心之食堂 (裝修中)

♥️近日天氣早晚溫差大，一早一晚相差好幾度，周末夜晚太太說想飲酒食串燒，驅散這寒冷的悶氣，我提議到這家「心之食堂」輕鬆一下，只因我上次和朋友飯聚於此感覺不錯，今次和太太又是另外一種體會。♥️我估計「心之食堂」是家庭式經營，因位那裡有位幾歲的小女孩坐在BAR枱上玩著，叫一位女侍應做母親，叫廚房內的男人做父親，大概是這狀況而得出的結論罷。♥️這裡地方不大，適合拍拖情侶或三五知己，牆上掛了的單車冇甚特別卻是趣味的點綴，我和太太坐下叫了2杯西柚橙味白啤，是我上次喝過感覺不錯推薦給太太，白啤微微西柚橙清新怡人，很易上口，自然地喝多了也不自覺。♥️今次串串地叫了些串物，有京葱雞肉串🍢、鹽燒雞翼🐓及很期待的🔥心之火焰鐵板牛柳串，因為上次和朋友食，而今次和太太食是另一種感受，心之火焰鐵板牛柳串最大特色是那熊熊火焰，不單是自己，甚至其他食客也不其然望多兩眼，有種未食先興奮的感覺，味道方面，牛柳肉嫩多汁，配菜紅、青、黄椒爽口，我和太太一人一串剛剛好。京葱雞肉串和鹽燒雞翼也不錯，尤其我欣賞鹽燒雞翼的咸道適中，加幾滴檸檬汁更惹味。此外，我們也叫了2客海膽、帆立貝及吞拿魚也很鮮甜，除了吞拿魚咬落有點渣，其餘也不錯，海膽

這天遇見了一家心之制作。咖啡廳的感覺，放了一些書籍和棋類遊戲。說是咖啡廳我卻覺得更像家裡的大廳⋯亂中有序的小擺設、暖烘烘的黃色吊燈⋯讓人不自覺想眾在這裡說說話談談天。用上木的椅子作碟，不論什麼食物都讓人目不轉晴吧？這個用了帶子包著鵝肝的邪惡包非常精緻又可愛，必嚐！😋唯一失敗是鵝肝太熟了，沒了溶溶滋滋的口感、浪費了鵝肝的生命。鮮蝦刺身，蝦大我心更大。必須有的三文魚刺身。癡心、刺身、愛心。（食物非常多選擇、請隨心所欲、隨意隨處隨點）本人最愛的是這個小主食。店家刻意的弄成心形的米飯，飯中有心，心裏有你。鯖魚燒得非常香，點上幾滴真誠的檸檬汁，再點上鼓油，真是出奇地好配！平靜的夜晚，讓心之食堂安慰你的心吧！

食堂既佈置簡單得黎有一番風味, 整體座位舒服,首先推推心之蛋卷, 呢到既蛋卷入面係有d蟹子係入面, 再加上沙律,入面比較多料既關係, 所以會比較飽, 唔好諗住呢個好少野,蛋方面比較滑同軟,我覺得係唔錯, 值得一試~之後就係火焰串燒, 呢排火焰系列既野不停係各大餐廳見到, 都係整到著火, 上俾客人食, 除左體驗會唔錯之外, 係呢個冬天特別溫暖,尤其宜加連出去都唔係太想出既時候, 黎d火辣辣既食物則可以解解凍!串燒比較軟, 唔算硬, 易入口, 肉質都算有汁, 唔會燒得太乾,太乾就難入口了. 上面仲有d水果, 可以補足到串燒比較乾既一面帶子配黑松露, 帶子比較滑身同爽口, 配黑松露,味道方面會比較重味. 帶子本身都夠新鮮有小小juicy既感覺. 老闆娘算係幾熱情招待 , 好既服務自然能留下深刻既印象, 要加油啦~

