心之食堂 (裝修中)

一入到餐廳，格調普通，但一揭開餐牌，就知道呢個餐廳叫心之食堂既原因！首先，餐牌用水筆點食物，循環再用，十分環保！兩個人叫左7樣野，野野都睇得出好有心做！食物方便，炸野叫左蟹肉忌廉餅同芝士他他炸蝦，熱辣辣，蝦仲好嫩，亦算鬆脆！但蟹肉忌廉餅就麻麻，中間個餡實左d!到我最期待既心之火焰鐵板牛柳串就好正，上台時仲會有火比你睇下，有賣相有味道鹽燒大啡菇就好有菇味，燒芝士翠玉瓜都好正，唔會話好淡，有淡淡芝士同瓜既鮮味！石板黑松露牛油帶子都係推介之一，上台時個石板仲滾緊，4粒都咁大隻，食落去黑松露味強，帶子剛剛好，一d都唔黏牙！燒鯖魚飯更加有心，個飯心形，仲有d芝麻同味粉係飯面，所以個飯已經好好味！而鯖魚更加比我想像更性價比高，完全冇鯹味！大條得黎唔太多骨總括黎講，價錢唔太貴，有心料理又可以比你坐耐d，絕對值得一試！

今日經過銅鑼灣想食日本嘢，所以就揀左呢間上樓既日本小餐廳，一入到去格局好似入左一間寧靜的咖啡室，周遭掛上特色小品，單車模型，令食客邊食邊望住令令小品。邪惡包第一道上既菜係因為覺得個名好得意同埋由於好奇想知道點解叫邪惡包所以就點左。呢道邪惡包，其實係類似手卷，用紫菜包上兩塊鮮甜帶子，帶子仲夾左一塊火焰鵝肝，冰火交織的感覺都真係別有一番味道。彩虹卷第二道菜同樣地因為個名好令所以叫既，彩虹卷，卷物，紫草包住炸蝦粒青瓜蛋絲等。至於何謂彩虹呢，特色就係出面陣皮啦，用上唔同顏色的配料黏上紫菜邊，有粉紅色甜甜的砂糖碎粒同白色黑色芝麻粒，蟹子堆同埋黑魚子等，一淡食成個口感好豐富，好幸福。帶子刺身由於想試下刺身，所以就點左鮮帶子，新鮮切出黎既感覺係唔同d，新鮮肥美鮮甜帶子，食完即刻想encore叫多碟。原條鰻魚石鍋飯第三道菜就係呢間店的招牌菜之一，特色在於原條鰻魚上啊，條鰻魚仲長過個石鍋，瀉曬出黎啊！全條鰻魚都有用火燒一燒先放上碟，鰻魚一d腥的感覺都無，配上飯焦同鰻魚燒汁醬真係好好食啊。大推呢個！鹽燒三文魚皮好多日本餐廳都有賣三文魚頭湯，而呢個燒的版本就用上三文魚皮配上醬汁鹽燒，食落香脆可口，加上小量檸

位於銅鑼灣鬧市中嘅日式食堂小店-心之食堂，店舖座位唔算多，所以唔算嘈吵，啱晒良朋共聚一齊傾計，而且呢度食物款式種類有好多，串燒、特色壽司、刺身、甜品等等，可以一次過食好多唔同款式嘅嘢食！前菜我哋叫咗個三文魚刺身，刺身新鮮，上菜時見到就覺得好有心機，將簡簡單單嘅三文魚刺身都整得好特別燒牛舌牛舌口感鬆軟，夠入味仲唔會雪味，用嚟送酒一流心之食堂玉子燒玉子燒煎得剛剛好，內層仲滑脫脫嫩口配埋三文魚碎同沙律醬，不錯的配搭！創作卷物呢間食堂好有心思，有好多唔同嘅創作卷物，而呢一款炸蝦卷飯面外層有四種不同口味既配料，有白芝麻、蟹子、紫菜粉等炸芋圓芋圓愛好者既我一見到餐牌有芋圓兩隻字就即刻叫😆口感煙韌，有啲似年糕，如果芋頭味再重啲就好了！

