心夜來潮 (已易手) 新餐厅

想打冷？當然要去荃灣最出名的宵夜街，一搭入晚上七點，整條街都會有很多人在此「搵食」。經過見到心夜來潮裝修很特別，十分復古。當然非常適合我們這些偽文青。 小米餃 皮不算很薄，但一咬下去，十分爽脆。小米餃是由豬肉和魚乾粉製成，餡內有少量汁，所以非常好吃！ 炒蟶子 這道菜是我打冷時必叫的。蟶子新鮮，加上三色辣椒，夠惹味！ 炒菜芯 菜芯賣相一般，但是吃落口竟然不油膩，反而清脆爽口。

天氣轉涼，屋企人唔想煮飯話落街食。咁夜，落到去三陂坊。「心夜來潮」呢個名咁特別，迫左baba, mama一齊食！ 我要讚一讚個豬肚煲。一上枱嘅時候熱辣辣, 仲有好香嘅胡椒味。其實入面嘅豬肚份量都ok，豬肚好爽口好入味，我baba一個人都差唔多食哂成煲 very good~

今晚去咗荃灣三岥坊捃食，原來心夜來潮在荃灣開咗分店。店舖面積比旺角店大，牆身和旺角店一樣，但樓底高好多，闊很多。餐牌也轉了，食物款式比以前多咗，唔知係兩間店不同或是一樣呢?!菜茶 ~ 吃打冷吃得多, 好少會見到有菜茶。喜歡吃菜茶因為內裡有大量蔬菜，還有少量蝦米魷魚花生和脆米，有咁多菜在內感覺很健康!潮汕出名既手打牛肉丸，點都要嚐一嚐，比一般既彈牙 !白果胡椒豬肚湯~ 白果和豬肚量很足，味道不錯，我個人就喜歡多些黑胡椒，可以再辣些 !6點開始營業，未夠7點眼見已經座無虛席了小米餃 ~ 很喜歡，這個小米餃內裡雖然只是小點點肉，但重點在餃皮，帶點厚度吃落煙韌有點彈牙，推介 ! 豬油渣炒菜心- 豬油渣小時候嫲嫲和媽媽也好喜歡弄的，依在已好少地方可以吃到了.... 可以回味一下 !  起初以為豬油渣炒會好油膩，但出來的完全不油膩 捻麵猴 ~ 好多料，撈埋一齊食不錯 !醬鹵鴨 ~ 本來想吃醬鹵鵝，但是日沒有；最後試了鴨，比平時一般鹵水鵝濃味，喜歡重口味的不要錯過 !牛雜鍋內白蘿蔔勁多，相對牛雜量唔係咁多咋。牛腩/牛肚/牛筋也很入味，不過相比旺角店好像淡咗些少今次食咗咁多款野食 !

是夜來到荃灣同好姐妹食晚飯，因為已經去過旺角，今次就返友人來到新店。說實在位置不太好找，但鋪面闊落。 之前已經吃過所以今次一下就可以點菜。這裡比起隔壁好像靜了些，但本人覺得性價其實比高。 首先來了個小米餃，個人覺得是必點之一，沒什特別，但皮還挺煙un的，肉汁也飽滿。 一向點開醬醃蟹的我今天就一下懶惰的友人點了蝦。其實蒜味及醬油也十分入味，但是略嫌蝦有點小隻，若然是紅蝦或更大隻的蝦肯定冇得頂，但奈何汕頭有名的蝦種是河蝦，就是很小一隻，肉質很甜，殻很軟那種，不過這也不是河蝦，或者想營造那種效果吧 他們的牛丸是賣飛佛，但友人卻不太欣賞。牛丸真的很有牛味，真正手打，咬下去索一声，爽口彈牙還有肉汁，正宗潮州牛丸的功駕！ 這個是後加的下酒菜，也是友人和我一致覺得可以k掉100000碟的一道菜，名為牙韱雞。雞的肉質很嫩，而且有點味粉的味道，醃得很好，外面炸得很crunchy，簡直可以同韓國d炸雞硬碰！即使不下甜酸醬也十分夠味。這道用來配啤酒一流丫！ 最後一道是蟹，蟶子，蠔仔潮州粥！很大的一煲，而且海鮮新鮮甜口，粥底愈飲愈鮮甜！還有其他海鮮可供配搭，這個用來下醬醃海鮮十分棒！ 最後，來一瓶啤酒

