德記潮州菜館

营业中

休息中

在星期五的晚上，小編與友人共5個人一起來到這裏吃潮州菜。大家一邊看菜單，一邊吃着鹽花生、酸菜和滷水豆腐皮。全晚要了7款菜式，有1款特色小食、1款潮州滷味、3款海產類、1鍋湯和1碟菜：特色小食：韭菜蜆肉($38/小碟)，整碟大概是手掌的大小，味道很有懷舊的風味，略嫌韭菜有點老。潮州滷味：滷水鵝肉片拼什會($148/例，$288/大。要了前者)，鵝肉片大約有10-12件，上面的墨魚片約有8片。要配他們的醬汁會比較美味，醬汁是蒜蓉辣椒醋。鵝肉片的肉質有點太粉，個人就不太喜歡，而墨魚片有彈性和爽口。海產類3款：潮州凍花蟹(時價，當日是$380)，蟹身與蟹腳整體只有手掌的大小，味道較其他的少了一點苦味，不過不失。蒜蓉粉絲蒸蟶子，比手掌更大隻，而且肉很厚，很鮮味又有彈性，非常推薦！一流！魚類的話，原本想要大眼雞(售罄)，最後要了三蘇魚($2xx)，整體的味道和肉質都是一般，小編覺得大眼雞會較美味。說到這裏要在說一說，店員姨姨的服務挺好，友善和滿面笑容，又會與客人溝通。湯、羹類：馳名胡椒豬肚湯($68/例，$128/鍋。要了後者)，胡椒味非常突出，辣度都較一般的強，但大家都接受得了。不幸地小編與友人

跟個朋友打完拳之後去左食中菜佢介紹我地黎食德記潮洲菜我都鐘意食佢同我地講呢間餐廳好出名 一到夜晚就好多客人 排隊都等勁耐位好在今次打完拳都係6點 未到正式食飯時間所以唔洗等就有位入得！ 不過食到咁上下 真係爆晒場！ 所以建議大家可以的話都早少少黎食第一道我好期待既係 蠔仔粥唔洗用湯匙攪就咁上檯一望就會見到蠔仔份量超多 個粥底因爲吸收左蠔仔既鮮味 再配上大地魚 真係好鮮甜 咸味調較適中 食完一碗又一碗另一道我好想食既係潮式糖醋伊面呢款我個人認為係潮州菜必點既菜式之一一放上檯 哇 好大塊好大件 金黃色 我最鐘意係加砂糖 香脆得黎甜甜地 一d都唔油 煎得好香另外有醋 等大家開開胃 個人覺得係其中一款推介菜！因為打完拳 天氣又熱 見到隔離檯杯咸檸七就已經好想飲！德記自家咸檸檬配上7up 夠凍之餘重要好鬼入味 飲完真係好想再飲 係離開餐廳果陣 見到有一樽樽既咸檸檬賣 買多樽第日係屋企飲 好爽呀我地重點左炸蠔餅 呢個超抵食！ 一上檯已經同朋友講明 問責制！ 邊個點邊個要清晒佢 因為 佢 真 係 好 大 份 呀！另外重點左冷滷水拼盤 韭菜豬紅因為太餓太攰 所以無影咩相

德記的潮州食物一向有名，連住得很遠的客人都會特意到來用餐。之前食過一兩次德記，感覺不錯，今次星期六再來晚餐。我們先前已訂位，但去到仍然要等位，真受歡迎，建議如預先打算來吃的朋友先打電話來訂檯。德記的滷水鵝很有名，我們點了滷水鵝肉片。鵝片的厚度理想，切得算薄容易食，肉質軟容易咬，除鵝味之外有淡淡的滷水味又不會過分，沾上醬汁配以白飯實在好食。下面還有一些滷豆腐，也滷得很入味。有一位潮州朋友教過，正式的蠔餅不是炸而是煎的，很多餐廳為求快一點就把蠔餅拿去炸，所有如果餐廳有提供，也要特別要求才會煎。煎過的馳名蠔仔餅好香，看上去就如一塊大薄餅。果然，煎的蠔餅有驚喜。餐廳供應的蠔仔每一粒都有一定程度大小，夠肥美新鮮，不像其他餐廳那樣蠔細粉多，加上兩面都煎至乾身，做到外脆內軟的感覺，好味潮州朋友也介紹過食潮陽梅羔骨。肉做夠淋夠入味，最緊要醬汁做得香濃惹味，配白飯食一流！食飯要有蔬菜，就點了這個雲腿大芥菜煲。芥菜的份量不少，浸著蔬菜的湯甘甘香香，果然有中式火腿的味道。最後來一個潮式甜品，潮式糖醋伊麵。因製作須時，我們也等了一會。果然是新鮮製作，兩邊的表面都煎得熱辣辣很香脆。加上醋和砂糖，微微滲在一條條麵