一入到去店舖，環境清潔，日本味道的裝修，播著輕快的歌，大部分的食物幾適合情侶來吃，氣氛好好。首先上了心之蛋卷，會用蕃茄醬在蛋卷上畫個心心，好可愛！食下去有蟹籽、芝士、三文魚在其中，而且是流心，成個菜式好融合，十分美味，值得一試。然後就是芝士炸雞，吃下去有口感，肉質軟滑，唔會好鞋，更不會有冷藏味，皮還脆卜卜，而且芝士吃下去亦不會是很便宜的那種，令人想愈吃愈多，一份有5舊，真的是好味到不夠2人份量😋。另外鰻魚的肉質厚實而且鮮味十足，鰻魚的醬汁不會過咸，調味剛好但飯較為軟熟。之後就是心心魚生飯，青瓜口感清爽，用好重的麻油香味來涼伴，配料十分足料，有八爪魚、吞拿魚、三文魚、鮮蝦、蟹籽和鮮蝦，鮮蝦鮮甜，八爪魚爽脆，外觀吸引，成個心形上碟，混合豉油攪拌後每一口也嘗到刺身，飯的酸甜度適中，十分惹味。最後服務態度質素不錯，收執東西的速度很快，而且很細心會問我地甜品說需不需要後上，會給我們好隨意地選擇位置。  

店里有著溫馨和風居酒屋感覺，光線足，木質主裝潢設計簡單。脆脆呑拿魚腩卷hkd68壽司飯包住青瓜、天婦羅脆粒，面鋪呑拿魚腩蓉及蟹籽，底面點綴沙律醬邪惡包hkd38脆紫菜包兩片帶子一件鵝肝，鵝肝帶油潤感，入口即溶，彈牙爽口清甜帶子配油潤鵝肝，剛剛好厚燒牛舌心hkd58牛舌軟熟濕潤，咬下肉汁化在嘴間，味道惹味香口汁燒白鱔hkd78魚皮香脆有咬感，魚肉質彈牙嫩滑，香氣飄逸，魚油散在嘴內，回味無窮燒bb蘆筍hkd38蘆筍幼嫩鮮甜，清脆軟嫩，若果不加醬汁或減少醬汁，更能嚐到原味感原條燒菠蘿hkd48菠蘿水份很多，燒後仍然鎖住水份，香甜菠蘿汁特別惹味燒秋葵hkd38秋葵幼嫩，內里潤滑多汁京蔥雞肉串hkd38雞肉表面燒至香脆，肉質結實雞味濃郁，京蔥鮮甜，清新感鹽燒鯖魚hkd58魚皮薄而脆，肉質結實軟熟整體來說，這家店壽司料理及燒物質素不錯，價錢實惠，按店舖位置地區來說，划算之選。

情人節既前夕我地揀左朋友介紹既呢間心之食堂應下節 食下男朋友最中意既居酒屋心之火焰牛柳串 ($88)呢個係真驚喜！！ 見到好多人推薦呢個 所以我地就點左 但係我地事前真係唔知係會有真火焰 上菜前店員特登將我地枱面執好騰空左個位 拎左個串燒岀黎就即刻點火 睇到我同男朋友目瞪口呆牛柳食落唔錯 但係放係最底下既新鮮菠蘿先係匯集左肉汁既精華所在 又甜又多汁 真係有得睇又有得食 好滿足香蔥石板牛舌 ($68)上枱既時候 濃濃既醬汁仲處於沸騰嘅狀態 牛舌炆到熟透 有咬口但係唔會覺得硬 好入味紫薯甘粟餅 ($33)外脆內軟 紫薯心唔會太甜 男朋友都接受到李小龍卷 ($68)一件件既卷物有層次咁放係小長櫈上面 感覺好特別 一口咬落去有多重口感 外層粒粒彈牙既蟹籽 加埋咸咸既魚子醬 少少黏口既壽司飯再包住爽口既青瓜 炸蟹鉗同蟹柳 加上調味一流既千島醬就更加正帆立貝蟹籽杯 ($68)睇落好精緻 但係其實份量都唔少 帆立貝好大粒 入口鮮甜 而且仲有3粒 塞到個杯滿一滿 中間個層就鋪滿蟹籽粒 再下層就係壽司飯 小店仲好有心思咁將wasabi都壓成心形原條鰻魚石鍋飯 ($118)鰻魚原條食真係特別滋味 鰻魚啖啖