呢間潮汕小菜最近係我環頭開分店，唔知係咪因為新開，再加上好多bloggers都有介紹過嘅關係(我都咁樣先知呢間餐廳lol )，真係有好多人等位 原本以為價錢都會貴，一打開餐牌，真係估唔到係幾親民和 ! 黑色封面嘅餐牌都好型格，而且餐廳仲好細心，差唔多每一道菜都有一小短文介紹，至啱我呢啲對潮州菜一啲認識都無嘅人 ~首先上枱嘅係呢個家常牙籤雞，用牙籤拮住雞肉之後，由米通粒做炸粉，所以非常脆身，不過略厭啲雞肉有啲薄，呢個潮式炸雞仲有連埋泰式酸辣醬，可以平衡下炸野嘅油膩感 跟住就要咗秘製黃燜豬手雞(半隻)，豬手同雞肉一齊燜，我都好似未見過呢個配搭，而半隻雞嘅份量都唔少，相信燜咗一段幾長嘅時間，所以雞肉非常軟身，細力一咬，就已經可以骨肉分離lol ，而豬手就保持到彈性嘅質感，吸收曬汁嘅精華，夠曬入味。用豬手同雞燜出黎嘅汁和，唔洗講都知會係幾正啦，所以忍唔住就嗌一碗白飯黎撈汁食 ~終於到咗今晚嘅主菜喇 ，就係潮汕膏蟹砂鍋粥(中)，係個鍋到撈一撈，就可以見到蟹蓋同巨型嘅蟹鉗，一鍋粥可以至少分到8碗。另外仲有一碟芫茜，俾你加落去個粥到調味，而我係芫茜控，所以我落咗好多係自

宜家天氣轉熱 但夜晚都涼涼哋💨💨食粥都唔覺熱 而且海鮮粥食極都唔厭🙄 🍴潮汕砂粥 配膏蟹 蝦 蟶子 $280好大煲粥😱 d煲得好棉 粥底味道幾好😋😋海鮮亦都好新鮮 但粥唔係好重海鮮味🤔 🍴香辣魚仔炒蜆 $68蜆炒得好香👃🏻👃🏻醬汁辣辣哋 刺激又惹味😝好多蜆好足料👍🏻 唔會得蜆殼冇蜆肉乾不過魚仔就唔太多喇🐟 🍴醬鹵鴨 $68鴨肉都幾入味🐤🐤🐤食落唔會太鹹又唔油膩😁

見呢間呢排HIT 所以一早就黎到...廢事等位...19:00就去到喇坐低睇下食乜野我就嗌左個巨形脆香手打魚蛋.堅大粒,,,雖然佢切開左..但其實都睇到份量係大...魚蛋好彈牙加爽口...食得到好重胡椒粉味..其實唔洗點佢比果個醬我都覺得好好味了..之後再嗌左個.鵝翼-36蚊呢個我本人覺得炆得幾入味..但畢竟36蚊..份量小都情有可源....但肉質唔會話好鞋身...其實呢個係值得試...再黎個鍋燒肉-48蚊嗯,,,呢個係幾樣菜入面...冇咁出色的一道...因為炸得比較油...同埋太多肥肉喇...但問番店員..店員話呢道菜係咁架...因為如果完全冇肥肉就唔好味...可能我唔太好肥豬肉啦....愛肥肉的你們可以試下...之後再嗌左個炒通菜這個很好吃..不太辣又不太油...岩哂食得太多肉之後再食...通菜唔會煮得太腍身....正

