成都老碼頭火鍋 (已結業)

其實係睇到bloggers推介先黎，但食完有少少失望。佢位置都算易搵既，喺旺角A出口行十分鐘內會到，係熱左少少。鋪面幾大，裝修嘗試有心思但唔係特別靚。menu得前後兩版，湯底選擇少，仲要有兩款係冇lol揀左鴛鴦湯底，內紅外白，小辣。食完淨係覺得好油，唔好飲啲湯。兩款肉都非常一般。雪花肥牛叫全份都係得勁少，仲要好薄切，食落完全冇肉味，應該雪左幾耐下😅 五花肉同樣薄切，同樣冇咩肉味，仲以為五花肉會比較香添......芝士丸算係最好食，起碼芝士係流心。餃都幾難食。有餡但冇味的，唔好叫。好在呢度服務唔錯，頻頻同你加湯。但啲火鍋料好細碟，唔太抵食。

有冇試過食🌶辣野然後咳到以為自己要死??? 我尋晚黎成都老碼頭火鍋就有呢個感覺‼️ 尋晚黎左堪稱「成都第一」既老碼頭火鍋打邊爐，果然係名不虛傳！我叫左成都小辣既白湯+紅湯湯底($158) ，飲第一啖都已經辣到標哂眼水咳到甩肺😂😂 中意食辣既人一定要黎挑下佢機🌶🌶🌶我地兩個人唔係食到好多野，當中雪花肥牛、芝士黃金丸同響鈴都好正！肥牛脂肪分配得好靚，食落亦冇比麻辣湯搶哂味，肉味幾香。兩種餃都係叫左半份，得5、6粒有啲少😂 好彩韮菜味好香，餡夠多！響鈴係我食過咁多間最大碌既😂 浸到半腍半脆咁食真係超正🤤🤤🤤同大陸一樣，醬料要另外加錢。不過每人$28包埋任食水果都算抵既👌🏻 最後兩個人飽到死，埋單$711，唔錯唔錯。

新開的店位於街嘅轉角落，好神奇嘅一點就係當我過緊馬路嗰陣時候已經聞到好濃烈嘅麻辣火鍋香味，未睇到已經可以估到佢係食麻辣火鍋。平時食麻辣火鍋其實好驚佢上面嗰層油好多，跟住之後落啲嘢食落去就吸晒啲油令到個人會好肥，今次一坐落嚟見到呢一個湯底完全就係我最驚果樣野，但係估唔到呢種油同我平時食開嘅不同，就算全舊油都唔會覺得膩，反而覺得香。頭盤梗係牛肉bb喇，環球牛魔王拼盤入邊有四至五種唔同嘅牛，有我最鍾意食嘅牛頸脊，亦會有薄片嘅牛，仲會有牛肉粒等等。每一種唔同嘅樓都會有唔同嘅味道，唔同嘅口感，適合咁多個唔同嘅口味嘅人。今日全台叫咗超過40款嘢食，我覺得最值得推介嘅就係一個菊花牛鞭，因為我哋叫太多嘢食嘅關係，每一樣野我哋都其實唔知佢係乜嘢嚟，咁當然除咗啲好熟悉嘅喇。我哋初頭以為佢係牛筋，有幾個朋友食咗佢之後都覺得非常之好食，就想問下呢個係乜嘢估唔到佢係牛鞭。平時怕怕醜醜唔敢食，但係今次就一次過全部人都食晒落肚，仲要覺得好好食添。另外佢嘅即炸響鈴亦都十分之唔錯，係新鮮炸出嚟嘅，拎出嚟熱辣辣，而且唔會非常之油膩。除咗火鍋食品之外，我覺得最好嘅就係生果係免費任食，所以你唔一定要去到食完野先至食了，途中如