聽個名都唔知原來係食日本野~~有人推介過呢到日本野幾新鮮抵食~~果真冇介紹錯~見到個名就覺得好特別既 螢光魷魚 ($68)口感好特別~雖然我唔食青瓜~但友人話連埋塊青瓜好好正更能帶出個鮮味~~~脆脆吞拿魚腩卷 ($68/4件)好得意既椅子!! 即刻要影相啦!吞拿魚好好食~中間天婦羅脆粒亦好足料!彩虹卷 ($68/4件)真係好彩虹wo~~中間個炸蝦仲係好脆!好足料好好食~~帆立貝蟹子杯($68) &海膽蟹籽杯（$68）超大粒超鮮帆立貝!! 有四粒~好想可以自己一個食哂一杯!~海膽亦非常鮮甜邪惡包($38)唔洗40蚊就可以食到鵝干加大大粒帶子~~~好爽呀!!~~~~很喜歡呢到既食物同氛圍！支持小店^_^

鄰近地鐵站~唔難搵!見到出面擺左唔少椅~估計都唔少有排隊~~~!餐牌幾得意~可循環再用~夠哂環保!厚燒牛舌心 ($86/串)又真係幾厚但唔韌bor~~~一黎到都搶呢串~哈哈京蔥雞肉串 ($38/2串)雞肉好大件好滑ar~另外當然唔少得串燒必叫既雞軟骨($38/3串)同雞皮($38/3串)抵食又野味~~~!主食: 蒜片牛柳粒石鍋飯未送到上枱已經聞到超級香~炸得岩岩好~~唔會焦哂或者太苦~送飯一流~~~~!!!牛柳粒好厚好多肉汁~芝士炸雞 ($58)餐廳選擇鐵版上~芝士可以保持熱到都溶度~~雞件頗多頗滑~~最後叫左好高評價既心之蛋卷($88)肉含大量芝士~~一D都唔簡單! 正呀!店面雖少~但服務十足~食物味道亦高質~~可以再戰!

今日去咗銅鑼灣搵野食，經過呢個百樂商場排曬長龍，咁岩醒起朋友介紹過呢度12樓有好野食，就衝咗上去食。原黎呢間野就係心之食堂，係食日式野，首先我地叫咗呢個芝士炸雞，因為我係一個芝士迷，芝士炸雞仲係啖啖肉，應該好好食，之後就叫咗一個心之蛋卷，個蛋卷上面有畫心心同埋寫咗個の字，而入面就有三文魚芝士痛買蟹子，都係好夾嘅材料，所以就叫咗了，另外我地仲叫咗石板黑松露牛油帶子我個人都超級鍾意黑松露，所以無法抗拒。跟住我地叫咗個主食，就係蒜片牛柳粒石鍋飯同埋兩個個名幾得以嘅邪惡包同埋一杯野飲，叫做藍蝶花白桃乳酸。首先黎嘅邪惡包同埋心の蛋卷，邪惡包原黎係兩片帶子中間夾住一片鵝肝，再用紫菜包住帶子同菜，睇幅相都可以見到佢個帶子都幾厚切嘅，同埋佢嘅鵝港真係好靚，食落去佢個紫菜仲係脆脆地，成個味道都好夾，之前未試過咁嘅配搭，所以真係好特別。不夠如果佢個鵝肝味再濃d就會再好食d。跟住佢個心之蛋卷：我地一切開，d芝士流曬出黎，好香，不過佢嘅三文魚同埋蟹子唔係分佈得好平均，某d位會好多三文魚而另一d位就冇乜餸，跟住佢有個心心同有個の字喺個面度所以打卡都幾靚。之後黎嘅就係石板黑松露牛油帶子（4粒），一黎到就超級香黑松

