成都老碼頭火鍋 (已結業)

一早book好位。用餐當日餐廳會再打黎confirm，book左7:30pm餐廳滿座，冇人等位🤔入座時，朋友冇聽到侍應話有冇限時我地點左外紅內白，成都小辣仲有蕃茄湯，但當晚冇得配鴛鴦食材全部冇影相，因為我地5個人坐4人枱完全放唔到食材，食材都放喺木頭車仔度食材：鴨血 鴨胗 鴨腸草原毛肚 牛肚 黃喉prime手切牛肉 牛面珠登 普通雪花肥牛一級豬腩肉 珊瑚蚌雞件 帝皇蟹柳韮菜餃 西洋菜餃炸響鈴 炸魚皮 公仔麵食材中規中矩，冇咩大驚喜，大部份都叫半份飲品方面，叫左一渣 杞子菊花龍眼蜜 $685個人，一人一杯就冇喇最後一人叫一罐飲品，$18起標好似有8折，埋單$1807，價錢ok啦呢間過江龍火鍋冇乜驚喜，不過最驚喜係生果任食！！！無限醬料、生果收費$28！另外，鋪頭新淨，枱面乾淨冇污漬唯獨洗手間衛生較差，冇水沖廁周地水漬，又冇貼告示

知道成都老碼頭在香港開了第一間分店，一定要試試。成都老碼頭在國內好出名，有百多間分店，雖然沒有海底撈咁多人認識，不過一直想試試。 食店的裝修很古雅，由燈飾到擺設都一絲不苟，食店亦很大，每張枱之間有很多空間，朋友聚會大聲一點也不會嘈到其他食客。在海底方面，選了豬骨海底，湯底濃，中間亦有辣湯底，那就是成都著名的辣湯底，雖然有很多辣椒，但食落不會只有辣味，反而是帶有不同層次的辣香，因為還有其他香料，令整個湯底都倍添滋味。在食物方面，我點選了肥牛，份量多，肉鮮嫩。肉丸都是鮮打的，很彈，口感爽。我比較偏好蔬菜，點選了萵筍、冬瓜片、淮山等，全部吸收了豬骨湯後都提鮮了。

愛麻辣火鍋的你一定對呢間成都來的老碼頭火鍋不陌生,系中國分店多不勝數,海外香港第一店位於旺角塘尾道,附近有幾個室內停車場,距離旺角地鐵站都唔遠。環境開揚坐位舒適寬敞,門口右邊有個等位區,有部好特別的(除味機),禁個制有陣陣香氣噴出,站在機前7秒能去除油煙味!我地6大1少,有Baby chair提供,先選湯底,辣味分別有香港的小辣,成都原味的小辣,中辣,大辣.唔辣的湯底有骨湯同蕃茄湯。由於家人唔太食得辣,我地揀左外骨湯＋內紅油,無渣火鍋,系製作後隔去所有渣,不會在運送過程中因浸太耐而影響湯底味道,變得太濃太咸等等,所以運到店鋪後再加入花椒,辣椒等等,成都原味小辣比一般麻辣微微辣一點,呢個辣味我地好中意,最欣賞系有別一般的麻辣火鍋~唔會過濃過咸,食到材料既鮮味又嚐到刺激既麻辣香鮮!奶白色的骨湯有冬菇片,京蔥,薑片,杞子,好鮮甜,食前可淺嚐一點湯底!高原雪花繡球菌,10-30秒就食得,賣相似足雪耳,食落又爽又滑,吸湯汁一流。鴨血無怪味,放落辣湯底超正,滾左好耐都仲咁滑口!炸午餐肉,炸至6面已經非常香脆,放落湯底稍微焯一焯就食得喇。手工龍蝦肉蝦丸,一睇就知系正野真材實料,粒粒晶瑩剔透,渾圓大粒

不知道有沒有人和我一樣，喜歡吃辣但偶爾就有那麼偶爾地想要享受一鍋沒有辣的成都火鍋？我就是這麼奇葩啦，加上今天有點小感冒，所以就決定不作踐自己了；可是一早就決定了今天要吃火鍋了！所以還是捉老公和我一起挑戰﹣清淡版的成都火鍋!成都老碼頭不止名字很有噱頭，店內裝修也是很有看透呢！因為還在試營業的期間所以很幸運地 有 優 惠 啊 ！餐桌擺設就跟中國皇族用膳一般，皇味十足打開桌面的《聖旨》（其實是菜單啦）十分霸氣服務員的服務態度，真的有一度讓我覺得真的就是皇室享受（真的沒有誇張啦）今天就是特地捉老公和我一起挑戰﹣清淡版的成都火鍋!當然 請放心 老碼頭怎麼可能少了招牌成都原味辣湯底而且很貼心地有分地區和大中小辣可選骨湯湯底 ＄88湯頭看似清淡卻很有熬製骨頭的香氣，搭配著湯底原有的蔥薑把多餘的腥味去除，留下的就是清甜的湯頭特別推薦﹣西班牙黑毛豬腩肉 ＄86（半份）每一片豬腩肉瘦肉和脂肪分佈3比1中間的筋鑲這晶瑩剔透的優質的油脂，涮完後爽脆爽脆的口感，讓我忍不住兩三口就吃光了但為了品嘗多一點不同的食物所以也沒追加了鴨腸 ＄68 （半份）我真的超愛鵝腸，鴨腸還是第一次吃！比起鵝腸，鴨腸還要來得薄透清爽一

