德記潮州菜館

营业中

休息中

屹立西環多年嘅潮州菜老店，一直都係人氣爆燈。 今日去開依邊終於可以再嚟食！大鵝肝配鵝肉片$218雖然份量唔係好多但係鵝肉肉質彈口， 鵝肝冇根入口即溶，正！凍烏頭$268好耐冇食，所以就叫左！烏頭都幾大條，黃油滿瀉，推介～蠔餅$98蠔餅份量都幾大，建議三至四人叫一片就夠！ 同出面嘅蠔餅都一樣，偏油咗啲！佢唔算好脆嗰種，都Ok！香芋臘味炒飯$55個炒飯整得唔錯，好香芋頭味，臘腸都好多！什菜煲$78依個就正正常常啦，無咩特別！

星期五星期六晚上食都預約左先好d既生意都唔差～～今年第一次來吃，服務同以前咁不過不失，但食物水準有d下降。服務員講解不清楚，三個人叫左一窩蠔仔餅，太大份啦，即係有2大片蠔仔餅，其實一片已經足夠！個餅好油膩，食兩口就好滯，d粉太多太厚啦～～～～水準無之前咁好。潮州炒河粉，偏油膩但熱熱地食都OK，少左d過鑊氣馳名胡椒豬肚湯好稀好淡，無咩湯味，料好少，得個胡椒味，有d失望。三個人就唔好叫大份，真係飲水飽 😂今日食偏澱粉質類多，好飽，短時間不會再光顧，如果3-4個人食，建議還是都點小份，可以試下其他菜。費事好似我地咁點大份，個肚都食唔落其他啦。

從香港大學店一出行2分鐘便到的德記，非常方便。好彩有訂位，星期五晚人特別多！來到潮洲菜館好多東西想試，先來的鵝肉拼盤當然鵝是主角，鵝肉嫩滑，還有鵝腎、紅腸、豆腐、五花腩。黑胡椒咸菜豬肚湯是必點的，不太喜歡辣的朋友可能覺得有點辣，但湯很清，豬肚好味，沒有腥味！潮州菜又怎可以少了蠔餅！煎得很香口，沒有太多粉，蠔仔份量足（要趁熱食），可選1片或2片，另一必嘗是大地魚蠔仔粥，蠔很新鮮，配大地魚，足料味道好！ 有一碗或一窩可選。炸雙棗是我最愛，以前潮州店的是蟹和蝦，現在是墨魚和蝦，同樣好味！ 還有沙爹粉牛河亦是潮州菜的經典之一。牛肉很嫩，沙茶醬味剛剛好！我們還點了一個細的春菜，有家鄉感覺！大地魚炒芥同樣出色！甜品點了綠豆爽和芋泥，我們喜歡的食法是兩款混在一起。如果有水晶包便好了，現在潮州菜館很少有水晶包了。順帶一提，在門口有出名的砵仔糕賣，可惜緣慳一面，今次未能買到。下次吧！

位於西環嘅德記潮州菜館，屹立三十多年，早年更躍升為米芝蓮推介🌟。果然，一試無令我失望！依家仲要有埋香港大學地鐵站🚇，一出地鐵站斜對面就係餐廳所在，好方便！.一行三人，叫咗個四人餐.🍴滷水鵝肉片首先份量唔少，以呢個價錢來講真係估唔到出面一個碟仔都收百幾蚊啦味道方面，鵝肉甘香，肉質彈口肥膏同肉嘅比例恰到好處，爽啊！.🍴炸子雞（半隻）炸子雞其實睇個樣就知佢好唔好食一上菜，雞皮烤到金黃色，又有光澤咬落去非常脆口，雞肉肉質嫩滑多肉汁.🍴胡椒豬肚湯本身個餐係蟲草燉盅湯，但因為真係好想飲胡椒豬肚湯，餐廳好好人咁俾我哋轉胡椒豬肚湯最重要胡椒味夠重，呢點佢做得好好除咗胡椒味，仲附帶淡淡嘅鹹菜鹹香味我哋飲完一碗又一碗.🍴蠔仔餅超超超超超大份，圖入面其實係有兩層佢個蠔餅夠脆口，鴨蛋香味夠重落蠔唔手軟，啖啖都咬到好多蠔配賣魚露食，鮮味出晒嚟. 🍴雲腿大芥菜煲相比頭先嘅餸菜，芥菜煲就顯得有啲普通略嫌芥菜煮得比較林冇乜咬口.最後大家可以睇睇價錢四人餐咁多餸先$589，加埋一都係六百幾完全顛覆咗我潮州菜好貴嘅概念我哋三個人食，完全食唔晒質素遠超過價錢，性價比非常高有機會都好想再食多次