好多人去食德記, 多數都係食佢嘅晚市。但其實德記都開午市嘅, 佢晏晝主攻街坊客。 以外賣碟頭飯為主, 價錢係相當優惠, 種類亦都係比較平民化<支竹班腩炒河配可樂>今日大食妹就叫咗個支竹班腩炒河配可樂, 埋單唔使50蚊支竹同班腩嘅份量都幾多, 上面加上幾條青蔥。炒河即叫即炒, 熱辣辣咁食, 都幾唔錯配上可口可樂, 飽肚之餘又清涼

六月第一個星期五晚上，天氣悶熱。剛好下午在上環做完美髮，好友知道我沒有吃過潮州菜，於是他就帶我到這家有名的潮州菜館晚飯。遠處已見大批人龍聚集門外，好友介紹說，以前西環有不少潮州人定居，所以潮州菜館不少，而這家已有三十多年歷史，從前到現在門外的人龍沒有減退過，幸運地我們等了大概十五分鐘就被安排入座。對於中菜沒多大概念的我放心讓他點菜，先上粟米魚肚羹，非常喜歡吃魚肚，含豐富膠原蛋白，養顏美肌，而且裡面有非常多的蛋花，清香黏滑，粟米粒爽甜，味道濃香而不咸，口感層次豐富。鵝肉鵝腸拼盤，鵝肉不是很薄切，滷水醃得夠味，肉身偏瘦彈牙，故此可以大口吃鵝沒負擔。鵝腸沒鹵完以後完全沒一點腥味，爽脆鮮香，軟中帶嫩，非常開胃的一道小菜。煎蠔餅一端上來我們都傻了眼，那厚度，那份量根本不是外面一般的能相提並論。餅身完整不鬆散，每一口都吃到實在的蠔，油份不過多，鬆化香脆，無論賣相跟味道都讓人讚口不絕。最後我們點了一碗潮州蠔仔粥，潮式的粥就像泡飯一樣，在湯中加入米飯，粒粒分明，蠔仔的份量完全沒有在省，每顆肉身飽滿，獨有的海鮮味充份帶出其他材料如大地魚塊，肉碎等鮮香，整體甘甜味美，香濃清爽。餐廳每一道菜品都在水準之上，

今天跟家人去西環食潮洲打冷，打冷還是多人比較好。蠔仔粥蠔仔份量多，粥底完整吸收蠔仔鮮味，潮式粥底不同一般粥綿密，粒粒分明更加有咬口。紅燒潮州翅其他人不愛翅，我就點一碗自己吃。每一口都是滿滿的翅，份量十足，湯汁充滿濃濃的膠原口感而且不咸。白玉蟹球以小瓦湯匙盛著，賣相精緻，外層為蛋白皮，一般的麵粉皮，裡面是滿滿的生拆花蟹肉絲，湯汁溢出充滿鮮香，清甜味美。德記脆皮雞雞皮香脆，雞肉滑嫩，略嫌不太夠味，醬汁方面只有南乳汁，個人不太喜歡南乳的味道，如果有其他選擇更好。

今日同一班同事去左西環食飯，大家都想食潮州菜所以就到左呢間德記。一入到舖已經聞到好香既醋味，我地點左一個潮式四寶飯、潮州蠔仔粥同埋菜圃肉鬆蛋。其實都有好多野想食但無奈我地3個人真係食唔哂..過左3分鐘左右四寶飯就到左，有鵝片、紅腸、豬腸、豆腐同埋半隻蛋，老實講份量的確係少左D但一次過可以食勻幾樣招牌菜都抵既。基本上每樣餸都好入味同埋新鮮，唔會放左好耐既感覺。豬腸做得好出色，夠厚同埋入味，啖啖豬腸味送飯一流!過多陣蠔仔粥都到埋，呢個真係必點，料多大碗又好食，蠔仔隻隻都漲卜卜又冇沙，仲有幾片咸魚吊下味，我地一人食左幾碗就冇左，因為清得黎又好味，食哂都唔會好飽。另外呢個菜圃蛋都係必食，用左應該有6-7隻蛋，好香既蛋味同埋又有菜圃同埋少少肉鬆，一齊食個味好夾而蛋又煎得岩岩好，唔會老哂同埋硬，好正既一餐lunch!

