心之食堂 (裝修中)

今日唔使煮飯，所以就去咗銅鑼灣接男朋友放工啦。我哋喺銅鑼灣已經食都唔知食乜好，所以我哋好多時都會上openrice 睇下有乜嘢好推介有乜嘢好介紹。我哋就見到心之食堂好多好評，又好近我男朋友返工嗰個公司，所以我哋就決定去嗰度食。地點方便唔難搵，好快就已經可以行到去。環境雖然唔係好大，但係坐得非常之舒適。我哋就叫左少少魚生，就係我哋最鍾意嘅八爪魚，同埋帆立貝，魚生雖然冇乜嘢特別嘅伴碟，但勝在夠新鮮，讚！三文魚吋就比較貴，但好好食，佢係比靚嘅三文魚你嘅。我哋好鍾意食蝦嘅，所以我哋就叫左一個芝士他他炸蝦，芝士林喺面，食到入口上面嘅芝士同埋炸蝦嘅鮮味搵埋一體，搞到我同我男朋友要爭住食。因為嗰日見到人哋嗰啲燒鯖魚飯好好食咁款，我哋就學人叫一個，真係好食，外脆內軟咁，肉質鮮甜，煎得啱啱好，冇過火喉。我自己呢就幾鍾意食蒜香炒牛肉嘅，但係呢我男朋友呢就話鰻魚飯好食啲應該，所以最後決定咗都係食鰻魚飯，但我係完全冇失望，因為條鰻魚係勁大條囉，完全唔係hea整。仲有呢，嗰個係石鍋返嚟嘅，佢就係熱辣辣，應該係講由佢令你嗰刻好熱，直到我就嚟買單嗰時都係一樣好熱，好好食！勁大碗，我同我男朋友好似食極都食唔晒咁，哈哈

當日8點去到，唔洗等就可以入座了。入面環境雖然細，但係有一種好舒服既感覺，傾計傾心事一流！而且入面既服務員都好好態度呀~因為好肚餓，所以一坐底就即刻點餐啦。嗌左好多嘢食，都好快就送上枱啦。真有效率。嗌左一碟八爪魚同帆立貝刺身，個八爪魚刺身好好食呀！有四塊，塊塊都好厚身，又唔韌，仲有陣鮮味添！真心讚👍🏿呢個係紫薯薯餅，雖然有少少唔係好熱，不過都覺得好足料，個炸粉唔會太厚。好脆口，成口都係紫薯蓉，正！呢一碟係胡椒湯煮蜆。食左咁多碟，我最中意就係呢碟啦！呢碟真係不得了，個湯真係落胡椒粒黎煲，所以每一啖都好有胡椒既香味同陣陣既辣味係你個口到徘徊，諗起都流口水，記得個陣食完啲蜆真係會飲埋啲湯！之後就係啲蜆啦，佢唔係比幾粒你，而係起碼有成十幾廿隻！仲要隻隻都好好肉，又冇沙。呢碟胡椒蜆，食過返尋味🤤🤤我地兩個人，嗌左好多餸，而呢個係唯一既主食，豬頸肉飯！飯就正正常常，但啲豬頸肉都煮得唔錯。好香好淋。呢個係店主推介既壽司卷，個感覺幾特別幾清新，因為入面有牛油果。味道不過不失，不過佢賣相就好靚啦，影黎呃like 都唔錯呀！芝士焗大啡菇。個菇係好juicy！但係個芝士就爭咁少少，芝士味唔係好夠