同男朋友提早慶祝情人節諗住揀間環境好少少O既經過一輪research最後揀左依間間野起銅鑼灣times隔離同男朋友行完街過黎好方便上到去一望, 環境幾好, 好靜空間感又足夠, 非常適合同人慶祝男朋友鍾意食海膽, 所以每人叫左一客刺身我地叫左三文魚同八爪魚, 兩樣都唔錯, 三文魚厚切, 八爪魚新鮮邪惡包做緊特價, $38, 帶子+鵝奸聽個名都知高級野, 好正!李小龍卷 $68, 唔單止野食唔差賣相同擺設都好正, 成張鄧仔咁呃like一流!蟹肉忌廉餅, 出面脆, 入面又夠熱蟹肉同忌廉味好夾, 好有驚喜另外仲叫左依度既招牌菜,心之魚生飯心心外型, 同男朋友食一流本身裡面亦都多料, 好味總括黎講, 依度價唔算好平但勝在環境一流, 野食又唔差非常適合同朋友/情侶黎慶祝

今晚帶知心朋友食日本菜。位於Time square後街既百樂中心，排曬長龍咁，原來全棟每層都係餐廳，最後排左成15分鐘先搭到lift。一開lift門就見到大大個招牌，及充滿和風風情既牆壁，轉左行到最盡頭既白色門才是入口。店內有不少西式既裝飾，格調不錯，予人溫馨既感覺，坐得舒適。紫薯甘粟餅：甜甜既紫薯蓉中夾住大大粒甘粟，炸得香口惹味邪惡包：外表似手卷內裡係無飯既，放嚮可愛既小椅子上上檯，好可愛半熟既帶子刺身輕輕燒過，夾著一口鵝肝，一啖擺入口，味道意想不到咁夾！原條鰻魚石鍋飯：熱到滋滋聲，超大條鰻魚鋪嚮面，完全長過個石鍋呀，勁誇張囉加上濃郁既鰻魚汁飯量又多好抵食，而且石鍋經高溫燒過可延長熱度，食到最後仲可以食到遺留嚮鍋邊脆卜卜既飯焦添！火焰鐵板牛柳串：即場火燒牛串，勁吸睛牛柳粒夠腍，黑椒味重，仲採用新鮮菠蘿，大大舊好juice!心之蛋卷：一切開，芝士湧流出黎，咬落去除左濃濃既芝士同蛋味外，仲有粒粒蟹籽及三文魚肉碎，材料十足，口感豐富！蟹籽甜蝦杯：一個字「靚」有心思！刺身爽甜，好新鮮！

今日黎到位於銅鑼灣百樂中心12樓既心之食堂1900黎到既時候入座率已達5成，好彩我地黎得早，坐多一陣餐廳已經滿座鋪頭細細，但座位都算闊落，餐廳裝潢簡約光猛邪惡包:帶子的鮮、鵝肝的重、伴菜的清在紫菜的護送下在咀裏互相配合、奏出完美的樂章。心之火焰鐵板牛柳串:盛高推介，好看、好味。厚切牛舌心，牛舌原來可以這樣嫩、這样好吃!蘆筍海老牛肉卷，牛三寶的另一奇兵，海鮮、蔬菜及牛肉的配搭著上乘的烹調，邪惡指數不低於邪惡包!原條鰻魚石窩飯，食量細既朋友點餐前要諗清楚、記得搵定人share阿，因為份量真係很大!肥美的鰻魚跟熱騰騰滿載香濃醬汁的飯令人寒氣盡消，幸福滿瀉! 值得推介！胡椒豬骨湯煮規：平時食開清酒煮，第一次見有呢個配搭所以揀左，想試呢個煮法既朋友都可以考慮下阿溫馨提示:呢度只收現金!