今天與母親大人在銅鑼灣買完野，到晚飯時間佢話想食日式菜，上網search到呢間餐廳係附近，又有好多創意菜式，於是兩母女食在「心之食堂」菜單最吸引我的當然係「邪惡包」✨，可以話有一半原因係為佢而黎。邪惡，顧名思義：食左會肥。但呢個「邪惡包」，一點油膩感都沒有，反而邪惡在令人食左仲想再食！😈😈😈兩塊炙燒過的帶子夾住厚度適中嘅鵝肝爽脆的紫菜並不比以上高貴的食材遜色除了本身的鹹香外更帶出帶子的鮮甜和入口即融的鵝肝 另外我呢個三文魚愛好者見到有三文魚嘅菜式都忍唔住叫一客分別有：特色三文魚串 三文魚刺身 秋葵刺身沙律三文魚刺身厚身 肥美 山葵似乎係即磨的 非常新鮮。特色三文魚串食得又挽得，好得意！沙律🥗冇諗過咁大一兜，胡麻醬好香，同刺身好match蟹子軍艦的紫菜同蟹籽都卟卟脆彩虹卷好靚，入面係炸蝦🍤，壽司面層沾滿了白芝麻、紫菜粉、蟹籽、櫻花粉，所以有幾種唔同顏色甜蝦刺身都新鮮 蝦肉鮮甜牛舌心厚切，有咬口，調味好夠最後個綠茶雪糕有少少似雪耙 奶味同抹茶味都好濃 食飽飽食佢都仲食得落🍵餐廳內部環境舒適，店員nice，我同媽媽呢次嘅晚餐非常愉快

每隔一段短時間，總是心癢癢想食日本菜。心之食堂的店面不大，但裝潢處處見心思。當晚見到有個小妹妹在吧枱做功課，相信是家庭式經營的小店。汁燒白鱔$78白鱔肉厚彈牙少骨，而且富油脂，入口甘香。鹽燒雞翼$48雞翼咸香，不過略嫌燒得有點乾身。紫薯甘栗餅$33微甜的紫薯中混有栗子顆粒，炸得香脆可口。鹽燒大啡菇$48大啡菇經燒後，仍保留一定水份，而且面上鋪滿木魚碎，好香口，不過略嫌偏貴。彩虹卷(炸蝦、蟹籽、青瓜、牛油果、魚鬆粉、黑魚子及紫菜)$68賣相不錯，一次過試勻4款不同配搭。原條鰻魚石鍋飯$118日本菜中，鰻魚可算是我最喜愛的食物之一。石鍋飯一上枱，仍發出＂滋滋聲＂，熱力令到鍋底有少少飯焦，更富口感。鰻魚夠大條，夠多汁，好味！------------------值得欣賞的是，小店沒有用即棄的order紙，食客只要在過膠的餐牌上mark低想點的食物就可，環保又可循環再用。