這天行街後跟朋友經過百樂中心，見餐廳店員正落力派傳單，驟看價錢都合理，便和朋友決定來這裡了。餐廳不算很大，以樸實的深色木系為主，雖然不是一般的日式風格，但感覺像在家一般舒適。想不到鰻魚比石鍋更長！鰻魚上超多蛋絲，落了不少鰻魚燒汁，有些更溜到底下的飯了。白飯比較硬身和乾，但在石鍋裡一直都夠熱，更熬出了一點飯焦～有火！！！店員送上後即為串燒點火，串燒一下子就著了，只見整條串燒都被火焰包圍，場面震撼！串燒插在一塊厚切菠蘿上，以三色椒夾雜厚肉的牛柳粒，牛柳粒帶輕微的辣味，份外滋味～這個的賣相和味道都好。從未見過以小木凳盛載壽司的，非常特別，內裡夾著一整條的炸蝦一分為四。壽司富色彩，以蟹籽、黑魚子和芝麻等點綴，和粒粒分明的米飯吃起來的口感非常豐富～蟹肉味不多，但有挺多忌廉，做出入口即融的口感。炸蝦和烤菇均有大量芝士，炸蝦沒有因芝士而變淋，而烤菇本身就很 juicy~想不到小小的日式餐廳能提供這麼多款食品，賣相和味道都比預期中好，看得出店主的一番心思～

平時係銅鑼灣同叫到啲大廈有好多樓上小店，今次就聽朋友介紹上咗呢間居酒屋試下。裝修帶有和風而裝飾別具心思，同埋燈光暖和，氣氛唔錯。原條鰻魚石鍋飯($118)份量十足，鰻魚大到超越個碗而且燒得夠香，肉質軟腍。而底下嘅珍珠飯滲透鰻魚汁，濕潤香口。脆脆吞拿魚腩卷($68)吞拿魚腩入口即溶、魚味十足，配上青瓜、天婦羅脆粒同沙律醬呢個食法都係第一次，估唔到又幾㚒，脆口得嚟夾雜爽口嘅青瓜再有鮮甜嘅吞拿魚腩，值得一試。三文魚（四片）($38) 厚切、脂肪比例勻稱、入口即溶。香蔥石板牛舌($68) 上枱嘅時候石板溫度夠熱，帶有濃厚嘅燒烤味，而牛舌採用較厚嘅位置，所以好有咬口，仲附有伴菜灑上芝麻，令成道菜唔會膩。白汁煙肉芝士焗烤菇($48)伴菜足料、白汁煙肉芝士同菇嘅配搭係一貫嘅好食。而烤菇唔會烤到乾身仍帶有水份值得一讚。

銅鑼灣食市林立，今次搵到樓上嘅日本料理。 就係TimeSquare後面嘅百樂中心，一出地鐵行過後面兩條街就搵到植盡地點之宜. 上到去舖他細細好有日本小店Feel , 店主女女仲好乖自己坐係到店入面有貼心既差電, Menu都可以循環點餐, 真係環保今次食左網友們推介既原條鰻魚石鍋飯 $118 條鰻魚好大條、加上蛋絲，但我覺得唔夠爽海膽蟹籽杯$68 –係我最推薦既，海膽鮮甜配上酸薑蟹子飯、味道出加地配合邪惡包 -- 紫菜包住帶子同燒過嘅鵝肝，但鵝肝既味蓋過帶子；浪費了彩虹卷 -- 色彩繽紛好吸晴，內有炸蝦，炸蟹，青瓜心白芝麻及黑魚子等材料，味道不過不失黑松露牛油帶子 (4隻) -- 黑松露味強烈，帶子唔算好大芝士他他炸蝦 $58 (3隻) – 凍左先食…. No comment香草豬頸肉串 (2串)-- $48 ,香草味強烈總括黎講，非常普通，價格偏高

天氣開始凍,好多人鍾意去食火鍋,但我地依D日本料理粉絲,當然唔會錯過日本鐵板料理食暖笠笠既野食好幸福嫁去到銅鑼灣心之食堂,即日打黎BOOK位都仲有位,好好服務呀黎到有D特別裝飾,好得意座位都幾大,好舒服好多豬仔圖案公仔香蔥石板牛舌,日式鐵板出來了第一次吃到牛舌是沒有蘇味,因為餐廳用既牛舌係上等材料,選用左牛無食過野既部份點埋醬汁味道更惹味李小龍卷都好得意,有張鄧仔出左黎炸蟹魽好脆好好口感,飯團味道都唔錯,點小小WASABI會好食D唔好睇佢細細件其實都好飽肚另外仲有食左D壽司,味道都唔錯