小公主都幾鍾意食潮州野所以好早之前就已經好想試心夜來潮不過唔知點解次次都就唔到時間去食咁岩今日約左朋友仔係荃灣食飯又咁岩心夜來潮原來開左新分店係荃灣咁就梗係要去試下啦心夜來潮個裝修好古色古香同三陂坊其他既食店好唔同唔單止裝修好靚連餐牌，餐具都係訂製，真係好有心思雖然呢到唔係食打冷不過啤酒都係唔小得既最得意既係呢到飲啤酒唔係用杯係好似古裝片咁用碗，即時勁有風味 哈哈正宗汕頭手打牛肉丸 $32一提到潮汕野，又點少得牛丸丫店主話d牛丸係由汕頭送過黎咬落去真係彈牙又有牛肉香雖然唔算好多肉汁，不過已經好食過平時果d正宗汕頭手打肉丸(煎) $32另外我地仲叫左個肉丸肉丸形狀不一，質地同平時食既差唔多但味道就好唔同唔知點解食果時我覺得有d腐乳味唔係唔好食，不過好似有d怪牙籤雞$26食第一啖我以為自己食緊薯餅真係好脆，好香而且係一口size，拎黎送酒真係一流鍋燒肉$48係出面未見過，所以試下食落好香南乳味，用黎送酒又係一流不過略嫌炸得乾左dd比較薄既位有少少柴皮農家肉末豆腐煲 $56朋友同我一樣咁鍾意食豆腐豆腐夠滑，但豆味唔太重個汁有少少辣辣地加埋d炒過既肉碎，好適合用黎撈飯蒜蓉辣椒炒通菜 $46通菜

早排經過荃灣三陂坊見到一間好多人食既潮汕菜餐廳，係香港好少食到潮汕菜同正宗既！忍唔住要入去試一試。。一入到去，店員熱情咁送上暖水同餐牌，餐牌既設計好特別！同埋設有一個飲菜嘆菜既優雅茶座，可以比客人拍照餐廳必點既菜色一定係潮汕沙鍋粥！有分大同小，我們只簡左小，因為可以留胃食其他野！160元的沙鍋粥可以有160既quota去簡配料，例如有排骨，雞肉，牛肉，鮑魚，蜆，蠔等等。。沙鍋粥到的時候我們都大吃一驚，原來份量可以足夠比3到4人食！ 蒜香炒通菜對住通菜迷既我又係必食之選！好入味！排骨好食！有啲似叉燒味，但肉質鮮嫩 仲有個蒸蛋，蛋蒸得好滑好滑，食落口感滑到唔知點形容，總之一個字，正！

三坡坊都幾多大排檔，行行吓見到呢間潮州嘢，比其他店舖乾淨，就決定今晚喺度解決。入到去同出邊嘅店舖係另一個世界，店內比一般大排檔整潔，木枱令人感覺帶點懷舊，又好有中國feel，食具亦有此店的名稱，另有一個茶坊比客人品茶。Menu製作精美，店內特色嘅菜都會有詳細嘅介紹，所以我哋都係揀啲推介既菜黎食。正宗汕頭手打牛肉丸 $36牛肉丸圓look look，咬落感覺好實在而且彈牙，因為牛肉丸好結實足料，而且入邊會有牛肉汁滲出，唔同出邊空心嘅牛肉丸，手打果然唔同啲。小米餃$22小米餃的皮煙煙韌韌，好似粉果皮，細細粒，成粒放入口就最啱，入面嘅豬肉餡甜甜地，要趁熱食。醬鹵鴨 $68滷水醬汁嘅味道唔算好濃，但唔會好咸，就咁食唔使送飯已經OK，鹵鴨肉質嫩滑夠腍，脂肪比例較少，不過骨嘅份量較多。醬醃膏蟹 $88起揀咗細隻，膏蟹真係好多膏，蟹肉食落口好似食緊啫喱咁，而且已經預先剝晒殼，食落都幾方便，不過味道比較鹹，適宜配白飯一齊食。潮汕砂鍋粥 $160起食潮州菜梗係要食返碗潮州粥，呢個砂鍋粥其實係自己配搭材料，最少消費$160，我就揀咗響螺片、元貝同埋蠔仔。一上枱仲係滾下滾下，自己再落芫茜調味，入邊都算幾多海

提起潮州菜，多數人都只會想到打冷和鹵水，但這間潮汕食堂卻沒有打冷，沒有鹵水。反而有不少名稱十分有趣的招牌菜式，主打正宗地道的潮州鄉土菜。一直知道潮州是美食之都，特色美食多不勝數，但我自己就從來未去過潮州，只有在香港去過幾次潮州菜館。不過在OPENRICE見到這間有不少招牌菜式我不但未試過，更加未聽過，就引起了我的好奇心 。店內裝潢古色古香，放有木檯木凳，石磚牆設計，顧客還可以在此品嚐功夫茶，甚有農家鄉土菜的風味  。每一枱食客都有一碟前菜，但好咸 手打牛丸($36)這個是大家一致推薦的，不得不點一份試試。牛丸確實大大粒，而且爽口彈牙，甚有牛味，可以和元朗主打牛丸的老字號相提並論。小米餃 ($22)皮略嫌偏厚，不夠晶瑩通透，但包住新鮮豬肉，不易漏汁。餡料還加了大地魚乾粉，鮮甜入味，加上SIZE剛剛好是一粒一啖，真的頗喜歡這碟小菜！個人覺得點蠔油太鹹，就這樣吃已經最好！潮式薄餅卷($32)微脆的外皮包住已調味的蝦米、粉絲，肉等，味道香口又不會油膩，感覺頗為健康。🏻牛雜鍋(小：$98)店內推介菜式，但我覺得這個是全餐飯的敗筆！正個鍋主要都是汁，入面牛雜剪得非常碎，合起來竟然一個匙羹都可以