今日黎到呢間隱蔽既食堂，估佢唔到有咁多好野食喎。一去到，見到裝飾好靚之外，而且仲有充電線提供，超細心呢。呢間餐廳比較似一間cafe，因為佢有好多唔同既遊戲提供。我就同朋友玩左呢個真心話大冒險，有得食又有得玩，好適合消磨時間。除左環境好之外，d 食物都係一流。吞拿魚刺身呢個刺身賣相好靚，而且吞拿魚又厚切。食落好新鮮，又無雪藏味。心心魚生飯呢個魚生飯賣相仲靚呀，一定要相機食先啦。除左個飯砌成心形之外，連d wasabi都係心形嫁！面層係熟既三文魚，下層就有飯同生既三文魚。食落好有層次感呀，意想唔到咁好食，比平時出面普通既魚生飯好食好多。 豬軟骨烏冬烏冬好好味，係有口感果種手打烏冬黎嫁。而豬軟骨都好夠味，而且唔會太肥，岩岩好。熱檸檬果茶今日天氣咁凍，緊係飲杯熱飲啦。呢個果茶好香，而且又唔會太甜，酸酸地愈飲愈開胃呀。呢間餐廳好適合同朋友一齊聚會，消磨下時間。而且食物都好好味，下次黎開銅鑼灣一定會再食呢間呀。

今日喺銅鑼灣接朋友放工，諗左好耐究竟係銅鑼灣食乜嘢，跟住記起朋友講耀華街有好多嘢食，有間好食嘅日本野，就上咗黎食嘢啦。餐廳嘅裝修好別緻，地方唔大有十零張枱。我哋左發現到側邊有啲 Board game ，好神奇。我地兩個女仔食得唔多，叫左一個主食，幾樣刺身再加個胡椒蜆，差不多啦。出邊好少地方有得食茶漬飯，所以我哋揀左個鰻魚茶漬飯。茶漬飯好香，鰻魚又熟得啱啱好加埋一齊好食！刺身我哋叫左三文魚🍣帆立貝海膽同埋牡丹蝦。刺身好新鮮一啲腥味都冇好鮮甜。重點就係胡椒蜆，個湯超濃既胡椒味，係咁凍嘅天氣飲咗呢個湯超暖！因為個湯同啲蜆太好食嘅關係，我哋係將啲湯飲晒㗎好難得喺銅鑼灣搵到一啲好食嘅餐廳，唔洗成日都係食果幾間，得閒一班朋友上黎食野玩game，正呀！

銅鑼灣食店(心之食堂)上網見到評語也見不錯都想心思思找日放假去視察一下食物是怎麼樣！星期日這天不用上班，與母親行完街晚上就前往耀華街近時代廣場後門方向，其實路程前往近A出口大約數分鐘內就到達門口當晚上到大廈門口乘搭電梯人士眾多，而且百樂中心內水牌介紹餐廳美食樓層也有很多，上到12樓電梯門口以櫻花佈置，顏色繽紛，雖然店內面積不太大店員有禮招呼，加上環境有心思作設計，牆身吊著一大部手踏單車場面獨特，而且店面上點餐紙可循環再用亦不會浪費首先order串燒牛舌，牛舌啖啖肉香脆，燒得火喉剛好，配合黑椒作調味邪惡包材料以帶子和鵝肝夾在一起，濃郁鵝肝滿滿肉汁鮮甜，令我心動食完一口還一口原條鰻魚石鍋飯是賣點，原條長鰻魚浸滿醬汁配合飯有焦香，還不錯！整體來說味道非常滿意非常讚！

今日同朋友喺銅鑼灣搵嘢食，行到去時代廣場附近嘅耀華街搵嘢食，見到有間日本樓上餐廳幾得意，就入去試一試。 我哋嚟嘅時間尚早，人唔算好多，入邊坐嘅空間都寬敞，坐得舒服。 我哋叫咗個厚燒牛舌心，李小龍捲，一份海膽，一份燒雞軟骨，三文魚茶漬飯，心之魚生飯，一杯熱生薑茶，同一杯心之荔枝清酒特飲。 過咗五分鐘，一份海膽首先送上，海膽用青瓜同菜墊住，海膽味道好新鮮，味道亦都好鮮甜。 跟住三文魚茶漬飯亦都送上，熟嘅三文魚配上紫菜，芝麻等等嘅配料，同啲日本米同茶撈埋一齊食，味道好清新。 之後李小龍捲都送上，李小龍捲有四舊，入邊有炸蟹鉗，牛油果，魚子醬，蟹子同青瓜，呢個賣相好特別，手捲好似放咗喺張櫈上面，而且味道幾特別。 跟住厚燒牛舌心，同燒雞軟骨都送上，厚燒牛舌心有一串，呢條牛舌的確比平時係街度食到嘅厚，而且食落質感比其他更加好。另外燒雞軟骨有三串，燒雞軟骨燒得啱啱好，每一粒都好爽脆。 最後係心之魚生飯，成個魚生飯同個碟都係心形，而且有紅色同粉紅色嘅顏色點綴，而最上面嘅魚生款式都有好多，啲魚生好新鮮。