早兩日同班好朋友打完兩個鐘頭羽毛球成九點鐘, 大家都有啲肚餓又想搵個地方坐得耐啲食下嘢傾下偈, 有朋友提議不如系附近打個邊爐… 於是就喺附近塘尾道搵咗一間試業中嘅火鍋店 "老碼頭"聽聞全日有八五折, 十點半後仲有七五折, 大家都打完波當然要食返一餐好嘅！到火鍋店後就見到環境舒適兼且冷氣十足但座無虛席... 等咗大約半個小時後, 店員就帶我哋入座, 睇真啲原來店鋪於2014年國內係火鍋領軍品牌, 2015年成為成都十大最紅火鍋！入座後就見每張火鍋枱都成正方形, 火鍋爐就設置於中間, 爐面仲有鋪頭名字"老碼頭"同配被一個大銅鍋做盛器很具特色... 當我攞起餐單一看, 就見到好多來自日本嘅A4鮮牛肉, 包括: 牛肩胛同牛頸脊又有澳洲牛柳粒, 又有豬雞羊肉食添。雖然啲牛肉好新鮮好好味, 但係我就覺得分量少咗啲... 仲有矜貴嘅帝皇蟹柳, 手工丸子拼盤, 好味嘅珊瑚蚌, 好有特色嘅魚鰾兼且又好多蔬菜類嘅食物, 例如: 手工韭菜餃, 秋葵, 金菇, 冬菇又有我最鍾意食嘅炸響鈴及魚腐。飲品方面又有王老吉, 鮮竹蔗水同埋鮮榨橙汁, 等等... 我哋坐低食咗兩三個鐘頭, 埋單八五折後差唔多千六蚊五個人分

朋友極力推介我們去吃這個由成都開過來的四川火鍋，我們駕車過來，附近都有咪錶，停車場，位置不太難找，因為門面掛着巨型牌匾很易看到。餐廳設計頗具特色，古色古香建築，四方的桌子，座位坐得舒適我們點了骨湯，用了鍋製大鍋，好有氣派，骨湯湯底濃郁，食物未到，已偷偷喝了兩碗，最緊要喝完不口渴。我們點了蘿蔔，竹笙，即炸響鈴，鮮蝦雲吞，魚皮餃，珊瑚蚌，墨魚仔，手工芝士墨魚丸，澳洲雪花肥牛，杞子龍眼菊花蜜。鮮蝦雲吞，魚皮餃皮薄餡靚，珊瑚蚌，墨魚仔海鮮新鮮，手工芝士墨魚丸，手工做的，爽口彈牙，淡淡的芝士味，澳洲雪花肥牛，口感嫩滑。來一渣杞子龍眼菊花蜜清清熱，菊花龍眼好足料，最後我地食晒龍眼，好甜呀。餐廳在大門前有部自動除臭機，只需7秒就可為客人去除異味。

今日約了一班老友記打羽毛球，打完之後大家再打邊爐，本身book左9:30，去到已經見到人山人海，因為之前的食客未走所以仲要等，等左大約半個鐘終於可以就坐。我地因為大家都唔食辣所以叫左豬骨湯，湯底都幾豐富，入面仲有冬菇同火腿呢個來自日本的牛頸脊和牛$198有6片，認真有土豪的感覺，大大盆，用來影相都值回票價，睇一睇油脂分佈都幾好，食落有種入口即溶的感覺另一碟就係日本的牛肩胛，食落口感是比較爽之後介紹的呢個手打4寶丸真係必點，每一粒都非常爽口同有特色睇下個墨丸入面d芝士幾豐富，喜愛芝士既朋友萬勿錯過而至於呢個即炸響鈴食落真係好脆，即刻番點多一個呢個干貢菜真係好特別，第一次食，好爽口點的2個飲品都幾特別，睇下入面d材料幾豐富再行到入廁所真係好有宮廷feel水果任食，真係好貼心最後離開前要吹7秒，香噴噴咁離開

