成都老碼頭火鍋 (已結業)

今日呢間成都老碼頭火鍋正式開業啦！🎊🎊呢間火鍋老店喺內地過百間分店，都係人氣火鍋店之一！🔥首先我哋叫咗個鴛鴦湯底(外紅油+內骨湯$158)，辣嗰個湯底真係又香又麻個味道超鍾意，而入面個骨湯底亦都有好濃郁嘅骨湯味，就算唔食得辣都唔使怕👍🏻因為只有兩個人食嘅關係，所以每樣火鍋配料都係叫半份，咩都可以試吓☺️ 叫咗半份極品鵝腸($88)、日本A4和牛牛頸脊($198)、日本A4和牛牛肩胛($198)、澳洲雪花肥牛($82)、瘋狂辣牛肉($68)、手工芝士墨魚丸($62)、手工韭菜餃($38)同蛋餃($32)等等，全部配料都非常之新鮮，最鍾意就係佢個和牛牛頸脊，牛味濃郁而且入口即溶，真係好好味🤤黎到一定必食！ 每位加28蚊有無限醬油同水果供應仲有呢隻老牌椰子汁🤣整體黎講呢間麻辣火鍋質素中上，新張期間只要19:30前離座同21:30後入座即享68折，圍返埋係超抵食，值得一試👌🏻👍🏻