心夜來潮 (已易手) 新餐厅

荃灣多地道食肆, 行到呢頭好多間又好多人, 唔知揀咩, 多數以中菜為主, 無咩特別. 行到最尾見到呢間潮州打冷, 價錢唔貴. 以為打冷得鹵水野, 原來仲有好多野食, 個menu會介紹下D特式野, 真係唔寫唔知.要左個小米餃, 有D似mini版粉果, 外皮唔會太厚, 蒸得夠腍幾軟熟, 入面有肉碎, 咬落爽口. 味道帶大地魚清香, 清得黎夠鮮味.潮式XO炒腸粉, XO醬唔會太辣, 腸粉炒完唔覺硬, 仲好軟腍, 粉唔厚, 條條都幾入味. 而且仲加埋芽菜, 魷魚粒一齊炒, 配搭更覺惹味.

荃灣區多食肆就人所共知，要搵平又正既野食一啲都唔難，今次就帶左屋企人一行三人黎呢間小巷中既潮汕菜「心夜來潮」，媽媽話個名古靈精怪喎，但就係咁先引起到人地注意架嘛！餐廳位於三坡坊，地鐵站行過去都要10到15分鐘，如果唔係住開荃灣應該要花費多少少時間搵，附近整排都係打冷店而且爆到要坐出門口。心夜來潮則位於角落頭既位置，客人相對較少，所以唔洗等位就可以坐低食喇。餐具都印有餐廳名同花花，與木製桌子配襯，極具心思。餐牌都好精美而且充滿特色，有啲似武林秘笈。由於太多唔同既食物可供選擇，所以只影左我有叫既食物。白果胡椒豬肚湯 忘了價錢熱辣辣上枱，胡椒味夠重，好香口。足料，湯內見勁多白果同豬肚，目測全部有洗乾淨，豬肚爽口彈牙。再辣多少少可能更好味！香辣魚仔炒蜆 $68啲豉椒炒蜆、乜乜炒蜆從來都係送飯一流既食物，呢個炒蜆炒得不錯，夠晒獲氣亦夠香。辣度屬於微辣且不會太咸，所以唔太食得辣既朋友亦都可以試。蜆肉新鮮，不過同一般炒蜆有同一弊病，就係有部份為吉殼，雖看似大碟但唔太夠喉。小米餃 $22黎之前已經做過功課，小米餃一早已成為我心目中既必點item no.1！第一，價錢平，$22有交易；第二，份量多，$2

因為位置係係條巷尾~所以唔太顯眼~旁邊都係大排檔、打冷，真係要熟荃灣區既先識黎入到去環境都幾寬敞~見到收銀處旁邊仲有張檯仔好似專用黎泡茶~感覺好專業呢！叫野食先~meun個設計都有特別我黎就係為左個蟹粥~所以一定要叫呀~上檯既時候係會連埋個木桶~加上係用砂鍋來煮~可以保持粥底的溫度~唔會咁快變涼個蟹粥粥底好綿~而且吸收左d蟹汁~整個好入味~完全唔洗加調味料已經好好味~而且蟹件都唔算少，好似都有4-5件~仲可以再叫多d配料加入去食~好似食緊粥底邊爐咁~可以揀海鮮如蟶子、魷魚、元貝、蠔仔等等諗住一場黎到底~又見到好似幾有趣~就決定叫左個擂茶試試我係第一次試擂茶呀~裡面有d花生、炒米、芝麻等等有d鹹鹹地...味道好得意..但我個人黎講，就唔太喜歡~哈哈為了填飽肚子而叫的潮式炒米線~估唔到有驚喜呢！幾有獲氣~好香口~菜脯煎蛋唔會太油膩，又唔會太鹹~好似屋企煮既一樣~總結：菜式總體黎講都算唔錯~幾有獲氣~最喜歡的是蟹粥~

黎到荃灣梗係要食下荃灣三坡坊既打冷，眾多打冷鋪入面今次擇選左心夜來潮今次試左生醃蟹，膏蟹既鮮味非常濃郁，但醃料較咸，同埋蟹雪得過凍，食到有小小沙冰感，配合飯會較好吃之後叫左一煲砂鍋粥，4個人可以每人食到2碗多d，材料方面叫左細膏蟹同鮮蝦做配料，海鮮精華完完全全被粥底吸收，非常鮮甜，蝦每人都食到2-3隻，好大隻好夠鮮味，正！

