德美壽司

营业中

休息中

轉左黎沙田番工都好少出去食LUNCH, 今日有朋友約, 介紹左一間隱世日本餐廳, 即管試試!LUNCH 時間未夠一點已經坐滿人, 朋友話星期五唔BOOK位一定無得食, 都幾受歡迎, 今次等左大約十分鐘先有位, 店內環境比較擠迫, 二人一定要搭枱LUNCH SET選擇十分多, 有平有貴, 今次就揀左 壽司精選+烏冬! 套餐包括主菜+前菜+甜品茶碗蒸蛋好滑, 唔會蒸過火變蛋糕, 有香濃菇味同雞湯味, 小小茶碗蒸已經反映師傅功力!沙律用上胡麻柚子汁, 酸酸十分開胃, 不過當然呢D野唔洗點考功力壽司精選八件壽司, 熟蝦同三文魚新鮮冇腥味, 帶子同自家製既玉子都好甜好厚! 午餐都有咁既質素真係不錯!  牛肉烏冬熟食相對壽司就冇咁精彩, 烏冬唔夠熱, 湯底只係味精湯, 感覺一般甜品芒果汁豆腐布丁, 無特別

有日夜晚好夜都未食飯 諗住事但搵間野食填飽肚算 點知見到呢間裝修得好日本既日本餐廳可能真係太夜 11點幾左右 入面都無乜人係度 跟住見佢個sushi櫃入面d魚生好似幾新鮮咁 就叫左d啦 好新鮮 跟住見佢黎左果d野食唔差 咁就問個c傅有咩好食 叫佢推介 佢就推介左拖羅 不得了 無根 勁油 一入口就開始融融地 跟住再叫左個墨魚 放入口果時無乜野 愈咬愈起膠 同日本食新鮮果d墨魚都有7成似 係香港都好少食到咁新鮮既墨魚哈哈 跟住本身想叫多支梅酒 不過話無哂貨 推介左我飲佢地隻桃酒 umm 個樽好靚 servies 好好 我一清左個杯就會再問我洗唔洗再加 不過桃酒麻麻地好飲 有時間既話一定會再encore

雖然野食無大問題，但由等位開始就受氣，搞到呢餐本來開開心心生日飯谷鬼氣，最後要轉場! 態度差兼唔識變通，做街坊生意點可以咁做架!! 以後唔會再幫襯!!  預早成個星期訂位，叫人準時到，個個放工趕黎兼早到15mins，但有位又唔俾人入，要出聲嘈先安排，仲叫我地出門口唔好阻住，未食都受氣受飽。 坐底後Order suke, 竟然話唔夠杯，但成間餐廳有成20張枱得幾張枱飲緊酒，真係無言...叫野食又要咩無咩，order寿司盛合就話唔夠人手，食就要等2hrs，我地已經讓步話可以分開上，但佢話接左某張枱嘅order要全力做晒佢先，唔可以分攤咁做，仲串我話如果分攤咁一張枱咪要全幾個鐘!! 最好笑係話我地可以散叫喎，咁即係嫌棄唔想做盛合要揀客啦！ 後黎上網問D識飲識食嘅朋友, 先知原來好多強國人幫襯,所以會揀客囉!

返工前先食一個午餐，經過河畔花園，看見這間裝潢得很日式的餐廳便決心一試。餐廳內中央部分的枱都已被留座，所以只好坐在水吧位，這裡可以看到師傅製作壽司刺身。點了一個價值$78的Set，包括麵豉湯、茶碗蒸、沙津、便當及甜品，而且午市套餐是免收加一的！麵豉湯味道偏鹹，但尚算足料，海帶豆腐粒很多，反觀茶碗蒸雖然滑滑的，但當中只有菇片及蟹柳，有點兒寡。沙津中的大大塊蓄茄出奇地清甜，而且很貼心的已去皮上碟，整體感覺很清新。到主菜上場，分別有吉列豬扒、鹽燒沙甸魚(其實我並不確定是否沙甸魚，只肯定這不是鯖魚，而味道形狀都極似沙甸魚)，玉子燒、蟹柳、附味螺肉及三文魚刺身。吉列豬扒外表炸得很乾，肉身很薄而且皮肉分離，炸得很差，而且肉質帶筋沒有豬肉味，又沒有肉汁，令人徹底失望！鹽燒沙甸魚因為是完條燒，連肚的位置都沒有清潔乾淨，帶苦味。玉子燒、蟹柳及附味螺肉的味道不過不失，三文魚刺身都算有鮮味。

男友終於結束他「日上班夜返學」的日子，星期五晚上，待他下班後，兩口子一起外出慶祝嚕…我偶爾會上openrice看看有啥新餐廳、又或是感興趣的食肆，然後將之bookmark備用。某次閒逛openrice時，得知河畔那邊開了《德美壽司》，的確又驚又喜，於是這晚目的地就決定到來嚕。很日式居酒屋的感覺，特別的裝璜，對一間食店而言也蠻緊要的，至少可吸引覓食中（而又想不到吃什麼）的途人駐足觀看一番。由於星期五的關係，食客不少。幸而不用等太久，大概十多二十多分鐘左右便可入座了。店內同樣充滿日本風情，先來一杯熱茶…我很久以前曾光顧尖沙咀店，由於當時是午市時段，加上店子的上菜速度頗慢、吃得太趕，令自己對店子有點偏見，但撇下這點，說實食物是不錯說的（而且午市到來會「抵吃」一點呢！！）。兩口子原打算點$268精選二人餐，點菜時侍應才說「唔好意思，我哋唔記得貼住佢，其實呢個餐星期一至四先有，星期五六日係豐盛二人餐…」，喔喔，心想「咁都得？！？！？」（實在有點兒那個啊）。不過有見侍應態度友善，而$388豐盛二人餐的內容也頗吸引，於是改點這個，再另加小吃及壽司。先來的是德美玉子燒（單點 $25），男友可是百分百的

