心之食堂 (裝修中)

難得同女友weekday 都有得拍拖，今晚決定食得豐富啲！佢最鍾意食日本野，最後揀左呢間百樂中心的日本菜。見到格離有幾枱都叫呢個火焰鐵板牛柳串，應該係餐廳的主打，我地都叫左個！牛柳都幾鮮嫩，唔錯！身為海膽控既我地食親日本野都要食海膽！不過又係最易中伏既一樣食物！呢間既用料都算新鮮，沒有腥味秋葵刺身沙律，刺身份量都幾多，沙律用上胡麻醬，非常清新惹味汁燒白鱔-白鱔非常厚肉彈牙！不過略嫌帶骨，同埋$78一串有點過貴。燒雞軟骨十分香脆！燒牛舌心都十分厚切，食落又唔會”un”，推介！

係前幾日果陣咁岩得閒,就約左幾個朋友出黎啦，然後就同一眾親朋好友到了銅鑼灣一聚，咁岩路經呢頭,見到呢間餐廳,所以我地就打算入去試下咁樣啦,入到去之後,望到個價錢牌,見到款式都幾多下,而且價錢也都幾合理，照片睇落又唔錯咁,所以便走進去試上一試。裡面個餐廳內部環境都幾干淨下,炿光明亮,然後坐低等左無幾耐,野食就上黎,外表賣相比想像中既仲要好少少,而家都合番個價錢定位,感覺唔錯,有機會,我會再帶朋友一齊再上黎試下既

同老公仔撐枱腳，找上了這間日式居酒屋，食得滋味，食得豐富一打開𨋢，就吸引了視線店內裝修非常骨緻👏🏻肚子餓，即刻先來個壽喜鍋，，色彩繽紛，而且每卷肥牛都有兩塊，份量十足，恰下恰下，美味美味剌身新鮮，海膽鲜甜還➕上墨魚子，紫菜，食得開心🥳彩虹卷賣相漂亮，似足天上的彩虹🌈，而且口感豐富，有炸🦐，青瓜，墨魚子，牛油果，蟹籽，紫菜和魚鬆粉，這麼多配料，甚不滋味可口😝🔥物也惹味，魷魚上面有少量七味粉，入口帶點微辣，而牛舌心弾口，老公仔食到索索聲最後食埋炸薯餅，真豐富

心之食堂小小的日式居酒屋做了點功課，點了帶子鵝肝包以前在外的廚師發板吃過同樣菜式很高興在這不用貴價就能再次品賞鵝肝大小適中，跟帶子很搭吃完留有香氣而不油海膽甜而新鮮有點意外的是茄子是整條上上面佈滿蒜跟味噌醬，燒的火喉不錯茄子濕潤入味炸雞軟骨的粉有點偏多，不過整體還是香脆的吉列牛飯，心形的令我震驚了一下哈哈肉汁沒有流失，牛味重，質感軟軟的牛舌鍋上，份量很多，還有菜配合菜吸收了鍋上的汁，份外好吃今天沒吃到其他魚生類，只看到鄰枱點的壽司杯看起來好吸引另外我們還點了些串燒，味道也是不錯是日2人共500左右，大家都吃得很撐以在鬧市的日式居酒屋來說可算價錢非常親民

本身肥雞對銅鑼灣樓上舖嘅嘢食唔係好大期望 但係見呢間心之食堂喺openrice都幾多好評 所以就決定嚟試下 入到去個場又係飽飽地但係嗰陣已經九點鐘 所以對肥雞信心力都增加咗好多 肥雞嗌咗個厚燒牛舌心 牛舌厚切 惹味多汁 芝士炸雞真係鋪滿咗好多芝士 雞係熱辣辣的炸好juicy 但係啲芝士凍咗之後就變硬咗 露筍海老牛肉捲 呢個肥雞覺得normal左少少 跟住嗌咗三文魚雖然唔係話非常之新鮮但係以38蚊嘅價錢嚟講係正常嘅 個燒雞咁反而家呢個時候幾惹味 互相舔舔嘅照燒汁 非常之後咬口 鰻魚茶漬飯呢個又幾有驚喜茶漬飯就解 油膩 鰻魚亦都好厚身 捱多個彩虹卷 一面有啫係炸蝦卷 上面鋪滿咗太子 唔係話十分之好味但係就係普通通啦 個心之蛋捲唔錯入面有芝士同埋蟹子 最後要咗個日式炒雜菌 呢個就普通啦

