拉麵來 (已搬遷) 新店位置

很有懷舊風格裝修的日式拉麵店，主打拉麵，有多種口味，食得多豚骨拉麵，試下雞湯先。先落order紙選個人喜好，上枱來了個另上膠狀雞汁，好得意，加入雞湯後，瞬間即溶。配料豐富，叉燒同木耳都好味，雞湯又夠味，不太咸，可以成碗K.O.，值得encore!

一条黑布街都有不少食店選擇，左揀右揀最後選了這間，入到店內環境的确很日本風，叫了一個蝦麵，一個辣麵。蝦麵取價一百多，湯底濃郁，喝了一口味道果然夠濃的，友人追加筍，一位男士，最後也只吃了半碗便放下筷子。我要了一碗辣面，辣的精華是圖中球體狀的那部分，可根據自己嗜辣程度而撈出適當分量。整個辣醬撈半碗麵，又幾辣，可惜太油，吃完半碗便放下。两個麵中規中矩，賣單二百幾。拉麵愛好者，可以一試。

本身自己好食得辣(譚仔食特辣) 所以就食辣既拉麵啦今次係第二次食拉麵來 第一次食呢個火拉麵辣到鼻水都流埋真係辣過譚仔特辣多多聲但今次去食就冇之前咁辣 但唔食得辣既朋友都唔建議食火拉麵 而且今次既湯底比較傑 每食一淡都要飲淡水

一個人心滿意足的午餐 👍，假期經過這家拉麵店 ，感覺的看到了小日本的餐廳，裏面的裝潢別有風味，坐下來後叫了碗黑蒜豚肉拉麵 ，味道真的很好，比較偏重的口味，湯頭真的是很濃郁 👍❤下次我還會再來

大鄉里未食個冇湯的拉麵，今次是第一次。經朋友講呢間拉麵店有lunch 學生優惠, 專程過嚟試一試.初初在舖外看見人流不多，入坐後在餐牌來找到呢款冇湯的拌麵，看圖畫很不錯，即管叫來試一試。好彩...冇中伏。完來將拉麵沾上雞汁葱花、紫菜絲、溫泉蛋連埋燒過的叉燒是咁得嘅。仲有拉麵的粗幼亦和配菜夾得好（是粗麵）。他們還提供麻醬、辣椒仔、芝士粉等加埋一起食，完來拉麵可以咁様食的😆加上我lunch 去有七折十分抵，下一次食個佢最貴嘅鮑魚麵先！

呢篇食評應該是月頭寫的. 話説那天落了八號風球路經呢間特裝修拉麵店，吸引了我進入鋪試一試。經店員介紹了食他們的「金」，叫了原味豚骨湯拉麵及一支信州蘋果梳打汽水。拉麵送上，先試吓啖湯，它的湯給我的感覺是不是一般外面吃到的湯底。沒有甜甜濃烈的味精味。反而之是陣陣豬骨湯清甜的味道。叉燒是肥瘦適中那一種，叉燒亦帶醬油味。至於他們自稱的自家製拉麵，亦十分有水準。口感覺上真的好像是自家製的。配合埋飲一支冰凍美味的蘋果梳打，我覺得呢一餐在返工前食到是認真唔錯唔錯。再在Facebook開看見他們還有一間總店在大坑下次過海一定要試吓他們其實拉麵。最後超級要提的是食完麵後的二個鍾沒有特別口乾的難頂感，讚！

第一次寫食評 證明呢次經驗有幾深刻落柯打時 店員已經唔多友善咁問要唔要加野食 加唔加野飲 其實食開拉麵既我地都想飲番凍水搖頭後係一句唔該都冇就收野走但身為日本餐廳會唔會要有基本既要求...講下野食先 叫左個魚介拉麵 土4但魚介湯冇味道 拉麵更加掛唔到湯食 變左麵同湯好似分開哂咁塊豚肉燒得幾靚 你以爲好好食呢 錯啦 係完全冇味 仲要得個好細好細既瘦肉圈就食到好明顯只係白勺完舊豚肉拎去燒到好靚咁樣 而肥肉仍然係肥 好油既口感... 女士係唔會想食到一枱坐滿六個人 唔似其他餐廳咁 落完order 後Mark 番邊個位係邊碗 麵到時就好似大牌檔咁叫 魚介冇油邊個呢d 細心位就已經比其他拉麵店差多了

碗麵一放到我面前， 第一時間飲吓個湯先。 雖然碗入面材料頗多， 但唔明白點解會無乜味 ❓❓❓ 我所期待既湯底香味欠奉。 唉呀…可知道一個刻骨銘心既湯底正係日本傳統拉麵既靈魂呀！😑 而且碗內既麵有啲熱有啲暖咁。。。。😰 我食淨一半麵就走左。$92一碗麵(無加一)， 你話抵無? 太平凡唔突出， 減30蚊我都未必再食。

今晚我們去咗旺角黑布街嘅「拉麵來」食晚飯！我們叫咗極上海老吟釀湯麵、牛舌牛尾湯拉麵、溫泉玉子鷄汁拌麵同明太子鷄翼拌酸辣青瓜！極上海老吟釀湯麵嘅湯底超級鮮甜濃郁，顏色係鮮橙紅色㗎，海老嘅肉質好爽甜彈牙，拉麵嘅麵條比較幼身，口感唔算好彈牙！牛舌牛尾湯拉麵嘅湯底有好濃郁嘅牛骨香味，牛舌嘅質感好鬆軟，而且都幾厚身！溫泉玉子鷄汁拌麵嘅鷄汁味道好鮮味香濃，拌麵嘅麵條比較粗身，口感非常煙韌彈牙！明太子鷄翼拌酸辣青瓜嘅鷄翼肉質好嫩滑，明太子嘅味道唔會好鹹，味道都幾惹味！店內嘅環境裝修好有日本懷舊風情！

