影片
更多
2014-06-14
1465 浏览
估唔到喺街坊地頭會有好嘢食! 本來黎河畔，老公仔話附近有間日本餐廳食過好食，去到點知要book 枱先有位，咁唯有食第二間。遠處見到呢間日本餐廳門口好大，有排燈籠喺門口做裝飾都幾靚，行到過去先知原來就係尖沙咀一路想試嗰間的德美! 聞名不如見面，7點幾唔駛等又有位就即刻坐低試下。餐廳有二人餐，不過得門口有餐牌大約二百幾，有烏冬,炸物之類好多嘢食，見到隔離枱都食唔哂~不過啲嘢唔係所有都岩食，咁就散叫啦～打開meun,樣樣嘢都好正好想食，特別係創作卷物，喺出面好少見，所以最後叫左個帶子鵝肝卷 (4件，$6x), 清酒廣島蠔鍋($6x) 加白飯($15)， 同德美刺身飯($13x)首先上的係鍋物，60幾蚊有5隻蠔，仲有菜,豆腐,鮮菇,金菇菜同蛋等等配料。湯底有鮮味同清酒的香味，互相補足。再試下隻蠔，唔會煮到實哂，仲有好多汁。再上左帶子鵝肝卷物，帶子好新鮮好甜美，鵝肝本身口感豐腴，所以廚師喺卷物入面加左青瓜絲，感覺清新返哂。再食埋最後刺身飯，啲刺身份量十足，種類亦都有好多款! 三文魚，油金魚，同有幾件少食啲唔知係咪的魚，啲魚子同海膽特別鮮而唔會有腥味，仲有個飯底唔係普通白飯，有菇類的醬油漬同紫菜碎
本來黎河畔，老公仔話附近有間日本餐廳食過好食，去到點知要book 枱先有位，咁唯有食第二間。遠處見到呢間日本餐廳門口好大，有排燈籠喺門口做裝飾都幾靚，行到過去先知原來就係尖沙咀一路想試嗰間的德美! 聞名不如見面，7點幾唔駛等又有位就即刻坐低試下。
餐廳有二人餐，不過得門口有餐牌大約二百幾，有烏冬,炸物之類好多嘢食，見到隔離枱都食唔哂~不過啲嘢唔係所有都岩食，咁就散叫啦～
打開meun,樣樣嘢都好正好想食，特別係創作卷物，喺出面好少見，所以最後叫左個帶子鵝肝卷 (4件，$6x), 清酒廣島蠔鍋($6x) 加白飯($15)， 同德美刺身飯($13x)
首先上的係鍋物，60幾蚊有5隻蠔，仲有菜,豆腐,鮮菇,金菇菜同蛋等等配料。湯底有鮮味同清酒的香味，互相補足。再試下隻蠔，唔會煮到實哂，仲有好多汁。
再上左帶子鵝肝卷物，帶子好新鮮好甜美，鵝肝本身口感豐腴，所以廚師喺卷物入面加左青瓜絲，感覺清新返哂。
再食埋最後刺身飯，啲刺身份量十足，種類亦都有好多款! 三文魚，油金魚，同有幾件少食啲唔知係咪的魚，啲魚子同海膽特別鮮而唔會有腥味，仲有個飯底唔係普通白飯，有菇類的醬油漬同紫菜碎。
值得一讚係啲待應成日幫客人加茶，服務都幾好。
不過環境就嘈雜左啲同枱的面積較細，同隔離枱又好近，聲到哂周圍的人講咪。
张贴