呢排又係返銅鑼灣做野，朋友係銅鑼灣等我收工，諗極都諗唔到食咩，但又想食日本野，唯有上網睇下附近有咩食啦！呢間野就係我公司附近，行幾步就到再加上我見到「邪惡包」😂忍唔住去潮聖首先我地叫咗啲刺身係三文魚同帶子三文魚肥美新鮮嘅但帶子真係要特別講下佢雖然係中Size但佢將青瓜夾係中間令到佢嘅清甜爆發咗係驚喜嘅！之後就係壽喜燒喇！係我揀㗎！我好鍾意壽喜燒！好好味😍份量兩個人啱啱好到喇到喇！我期待嘅邪惡包啊😂外面脆脆嘅紫菜包住略略燒香咗嘅帶子中間夾住鵝肝真係邪惡到爆成舊放咗入口完成唔曬講野😈😈之後就有燒白鱔份量雖少但勝在真係好味呢個燒汁牛肉飯醬汁偏甜未必人人都啱食但我好啱食，因為我好食得甜😂最後就係呢杯藍蝶花白桃乳酸隻色好靚🤤好飲佢冰唔多所以冇溝淡到👍🏻👍🏻👍🏻亦啱啲唔係好飲凍野嘅女士們

今日同個女去咗銅鑼灣Sogo買禮物送比人地阿媽生日。行到咁上下，去咗百樂中心搵食。由於我地比較鐘意試新嘢及支持小店。所以最後揀咗12樓嘅“心之食堂”。裝修係日式居酒屋。再睇吓餐牌，食物種類都幾多。價錢亦唔貴。原條鰻魚石鍋飯$118鰻魚燒得剛剛好，又唔會有好多小骨。飯質軟綿綿，飯底有少少飯焦。所以好香好好味彩虹卷$68炸蝦，蟹籽，青瓜，牛油果，魚鬆粉，黑魚籽，紫菜。胡椒豬骨煮蜆湯$78呢個配搭好特別，胡椒多數係配豬肚。但心之食堂就用胡椒配豬骨湯煮蜆。味道果然好夾，胡椒味濃得嚟又唔辣。而且令到蜆更加有鮮味。我飲咗好多湯。正呀！👍👍鐵板豆腐$48有4件豆腐，配上一個酸酸甜甜醬汁。豆腐滑嘟嘟鹽燒雞翼$48有2串，每串有2隻。雞肉燒完保持肉嫩。不過我就覺得鹽嘅分布唔平均，所以食到一邊冇味，一邊就比較鹹黑松露帆立貝串串$481串有2粒，帆立貝邊用咗一片薄薄蘿蔔包住而且多大大粒，好厚肉，好鮮甜海膽$58海膽用一隻細酒杯裝住，有4片紫菜。底部有少少沙律菜。海膽鮮甜夠creamy。

香草豬頸肉烏冬, 豬頸肉燒得乾身肉嫩夠咸香, 烏冬達到煙韌實淨口感, 不錯!鹽燒雞翼, 十分美味, 烤焗雞翼表面微焦脆卜卜,  雞皮很香脆和雞油味濃, 燒BB蘆筍, 不過原來BB蘆筍的口感比粗身的大蘆筍一樣咁爽口, 有醬汁加持令味道更鮮甜!黑松露帆立貝串, 賣相好特別, 有心思!  黑松露帆立貝壽司. 大大粒的北海道帆立貝壽司配鮮黑松露, 簡直口水直流薄荷菠蘿特飲, 菠蘿薄荷梳打, 味道鮮甜且清新，菠蘿的清香與薄荷的清爽搭配出一杯交融於一體的冷飲來

