拉麵來 (已結業)

放工冇咩時間食飯又唔想食得太頹就去左食附近既一間拉麵啦呢度拉麵有成十一款都算多我自己就揀左白松露豚骨湯麵個面上面有一pat白松露醬 超香噴噴湯底濃郁 而且麵既掛湯能力好夠 所以每淡食落都覺得好濃味我另外仲加左流心蛋一隻 個texture整得幾好👍🏼我個fd就叫左極上海老吟釀湯麵 仲要湯底係揀左濃郁呢個湯底係比較杰身 有幾濃既蝦味 都幾鮮甜上面仲有兩隻蝦tim💕麵質兩碗麵都整得唔錯 軟硬適中叉燒都肥瘦適中 唔會覺得鞋小食我地叫左兩款有免治雞軟骨串同埋自家製餃子雞軟骨加想照燒汁好惹味 食落都好有口感餃子就正常發揮 皮帶少少脆口我個fd話好想飲清酒所以佢就叫左支細細支既自己飲呢個份量其實都幾適合一兩個人食飯既時候飲番啖雖然呢間拉麵店唔算好就腳 但係我覺得水準唔錯呢度裝修好有日本小店feel但因為座位唔多 所以其實都滿場但勝在上得快 食得快 好快就會有位

夜晚去天后做完野決定行多兩步去大坑食個晚餐。呢間拉麵店裝修好特別，好多懷舊玩具。餐牌簡潔易明。叫左一個麵，兩個小食，一支啤酒。<鹿兒島豬軟骨> ($38)高質，超軟，入口即溶，好入味，甜甜地，配埋黃芥末醬真係超好食。大力推薦！<免治雞軟骨串> ($18)面頭有一層照燒醬，打碎雞軟骨變成一條長條。<海老拉麵> ($104) 蝦湯拉麵，有三隻蝦，可以選擇麵軟硬度，湯既濃度，可以選擇走蔥同麻油。配料加左香筍（$7）、紫椰菜（$10）、火灸叉燒（$25）、木耳絲（$7）。好奇呢度個計時器係咁響，原來拉麵師傅每碗麵都計時確保唔會煮到個麵過軟。軟麵計時2分鐘，中等就1分鐘，硬麵就40秒。<拉格啤酒> ($45)收工鬆一鬆，叫番支黃啤，原來係番石榴味，口感creamy。呢度免加一架。侍應姐姐都超nice。有時想係市區遠離繁囂嘆碗拉麵，呢度黎得過。

2019年6月3日星期一今日比較得閒，老婆有飯局所以同老竇去咗大坑食日本拉麵裏面嘅款式都唔少，限定款式有牛舌牛尾湯拉麵。都幾特別。仲有幾款日本直送嘅特色汽水我老竇就揀咗綠茶可樂我就揀咗蘋果梳打。汽水寫住一個係日本靜岡嘅產品另外一個就係信州嘅產品。味道非常好!非常夠氣，又唔會太甜。日本製嘅嘢飲果然係特別一啲。我老竇胃口大過我，除咗叫一碗拉麵之外每一款小食佢都叫咗一款。我自己就揀咗黑蒜油豚肉拉麵，老竇就揀咗嗰個限定王。 味道唔錯幾有特色尤其是係限定王，湯底係牛骨湯，湯嘅味道幾清香唔會話好多味精。牛舌嘅味道都非常之正小食總共有四款。日式餃子炭烤雞翼拌薯仔沙律鹿兒島豬軟骨免治雞肉軟骨串四款小食都各有特色，自己就最鍾意食嗰個炭烤雞翼。雞翼裏面釀唔少材料。淡淡都係肉。老竇就最鍾意食嗰個豬軟骨，味道又真係幾唔錯

住係港島既人， 緊係要支持返港島既餐廳， 今次去左大坑既拉麵來， 對上食果次都有兩年前， 難得今晚有fd 陪食， 一於去返check 🤤我簡左濃厚魚介豚骨湯麵， 同埋加多個餃子，本身對餃子類既好有興趣，基本上去親邊一間既拉麵店都叫餃子一試， 奈何都係一般😭， 呢間亦同樣， 好難食到個底係脆口的， 唔通係定律！？濃厚魚介豚骨湯麵， 湯底夠濃又香，魚介味不會太濃同埋湯底唔會太"結", 剛剛好，值得一讚， 而叉燒就普普通通la, 不過不失， 另外麵底係幼身的， 比一般的還幼， 軟硬適中， 都唔錯， 整體係值得返check 多次🙂

