成都老碼頭火鍋 (已結業)

其實係睇到bloggers推介先黎，但食完有少少失望。佢位置都算易搵既，喺旺角A出口行十分鐘內會到，係熱左少少。鋪面幾大，裝修嘗試有心思但唔係特別靚。menu得前後兩版，湯底選擇少，仲要有兩款係冇lol揀左鴛鴦湯底，內紅外白，小辣。食完淨係覺得好油，唔好飲啲湯。兩款肉都非常一般。雪花肥牛叫全份都係得勁少，仲要好薄切，食落完全冇肉味，應該雪左幾耐下😅 五花肉同樣薄切，同樣冇咩肉味，仲以為五花肉會比較香添......芝士丸算係最好食，起碼芝士係流心。餃都幾難食。有餡但冇味的，唔好叫。好在呢度服務唔錯，頻頻同你加湯。但啲火鍋料好細碟，唔太抵食。