去開荃灣剪頭髮，發現原來三坡坊係食潮州野既集中地，見到呢間好似比較新淨一啲就揀左！前菜叫左醬醃蠔仔（$28），食落都幾鮮味，初初覺得好咸既，但後來發現原來呢啲應該係要跟白飯/白粥食（我地呢啲潮州野既門外漢😂）。不過奉勸大家一句，生蠔唔係個個受到，要量力而為呀！（我係唔會話俾你聽我食完輕左幾多磅嫁！🙊） 小食就叫左正宗汕頭手打牛肉丸（$36），呢個幾好味，好爽口彈牙，而且好實在（出面好多牛丸好似食埋空氣咁，或者係鬆肉粉落得太多）但呢個就食得出都幾足料，啖啖肉。 仲叫左個家常牙籤雞($26)，呢個都好唔錯，因為佢既雞沾左脆米炸，外脆得黎入面既雞肉仍然保持juicy，送酒一流！ 主食方面叫左手工捻面猴（$32）麵糰整成一片片，口感有啲似水餃皮，配上魷魚乾、蝦米同冬菇，咸咸香香都幾特別，應該係潮州風味！ 另外叫左個小米餃（$22），應該係一種潮州粿，個皮煙韌，有點似湯圓既口感， 入面係豬肉餡，一口一啖，好味。 有點失望既係牛雜鍋（$98），其實佢味道上係無問題，入面啲蘿蔔吸晒啲味仲好正添，只係我有點唔明點解牛雜鍋得牛肚，感覺有種被欺騙既感覺😂如果佢改名做牛肚鍋就咩事都無！

原來荃灣心夜來潮真係幾多人，我7點幾黎到都full full 地。我同朋友叫左牛丸，聽聞係自己手打架，果然名不虛傳。非常彈牙，加上湯汁有好香嘅麻油味，一食便愛上。 大大粒魚蛋係長洲食得多，但估唔到呢度都有得食。不過佢同長洲果d都有分別，呢度佢係用後炸過，所以個皮係脆架，加上係佢地自己打嘅魚蛋，點會輸！

潮州粥成日食，但好少去潮州菜館淨食潮州菜。知道荃灣新開左心夜來潮近近地梗係要去試！好少食店會食到菜茶，人生真係未試過，點左黎試試。食落好有驚喜！表面有脆米好有口感，加上臘肉既香同冬菇吊吊味，菜湯好香好濃，五分鐘清晒。另要推介打手牛丸，食落好爽口，牛味極濃，有碗麵係度就岩晒啦！

早兩日見到三陂坊有間新嘅潮式食店今晚見心血來潮 就同朋友去食啦地方好寬敞 裝修別緻 好有懷舊feel 喜歡餐牌嘅封面😂好多野食⋯ 叫左潮洲好出名嘅手打牛丸 果然貨真價實牛丸非常彈牙 好香牛味👍🏼👍🏼👍🏼 三款小食 巨形魚蛋 小米餃同牙纖雞巨形魚蛋炸到外層脆卜卜 口感爽彈點埋甜酸醬 更加惹味小米餃 外層厚厚的 煙煙靭靭⋯牙纖雞將雞肉沾了脆粒一齊炸到金黃香脆做下酒菜一流 雞肉嫩滑 點埋醬汁更加惹味👍🏼牛雜鍋湯底味濃 即場再煮十分鐘 牛雜口感更加軟林更加入味 值得一試👍🏼👍🏼👍🏼 有蟹有聖子嘅砂鍋粥 粥底十分軟綿十分鮮甜 可惜聖子成隻落 未有開肚去沙 食落成口沙⋯