一個中意食辣既人，係一年四季都咁想食，夏天辣到出晒汗，一個字: 熱血！今次就介紹下內地有近百間分店既麻辣火鍋店啦.成都老碼頭火鍋早喺5月既時候佢地已經開始試業，試業其間都坐無虛席，今日7月5號就正式營業啦，想食記得要訂枱啦。_____________________🍲湯底黎得老碼頭都係食辣架啦，湯底絕對建議揀鴛鴦，外紅油內骨湯。紅油即係麻辣湯底，牛油味好香，但唔會過濃，有陣陣麻香，但唔會太強。.中辣都已經幾辣下，不過食得辣既朋友仔可以挑戰下大辣。.介紹完個湯底一定要介紹埋佢個麻油，唔好以為個湯底都夠晒油啦，做咩重要麻油？事關麻油除左香之外，其實係解辣㗎。下次試下淥片肉，夾起之後成塊浸入麻油先再食，你就明㗎啦.🔹碼頭必點打開menu第一版，全部都係碼頭重點推介，我地鍾意食啲爽口野，點左🐥極品鵝腸，脆脆豬黃喉同埋🐣脆口鴨郡把.鵝腸剩係個擺盤都值回票價😂menu上面有建議大家淥幾耐，我就建議大家鵝腸可以淥多幾秒，更爽口更脆!!大推！.🍖肉類肉類黎講，真係好多選擇，我地點左幾款都唔錯🔹瘋狂辣牛肉推薦好食得辣既朋友仔，重辣過個湯底🔹蒙古羊肉好嫩又唔羶，份量都唔少，好食🔹耗兒魚真係未聽過，乖乖跟指

網上看到這間成都老碼頭是由成都開過來，在當地是相當出名，所以今次同朋友來食這個四川火鍋。看到門口已感覺好有中國古式古香味道，店內裝潢有中國風的氣息，座位寬敞。四川火鍋是出名麻辣，因有小朋友所以我們點了骨湯，骨湯材料好足，湯底好鮮甜。香油搭配蒜泥食用，也可加點葱花香菜。食物種類多樣化，牛都有多款選擇，而且還有半份全份選擇。手工芝士墨魚丸-墨魚丸爽口彈牙，裡面有熱騰騰的芝士，有少少爆醬。蘿蔔-吸晒湯味，超好味魚皮餃-肉汁皮薄墨魚仔-新鮮有嚼勁響鈴-必點澳洲雪花肥牛-肉質嫩滑杞子龍眼菊花蜜-能清熱明目安神，而且還有很多粒龍眼，龍眼好甜。試業期間，全日85折，好抵食呢，而且服務態度超級好👍🏽👍🏽👍🏽👍🏽👍🏽

今日呢間成都老碼頭火鍋正式開業啦！🎊🎊呢間火鍋老店喺內地過百間分店，都係人氣火鍋店之一！🔥首先我哋叫咗個鴛鴦湯底(外紅油+內骨湯$158)，辣嗰個湯底真係又香又麻個味道超鍾意，而入面個骨湯底亦都有好濃郁嘅骨湯味，就算唔食得辣都唔使怕👍🏻因為只有兩個人食嘅關係，所以每樣火鍋配料都係叫半份，咩都可以試吓☺️ 叫咗半份極品鵝腸($88)、日本A4和牛牛頸脊($198)、日本A4和牛牛肩胛($198)、澳洲雪花肥牛($82)、瘋狂辣牛肉($68)、手工芝士墨魚丸($62)、手工韭菜餃($38)同蛋餃($32)等等，全部配料都非常之新鮮，最鍾意就係佢個和牛牛頸脊，牛味濃郁而且入口即溶，真係好好味🤤黎到一定必食！ 每位加28蚊有無限醬油同水果供應仲有呢隻老牌椰子汁🤣整體黎講呢間麻辣火鍋質素中上，新張期間只要19:30前離座同21:30後入座即享68折，圍返埋係超抵食，值得一試👌🏻👍🏻

早兩個星期，跟朋友來個麻辣火鍋聚會，這次朋友選了旺角新開的成都老碼頭火鍋。餐牌有大量配料，有肉類、丸類、餃類等等。湯底選了鴛鴦鍋，外骨湯+內紅油，紅油的辣度滿強，喜歡辣的人不要錯過。炸午餐肉不知是不是很久沒有吃午餐肉，覺得午餐很好吃，炸得很香脆可口。A4和牛牛頸脊色澤不錯，肉質十分嫰滑、新鮮，個人感覺份量多一點更佳。功夫萵筍片&功夫土豆片每次吃麻辣火鍋都必點功夫萵筍片及土豆片，薄薄的一片，吃起來相當爽身，放落紅油鍋裡，吃起來更添風味。台灣墨汁腸口感不錯，略帶一點墨魚的香味。桂花酸梅湯感覺辣的時候，喝一喝酸梅湯解解辣。