之前去過幾次心之食堂食晚餐，每次來食飯感覺很溫馨。店內每個角落都用心擺設，食物味道都幾好味，價錢唔貴，在銅鑼灣區也算抵食。 餐廳細細坐位唔多，每次去也是先打電話去訂枱。 今日我同朋友大概6:00去到，見到未坐滿，不過到7點就已全滿座。 上次來食過邪惡包，好好味。 今次也推薦給朋友。 帶子中間夾著厚厚的鵝肝，味道非常完美配合。 另外原條鰻魚石鍋飯，一整條鰻魚放係個石鍋飯上面，石鍋飯粒粒分明，鰻魚味慢慢滲入飯粒內，愈食愈好味。

同朋友來心之食堂，食一間新式創新的日式料理。脆脆吞拿魚腩卷（$68）上面有吞拿魚蓉伴天婦羅粹，中間包住青瓜，口感香脆。邪惡包（$38/件），以煎香了的鵝肝夾左帆立貝的中間，再用紫菜包住，沒想到鵝肝和帆立貝2樣較貴的食材會同時可以一齊出現，鵝肝煎到外暖內嫰滑多汁，帆立貝鮮甜美味，加埋是個創新之選，而且價錢算幾抵食，值得一試！心之火焰鐵板牛柳串（$88），這度菜在食前會有火焰的出現，可觀性幾高，牛柳串插住燒菠蘿，牛柳粒嫰滑多汁，燒菠蘿好甜，薯條香脆可口。原條鰻魚石鍋飯（$118），原條鰻魚好長，厚身大條，啖啖肉，鰻魚的燒汁流在石煱飯裡，飯亦不會覺得寡。心之魚生飯（$98），魚生飯真的呈心型，有三文魚、吞拿魚、油甘魚，八瓜魚、粒粒魚籽，材料極為豐富，心型的造型，可見餐廳設計菜式花了一點點心思。

朋友約去銅鑼灣心之食堂吃晚飯，一聽嗰名就感覺是一間好warm食堂。 在餐廳門口看見優雅和諧色調及掛布，店內是簡約日式風格。牆壁上掛上很多單車組件，連exit 門上也貼上一些特色poster，令到餐廳有溫馨小家溫暖感覺。食物種類也算多，而且更是大眾化價錢。鰻鰻卷原條鰻魚放在壽司卷上，厚厚鰻魚啖啖鮮美。秋葵刺身沙律刺身種類及份量十分多，完全鋪滿一大碟，愈吃愈滿足。炸雞肉軟骨粒新鮮炸好，熱辣辣卜卜脆。邪惡包真的超邪惡，厚厚帶子夾著滋味鵝肝。 邪惡程度滿分。 原個放入口，鵝肝油脂夾雜著鮮甜帶子味道，帶有夢幻味道組合。原條鰻魚石鍋飯原條鰻魚放在鍋上，熱鍋令鰻魚浸出香濃魚脂，白飯吸收了魚脂超美味，每一啖也不想錯過。芝士他他炸蝦 蝦炸得鬆脆加上芝士，好滋味。

今晚約左男神在銅鑼灣食晚飯，男神想食日本菜，甘我哋就揀左百樂中心間心之食堂，食食居酒屋。食店環境舒適，坐位寬敞，感覺良好。店員服務態度殷勤，有禮貌。此外，食店裝潢簡約，環境寧靜，係傾偈談心的好地點。食店食物款式多，任君選擇，款款都很吸引。一般居酒居的食物食店都有。邪惡包，帶子配鵝肝，加上紫菜，就好似我同男神一樣匹配。白鱔厚切，非常美味！雞皮爽脆而且香口，好好味！蝦蟹子杯，好食，靚，料多。刺身串，新鮮美味，而且刺身厚切，啖啖肉。青蛙王子，綠茶雪糕 soda, 配刺身好夾。食物質素高而美味，環境舒適，一面傾偈，一面交心，歡樂度過愉快一餐。

