男仔最愛既幪面超人紙扇等....枱面上有幾款調味料，分別係芝麻、辣菜和醋，醃漬好的辣菜，帶點辛辣又爽口，唔錯。餐牌上既拉麵款式以金木水火土名命，其中土又分為四款味道，落單紙很清晰，細分各種配料同麵既軟硬度。試左叉燒豚骨濃湯拉麵同餃子，濃湯略嫌未夠香濃，叉燒又比較薄，以份量來講不足夠一個男人飽肚。餃子既味道算唔錯，可以一試。

一直知道大坑和旺角各有一間ラーメン來，朋友每次吃完都大讚它的拉麵和裝潢。雖然大坑距離我家比較近，可是沒事也很少到那邊亂晃，所以這次在旺角逛街的時候突然想起它，就決定吃旺角分店的ラーメン來。店外以木條和木門打造溫馨小木屋感覺，有日式小店的味道。店內只有8張桌子，晚飯時間會很多人。牆身掛有不同的日式物品，營造古老而傳統的日本感。拉麵先選金、木、水、火、土，之後再選制法，也可以追加不同配料。火！激辛豚骨湯麵！別看湯頭和一般豚骨湯差不多，只要將上面這球圓圓的「辣球」拌入湯汁，就會整碗轉成血紅色，辣得嗆人，絕對是愛辣之人必點。這碗的麵條選偏硬，咬的時候有嚼勁，比較爽口。看這湯汁，辣到要一直喝水才能解辣。土！溫泉玉子雞汁拌麵！這盤是冷拌麵，麵條選軟，可是冷凍過後依然有點硬，還好有蛋味濃郁的溫泉玉子濕潤一下，不至於難以入口（個人偏愛軟麵條）。拌完之後雞汁將玉子的味道蓋過，略嫌不足，還好雞汁不會過鹹，吃起來也不錯。

女女好鍾意食拉面， 所以同佢1出街奉旨食拉面， 過開呢邊老公話想試呢間， 一入到去， 好似去左日本本土拉面小店咁， 裝飾用品全部係老闆係日本買番嚟架， 所以好好feel因為老公唔肚餓， 所以佢叫左個蕃茄沙律， 我就叫左豚肉拉面， 係order紙上自己圈因為有小朋友， 店員即時細心提供小朋友餐具， 抵讚! 講番食物， 沙律好fresh好夾個芝麻醬， 拉面可揀軟硬度， 湯濃度等等， 果然跟足指示， 湯底好好飲， 女女都飲左唔少， 整體嚟講絕對係值得番兜!!