最近很愛跟朋友們來個深圳一日遊 朋友得知這裡開了新的成都火鍋店，也特意找一晚過來試一下店內環境開揚，坐位舒適寬敞但抽風系統有待加強食物種類選擇多可選半份/全份湯底點了外面肉骨湯＋內紅油(小辣)奶白色的骨湯我們一致覺得咸了點，也不明白為何會有火腿絲紅油湯底麻度不強，只有辣味 湯頭味道可以再加善一點炸牛餐肉當作餐前小食還是打邊爐料也是相當不錯吃起來香口土豆片/萵笋片一片片切成薄片放在碟上，形成花球般能把湯中精華完全地吸收日本A4牛頸脊(半份)半份只有五片左右 切得厚薄適中，肉質有彈性蛋餃簡單的蛋餃就是好吃沒有啤酒，只好叫杞子龍眼菊花蜜沒有過甜，清甜而解喝值得一試旺角塘尾道61號地舖

食物質素非常差，甚麼日本和牛？牛肉邊位開始瘀黑而且一夾起便自動分裂，未入口巳即溶，骨湯湯底淡而冇味，只見好多火腿在漂浮一粒骨都唔見，問過店員佢話成都火鍋係咁，唔似香港嘅豬骨湯底咁濃，麻辣湯底唔麻但有好多薑片，係咪又係成都特式? 待應要叫幾次才有水及醬料，唯一最好係生果，地點也算方便，裝修中國風格，不過卡位坐得唔舒服，衛生真係麻麻地，食完呢餐火鍋因為食物質素差唔想再叫嘢食，未食完就想走，未飽就離開了。

尋晚朋友好想打邊爐， 知道塘尾道有間新開張的成都火鍋， 於是就去試試！ 去到發現四周環境好特別， 古式古香！ 枱亦比較特別是方形枱，能夠使大家親密的閒談。我地選了不辣的湯底， 點了最喜歡的响鈴，啲肥牛超新鮮， 我最鐘意食菜，呢到有好多特別的菜款比我選擇例如：秋葵、 干貢菜好多款式！ 服務又好！ 下次要試下個成都辣鍋先！

拿拿。。。。叫得為食貓🐱既我，朋友叫到飯聚，當然病都5理三七廿一照去啦！ 🤣🤣 安慰自己: 其實都係食灼菜姐，5熱氣既🤪 如是者，天使👼🏻就梗係輸俾😈既，定律黎架嘛？好啦，去到都少少土豪feel，話曬都係內地大集團係香港既第一間分店，入門就見到個小型噴水池⛲️ 寓意風生水起？ 非常民主既我(其實係被強逼既)就order左皇帝菜，干貢菜同西瓜汁🍉 (病人恩物？🙄) 而識食既朋友們嗌左牛頸脊同和牛、桂花蚌、生魚卜、魚腐、四寶丸等等。。。招牌牛頸脊同和牛就真係一級棒不過幾百就得6片一碟認真土豪😂 近門口有部一米八左右既Machine，聲稱打完邊爐之後按掣7秒，就可以去除身上既邊爐味啊！係5係真架呢？ 一於去試下，原來係有三個噴咀往身上噴氣，完左聞一聞，係有少少香既，估計係香薰咁上下既物體不過，呢個可算一個gimmick 又氹到人幾開心😃

之前聽過海底撈在國內好出名，而成都老碼頭亦有百多間分店，一向喜歡食川辣湯底，知道最近在旺角開了全港第一店，於是就去試試。食物種類多樣化，蔬菜點了金菇、准山、冬瓜，吸收了豬骨湯底的濃香滋味；肉類點了牛肩胛，很嫩很軟，亦點了日本A5牛頸瘠，肉鮮嫩，只需在湯底拖6秒，已經剛好，略帶粉紅的牛肉最吸引。牛柏葉很大盤，抵食，非常爽口。蝦丸是新鮮手打，爽口彈牙。平時食部隊鍋特別喜歡點午餐肉，所以打邊爐一定會點，煎得香脆可口。