德記潮州菜館

营业中

休息中

細個時成個黎食，大個咗再黎回味一下，點之有一點點的失望，味道的確沒有以前好味，但價錢又唔算太平民，但座位環境尚算寬躺舒服，唔會似小店打冷舖咁逼。蝦棗拼墨魚餅，蒙住眼食的話，絕對好難想像自己食緊乜嘢，但個醬汁就跟以前一樣好味。總括味道都不過不失，average。是次人均消費$200.

好多年前嚟食過，都ok ，今晩又系一行六人分兩張枱到這裡食晚飯，六點鬆d到，人客不太多。鵝片拼鵝肝，鵝肝冇根冇渣好滑，鵝片亦都大大片，墊底還有些豆腐。墨魚拼海哲，海哲厚身，墨魚片有咬口，兩樣都好食。蠔仔粥，料多份量大，炸蠔餅，十分油，馬友魚飯，三樣野都冇試。沙爹牛肉芥蘭，沙爹味道吾錯但個汁比較糊口，芥蘭就略為老左d。清心丸綠豆爽，一般啦。食完返屋企，十分口渴，可以味道太濃烈嘅關係。埋單 $1276/6位。

德記的潮州菜, 和可可店的小食, 新興的早茶, 以及源記傳統的中式糖水, 也是以前讀書的回憶. 現在走過來, 西環變得Chill了不少, 很多舊事物也消失了, 幸好還有些事物維持不變, 例如德記, 依然是如何此的熱鬧, 菜式依然是抵食夾大件, 就算有米芝連加持, 也沒太多刻意的改變, 對我而言當然是件好事.鹵水鵝全鵝肉片, 無骨而且鹵得相當入味, 以胸肉為主口感有點柴口, 但一百二十元來説, 一般潮州菜餐廳也許只能”哽骨”. 蠔仔相當大隻, 而且沒有如之前在11 Westside吃的腥臭味. 以其製作的蠔餅炸得相當香口, 很久也沒有吃過這種非煎用炸的做法, 炸粉外皮較厚但幸好沒油膉味. 方魚肉碎蠔仔粥的粒粒米飯口味, 還有方魚的咸香, 加上肉香味豐富夾着脂粒的肉碎, 傳統的潮州味道再加上五十元大大碗的份量, 單吃這個當一餐也可以.

搬離左西環都10幾年，尋晚約左朋友西環食飯，原來係食德記，let’s go!真係好耐無來過原來鋪位都搬埋，大左間咁多，幾好喎！又係我最遲比佢地叫晒餸，我心諗你地識唔識叫架，點知真係有伏啦😂第一味餸-鵝片什會，鵝片好食，豆腐好食其他差左了，但點解。。。點解你地唔叫鵝腸墨魚同鵝肝，唯有下次啦 -$148👍👍👍👌之後來左個韭菜豬紅，佢係好杰身的汁，豬血好食不過質感一至覺得唔夠出面的出色-$58👍👍之後再上胡椒豬肚湯辣味再重D會更好，湯料十足，好飲-$68 例牌 👍👍👍👌之後呢個好食，半份蠔餅！點解叫半份架你班死仔。。。下次唔好叫餸喇唔該，搞到唔夠食law😂-蠔餅半份 $55👍👍👍👍潮陽梅羔骨，唔太甜炸得幾香口，甜味帶少少梅味，幾好食好似$78👍👍👍👌之後呢兩味先係招牌菜來架麻糯米釀大腸，炸得唔錯不過炸多一陣可能會更加好，切出來的厚薄適中，夾兩夾就食晒了-$78 👍👍👍👍最後出場的就係咸檸7同雙面黃（潮式糖醋伊麵）食呢個麵記得加多糖同加多醋，如果唔係就唔會好食，麵係伊麵唔會好似平時食肉絲炒麵咁脆卜卜，但好食架，會食到蛋味架，留肚試下-$68👍👍👍👍咸檸7都係兒時愛好，點都叫杯飲下啦呢餐又唔叫魚