天氣回暖又近年晚，在銅鑼灣到處辨年貨走得太累, 就去左心之食堂食日本嘢，因它給我有回家的感覺，滿滿溫馨,食物又用心製作。行左咁耐，運動做足就先點個邪惡包滿足下味蕾先。邪惡不是指它味辛辣到不肯、外表猙獰到不肯，剛剛相反它造型吸引，更用大大隻刺身帶子擁抱住入口溶化及煎到香味四溢的鵝肝，加新鮮的沙律菜以脆的紫菜包裹成包。邪惡處是它令你欲罷不能、想一食再食。這𥚃的燒物不錯，今日點了厚燒牛舌心，質感十足，配灑上黑椒鹽，令鮮味更加出。那串燒京䓤，別看其簡單，這可印證廚房的用心做菜，連這不起眼的菜都燒到只帶微微焦黃，但內𥚃熱透，䓤汁香四滲。食時連熨幾次我的嘴。鐵板送到，上插着2串牛柳，待應熟手地倒上液體點火，即時火光熊熊，火焰高處平人頭，見到令我心高唱"熊熊聖火、憐我苦痛多、明明亮光　為我消災去禍"。無怪這菜叫心之火焰鐵板牛柳，讚一下店主名菜貼題。待火熄後小心拿下燒得紅成炭的一截竹籤，嘗一口燒得剛好熱，嫩的牛柳，feel一下廚師的創意細心，因插座是用新鮮菠蘿整成的枱，火燒後熱、甜、軟，好好味。主食來了個石鍋鰻魚飯，飯上是整條鰻魚呀，肥美，汁多，飯在正鍋內熱力保持得很好，食左好耐仲熱的，連飯焦都燒成了

朋友介紹係銅鑼灣呢啲鬧市入面都有一啲可以chill一chill既地方，就係又有得食又有得玩既心之食堂啦！地鐵站A出口行幾分鐘就到啦，十分方便！心之食堂係樓上鋪，名符其實可以係鬧市中遠離煩囂。雖住又有得食又有得玩，聽落好似一般既樓上cafe，但係心之食堂係食日式野嫁！見到個menu已經覺得係有誠意之作，見到樣樣都好想試下。一打開就見到好多小食，沙律，炸物等等，見到個紫薯栗子餅係推介啵，就即刻叫個黎試下。又見到原條鰻魚石窩飯，岩哂大食既我！個飯一上條鰻魚真係好大條，飯又香噴噴，熱辣辣好岩冬天食。但偏偏朋友就話冬天都要食魚生，塊塊都咁厚身，難怪朋友堅持要食。佢仲推介左個李小龍卷，果然睇得又食得。一路食一路玩，真係輕輕鬆鬆又一日，當然都有叫返杯特色飲品啦，菠蘿特飲夠清新，乳酸特飲又夠哂開胃。今次朋友果然無介紹錯，心之食堂真係高質！

2月14日 好多餐廳都推出好多所謂情人節晚餐 然後貴價而且唔飽 比起平日食差幾倍價錢所以我就於早幾天搜尋了很多間看到這間很多好評 而且沒有於這個時間加價因為有book位所以一入去就有位了他們這天也有兩個情人set 不過我還是選擇單叫男朋友一進來對這裡的裝修不太滿意 而我則覺得沒什麼問題 只是小店的特色吧我們叫了幾樣東西 基本上兩個人都覺得好好味而且食晒大家都覺得好飽！先食左5百幾蚊 真心推介呀服務態度亦需一讚下次應該會再嚟！

銅鑼灣百利中心有許多食店，每晚約七時多八時左右，地下擠滿人龍待乘電梯上各層食店，是夜和朋友到了十二樓的「心之食堂」，主食日式食物，包括燒物、壽司、刺身、炸物及沙律等，貴精不貴多，卻有一定質素。食店不大卻企理整潔，大概有十多張雙人枱，很容易就坐滿全場，我和朋友叫了的海膽蟹籽杯及帆立貝蟹籽杯精緻有趣，味道不錯，食材新鮮是主要原因，而且外型堆砌很有序，另外，也叫了牡丹蝦，牡丹蝦扭動的身驅放在木擺設上，甚有藝術氣息，可見廚師的心思，我不禁抬頭望著廚師，看見他用心的廚藝確是迷人。朋友欣賞的原條鰻魚石鍋飯，重點是石鍋底的飯焦，脆而不燶，香口可人，當然主角鰻魚也是烤得不錯，配上鰻魚醬，香香甜甜，是好吃的作品。整體是一間食物出色的日式食店，見到廚師的心思和手藝，確值得支持，期待下次和朋友再來光顧。