同朋友聚會，最岩就係搵d地方大，飯枱夠大既地方！馳名既德記潮州菜館就好岩聚會！溫馨提示，佢地Booking好滿下，最好預左先！小食拼盤：有海蜇，炸魚丸，炸春卷呢d，先開胃口！鹵水鵝肝拼鵝肉片：絕對唔姑寒，大大件既鵝肝，鹵水味夠，咬落有鵝肝香，香軟爽滑，鵝肉片亦勁林夠入味！胡椒豬肚湯：圖中只係我自己個個細碗，實際係一大盤咁上枱，豬肚咸酸菜夠曬多，最重要夠辣，令人回味無窮！潮陽蘿蔔烙：炸蘿蔔蓉，不過不失，係有少少熱氣感！潮式炒魚面：放上枱驟眼睇以為普通炒面，食入口先發覺係魚肉製成面條，都幾飽肚，同特別！街外少見～潮式糖醋伊面：超特別既潮州菜式，眼見場內大部份都會點既一道菜，煎得夠香，有種感覺係中式Pizza咁，薄薄既一餅面，點少少砂糖入口，妙不可言！推介菜～咸檸七：自家咸檸檬，配上七喜，解一解煎炸既油膩同熱氣！收銀處亦有一樽樽既咸檸檬出售，自己都忍唔住買左支細既走😆

今次揀咗德記補食媽媽節飯，終於試到呢間成人都排長龍既名氣打冷店啦。​因為我地訂咗枱，所以等咗10分鐘左右就入得。德記比我最深既印象就係上菜速度奇快，落咗單唔夠10分鐘就上咗8成既食物。我地一行10人叫咗12樣野，味道不過不失（10分為滿分啊）1.鹵水什會（8分）2.​德記脆皮雞（7分）個雞皮幾脆，但稍為唔夠味3.​糯米讓大腸（7.5分）特色小食，一試無妨3.​翡翠龍躉球（7.5分）3.​蟹粥（7分）一碗既份量都唔少4.糖醋伊面（7分）幾特別，可以一試5.蠔餅（8.5分）賣相味道份量都幾好8.沙嗲牛肉炒河（6.5分）無特別，一般般。9.古魯肉（7.5分）正常大排檔水準10.梅茶扣肉（6.5分）一般般。11.糊椒豬肚湯（8.5分）幾好飲，試得過。12.椒鹽鮮魷（5.5分）唔脆，無乜鮮魷味。

潮式菜地點位置香港大學地鐵站，去吃德記。呢間餐廳最好預先訂位，因為人客比較多，可能因為抵食！環境雖然大，但枱與枱之間比較狹窄，不好坐。食物種類款式很多，味道也不錯，是一些傳統的口味和風味。蠔餅的份量非常大，大份同脆口，而且佢d蠔比較大，沒有腥味。滷水鵝肝非常好味，鵝肝厚身又大件。而且叫了糖醋麵，是潮州菜館必叫的菜色，面對脆身，非常好吃。碟頭份量非常大，價錢合理，是一個唔錯的選擇。假如經過大學站，可以到德興試一試那些潮州菜。

有無試過由坐下30分鐘，當把口仲食緊野、手中筷子都未放，已經有人收走你的碗碟及清走檯面所有野？然後大大聲同你們講：飲完啖茶去買單，好多客等緊檯用！？！😫😫😡😡我們一家人當場呆哂。客等係客，食緊的唔係客？！昨日母親節，諗住食幫襯開的西環德記，因為知道人多，所以一早已book咗7:45 pm的位。7:45 到。等阿姐執檯7:50分上下坐底，大概8:00落單寫野。食物出乎預料好快上，10分鍾已上完。質量比平日差啲但都算不太過不太失。大概8:25pm ，當我們食完檯上餸，阿姐即時過來收碟，及清走埋碗筷。但當時的情況係，仲有家人正食緊，手持筷子把口未停，阿姐仍然將她面前的碗收走。而這位家人正是為之慶祝的媽咪。氣氛一秒低下到冰點，但都互相尷尬笑笑下算。🤷🏻‍♀️人多係咁架啦🤷🏻‍♀️但使唔使咁赶呀～🤷🏻‍♀️點知執檯阿姐剛走，即時有一位白色衣服男職員過來，大大聲同我哋講：唔該飲完啖茶去埋單，好多客等緊檯用！然後唔理我哋一家呆哂轉身就走。我睇下個鍾，剛好8:29分。有家人火起想理論，但被勸阻拉住。阿媽食完放低筷子，即時叫我們埋單走，不以計較。事後心諗，唔出聲唔計較真係好咩？而我今日道出事情原委又點會是計較