直接入題， 好想大家都有機會食啲個牛舌心~切得厚薄適中，咬落去十分彈牙爽口，牛味香濃， 脂肪比例十分平均！必食！！燒得真係好嫩滑， 大家不妨留意啲件牛舌心上面嘅芥末籽醬， 冇估到兩者係絕配。難得見到兩吋牛柳喺自己面前著火， 但就因為手機有啲問題不能及時拍攝， 有啲可惜畀唔到大家睇， 上菜嘅時候老闆娘淋上 燒酒， 隨即有紅紅火光， 啲種上菜方式夠吸引啦。牛柳粒咬落鬆軟， 證明燒烤時間剛剛好， 可惜醬汁擺得耐係鐵板上乾涸了， 大家記得趁熱食啦~呢個石鍋飯熱辣辣好暖胃， 原條鰻魚上，見住佢滴緊醬汁， 就知佢咬落口有幾juicy， 幾有魚香，特別欣賞日式醬油份量恰當，唔會令到下面嘅飯太鹹👍食到底飯焦加埋醬油一齊食都好好味㗎！餐廳好細心咁喺每一檯旁邊提供usb線供手機充電😂💓💓💓

天氣開始轉涼了,跟朋友聚餐的地方由凍食開始轉為熱食了,最近也開始經常打邊爐除了打邊爐外,吃日式火鍋也是這後時間不錯的選擇今天去了銅鑼灣心之食堂,一家口啤不錯的餐廳個人頗喜歡這架單車,十分有趣店裡全是有趣的飾物餐具也全是日或路線,一間認真的日本居酒屋牛肉壽喜鍋,用的是加拿大特級肥牛,用料上乘,牛肉紋路清晰火鍋雖小,但器具有趣開始滾起來了,醬油的味道很香,很吸引牛肉滾一會後已可進食,吸收了湯底的味道相當入味,牛肉口感煙韌,牛味香濃而其他配料也是相當新鮮,特別是金菇和蔬菜,吃完肥牛後再吃可以減去肥膩感呢

銅鑼灣既百樂中心呢幾年已經成為呢區入面既搵食好去處，成棟大廈都有唔同既餐廳，當中有我最愛既日式居酒屋。黎到居酒屋最開心既，就係刺身丶壽司丶燒物丶煮物咩都可以食到，而且質素唔會係放題個種大規模煮法，品質都比較有保証。心之食堂，就係我今日既選擇首先開胃前菜整番個玉子燒先。軟綿綿既玉子燒一向都係我係居酒屋既最愛之一，呢度既玉子燒高湯比例比較高，所以甜度同鮮甜都比較強，口味都幾岩我。入面夾住少許蟹子同埋芝士，味道都算幾豐富。雖然表面用茄汁寫左店鋪名，雖然茄汁味道都幾好，但係我認為同玉子燒唔算係Perfect Match就係呢個「邪惡包」吸引我黎呢間餐廳。燒過既帶子同黎夾住鵝肝，集帶子既鮮甜味同埋鵝肝既香氣於一身。滿足！白汁塞滿成個蘑菇，切開既時候都幾多汁，夠哂Juicy。而且白汁既味道幾香，食落舒服。鰻魚長到爆既石鍋飯，條勁長既鰻魚真係夠哂搶眼！日式既鰻魚加上韓式石鍋飯，都算係一個幾好既配搭。鰻魚都幾肥美，而石鍋飯有點醬汁同埋飯焦，同條魚都幾夾。而且份量唔細，兩個人share都得。火焰燒牛，幾有氣勢！串燒一向都係我大愛之人，重要望住個火咁燒真係好搶眼，隔離台都望住我地！配上三色椒同埋菠蘿，一個