✨中女獨食難肥日誌 ✨拉麵來 大坑美食大坑有許多出名的餐廳，馳名拉麵店也有兩間，掙扎完一番後決定吃拉麵來😋得獎拉麵喎，應該無伏🤔？值得一提餐廳全bar枱，很適合獨食😆激辛豚骨湯麵 $96打開餐牌，選擇困難症最後揀了激辛團骨拉麵，濃厚的豬骨湯底，麵是幼麵，選了硬麵，的確有口感！中間一大團火紅色辣肉碎其實不算太辣，大約譚仔三小辣🌶叉燒厚實大塊，好多木耳口感一流！略嫌近百元一碗拉麵卻不配溏心蛋😥但整體是中上level的拉麵！

北海道花咲蟹 蟹味噌雞白湯拉麵真係有啲難食 😩😩😩麵係ok 湯係ok 🙈但個蟹同成碗嘢都唔夾😿😹碗嘢一啲蟹味都無 😩😿蟹唔拆肉要自己拆😐搞到整損手😿 仲有啲蟹肉泥膠咁😩😩 又難咬又難拆 😐一啲蟹味都無之餘 又唔鮮甜又無味 🤢成碗嘢都FAIL 🤮🤮完全中伏🤢🤢🤢唯一可取係隻蛋 係溏心蛋 亦算幾好食以前成日會嚟食 但今次真係徹底嘅失望完全唔知食得邊樣先好 食蟹個麵又會腍哂 個湯又凍 食麵先 個蟹肉難拆又會跌返落啲湯到 但又勁ler hea 一邊食蟹一邊食麵都唔得啦 啲蟹殼狂拮到手 唉 真係好差呀呢個dish 做得P.S. 個蟹似係雪藏好耐 好唔新鮮 有陣雪味添

餐廳裝修有濃厚80年代復古風💈，讓人尤如置身於80-90年代。以手繪製作餐牌🎨，非常精緻✨，很有心思❤️！📍北海道花咲蟹·蟹味噌雞白湯拉麵（$178）✨餐牌上出現「人間限定！」的標題，就經已吸引草根一試！老實說，👩🏻👧🏻草根姐妹還是第一次吃蟹味拉麵🦀🍜。以蟹味噌雞白湯作為湯頭🥣，湯底果真帶有蟹味，不過雞湯味相對更濃，湯底稠密，油份少。拉麵配料有花咲蟹腳🦀、叉燒🐷、香荀、溏心玉子🥚及玉蔥絲🌿。花咲蟹腳一共四件，可惜蟹腳位置肉質較乾😭。反之，蟹身位置的肉質較為鮮甜👅。叉燒半肥半瘦🐷，口感柔潤，不錯。🥚溏心蛋中間黏稠，外面又有調味，好好吃👍🏻。香荀份量多，爽口新鮮。整體來說，🦀蟹肉拉麵不錯吃，但又未算有太大驚喜，價錢頗為進取 。📍熊本黑蒜油豚骨湯麵（$92）拉麵配料有叉燒2片、木耳、青蔥及紫菜，🐷叉燒肥瘦勻稱，半肥瘦的叉燒肉質軟滑，木耳十分爽口。值得一提的是木耳、青蔥和黃金炸蒜的份量相當慷慨，正！🍜拉麵幼細，口感幼滑，份量合理。🥣湯底不油膩，蒜香味濃郁🤤，口感較純厚，溫和舒服😌，多飲幾口湯也不會覺膩👌🏻。👩🏻👧🏻草根姐妹認為值得一試！📍自家製餃子（$38）Homemade Gyoza Dump