多年之後重遊到舊地，規模大左好多，菜式更加五花八門，多咗好多非正宗潮州菜。6:00pm去到，大把位任揀，企咗喺門口一陣都冇人理，跟住自己走咗入去求其搵張枱。環境望落去光猛衛生，不過地下就油泣泣，行路都有少少想跣親嘅感覺。先來支啤酒，諗好咗食乜嘢就落單，等咗一陣就好快上菜。例牌滷水鵝，都幾多肉，冇乜肥油，少骨，係唔錯嘅，不過滷水汁淡咗啲，下底嘅豆腐亦都唔係好滑。椒鹽鮮油好失望，一開始已經覺得唔脆，等咗一陣再食，全部林晒，椒鹽嘅味道都冇乜，可以講話係難食。蠔餅粉漿太厚，煎得太耐，好乾，蠔仔好少，唔肥滿，熟到乾晒，好多䓤，似蔥油餅多啲，都係難食嘅。潮州炒河，份量夠，料都幾足，不過似乎淨係用咗啲無味嘅豉油炒，完全冇魚露鮮味，唔正宗。服務方面，就唔好有咩期望，基本上啲服務員唔叫就唔郁，大多數都係木無表情，零溝通。整體相對起其他香港潮州老店，德記係比較遜色一間，佢應該仲可以做到街坊生意，不過我就唔會再特登過嚟⋯⋯

滷水鵝片好抵食，$98例牌有兩三層肉，浪底嘅滷水豆腐唔會好多，但豆腐都好食，好滑。另一必叫推介，胡椒豬肚湯！胡椒味十足，個鹹菜好正！豬肚都好足料！例牌夠兩個人每人飲兩大碗！

呢間餐廳喺西環度都幾出名，星期日嚟到七點幾已經要排隊🤨食潮州打冷點可以少得酥炸蠔餅，呢間啲蠔餅大，有兩塊！生蠔肉份量還可以，不過好似幾年前食係多啲蠔肉㗎，而家少咗少少不過都還可以接受！仲有叫咗個川椒雞，偏鹹咗啲，不過撈飯食都唔算好大問題！椒鹽豆腐麻麻哋，啲豆腐以為係一口豆腐，唔知超級大舊、又炸到勁老，一啲都唔嫩😔😔叫咗個梅菜扣肉，梅菜扣肉肥瘦均勻，朋友都話啲梅菜好出色，一啲沙都冇，而且用嚟撈飯非常惹味！

見長輩，大家都係半個潮州人，就揀咗長輩去開嘅德記⋯⋯未去過呢類食肆，似室內大排檔，地方幾濶，圓枱、厚玻璃杯、貼滿牆嘅手寫menu、枱上一壺有色但冇乜味嘅茶，充滿香港潮州食肆嘅特色。食物主要係傳統潮州美食，仲有廣式小菜同碟頭飯⋯⋯三個人，點左一碗蠔仔粥、一碟炒麵、一個韮菜豬紅、一碟鵝片。鵝片：鵝肉好多，下面有豆腐，如果豆腐多D更好，冇花生有少少失望，幾好食韮菜豬紅：都係好大碗，味道唔錯蠔仔粥：都都係好大碗，幾多蠔仔同肉碎，味道都唔錯炒麵：呢個勁得！配料有蝦、魷魚、芽菜，炒得好香，味道啱啱好！走個陣已經3點幾，埋單只係270左右，三個人捧住個肚，仲有得打包拿走！灣仔、銅鑼灣一碟鵝片已經百幾蚊喇！特登坐車過嚟食都抵！

今日行街行到去德記，入去食過便宜又好味的炒河，當然唔會唔食鹵水啦！雖然人客單薄，但老闆仍堅持下工作，如果唔係有心做，我哋就無得食啦！感謝老闆！希望 疫情快啲離開香港！

香港西區由上環一直到西營盤，堅尼地城一帶一直係潮汕人聚居地。老一輩舊街坊好多時都會見有好多潮州老漢於碼頭一帶用人力三包三包(每包30斤)大米從裝貨船搬到附近米倉米鋪，再由一車車搬到糧油店出售。久而久之，西區也慢慢聚集不少潮汕同鄉，同時也帶來獨有家鄉潮汕菜。最近秋風起，飯聚時間轉為午飯時間。周不時到不同地方享用潮州午飯。說起德記位於西區聚腳點，係城中有名潮州店之一。多元化家鄉潮洲菜同時帶動起區內飲食文化。疫情前想訂枱晚餐一般都需要提前一個月訂枱。今早再臨當然有蠔仔洛，豬肚湯，想不到佢哋午市還有地道味菜牛柳絲炒麵。蠔仔洛慢火煎配有大量香蔥芫茜，番薯粉份量適中不會有油膩感及太飽肚感覺。豬肚湯胡椒味龍魚湯適中，不會有燥熱或腥味道。炒麵炸脆，半小時後都完全沒有回油味道，火候，油溫完美控制。