同屋企人食晚飯，平時好多人排隊，不過好彩今晚唔使排好耐隊就有枱！點了四人餐 $688👉🏻鹵水鵝肉片拼什會有鵝片、腎、豆腐、紅腸，滷水味好濃，鵝片好肥美！👉🏻翡翠龍躉球啖啖肉，好新鮮，有驚喜！👉🏻古法蒸龍躉頭腩魚皮超彈牙，食得到嘅骨膠原！👉🏻馳名胡椒豬肚湯好多豬肚，胡椒味十足！👉🏻德記脆皮雞雞肉略嫌難左d，不過真係好脆皮👉🏻大肚婆炒飯 $55薑米同雞粒都好好味！最初問服務員四人餐要唔要加一，佢話唔使，點知埋單時要計加一，有點無奈。。。

My family and I are curious for the Grand opening of Wellcome Fresh. We go to Shek Tong Tsui to shop around and we stop at this restaurant close to MTR station. We ordered oyster congee, pan fried oyster cake, combination of duck meat and fried noodles in Chiu chow style. The food is kind of light when it compares to other Chiu Chow restaurant. The downside is the soy sauce not rich enough so it’s a bit disappointed. The noodle is like those kind of fish cake which we can buy from store. To sum

呢間朋友介紹既打冷。星期六去食4位以上先可以訂枱。果日1230 去到都好多人等位。好彩我地四個人訂左枱啫。野食黎得好快，所以我地都分開叫既。先黎必食既豬紅，韭菜都好多，豬紅無一夾就散，又唔會有咬口既怪感覺。不錯👍🏼椒鹽白飯魚，細細個果陣食陣既白飯魚都好細條咁！呢個長過手指，薄薄的粉唔會覺得自己係食粉唔係食魚！新鮮炸唔油鵝片拼鵝肝，鵝肝入口即溶！鵝片份量唔算了，抵！一向都唔太鍾意蠔餅，多數都好油既！呢個唔算多。比大多數好👍🏼好耐冇食豉椒炒蜆，豆豉同辣椒嘅比例好好，唔會太辣唔會太鹹鵝腸墨魚，佢黎錯左鵝片墨魚，更正左後墨魚份量大返好多。鵝腸清晒肥油，好爽口！最尾先叫蠔仔粥，份量唔算小，蠔仔鮮味唔腥，配上冬菜沙爹牛肉芥蘭，呢個係最普通既。可以叫其他菜類！

2021.09.25當星期六都要OT,放工自然就想食番餐美味野！而且太耐無打冷，就上網搵下附近有無打冷，行五分鐘就有一間啦！一入門口就見到坐潮人好左都唔洗等位仲有幾張2人枱！坐低即刻有店員送上小食一碟同茶水，餐牌好多野食呀！最後兩個人叫左三樣野！鹵水鵝肉片拼什會 例$158有鵝肉片、鵝件、雞腎、腩片、紅腸、豆腐，好豐富！又肥美呀！鹵水味夠！凍黃油大烏頭 半條$138兩個人食份量岩岩好，黃油滿瀉，肉質不錯！汕頭鮮味蟹粥 碗$78 初初以為好細碗，黎到一大個碗足夠每人裝3小碗！有好多蟹糕同蟹肉，不過粥就唔覺有咩蟹味！

外賣一個蠔餅，7點打去落單話10-15分鐘就有，都知間野唔會咁準時，7點三四左右先去到舖頭，未有；7點5未有，7點半都未有，問老闆係唔係漏單，佢堅稱唔係，叫佢幫手追追，話追左😡到有個侍應終於都見我等左好耐，主動話幫手入廚房問，然後5分鐘就有，最後等到7點47分先係間舖走，成家人等我開飯等左47分鐘，阿老闆一句唔好意思都無，咁又係，我買得一個蠔餅，佢唔稀罕啦，不過咁，蠔餅唔係得你有，附近有間都好好食，自問都一個月總會幫襯一次，以後無下次👎🏻👎🏻👎🏻