近年麻辣火鍋興起，梗有一家係左近，在內地近有百間分店的成都老碼頭，最近插旗於香港。大部分食材從內地運來，例如湯底香油、調味料、辣椒、耗兒魚等。但我最估唔到連整潔程度同服務都跟足內地文化🤬🤬🤬！呢間野真係好污糟，打邊爐個’西’換左2次都仲係有痴上一手d野痴住，用紙巾抺出黎係黑黑黃黃，所以我地索性唔用！d杯又有污積，所有野好似無洗過咁，勁唔衛生！仲要個湯底等左成20分鐘要催先醒覺咁款，又漏單，成間野ᴅ員工無服務可言，好似唔想撈咁！叫佢拎紙巾可以係黑面掉係張檯！D野食又唔掂，叫三罐可樂三罐都係熱嘅🙃，叫佢地拎冰黎都可以叫三次！呢度無野快，叫埋單拎張單黎最快！🤬🤬🤬我以後一定唔會再黎！如果大家想貼錢買難受嘅話就悉隨尊便🙃ᴘ.s.所謂嘅A4和牛係咩質素請大家自行睇相判斷🙃

門店設計夠特色，內裹陳局都ok，分間就當然冇其他地區甘好。有部除味機比人食完噴兩噴。有個等位區，方便早到同等位既人。野食方面種類都夠，應該有既都有。 牛肉新鮮。 雞鴨似係冰既（但香港食新鮮都冇乜味）。 其實湯底又五係太辛辣，香味比想像中低，湯入面料比較少（五似係煮出呢）。企係度等位時較攻鼻，所以扣分。有叫到雞子， 夠甜夠新鮮。 場內提供野飲主要係汽水果汁。令我留下印象既係個場個package, 野食方面冇太大深刻印象。場內比較凍，食住火鍋都比較凍。 汁既佐料選配五多。

一入到黎裝修好靚 古色古香但一食就失望 已經叫左中辣個湯底吾香冇味。又吾辣 又吾麻真係o 哂咀。食中間個清湯仲好味過麻辣但配料都新鮮。但麻辣火鍋真係最緊要湯底* 土豆粉有驚喜*

湯底，成都原味中辣，香、麻不足，辣度有餘，味道亦較純粹，沒什麼複雜性和深度。個人對「正宗」/「道地」的程度有保留。日本A什麼的牛頸脊還是牛肩胛，還是其他牛肉，都沒什麼關係，因為都是削得比紙巾還薄，全份也只得幾著筷，實在沒什麼味道吃得出來，薄如絲也沒什麼原來的肉質口感可言。毛肚亦有類似問題，份量少得吃不到什麼味道和特色也不怎樣沾湯。瘋狂辣牛肉，對它的辣沒懷疑，不過並不很瘋狂的辣，反而是肉質已醃至完全鬆散瓦解，實在是牛肉還是什麼肉都沒關係，口感非常不討好。旦餃和龍蝦肉蝦丸不俗，但也不怎樣優秀。鮮魷、魚腐和炸魚皮都相當一般。收零晨三點，晚上九時半已沒凍豆腐是ok嗎？千張和蜀南笋片王合格，頗沾湯。那所謂七秒吹風除味的機器，只是兩個噴嘴，相當俗的洗手梘液、濕紙巾的氣味。店鋪表面上是內地式的華麗裝修，看真細節其實省略很大，相當簡陋。和當日內地全聚德來港開店那種完全一樣甚至更優化的裝修裝置，是兩回事。總結，一人赴會，消費千七，非常一般，不甚抵食，一試無妨，不試也罷。

我最愛打邊爐，試過好多間麻辣火鍋，但今次真係一試愛上，因為平時果D麻辣火鍋太多香料係個底，每次撈起食物都好麻煩，而且呢個成都辣又香又夠味，食材又新鮮，好多野都係第一次食，員工服務又好，一定會介紹朋友試👍🏻👍🏻👍🏻

食物貴，份量小，冷氣不足！肥牛半份得8塊，牛丸半份得4粒，$138一份牛舌得紙咁8塊，沒有酒水供應，4人食宵夜10:30入坐打個75拆要$855，你夠胆就去做傻仔啦！