今日去左一間充滿日式風味嘅餐廳食晚飯，牆上貼滿日本動漫的海報，播嘅音樂都係節奏輕快嘅日本歌。海老拉麵起碼有三隻蝦，廚師好細心咁預先將蝦頭和殼去掉，剝剩蝦尾嘅殼，方便客人食用。尤其要讚個龍蝦湯底！呢個湯底同平時食開嘅唔同，平時龍蝦湯偏鹹，但呢隻唔同。蝦味好濃，超鮮味，食得出係用左好多隻蝦新鮮熬成嘅！濃稠，唔係溝水稀，見到d湯底掛喺d麵上面，真材實料！味道鮮甜。蝦湯底嘅鮮味挑起我嘅食慾，重忍唔住飲埋湯添！餃子皮薄餡靚，貼埋醋食一流！炭燒雞翼拌薯仔沙律上碟嘅時候唔止d雞翼熱，隻碟都好熱，令人一種新鮮即製嘅感覺，不錯！d雞翼蘸上蜜糖，好似食緊BBQ燒雞翼，正！隻雞翼預先去左骨，入面塞滿雞肉，外面睇漲卜卜，賣相可愛！薯仔沙律整成圓狀，白色睇落好似雲尼拿雪糕。個沙律係用左切粒嘅薯仔同薯蓉融合一齊，食落口感豐富，又食到軟嘅薯蓉又食到一粒粒嘅薯仔。免治雞軟骨串肉腍，面上塗上醬汁，d醬汁好香甜呀！呢款雞軟骨同平時食開果d唔同，平時果個d係一粒粒嘅，呢款就長方形。鹿兒島豬軟骨好香好入味，D骨好軟，唔使好大力咬就碎。野飲好多款，有好多都未見過，好新奇特別，例如：咖喱波子汽水同埋山葵姜味汽水。咖喱波子汽水飲落

今日在銅鑼灣找完朋友之後想吃日本料理，來到位於浣紗街的拉麵來。位置有一點點偏僻，但由於舖面裝潢設計獨特，所以很容易一眼認出。裝修是濃厚的日本風，好像到了日本一樣。我們叫了一碗激辛豚骨拉麵，原味豚骨拉麵，免治雞軟骨串，餃子，蘋果梳打和雞翼配沙律。我覺得免治雞軟骨串和餃子真的是MVP!免治雞軟骨串的醬汁超配，肉質爽口。餃子餡料多，煎得恰好。加上拉麵麵質是幼麵，爽口彈牙，而且都超常足料。拉麵來採用日本風格的半開放式廚房，在客人面前烹調食物，全程都可以觀察廚師煮食過程，令我感到安心不了。雖然店舖面積比較少，而且洗手間要走一段路，但環境整潔，比較清幽舒服，加上價錢偏向大眾化，不會覺得特別貴，值得再來。

好久沒有去天后吃飯了，走著走著，發現原來還有拉麵店，這家我在旺角吃過。早到早享受，今晚不用排隊就立馬進去了。地道日式拉麵店格局。OMG，人間限定！Hitachino beer white ($42)係白愛爾蘭啤酒，少少地都可以一支share兩人飲。北海道花咲蟹蟹味噌雞白湯拉麵($178)配料豐富，賣相吸引，有花咲蟹腳、叉燒、香荀、溏心玉子及玉葱絲，蟹份量也不少，溏心玉子半溶狀態更是完美示範，超滿足。用上蟹味噌雞白湯，味道不會太重，拉麵爽口，唔會稔哂。免治雞軟骨串($34/2串)都幾大條，雞軟骨脆卜卜，口感不錯，可以燒得乾身少少，或少d醬汁。極上海老吟釀湯麵($104)蝦球新鮮彈牙，而且已剝殼，方便食用。湯頭用日本甜蝦、海虎蝦、蝦味噌及日本清酒烹調煮成，蝦味相當鮮甜濃郁，真係有幾分酒味，非常有特色！拉麵夾京葱和紫菜粉食，可平衡返湯頭味道，令到口感清爽。炭燒雞翼拌薯仔沙律($39)，無骨雞翼入滿餡料，多汁美味，唯炭燒味要加強。

本身唔係拉麵愛好者 甘岩陪朋友食 朋友叫左一碗魚介豚骨拉麵 我喊左極上海老吟釀拉麵 本來以為會平平無奇 點知好有驚喜 湯底超濃郁 偏杰身 蝦鮮味亦好出 感覺真係用左好多心機去煮 湯入面有兩隻大蝦 味道不過不失 麵軟硬度剛剛好 上麵時仲撒上椒鹽 令湯底更有層次 朋友個碗試左幾啖 湯底一樣好濃郁 柴魚香味 一樣偏杰身 但係唔會感覺好油膩 有啲濃縮精華既感覺 叉燒好肥 圍住一大圈都係肥肉 但唔算特別香口 仲喊左份免治雞肉串燒 個照燒汁幾好味 可能第一次食免治雞肉 覺得口感好神奇 每一啖都有雞軟骨碎既口感 不過我個人就唔係話太喜歡 但可以一試 鋪頭裝修好有味道 氣氛幾好復古懷舊風 坐得唔算特別舒服 高腳凳 入面好細 應該坐五組客人就滿 平日晚上七點半左右去食就沒咩人 八點開始陸陸續續多客人