打冷AGAIN!!做緊主題介紹希望大家鐘意!今次就無試鵝片換下口味!菜式如下滷鵝腸 大墨魚 紅腸, 酥炸荔芋蓉 ,肉碎鮮蠔仔粥 鮮檸檬咸檸七今晚既飯腳係唔飲酒,我地改飲鮮檸加咸檸雙檸檬七喜,夠清新咸甜 食濃味打冷又幾夾架喎!鵝腸滷得入曬味,腸入面仲有少少肥食入口甘香帶點脆脆感 墨魚片薄食鮮味 紅腸純粹個人喜歡食酥炸芋泥 係好酥香脆口既外層下包住打成蓉既芋頭泥同鴨肉,入口棉滑芋味濃郁鴨肉美味肉碎鮮蠔粥 呢間既米粒有開花 食到胡椒味幾重手下 蠔仔鮮味飽滿啖啖蠔香 不會喧賓奪主評分8/10平均消費$300德記潮州菜館  西環石塘咀卑路乍街3號G益豐大廈地下

魚是霉爛的⋯⋯菜是油浸並存有臭肉味的⋯⋯肉排是不可入口的⋯⋯Very disappointed 是晚員工介紹以上的食物，都是拉圾，顧客千萬別order 。只有蠔仔粥是正常的味道。失望到了極點

#dinner #石塘咀 呢間潮州菜館鋪面好大，就係香港大學地鐵站/西寶城對面，一直都有聽講話幾好食，今次就嚟試吓ʕ •ᴥ•ʔ鹵水鵝肉片🦢面頭有幾塊鵝肉片，底下係鵝肉件同豆卜，果然名不虛傳幾好食，下次可能加多十零蚊要齋鵝肉片٩(˃̶͈̀௰˂̶͈́)وXO醬爆西蘭花花枝片🥦餐牌個名上冇寫西蘭花，好奇一問原來係有西蘭花(如果唔係得花枝片好似好奇怪!)٩(˃̶͈̀௰˂̶͈́)و勁多花枝片好足料！炒得好香好好食！送飯一流！潮式炒魚麵🐟🍲呢個我就覺得麻麻地喇～不過男朋友就話好耐冇食過魚麵好正(=´∀｀)人(´∀｀=)福果芋泥🍠食潮菜最後一定要食返碗芋泥先夠圓滿(⁎⁍̴̛ᴗ⁍̴̛⁎)呢盅芋泥顆粒比較多幾有口感，不過可能有人鍾意食順滑啲嘅。

細個時成個黎食，大個咗再黎回味一下，點之有一點點的失望，味道的確沒有以前好味，但價錢又唔算太平民，但座位環境尚算寬躺舒服，唔會似小店打冷舖咁逼。蝦棗拼墨魚餅，蒙住眼食的話，絕對好難想像自己食緊乜嘢，但個醬汁就跟以前一樣好味。總括味道都不過不失，average。是次人均消費$200.

好多年前嚟食過，都ok ，今晩又系一行六人分兩張枱到這裡食晚飯，六點鬆d到，人客不太多。鵝片拼鵝肝，鵝肝冇根冇渣好滑，鵝片亦都大大片，墊底還有些豆腐。墨魚拼海哲，海哲厚身，墨魚片有咬口，兩樣都好食。蠔仔粥，料多份量大，炸蠔餅，十分油，馬友魚飯，三樣野都冇試。沙爹牛肉芥蘭，沙爹味道吾錯但個汁比較糊口，芥蘭就略為老左d。清心丸綠豆爽，一般啦。食完返屋企，十分口渴，可以味道太濃烈嘅關係。埋單 $1276/6位。

德記的潮州菜, 和可可店的小食, 新興的早茶, 以及源記傳統的中式糖水, 也是以前讀書的回憶. 現在走過來, 西環變得Chill了不少, 很多舊事物也消失了, 幸好還有些事物維持不變, 例如德記, 依然是如何此的熱鬧, 菜式依然是抵食夾大件, 就算有米芝連加持, 也沒太多刻意的改變, 對我而言當然是件好事.鹵水鵝全鵝肉片, 無骨而且鹵得相當入味, 以胸肉為主口感有點柴口, 但一百二十元來説, 一般潮州菜餐廳也許只能”哽骨”. 蠔仔相當大隻, 而且沒有如之前在11 Westside吃的腥臭味. 以其製作的蠔餅炸得相當香口, 很久也沒有吃過這種非煎用炸的做法, 炸粉外皮較厚但幸好沒油膉味. 方魚肉碎蠔仔粥的粒粒米飯口味, 還有方魚的咸香, 加上肉香味豐富夾着脂粒的肉碎, 傳統的潮州味道再加上五十元大大碗的份量, 單吃這個當一餐也可以.