開始轉秋 最岩食下串燒飲下酒係Openrice搵左好耐 最後決定試下心之食堂提早左Book 位  個場唔算帶  Walk in 可能要等食物種類以串燒為主  有少量壽司同魚生價錢亦算合理厚燒牛吞心 $58牛吞好嫩 好爽口  用鹽燒已經好好味一人一串真係唔夠食心動大阪燒 $78呢個味同章魚丸差唔多味岩岩燒起上枱仲熱辣辣 加埋沙律醬係面  一定好食彩虹卷 $68除左食串燒 都要有d米落下肚彩虹卷有牛油果  鐘意食牛油果一定要叫紫薯甘粟餅 $33呢個餅好正  好香紫薯味  新鮮炸起熱辣辣  好脆三文魚4片 $38魚生幾新鮮 但黎呢到始終魚生唔係主打不過不失牡丹蝦 $96 / 2隻甜蝦 $38 / 4 隻蝦大大隻  未到好鮮甜 合格燒雞腎 $38 /2串雞腎燒得唔錯  有咬好而且好夠味原條鰻魚石鍋飯 $118其實某程度上係為左條鰻魚黎鰻魚好大條  好嫩  加多d鰻魚汁仲正燒雞翼 $48 / 4 隻香蔥石板牛吞 $68最後食串燒點可以唔飲酒  $48 - Asahi

上次同姊姊黎食完之後就經常都好想再黎食今日放工終於都有同事陪我黎食啦~~~~~今次坐得比輕近廚房~冷氣有點兒大記得去食既朋友要帶定件小外套店面裝修每一次睇都覺得十分用心~好舒服既環境飲品上先~當日因為有少許作感冒，所以點左一杯熱飲~感冒四散!!!!!串串刺身~新鮮好味~完全唔需要點調味料~哩個我印象中好似係炸蟹可樂餅之類既食物~外脆內多汁~4件唔夠食啊!!!!!!!哩款食物我就真係唔係好記得係咩黎啦~好似係雞肉，拉絲~~~~芝士萬歲~我同事最後食完D肉再食晒D芝士note5咁大既鰻魚~~~~~哩款我上一次點完之後一直記念到今次~再食果然都無令我失望^^雞軟骨餃子，口感十分好~第一次食，下一次再黎我會再點~豬頸肉飯~其實本身係想點烏冬，點知我哩個傻白甜既同事寫錯左，又黎多左一個飯不過錯有錯著，飯都好好飯啊最後壓軸上枱既係蛋捲~哩個我覺得係必點!無輪食到幾飽都一定要點如果唔係我會覺得自己無黎食過再次光顧無令我有一絲絲既失望服務，食物，環境(冷氣太大除外)都令我比100分，希望老闆KEEP住哩個水準

平時成日食開集團式既日本餐廳，今次嘗試下「心」之小店，好有驚喜未入去已經覺得好warm, decoration好靚好有少女風❤️我地果晚好早就去到，入到去好有家既感覺，裝潢令人覺得好舒服☺️講翻食物先😋我叫左我最愛嘅甜蝦刺身，啲蝦好鮮甜，好新鮮，一啲雪藏味都冇❤️上菜時，仲要放喺張小木凳上面，真係好cute好特別😉不得不提呢個帆立貝刺身啊，如圖示，勁厚切，一啖放入口，非常滿足🙆🏻呢個日式煎餃子同出面嘅好唔同，除咗形狀方面呢，入面嘅餡料好豐富，仲要個皮好薄，食落去呢又唔會成口油，好讚架👍🏻呢個就係我嘅最愛啦，黑松露牛油帆立貝！帆立貝好大粒，有好重嘅牛油味，黑松露都好香架！加上佢係用鐵盤上嘅，上到來嘅時候好似鐵板燒咁樣沙沙聲聲，夠熱又好味！🎊呢個三文魚茶漬飯都好特別，淡淡的茶香連埋芝麻嘅香味，食落去呢口感好豐富！唔單止粟米有咬口，每食一啖，芝麻同茶香慢慢滲出嚟，每一啖都好好味！最後呢我哋都有叫咗個邪惡包同埋胡椒豬骨湯煮蜆！邪惡包呢就係係木凳上面嗰個啦😊其實就係用紫菜包住帆立貝，入邊再夾住一片鵝肝！鵝肝一啲都唔肥膩，夾住帆立貝嘅清甜，味道好夾👍🏻我朋友就最鍾意嗰個胡椒豬骨湯煮蜆，好足料架！每隻蜆都