心夜來潮終於在荃灣開分店，而且空間比旺角店寬敞多了！座落於荃灣的「打冷區」，一到晚上便熱鬧得很。這裡的潮汕美食選擇多，而且價格親民，老中青也會在這裡用餐。甫進店舖便看到中式的傳統茶具和茶几。餐牌也很精緻。我們點了原隻醬醃膏蟹、紅燒醬香骨、手工捻面猴、豬油渣蒸蛋、南瓜洛（煎餅）、方魚炒芥蘭、擂茶、潮汕功夫茶，二人分享都不過是人均$150。現在逐個菜餚為大家介紹一下：潮汕功夫茶！喝功夫蕃其實是潮汕人的日常習慣，據說喝茶還可以養生！店方提供了整套茶具，讓我們享受一下沖調功夫茶的樂趣。還有另一款較特別的茶，常被廣東人稱作「迎客茶」。它就是擂茶。擂茶的製法是先將茶葉擂成粉狀，加上少許鹽，再淋上熱開水。之後將炒香的花生米、芝麻及炒米放進茶裡，便完成了一碗擂茶。年初我們在台灣南部的客家邨喝過擂茶，口感十分濃稠，有黏黏的感覺，並帶濃濃的麥和米香。但這碗擂茶較為清淡，亦比較稀身，可愛是為了切合港人口味而設吧！醬醃膏蟹鮮味十足，它的醬油完全滲入了蟹肉之中，令鹹香滿溢，還有挺多蟹膏的。紅燒醬香骨十分軟稔，肥瘦適中，沒有一般潮洲菜的油膩感。手工捻面猴，其實是一個麵食。從麵團捻出一塊塊麵片，跟捻小孩面頰的動作很

其實聽朋友講過黎間店幾次，今日朋友話想食潮州野又唔想靜係打冷，即刻諗起心夜來潮,食到飽晒，埋單都係$522 ，一人都係$172，二百蚊都唔洗！好滿足!見餐牌，$28有碟醬醃海膽，叫黎試下，但原來好細碟。但味道好鮮好咸，一細碟我地三個人都食唔晒。當醬料點黎食，好食！中意食牛雜既可以一試招牌牛雜鍋（$88 加蔬菜併盤$28），一班朋友食飯有個爐煲煲下等別開心，中意佢細細煲但又足料，可以過下隱又唔會食飽晒。醬卤鵝翼真係不得了，滷得好入味，隻翼仲大過隻手掌，$36有六隻，抵食！去到鋪頭，排隊個時見台台有煲潮汕砂鍋粥，就知一定要叫。小煲150起，大煲280起，我地叫左五種料（膏蟹，肉片，響螺，魚片，雞件）一煲$290。好足料，粥又夠綿，一定要試。我自己本身好中意食餃子，見到小米餃$20細細份又唔貴所以試下。但冇我預期中好，皮較厚，餡較少。味道一般，都係比較中意食皮餡多既餃子。仲叫左巨型脆香手打魚蛋（$32）見到人地台面粒拳頭咁大既魚旦已經好想食。今次真係「炸蛋」大大粒手打魚蛋，外皮香口，咬落去又彈牙。加上泰式辣醬，酸酸辣辣，好開胃，個個爭住食！ 

今晚約左朋友去食心夜來潮，大約等了15分鐘左右就入座。其實之前都食過粥覺得好甜又好味，而且潮汕小食都吾錯，所以今日專登同朋友再過黎食其他食物。坐得舒服而空間感夠，我地叫了不少食物，最後食左2個鐘每人大約$140超飽肚離開。原隻醬醃膏蟹$108：韓國果種醃蟹都有食過，反而潮汕的生醃醬海鮮就沒有吃過，所以見到和朋友都忍不住叫了一隻大隻膏蟹來淺嚐…黎到已經好好分了4件加上蟹蓋。我食第一口激濃的蟹味和醬醃的咸味沖擊口腔，偏咸但好味道，鮮甜而滑的口感好味道，加上粥一起食就吾會太咸，仲可以更加感到鮮甜。而蟹蓋的蟹膏更香甜。怪不知餐牌都寫這些醬醃海鮮係“潮汕毒藥”啦。秘製醬香豬手$38：黎到份量不算很多但好香豬手香 甲落去沒想到咁淋身而且肥膏完全不肥，幾驚喜入味而且吾咸，送粥都不錯。家常牙簽雞$26：原來黎到是一粒粒細細，表面米炸過香口而吾油，食落夠脆口而雞肉都嫩滑，份量也不少。醃螄蚶$36：其實講真之前未食過螄蚶，黎到係粒好細粒，而開左之後紅紅色好香，感覺少少酒味而又有蒜香味，食落去好鮮甜，有點像刺身但咸咸地幾得意。擂茶2碗$32：擂茶為客家人招待貴賓的一種茶點，內有茶葉.芝麻.花生.和米等，沖泡