事源於有朋友介紹旺角區有一間特色的拉麵店，基前天是返half day, 一早11:48am左右就已經抵達此店，到步後才發現他們仍然未營業覺得有點失望。正想離開之際，被比店𥚃的女職員截停，還招呼我在入店。那位後生女對我說，多等10分鐘左右他們就會開門。之後送上餐牌，好讓我看開點什麼東西吃。就係咁嘅service, 未食已經就對此店印象很好。之後經女職員介紹下，我叫了牛舌牛尾湯拉麵。另外一客餃子跟可樂。大約12:08左右拉麵和餃子陸續送上。牛尾湯的味道很清甜，有一點像出面街的牛腩湯麵清湯底。牛舌亦超好味，我點的普通硬道拉麵亦彈口而又冇鹼水味。至於餃子就不過不失，但再飲埋支可樂或簡直係一流。open rice 睇食評就睇得多，今次是我第一次寫食。亦是專登為此小店的服務及質而支持吓。

環境裝修靚，環境隻乾淨傳餐快員工有禮貌麵湯味60分配菜差，蛋黃唔糖心，實左麵幼，視乎你口味，但我覺得太軟同麵味少食完感覺100蚊比左30蚊裝修錢

去旺角行街街, 就到晚市時間就來個早一點的晚餐, 免去人多之苦!加上帶著丁丁, 早點吃早點回家也不錯!是次選了旺角黑布街的"拉麵來"!這一帶真的多了很多不錯的店喔~重點是人不算太多~~ HEEHEE!!"拉麵來" 的店面真的好舊式日本風~好有懷舊感喔!!!!牆身也是掛滿了一幅一幅的鐵皮片, 不同的圖案文字, 組合起來非常有趣!!室內也是走小拉麵店FU好喜歡他們牆身扮成玻璃窗戶的框架!小小的吊燈更有屋台感~拉麵種類不多不小但樣樣都好像很可口...... 又開始選擇困難了>_<看圖, 選了心水後, 就可以按自己的喜愛點餐~麵質地、湯濃度、蒜、油、蔥等等也可要求改變~選一款最岩自己口味的!!!佢地都有提供其他調味, 岩晒重口味朋友XDXD好, 拉麵來了!!!!!香濃雞白拉麵這碗是用了雞湯來煮~ 也很香口!味不濃不淡, 很舒服的一碗拉麵!!濃厚魚介豚骨拉麵用了不同的魚類磨成粉末, 將之拌勻就可以喝到超級濃郁的魚湯!!本身豚骨湯已經好香,加埋魚介粉, 算是蠻重口味之選~仲鮮味真的好棒!!一點都不會有魚腥味~~極上海老吟釀拉麵這碗真的不得了!!!!!! 濃橙色的!!!!一放上檯就嗅

收工後又攰又餓，就出咗旺角搵嘢食。行下行下就經過拉麵來，間唔中聽朋友提起呢間拉麵，不過我都係第一次幫襯。睇Menu有好幾款拉麵，款式同其他拉麵店大同小異。不過見到佢有個人間限定，限定牛舌湯拉麵好似幾好味，於是就叫咗喇！湯頭非常濃，每啖都充滿牛骨牛肉嘅味道，而且飲咗都唔會口乾。麵煮得夠硬，配合湯底一齊食口感十足，味道好好。牛舌雖然只係中等厚度，但夠軟熟而且入口都有啖啖肉嘅感覺。所以整體我覺得都有75分

上星期六個睇完波鞋後行吓行吓去到呢間鋪頭門口。原來是一間很有特色的拉麵店。見到門口拍緊嘢諗住走之時，應該是老板娘的姐姐仔大力推銷她們的自家製拉麵。見佢咁落力sell而我又要醫肚，就入去一邊睇拍攝一邊食拉麵 。因為拍攝佔用了很多地方。我安排了坐在門前的一張枱。老板娘問我食過她們的拉麵未。我尷尬説未。她隨即推介我試蝦湯拉麵。落單後可以邊等麵邊睇安德尊和李錦聨兩個喺度拍攝，幾攪鬼😁。到拉麵送上。賣相非常不錯。蝦湯味道鮮甜，湯底有點蝦殼的味道及有一點沙沙地的質感。拉麵粗幼度適中。我選了普通拉麵食到最尾仍然不覺得湯面太「林」唯一美中不足的是三隻蝦size不是很大隻的虎蝦, 但勝在夠鮮甜鮮甜。食完湯麵後我亦將全碗湯感覺喝完。非常滿足。亦很滿意這一碗拉麵的水準。 今次一路睇住拍攝一路食拉麵確實有趣，下次會叫埋朋友講你再試其他味道。

舖頭門面好令，吸引左我入去試下入面環境更好，充滿日本懷舊風，朋友叫左客牛肉麵，因朋友怕肥所以走油，另我叫左蝦麵。等左無耐，先來牛肉麵，嘩! 朋友見到好意外，嗰碗係油浸麵，麵同牛肉份量都少，只適合細胃口女士，味道好普通，有啲似粥粉麵舖既牛腩麵。之後來既蝦麵令啲，味道ok ，無驚喜，但份量一樣少。 總括一間食店最重要是食物質素，這間麻麻，旺角大把美食，所以不會再來了。