利申: 首先講左先，我本人係未去過成都，因為我食呢間餐廳之前，係OpenRicx 見到有4-5号師兄姊，話呢間好有四川口味，又有D話好有成都口味，又有D話呢間野口味真獨特。食後感: 雖然我唔係一個“ 烚下烚下”既精英，不過，我絕對唔係第一次食麻辣火鍋。食完之後，感覺係出事了，我小...有..咁...中伏了罪狀 1. 麻辣味方面: 睇雜誌話，依...喂...呢間野係四川好出名喎，我食完之後，咪就覺得係“死辣”，完全食唔到，先香，後麻，最後就係辣既感覺罪狀 2: 食物質素: 我既Order 有肉類，菜類，甜品，內臟，飲品等既食物，品質價錢係中上，食物質素係中下，因為有好多都係已成功解凍既食物，所以，結果就係唔新鮮3. 罪狀 3: 硬件問題: 經常送錯食物，所以，都送大家一個溫馨提示俾大家，必須check 單，無謂蝕底畀人啦4. Like 方面: 佢地個xxx龍眼凍飲係唔錯，主要係唔太甜，同埋佢地唯一既甜品，都可以試下，好似涼粉咁(不過係透明既)5. 員工方面: 態度ok la, 經常性“多謝晒”，“哎呀，唔好意思呀”，請留意，講既時候係無笑容，不過都幾搞鬼6. 地點方面: 我覺得可以接受，

一向鐘意食辣嘅我，喺成都食完麻辣火鍋後，個味道一直令我念念不忘但可以香港無一間個味道係相似的睇雜誌介紹，有一間話係成都老碼頭海外分店，講到好似好吸引咁，又姑且一試🤔試業第一天就急不及待落去食環境又幾舒服喎，d服務又好，店員好細心解釋唔同嘅辣度&食材試後報告:我食反喺成都食過果個味喇，正個湯底仲要唔油，食材又新鮮又收得夜，啱晒我呢d夜鬼一定會經常黎幫襯食得出係一間有誠意嘅店

作為四川麻辣愛好者，得知成都麻辣火鍋名店來香港開分店第一時間便訂了枱和太座去試一試。餐廳地點不算容易找，在塘尾道其實可以算是大角咀/旺角。裝修光猛乾淨，店員的服務態度非常好我們捨棄了鴛鴦鍋，點了一個全紅鍋 (中辣)，一上鍋已經辣香撲鼻，但絕不會像外面一些其他的麻辣鍋刺激眼睛和鼻。麻辣湯底一流辣度剛剛好！因為只有兩人不能點太多東西吃，但這裏很貼心，基本上所有食物的款式都能點半份，所以二至三人都可以來吃。點了很多不同的食物，全部都很新鮮，特別值得一提的是功夫土豆片，真的很好食，個人認為能是必食推介。後記: 這家店的門口安裝了一部除臭機，除臭機會噴灑清新香味在你身上，幾好玩。可惜作用不大。在這家店吃火鍋，請為你身上的衣服作好犧牲 (掛上大量麻辣火鍋味) 的準備。

一萬尺的成都老碼頭火鍋！又辣又好味又特別！很久沒有食咁多，一出門口，有飽到想嘔的感覺！！我叫鴛鴦湯底（成都小辣湯底同豬骨湯底），雖然只是要小辣，一路食一路辣頭痕一路覺得好刺激！（可能我同朋友都不是辣辣人）！日本和牛牛肩脊十分好味，可惜份量比較少！還有店之推介鵝腸也十分正！有很多食品都不是一般香港火鍋店有的！而店員十分之有禮貌，個個面帶笑容！其老闆還走過來問我們和其他人客意見！環境也不錯，老闆話樓上還在裝修，過一個月就開埋，到時有成萬尺和有幾間VIP房！價錢方面，因為我兩個人叫完又叫，每碟半份量，叫左十幾樣野食，所以就覺得有少少貴！不過，我十一點入坐，原來有消夜時段優惠（七折），好似係十點半後入座才有！（唔sure)！折完就覺得幾抵食！出門口時，發現有個七秒鐘除臭機器，用完可以幫你除去你衣服上的火鍋味！很貼心！！有乜唔好？我覺得如果揸車去就一流，四圍都可以泊車！如果坐港鐵去，由朗豪坊行過去都要成10分鐘，那就吊腳一點！

放工好攰唔想去咁遠食dinner於是近近地睇下旺角有咩食點知俾我地發現有間新開嘅火鍋店本身諗住食全紅(即係麻辣湯底)但當我地見到人地個個鍋咁紅好似好辣咁唔係好食得辣嘅我地轉左食”番茄湯底”估唔到又幾好味喎😋番茄🍅湯底好足料好濃郁就算加左湯都仲好濃配料方面都算幾多選擇食材都好新鮮(不過試業期間有好多嘢食都未有)▸第一次食”高原雪花繡球菌”賣相幾靚，白雪雪成朵花咁口感有點像雪耳，味道幾清索埋個🍅湯底，好正😋▸一見到”紫薯寬粉”已經😍賣相好似軟糖口感好煙韌q彈▸另外仲試左”澳洲和牛面珠墩”“手工芝士墨魚丸” “滑溜溜鴨血” “蛋餃”整體都不錯😊 試業期間仲有生果送同免加一添