最近工作辛苦, 於是搵間好食既餐廳為自己打下氣。記得呢間係網上見佢有宣傳下, 潮汕食物好似比較特別, 始終未食過。一坐低侍應姐姐就好細心咁講解呢度既特色菜, 十分好招呼。菜茶:呢個菜係潮汕人每逢家中有喜慶如結婚添丁，就會煮來宴客，底下是菠菜荷蘭豆椰菜粉絲湯，面層有炒香的蝦米、魷魚乾及肉粒，再鋪上炒米糠及花生，口感十分特別。有d似湯飯。牙籤雞: 呢個必食! 用左米通係面炸到卜卜脆!外香肉嫩!!好好食。送飯三寶:醃蝦,醃蠔同醃海膽。全部都幾鹹, 不過幾鮮, 可惜送飯食都都覺得太鹹。香辣炒蜆: 呢個好惹味, 新鮮。送飯一流。

說起潮州食品，大部分人都會想起鹵水鵝，手打牛丸，凍蟹或打冷等，但其實除了這幾道菜外，還有一些香港比較少見的菜款，就好像前星期跟友人去了荃灣一處新派潮式小食店探險，當中有一些菜式是外邊較少見的。這店位於三坡坊，那裡大都是大排檔街坊店，而這間潮州小食店，裝潢較為新派光鮮，以客棧風格為藍本，很有民間風味，與其他店舖相比下較為突出，一看已令人眼前一亮。店內整潔舒適，木器傢俬懷舊又帶點中國風，感覺有點像在茶寮品茶一般。打開餐牌圖文並茂，有很多特色小菜是外邊少有得吃的，我們看到口水直流，樣樣都想試，最終叫了幾款一試其龍與鳳。醬醃瀨尿蝦，生醃海鮮絕對是潮式經典菜式之一，但因衛生水準要求很高，現時已很少有店舖肯冒險供應。選用新鮮海鲜再加上薑、蒜頭、芫荽、辣椒、醬油等配料醃製，盡量保留著海鲜的鮮甜原味。這裡的瀨尿蝦不太大隻，肉質入口有點似啫喱，味道較鹹但不失鮮味，這種傳統潮汕鹹鮮風味，相對香港人的口味會有點過濃，佐飯同吃會適合一點。醬醃螄蚶，螄蚶本身已是鮮味十足，配上醬醃做法，相對沒有醬醃瀨尿蝦般鹹，卻起了提味作用，鹹鮮甜美，滿口都充斥着海水氣味，令人回味無窮。家常牙籤雞，雞肉外裹上一層類似脆米的脆皮，

今天嘗試此食店因其讚很多。食完發覺名過其實！炒聖子未洗乾净，見到腸有排泄物！猪肚湯白果亦未洗净。炒通菜等左一個鐘，最後失踪！隔離個枱亦有炒米粉失了踪！結論：吾會再去。

有朋友食過向旺角嘅店，話好好食。今日晚上去荃灣找朋友食晚飯，我就決定同朋友仔試下荃灣呢間店。差不多8點鐘到達，裡面其實都算幾大。但入面細枱已full,張大枱話有人訂左。得返門口外面的兩張小枱。我地決定等入面，因為熱呀麻等左大概15分有人走，我地可以入去👏🏻發現有我家鄉嘅菜茶同擂茶，當然要叫啦！我由幾歲開始就好中意食我呀嫲整嘅菜茶同擂茶！但除著嫲嫲年紀一年一年咁增加，我食到她整嘅菜茶，一年只會得幾次。因為實在太多功夫，又要洗，又要切。。。擂茶就更加之無再整。。。菜茶 - 只賣36元👍🏻，我覺得都算非常抵！個湯好夠味道，菜都算新鮮爽脆！不會煮到林晒。不過我略嫌唔夠香。。。可能食慣左嫲嫲煮的味道吧。。。只係加熱水落d菜度已經覺得好好味擂茶 - 我記憶中，小時候飲嘅擂茶係帶點苦甘味。但呢度飲嘅比較清。但咸味係好足夠的醬醃海膽 - 我不下懂欣賞。。。我只係覺得好咸。所以叫左碗白飯來送。但友人話好鮮。小米餃 - 真係好好食👍🏻。細細粒，皮又qq的。內裡嘅餡料又好香！牙籤雞 - 呢個都好好食！炸得好脆！小小辣很香口炸魚旦 - 呢個就麻麻地。。。沒什麼特別。如果加大地魚混入d魚肉再一起打，應該會香好多