一家人吃飯，去了德記。 這間食店最好預先訂位，人很多，可能因為比較底食。 說真句，環境雖大，但枱和枱中間偏迫，櫈背碰櫈背，不好坐。 食物選擇都多，味道也不錯，傳統的味道。蠔餅大大份脆口；脆皮燒皮薄肉質嫩。 碟頭份量大，價錢合理，不錯的選擇！順帶一提，門口有個老婆婆買的砵仔糕好好味啊😋

清明節朝早係薄富林掃墓完畢，諗起友人介紹附近有間好味既潮州菜，就立即打電話去訂檯。係香港大學站一出，對面就已經係餐廳位置，非常方便。12點多去到已經有幾檯客，我地到達後約半個鐘，就已經全場爆滿。餐廳既設計除左有推介既餸菜名係牆身，另外亦會見到傳福音，及簡單既潮州語教學。由於我地一檯12人，所以員工極度推介我地叫12人餐，份量會比起散叫既例牌多，而且會有湯，澱粉同甜品包埋。如果想無咁熱氣，脆皮雞可轉做潮雞，同樣都係一隻。叫餐後就先有3碟小食。緊隨其後就係胡椒豬肚湯，酸菜同胡椒味濃厚，好暖胃之後既每一道菜都好夠份量，每個人都食到好滿足。龍躉魚處理得好，無鱗片同有鮮味蠔烙都好惹味，夠脆口同蠔仔無沙，數量亦都夠多。最後仲有個綠豆爽，裡面有接近失傳既清心丸直頭係飽到捧住個肚除左食物好之外，佢地既員工亦都好有笑容同禮貌，下次一定會再幫襯。題外話，今日無緣撞見砵仔糕婆婆。聽聞餐廳老闆為左唔想婆婆俾小販隊拉，所以專登安排店外一個位置俾婆婆賣砵仔糕，真係好有愛心。如果食埋佢既砵仔糕同糯米糍就會更加完滿!

今晚同家人食晚飯，所以就揀左間潮州菜幸好我地早到，7點半已經排曬隊等位！ 因為我地平身都不太餓，所以就點左4個菜一個湯值得一讚係 油泡白鱔👍🏻👍🏻 又香脆 又滑 又有鱔味 雜菜煲、豆腐份量都不小，味道清清淡淡，很合我地今晚的口味👍🏻👍🏻

今日係我第一次去到香港大學地鐵站，目的就係去德記食潮州菜，我哋一行14人，一早訂咗枱，所以唔需要等位。太好了！因為去到嘅時候，好多人都係出邊等緊位！呢間潮州菜館，地方都幾大，但係好多人，枱又好多人，都坐得幾迫，冇乜空間。睇下食咩先⋯⋯我哋咁多人，所以今晚都叫咗好多餸，可以乜都試吓！呢個就係多人食飯嘅唯一好處！我地叫咗以下食物:檸檬燉鴨湯大拼盤滷水大鵝肝拼鵝肉片脆皮糯米釀大腸沙嗲牛肉菜心脆皮雞椒鹽脆豆腐煎蠔餅潮式糖醋伊面肉鬆攬菜炒涼瓜涼拌海蜇頭黃金墨魚卷拼蝦棗甜品:反沙芋芋泥清心丸綠豆爽不禁講咗一句，嘩！d蠔咁細粒嘅😂夾份又多總括一句啦，雖然我以前未嚟過呢間潮州菜館食嘢，但係我覺得，佢嘅味都唔係話10分非常之好，相反我喺九龍區一小嘅潮州菜館食，好似仲地道。。。相反我覺得呢度嘅甜品，都幾好食，幾特別，佢嘅芋泥係用豬油做嘅，所以食起上嚟係有少少豬油味，但就好滑，但又甜左少少。最後埋單係$2100，價錢都ok嘅，我哋叫咗咁多嘢食！