站在百樂中心樓下一路排隊等𨋢一路看看水牌有什麼餐廳。看到心之食堂終是又上綱搜尋一下看到原來是家庭式小店，吃西日菜式，選擇亦多，令我想起日劇「深夜食堂」。餐廳面積不大，但坐在窗旁感覺不錯，而且還有叉電提供。點了名子有趣的：《邪惡包 $38》即是帶子鵝肝包。用鮮甜爽嫩的北海道帶子夾著燒至外脆內滑的鵝肝，再以紫菜包著同吃，味道香濃滑溜，帶子彈牙有口感，好味！《李小龍卷 $68》中間包著炸蟹鉗天婦羅，蟹鉗破飯而出，很像很有力度和氣勢～蟹鉗天婦羅香口鮮味，壽司飯輕蘸醬汁更提味。《心之蛋卷 $88》很有蛋香，亦好creamy滑溜，蘸茄醬好吃，但本人不太喜好沙拉醬。《鹽燒雞翼 $48》雞翼燒得香口肉嫩，雞皮卜脆帶微微鹽咸很吊味。《香草豬頸肉飯 $48》一碗份量看似不多但其實飽肚十足。豬頸肉大塊，入味爽口，香草提味，飯中亦加入了醬汁變得很惹味。《豬軟骨烏冬 $48》豬軟骨入味軟腍，而且菜多不錯。《鰻魚茶漬飯 $48》很喜愛吃茶漬飯，配以鮮味的鰻魚令茶漬清淡而不單調。

朋友曾經帶我來過此餐廳吃飯，印象不錯，所以特意帶先生來試試。初初在樓下水牌眼看餐廳的英文名字「Love Cafe」實在是摸不著頭腦究竟是西餐還是樓上咖啡室，再看中文名字「心之食堂」就會想究竟是中式快餐食堂還是什麼。其實餐廳是西日樓上餐廳，有日式食物如串燒、刺身、餐廳創作壽司、西日fusion創作食品等。先來一個《秋葵刺身沙律 $88》非常推介的一個沙律，賣相已經令人好有食慾，好汁潤，刺身新鮮，整體好夾，味道微酸，調配一流。然後選了幾款刺身《海膽(1份) $58》、《吞拿魚 $48》、《大八爪魚(5片) $38》。海膽甘甜無澀味，最配用紫菜包著吃；吞拿魚清甜無腥味；大八爪魚鮮甜有咬口。《蟹肉忌廉餅 $38》炸餅香脆，中間有忌廉蟹肉，味道鮮中帶甜，香口惹味的。《厚燒牛舌心 $58》牛舌心是牛舌中最嫩的位置，所以牛舌肉嫩多汁，但如果火喉能再控制得好一點減少焦位會更好。《汁燒白鱔 $78》燒汁白鱔非常汁潤，咬落爽口彈牙，皮脆鮮甜。《京蔥串 $28》喜愛京蔥那種清新蔥汁味道。《鹽燒三文魚皮 $48》很脆口很有口感，而且不像平時潮式脆魚片般硬實，只要直接入口便能。魚皮帶魚肉，而且鹽香很提味，伴酒一