銅鑼灣耀華街酒吧一帶旁邊百樂中心門前一座商業大廈上面滿層食市，還有大廈出口處旁店員派傳單作招客吸引食客幫襯，其實自己一向比較喜歡食日本料理為主，細細碟易入口，刺身又有熟食串燒炸物亦有一舉兩得，我就決定嘗試一下12樓試一下，大約6:30上到去未見太多人和人龍時間可能還早吧店內裝飾得很清簡開揚，但牆上賣點有兩輪大型單車作展示富有新鮮感，面積雖小但都算座位夠舒服，冷氣又夠場內聽住歌曲亦不會太嘈閉餐牌書上有幾頁給顧人點菜，如刺身、主食、料理、燒物、店主每期亦會有心水推介等……帆立貝刺身以兩片厚厚的色澤新鮮有光澤，食落口感冰鮮美味，而且即叫即切很鮮海膽蟹籽迷你杯適量適中，海膽份量足夠濃，甘甜配一啖珍珠香米飯認真一流，蟹籽脆身食落一口魚油，滿口甘香，而且價錢一點也不貴，是用心製作富有心思三條上芝士他他炸蝦，上面蝦身香口以厚芝士覆蓋著，內有小小沙律醬調味没有蓋過炸蝦味美，而且有埋厚厚芝士控燒入口即溶，半流心芝士面層熱辣辣非常窩心

今晚經過呢耀華街呢邊，誤打誤撞咁就入去呢間試下--「心之食堂」其實係比佢個名吸引入去，因為煮好嘅嘢用心係好緊要❤裝修簡單感覺舒適蟹膏壽司--蟹膏滿滿，香濃鮮味，放在小木櫈子很可愛串串帶子刺身--沒想到帶子刺身，都可以變得更有心思，帶子鮮味爽爽的，配上黑松露，黑松露既香又不會蓋過帶子嘅鮮味鰻魚飯--長長嘅鰻魚新鮮甜味，飯用石頭鍋，熱辣辣嘅飯香好好味彩虹卷--卷入炸蝦仍是脆香雞軟骨串，香口冇雪味👍🏻巨峰提子汁好飲呢間小店細細但所有由食物到擺放都看得出是由心做的👏🏻👏🏻

系樓下happy hour 完, 就上jor 黎. 店裡面設計簡約, 臺既位置比較寬趟, 坐系度比較舒服,間鋪好似系家庭形式經營, 老闆系做埋廚師, 太太做樓面, 可以同朋友慢慢食,慢慢傾計, 冇人催你走. 好舒服.  因為肚餓關係, 嗌既野比較多. 覺得佢地d野都比較有特色, 而且擺設都好用心. 因為見佢系烤物比較多人贊, 所以不由自主都嗌jor 比較多烤物. 呢個牛柳粒串, 口感好好, 唔會癡牙, 而且一串裡面份量多. 而烤三文魚頭就係我既最愛. 啖啖肉, 而且烤得好好, 刺身既擺設都好特別,另外都有試牛舌同其他烤燒物, 味道幾好, 尤其系牛舌, 燒得唔會老.鯖魚飯好靚, 個飯整jor 個心形模,好有心思.