上次試咗兩個得嘅粉麵，發現佢嘅餸都差唔多，笑咗！肉絲炒麵啲麵餅整到好脆！咬落去卜卜聲。加返個汁就唔會太乾。肉絲同埋啲蔥香口令到成碗野嘢昇華！雪菜肉絲伊麵乾燒伊麵都幾乾身，唔會太多醬。呢碗仲有冬菇添！兩碗來講我就鍾意伊麵多啲～

西環食潮州野大把選擇，德記是老字號的排隊店，所以買外賣都選擇在此。為了環保，自備餐具，起初怕老一輩唔會明白，但原來落單姐姐完全唔怕麻煩，要讚。點了手滷水拼盤加鵝肝、蠔餅、糖醋麵、潮式炸豆腐、沙嗲牛肉炒芥蘭，最後加多一個綠豆糖水作甜品。滷水拼盤正常的好吃，特別加了鵝肝，不是其他滷水店有的菜式。號餅裏的蠔， 十分足料，不會有機會吃到淨雞蛋。糖醋麵&炸豆腐因時間耐了，質感有變，但味道依然好正。沙嗲牛肉炒芥蘭，沙嗲汁加上芥蘭，芥蘭滲入沙嗲的味道，味道十分特別。綠豆糖水，不是很多地方找到，唯一可以相比，只有九龍城合成糖水。

米芝蓮系列滷水鵝腸拼鵝肉片-好入味但鵝肉有d韌小食三寶-好開胃蠔仔肉碎粥-好正d好淋,入口即溶脆皮糯米釀大腸-好正呀,糯米釀雞翼就食得多而釀大腸就真係第一次食潮陽蘿蔔烙-最好食係呢間,外層好脆而裡面蘿蔔又香又淋糖醋伊麵-就算外賣都仲係好好食黃金墨魚卷拼蝦棗-炸得好好食金銀蛋莧菜-不錯呢間cp值真係好高,平靚正

由去年到今年，香港嘅事件真係發生得太多，令到我同家人沒有太多時間外出吃飯。新冠肺炎幾個月，限聚令自父親節放寬之後，其實好想去食呢間出名嘅潮州菜，對我哋九龍人來講呢間就梗係遠一啲，但最後都係冇失望首先未入門口嘅時候就已經吸引咗我同爸爸，因為嫲嫲同爸爸細個嘅時候住黃大仙區，門口就有張好吸引我哋嘅舊相片係1983年同2013嘅對比，又比到機會爸爸細說當年。入到餐廳裏面，有量體溫，環境就當然係爸爸最鍾意嘅夠地踎，但係又係篇乾淨嘅，全場都坐滿人，又有間板，令人都覺得有安心感覺。另外我最鍾意佢哋將出名嘅菜式掛晒喺個牆度，令人一睇就知道乜嘢係出名要叫嚟試下，食完全屋人覺得好滿意，重要嘅一點係返到屋企唔口乾，一定會再返嚟食埋其他想試嘅食物。

今午去試一下,午飯套餐,點了1.瑤柱蛋白炒飯，水準差劣，飯太油，太粘口，沒味道.2.茄子斑片蚊米, 沒有汁的蚊米，都是第一次吃,詢問服務員，可不可問一下廚房師父，這個茄子斑片蚊米，是沒有汁的嗎?回覆是"就是這樣子的", 再問經理，回覆是"好，叫廚房師父加點汁在這菜裡，又等了5分鐘，看到的似干炒米粉，都是沒有汁的，非常油膩，95%剩下來，太失望了, 花了HKD105, 00，真是吃不下去。水準不如小小的茶餐廳.以後不再來午飯...