日本🇯🇵拉麵🍜今日好耐冇揼低老婆自己出去同老死行街😆，今日過左海周圍行下。差吾多晚飯時間，又係時候搵食，咁朋友就推介係大坑一間出名既拉麵🍜（旺角都有分店，但朋友講大坑果間好食D)咁我地就由銅鑼灣行過去🚶🏻‍♂️（都好遠下）餐廳環境都好有日本拉麵店feel叫左湯底濃，同麵質硬，拉麵來到聞起來香噴噴食落好食湯底一流，平時都少飲拉麵D湯，今次都飲左大半碗湯麵都好食，整個拉麵做得好出色下次來帶老婆👱🏻‍♀️來try try

極上海老吟釀湯麵$104 （另加荀片）今日去到大坑嗰間<拉麵來>, 拉麵來絕對係信心嘅保證，見到招牌就知道佢嘅水準唔會令人失望，之前去幾次都係食佢哋普通嘅拉麵，今次就叫咗一碗特別啲，價錢亦貴少少嘅拉麵🍜極上海老吟釀湯麵$104，加荀片。餐單上寫佢哋嘅激濃厚湯底，係由日本甜蝦、海虎蝦，蝦味噌同埋日本清酒烹調而成，真係好期待。一上枱，香噴噴好濃郁嘅香味，即刻試飲一啖湯底，香濃鮮甜，上面嘅放咗海蝦球，整碗都令我個口腔充滿咗滿滿嘅海鮮味，令我依個喜歡食海鮮嘅人感到10分滿足，當然不能錯過佢哋嘅拉麵，我選擇咗偏軟，亦可以在點菜嘅時候選擇要適中或者要較硬。佢哋亦有各種唔同嘅日式飲品，我掙扎左好耐究竟飲酒定汽水呢，結果我見到有一支綠茶可樂，以我呢個又鍾意飲綠茶又鍾意飲可樂嘅人，當然要一試啦。味道亦都令我好滿意，保留左可樂嘅味道，但係餘𩐳又有少少綠茶嘅香氣。拉麵好啱我，熱呼呼的冷冷天，飽飽地食滿足，我真係想大叫一句好幸福啊。 #kanaka獨食 系列- [ ] 獨食氣氛：好- [ ] 獨食配合：全bar 枱免尷尬- [ ] 獨食份量：一碗麵的份量剛剛好- [ ] 獨食價錢：價錢有平有貴

收工後同友人又係大坑個頭學完車，超肚餓！見到附近有間細細地食拉麵🍜晚店舖，見到咁夜都有人食緊，所以就黎品嚐一下拉麵🍜既滋味！店員比左個menu我地睇，佢推薦我地食佢地期間限定既拉麵🍜：熔岩白松露豚骨沾麵（石鍋內充滿住超熱辣辣既湯，之後趁熱放拉麵同豚骨落個熱鍋度，又有多既蘑菇仔，好香既白松露味道，拉麵好爽滑，最正就係個湯底，好香濃又唔會太張住個口，豚骨肉好唸身，讚👍！）及熔岩味噌豚骨湯拉麵🍜（湯底好濃郁，味噌味唔會太咸，拉麵都一樣爽滑，好多粟米同蘑菇仔，我就另加左芝麻粒更加香口，豚骨也一樣唸身，食到最尾拉麵也一樣熱，熱鍋保持住拉麵既溫度！），再叫左自家製餃子，皮薄肉香多汁，點埋個醬汁更好味！另外個鹿兒島豬軟骨配芥辣原來都幾match,豬軟骨味道剛好，肉質超唸！再飲埋個綠茶味🍵汽水，而友人就叫左Asahi beer,仿似置身左係日本既居酒屋🏮！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

holymoly那個湯底真的wow wow oh晒mouth😲😲呢個湯底令我覺得自己好似啜咗二百隻蝦嘅腦漿啦蟹膏同精華落肚咁🦐🦐😂😂嗰種濃郁同鮮味嘅程度你感唔感受倒🤔🤔就咁飲晒成會湯都幾大件事 所以裏面加入咗清酒 掉味之餘仲消一消啲膩ness👍🏻👍🏻麵質同啲蝦就冇乜特別😚😚旁邊嗰兩條qq的是濕潤的糯米 有重味嘅明太子醬 好惹味 can try can try😌😌味道：7.5/10拉麵來極上海老吟釀湯麵$104明太子糯米壽司$32📍大坑