同朋友去咗耀華街少少哋劈咗兩個round之後，佢就話要食飯，有啲短癮。都費事周圍搵地方食飯，行到百樂中心，見啲人龍等lift排到出晒街，我哋都趁下熱鬧跟隊。朋友話要食串燒，所以去了12樓。Lift 門打開，心心招牌大大個喺正面前。裝修簡簡單單，整整齊齊，唔嘈吵，上嚟食嘢傾下計都唔錯。嚟呢啲食店最好係咩呢? 就係店主會親自問你想食咩，如果你諗唔到，佢哋就會推介你去食咩，其實係好窩心，唔怪得之間食店個名叫做心之食堂。食物交俾老闆娘幫我哋揀，飲品就我哋自己揀。朋友話頭先飲完酒，家下唔再飲喇，簡單啲要了杯【果汁特飲】，我就要了杯【薄荷菠蘿特飲】。【果汁特飲】、【薄荷菠蘿特飲】拼埋一齊，一橙一綠都幾靚。佢話鍾意個橙味，我杯薄荷味都唔錯。【燒日本蕃薯】: 細細粒，連皮食，甜甜哋，一口可以食晒，乾淨利落。【邪惡包】: 一啲都唔邪惡，個樣仲好吸引添。帶子中間被劏開，然後塞一塊香煎鵝肝入去，外邊再放啲生菜絲，最後用紫菜包住。口感好豐富。【火牛三寶】: 老闆娘點火將碟嘢燒著咗。啲火熄咗就睇得清楚原來係有一串牛脷、一串牛肉串、兩件牛肉卷，同埋一件厚菠蘿。牛脷都幾彈牙，味濃。牛肉串就肉嫩。牛肉卷包住隻蝦，一啖

今晚契女找我們聊天，到了吃飯時間，在銅鑼灣附近，記得有間居酒屋，便一起吃飯。我們到達時差不多六點，見到有個小妺妹在做功課，可能係東主女兒，應該係家庭式經營。地方不算很大，不過感覺到店主花了很多心機去裝飾和經營。邪惡包$76，原來係用紫菜包著兩片好厚身的帶子，再夾著鵝肝，由於鵝肝煎到焦香，甘香的鵝肝油脂夾著帶子的鲜甜，果然好邪惡呀😋😋😋雞軟骨$38，有三串，燒得好香又脆，我老婆話好好味。鰻魚茶漬飯$58，鰻魚好香，飯都好多，如果個茶漬再熱些就更好。日式炒野菜$58，野菜很鮮甜、新鮮。壽喜鍋$108，味道正宗，牛肉肥美，仲有靈芝菇同鮮冬菇，咁好味，唯有另追加烏冬$28，有兩個手打烏冬，不過滾1分鐘，就可以吃，彈牙👍👍，自製牛肉壽喜燒烏冬，正😋😋😋😋😋塩燒三文魚頭$78，三文魚頭好大個，仲有魚旗同魚鮫，好味又低食。

心の食堂的門面貼上桃花樹牆紙，很醒神。有雜誌採訪過心の食堂，貌似很有創意的小店。店內都掛著不同大小的單車和花草樹木，頗有田園氣息。藍蝶花白桃乳酸不會被甜味蓋過乳酸味，粉紫色好夢幻；果汁特飲比一般的少甜，岩我口味南瓜薯餅的薯味超香，薯泥打得好幼細，和剛炸好的外皮的口感截然不同。燒豬頸肉和香草一起燒，外皮燒得很香口，夠火喉，大大塊爽口彈牙😋燒牛舌爽滑不韌，油香吸引，加上黑椒調味，非常惹味，牛舌控必吃！脆脆吞拿魚腩卷中間包著脆脆，吞拿魚腩入口即融，蟹籽粒粒分明，多重口感。蟹籽甜蝦杯份量比較少，蟹籽和甜蝦尚算新鮮，比較普通。原條鰻魚上枱，賣相好吸引！鰻魚肉質柔軟肥美，淋上燒鰻魚汁，味道一流如果份量加大些少便perfect了！整體來說，食物的味道很好，燒物炸物尤其出色，很有誠意的小店