提早慶祝母親節 帶媽咪去食潮州野上網話呢間平靚正 充滿期待入去六點就到 我地係第二枱客環境幾好對於食物，真係好普通我地叫左五樣食物，每樣都要等一段時間先到，有一樣野漏左單，唔問都唔知唔講仲以為食緊法國菜牙籤雞🐓 入面既雞肉用辣粉淹過，食落辣辣地，似KFC雞粒，同甜酸醬幾夾南瓜餅-好似加左冬瓜糖，食落甜甜地。咪睇表面燶燶地，原來成個底燶晒叫個待應過黎換走，點知唔催都唔會拎過新一碟出黎鱔魚湯🍲胡椒粉味 得幾舊魚豬油渣炒菜心- 油渣炸過幾香幾好食服務質素有三個侍應 好多時候兩頭望行黎行去 點解見到客人食晒唔識得自動自覺收碟？為左解決漏單問題 建議覆一次單俾錢買難受 唔會再食

牙籤雞, 口感外脆內嫩，肉汁又JUICY爆滿，連埋泰式酸辣醬一齊食, 無得彈手打牛丸用既湯底好清甜，簡單咁用芫茜調味，突出牛丸既鮮味用新鮮牛肉人手打出黎所以佢既質感會比較细嫩， 肉味非常鮮濃，有肉汁，口感亦結實彈, 食起來熱度非常令鮮味提升，非常有嚼勁, 咬落去既時候, 牛肉汁彈出黎，令人一試難忘羔蟹砂鍋粥, 使用砂鍋可以較有效保溫, 食到尾時都仲熱氣騰騰! 嘗一口粥，口感綿滑，加入花生酱，粥更香滑，口感更好, 米粒充分吸飽湯汁, 充滿蟹味鮮甜，更可嘗到啖啖蟹膏，搭配新鮮蟹肉, 蟹肉口感甜膩, 吃來香濃鮮美頗為迷人

一家大細滿心歡喜黎呢間野念住食個蟹粥，睇食評見又話好多人排隊，又話個粥都值得試，一去到左右隔離打哂蛇餅但呢度拍烏繩就知道有啲伏味，不過算喇一場黎到，落完order足足等左九個字先黎個菜，仲要有菜蟲，嚇到個小朋友都唔敢食，食餐飯每樣野逐碟上，我差啲以為食緊西餐，每碟黎既份量好似配給咁，等得又耐，到去追單先發覺原來點8個餸夠膽死漏左3個餸既單，到真正黎哂啲餸前後足足等左個半鐘，個招牌蟹粥先經典，我order大蟹，但最後黎度隻蟹細個隻手掌，超搵笨！另外啲客又唔係多，都唔知係啲員工唔夠定係點，啲枱食完野冇人執枱，地下污糟又冇人清潔，野食唔好食又呃秤唔在講，上菜又耐環境又唔乾淨，試問叫食客點會回頭。。。食完上番open rice睇，發覺都幾多__手，各位要小心留意，念清楚先黎食，隔離左右冇哂位，零零舍舍得一間冇乜人既餐廳，切記小心小心，總之簡單黎講成間野十分

因為朋友見我食過新潮潮州菜，所以我們又心夜再來潮薄餅卷$32用薄餅皮包著芽菜，生菜、榨菜、蛋做成薄餅，鹹味太盛，不用加醬都可以，皮算薄但又未做到皮薄餡靚的效果，沒有什麼特別，不作推介醬油蟹$128有3種size分別，我當日簡了中size,做法是生醃，其實我們酒味重而且可能鹹鮮關係，所以真的好鹹，但肉質好有酒香，還可以食埋蟹膏，但全生的蟹我怕自己腸胃不適,只好淺嚐炒米缐$48沒什麼特別，是什菜炒米線，但入口爽囗不會有太多稠稠的腍口，份量不多，略為普通，索價$48，破貴，但飽肚之選炸大魚蛋$32上次已經食過，魚肉一點也不腥，亦好彈牙，好脆口燒牛肉餅$32牛肉味好濃，可能是手打，因為有D牛筋纖維所以口感特別好，有微微肉粒咬口原來潮州菜都幾重口味，但新派食品亦是打破傳統，可以去見識下