估唔到喺街坊地頭會有好嘢食! 本來黎河畔，老公仔話附近有間日本餐廳食過好食，去到點知要book 枱先有位，咁唯有食第二間。遠處見到呢間日本餐廳門口好大，有排燈籠喺門口做裝飾都幾靚，行到過去先知原來就係尖沙咀一路想試嗰間的德美! 聞名不如見面，7點幾唔駛等又有位就即刻坐低試下。餐廳有二人餐，不過得門口有餐牌大約二百幾，有烏冬,炸物之類好多嘢食，見到隔離枱都食唔哂~不過啲嘢唔係所有都岩食，咁就散叫啦～打開meun,樣樣嘢都好正好想食，特別係創作卷物，喺出面好少見，所以最後叫左個帶子鵝肝卷 (4件，$6x), 清酒廣島蠔鍋($6x) 加白飯($15)， 同德美刺身飯($13x)首先上的係鍋物，60幾蚊有5隻蠔，仲有菜,豆腐,鮮菇,金菇菜同蛋等等配料。湯底有鮮味同清酒的香味，互相補足。再試下隻蠔，唔會煮到實哂，仲有好多汁。再上左帶子鵝肝卷物，帶子好新鮮好甜美，鵝肝本身口感豐腴，所以廚師喺卷物入面加左青瓜絲，感覺清新返哂。再食埋最後刺身飯，啲刺身份量十足，種類亦都有好多款! 三文魚，油金魚，同有幾件少食啲唔知係咪的魚，啲魚子同海膽特別鮮而唔會有腥味，仲有個飯底唔係普通白飯，有菇類的醬油漬同紫菜碎

每晚都見到這店子滿滿的，一晚看到不用等位就入去試試。我們倆口子坐在sushi counter，看到凍櫃裡的魚生種類可不少。我們點了omakase，年輕的師父細心問我們有什麼喜歡吃什麼不吃，然後隨他的意思端上了片片新鮮的魚生，有些連名字也記不清，但就是吃得到新鮮，新鮮的味道和新鮮的感覺～不再是日本餐廳常見種類！師父看到我們沒有漬物便立即弄來一些，不僅僅是蘿蔔蒜頭海帶鮮淮山，還有醃小魚小蝦小魷魚，還不斷給我們試時令的蔬菜，沖繩苦瓜沙律，日本蕃茄。。。和師父傾得蠻投緣，我們問問有什麼清酒好介紹，種類可不少耶！我們聽師父的開了一支中價酒，和師父一同分享。一輪魚生壽司漬物過後，已經是有點飽飽的。師父問我們要不來個麵豉湯暖一暖胃！多細心呢！最後我點了一個蟹子沙律，誰不知。。。媽呀！像即食麵的大盤，怎能吃得完！在沙田也有如此高質素的日本料理，讚！

一直都好想去ge"德美壽司"度dnr.因為...好多"沙田朋友"都試過.話超水準wor!所以好期待呢!!▼厚切三文魚/三文魚腩/超大甜蝦剌身+加拿大海膽一板!! 超鮮甜, 超有口感. 好耐冇食過咁高水準的三文魚呢!! 加拿大海膽更加唔駛講, 我一向都覺得佢係海膽中的極品▼京蔥吞拿魚軍艦: 我平時唔食吞拿魚的, 但呢度d吞拿魚. 同出面嗰d, 真係唔同味呢!! 我仲食左2件tim ^^▼燒茄子: 非一般的燒茄子, 中間有d脆卜卜的野放上面, 勁好咬口!▼我又係唔食軟殼蟹, 因為唔係間間都整得好食! 但呢間呢, 又係勁香脆美味 ^^▼呢個燒魷魚味道一般, 可以不叫.▼蟹棒壽司:個presentation又好吸引小朋友!! 小朋友食得好開心呢!! 話有"船船"呢 ^^▼吉列炸蠔反卷, 又係好好味, 熱辣辣剛剛炸起呢 ^^▼帶子軟殼蟹反卷, 又係超美味仲有其他美食,不過冇影相就唔介紹呢!!Overall,食物水準出眾但係價錢都算係中上.即我地都算係"就住叫"並唔係瘋狂地叫.如果瘋狂地叫,相信要$500-$600/人呢,haha^不過真係一分錢一分貨!大讚呢 ^^

知道呢頭開咗間新的日本野, 所以諗住試下好唔好味, 睇下會唔會搵到多個飯堂, 其實之前都食過黃埔的分店, 覺得尚可以, 今次試埋呢間, 發覺都係OK啦! 唔算有咩驚喜, 但總算冇咩特別難食啦！正正常常, 住附近的街坊可以落黎一試吧!牛肉鍋定食, 配埋飯, 蒸蛋, 沙律, 甜品, 味道可以! 大約$60牛肉烏冬鍋, 配沙律, 蒸蛋, 甜品, 3件壽司, 味道可以, d魚生都幾新鮮! 大約$75個牛肉鍋定食湯底咸咗少少, 牛肉都幾多, 但其他配料就好似唔係太夠, 菜都係得好少...個蒸蛋都幾滑, 唔錯!沙律個味道都幾好, 不過就油咗d, 好似落得太多麻油了!烏冬就普普通通, 個湯底有d清淡~