話時話呢排女朋友話想食下日本野 聽朋友講話cwb有間居酒屋既食物質素幾好 於是帶女朋友去食了 去到門口完全唔洗等直接入就得 店鋪外邊既裝修都好靚我地叫左佢2個好有特色既飲品 青蛙王子 藍碟花白桃乳酸青蛙王子 好好飲 上邊個綠茶雪糕唔會太甜好清新 飲得出係有忌廉汽水 飲落好清涼 好有薄荷味 清得黎唔會太甜 一向都唔鍾意飲甜野既我都覺得ok而女朋友更加唔洗講啦 搶住飲xd呢杯野飲 都好有特色 紫色係上邊 而白色就係乳酸 飲落去唔會太酸 而且都好清 呢杯傾向我鍾意飲d 而女朋友都覺得呢杯唔差我地叫左個餐前小食 炸雞軟骨 佢d粉唔會太辣 好惹味 炸得好鬆軟 唔會overcook 令到我地食欲大開 呢個邪惡包聽友人講係推薦必點之選 用清新既帶子當做包夾住一塊鵝肝 呢個咁邪惡既佩搭 仲要有紫菜包住 味道真係一流 令到我地食指大動 咬落去清而不油 而且食得出好fresh 好特別 推薦大家一定要試下呢個牛舌睇落同平時既大排檔小炒差不多 但食落就係另一回事 牛舌軟硬適中唔會過硬or過軟 味道唔差 個汁唔會太咸 幾好用作送飯 呢個都好推薦大家去食食重頭戲來了 呢個牛肉串十分有特色 會由店員親手倒酒點火去燒

銅鑼灣百樂中心有好多餐廳，今晚想食日本菜，唔想太heavy，但又唔想淨食刺身，見到呢間餐廳個名幾得意，網上訂座仲有折，就訂座揀左呢度餐廳比較細，所以有少少逼，而我地的時段旺場，所以得返bar檯，其實都ok，睇住廚師整野食！價錢係同區同類型黎講唔係貴，所以兩個人叫下叫下無睇價錢，但性價比還可以，服務都唔錯！原條鰻魚石鍋飯係真的一整條鰻魚，見到咁大條係個飯上面係吸引，但因為鍋細左少少同埋圓形，所以鰻魚汁唔能夠均勻落曬飯度，而石鍋飯無飯焦呢樣唯一差左d三文魚 吞拿魚刺身個人好喜歡呢樣，三文魚好juicy，肉同脂肪分布平均！吞拿魚入口即溶非常高質！鹽燒大啡菇大啡菇爽爽的，夠曬大隻同Juicy!碎吞拿魚軍艦壽司一啖一件剛剛好好豐富的口感！飯唔多！成個口係充滿曬吞拿魚的味道！邪惡包初初友人想點豉油，我stop佢話有鵝肝唔應該點，果真鵝肝的油脂味充滿左成粒帶子，加上帶子自己的鮮味，係清甜中帶點油香的滿足感！整件事對了！燒原條日本魷魚友人好鍾意食魷魚，一路食一路話好味，的確又幾淋，唔係燒到硬曬同太乾，配合醬汁味道剛剛好心之火陷鐵版牛柳串個火好大，侍應會先淋左冧酒落去再點火，個場面幾吸睛，燒完之後下面的

百樂中心真係有好多唔同嘅特色餐廳，呢日就約咗朋友試試心之食堂呢間日式居酒屋🏮⭐️炸雞肉軟骨粒 HKD 38熱辣辣即炸即上枱，食落口脆卜卜，薄薄嘅炸漿包住爽脆嘅雞軟骨，食到停唔到口呀😋⭐️日式炒野菜 HKD 58少油嘅炒野菜，清清地，健康啲，唔錯👍🏻⭐️香蔥石板牛舌 HKD 68厚切牛舌條，肉質嫩滑，醬汁香濃惹味😋⭐️黑松露牛油帶子 HKD 88牛油香煎帶子，火喉控制幾好，帶子肉質保持滑溜。⭐️彩虹卷 HKD 68擺盤有特色，賣相顏色吸引，中間嘅吉列蝦香脆配埋爽口青瓜，爽脆好味😋⭐️海膽蟹籽杯 HKD 68海膽鮮甜香滑，加埋大量脆脆蟹籽，好味👍🏻⭐️心之魚生飯 HKD 98賣相好靚😍有心思，顏色組合夠哂吸睛💛