德美壽司

营业中

休息中

真心高質，物有所值的日本料理餐廳。餐廳環境舒適乾淨，菜單選擇豐富，由壽司、天婦羅、烏冬、炒飯、小食至魚生飯，點得既菜基本上都是水準之作。鮮炸軟殼蟹上枱時還是外面脆裡面多汁的。溫泉蛋沾粉炸成天婦羅，脆皮同流心蛋黃夾埋一齊，口感新奇。德美玉子燒外貌精緻，切成細細的bite size。燒好後待微凍才上菜，外掃一層薄薄糖漿。鰻魚飯趁熱食先唔「漏」。新鮮魚生配軟硬適中的珍珠米。牛肉有自然口感，沒有用鬆肉粉「那」過。肉香味在炒既過程滲入飯裡，用微酸木魚絲襯托，減輕油膩感。石鍋上菜，邊食邊keep住溫度。用餐以贈送既甜品布甸作結尾。8個人一齊share，埋單大約$1500（連加一服務費）。食日本菜，呢個質素，呢個價錢，比放題要好很多😊

因一田大減價，所以我們一家轉移河畔搵食！好好味的日本菜，比起新城市食的任何一間日式料理美味！環境很有日feel, 員工服務態度友善，還主動關顧及跟進食物order!仲有，我們最後食剩的石煱飯，員工擔心那石煱熱，主動替我們轉外賣盒！巧窩❤️因為太餓了，無拍照！但一定會再來！

幾個同事開心揾食好自然會再去shatin食日本野 呢間唔錯價錢中價 食個滑蛋豬扒飯 連salad , 茶碗蒸，面豉湯 同甜品 講緊$55 不另加一 真係抵食 飯亦可添加 味道仲出色 不過今次件豬扒有筋勁咬口 紫菜絲蛋同洋蔥亦配合得好 其他還叫左牛肉生薑煮壽司配細牛肉烏冬set 都係我至愛 又其吞拿魚蓉同帶子壽司好鮮味 德美蛋亦有蛋香 再牛肉烏冬已經超滿足鰻魚飯 試食左d鰻魚有d泥味囉 唔太like聽講夜市無lunch咁抵

幾年前係尖沙咀返工 成日食晏會走去厚福街食德美 到而家係上環返工 亦時不時會去佢既姊妹店 德膳 食晏 估唔到 呢排連屋企人都迷上左佢 @@! 放假 當然會揀離家最近 位於沙田圍既個間德美~~~ (雖然都係德美集團 但食物款式都有少少少少唔同) 好消息係呢度接受訂位~ 我地一行三人就係即日打去訂1個鐘後既枱~ 所以去到就算見到好多人係門口等位 我地都可以直入^v^!! lunch款式~~ 生熟都各有十款, 加上四款便當 總有一款岩食*v*先黎沙律~ 記得上環既沙律係有三文魚片既~ 呢度冇~ 不過呢度既沙律醋味出d !跟住係麵豉湯~ 再黎係最期待既茶碗蒸~~ 因為上環既茶碗蒸入面係有真蝦肉/蟹肉既~~!!!! 點知... 呢度冇......HAHA 不過依然係好滑 調味冇上環德膳咁濃味 向來唔食生野既我 揀左燒鯖魚飯定食 $59 (味道7.5:/10, 份量:8/10) 外面較多油 入面較乾身 要靠沾拌碟既醬汁先冇咁乾~ 但仍然好香鯖魚味 (good) 我弟弟揀左: 壽司定食配牛肉細烏冬 $83 (壽司6件+甜蛋玉子) 我冇份食... 不過見到佢隻熟蝦...好似虎蝦咁大隻...好想

和女朋友吃晚飯點菜後15分鐘等食, 只見其中一位 (左耳戴銀石耳環的)  不斷的邊整壽司邊玩電話注意, 他們沒有戴手套即是話, 食客食壽司刺身的同時, 猶如食埋佢的手機屏膜我一定一定唔會幫襯食佢的壽司, 食物的質素其他OK的, 但被這位自私的師傅破壞哂食慾而且, 價錢偏費, 海膽一客要$68, 收得貴但衛生其差

難得平日放假， 打算食日本野， 區內已經有5 間日式食肆. 如果想食有d 水準嘅壽司就只有德美同河畔果間. 其餘3 間普通d.今日安排坐bar 枱， 點左最貴的 lunch set$128 ( 午市免加一）. 哈！真係有 d 貴， 不過要休閒過一日就要豪食， 唔係對唔住自己. 一客10件壽司保持以往的水準. 最難得係我唔好的魷魚， 居然好鮮味， 又切得厚， 食落無渣. 其他幾件唔駛講， 睇相就知好新鮮， 配搭款式一流， 視覺上係幾靚.順便一提- 味噌湯係好足料味道剛好，多海帶豆腐， 相比其餘4 間日本食肆好好多.漏左講--》前菜沙律上的鮮蕃茄係去皮後先上碟， 呢方面真係值得讚唔好蕃茄嘅我都覺得好味.值得再去食多次

約左朋友聚舊 朋友唔係好食魚生 食唔到德美既魚生飯有點可惜，不過仲有其他好選擇!侍應安排我地坐吧臺可以睇到師傅整壽司好正一入到去已經見到有厚厚既玉子燒真係好吸引！所以都叫左黎食玉子燒勁厚我目測有2-3厘米厚 味道亦都唔錯有好多層玉子！好正燒雞腎雞腎上面撒左七味粉，好惹味！雞腎好爽口，燒得好香口個鍋好豐富入面有泡菜、冬菇、金菇、豬肉等等。味道唔算好辣，反而係有少少酸味。叫左個烏冬同鍋物一齊食，烏冬已經煮好左，就咁加湯食已經得烏冬好彈牙最鐘意食依種彈牙既烏冬，配上泡菜湯食 好好食三文魚茶泡飯將茶加左飯中一齊食， 令到成個飯更香，混合所有野之段，每一口都食到三文魚既香，加上飯素，每到口感好豐富，味道好清新依個捲物真係勁大舊十分足料個軟殼蟹好大隻！而且一d都唔油膩！牛油果已經完熟！成個卷都好好食附贈既甜品 紅豆粒好香滑有紅豆味，但依然好清香

經過幾次，今日終於带朋友来食，沙律賣相同口感都吾錯，但寿司食落麻麻，飯太散，味道普通，个小牛排更加睇吾出係牛排，睇落更加似牛舌多大，真係失水准，兩人最后买单七百幾，有d貴，吾值...

入左沙田反工都有一年，不過就好少係沙田食晚飯，呢日收工後朋友帶我去河畔一帶搵食，原來呢邊好多野食! 行左一輪決定食日本野，因為都有3個幾月無食日本菜啦! 7點左右唔使等位就入得，服務員係我地同意之下安排左吧檯比我地。  吧檯位置都好闊落一D都唔逼，仲可以望到師傅整刺身同壽司。餐廳食物選擇都好多，我地睇左一輪都揀唔定，最後索性點左個二人餐，咩都有D丫嘛! 前菜有芝麻八爪魚(忘記影相)沙律好新鮮，最好味係個汁，好開胃! 刺身有三文魚，新鮮肥美! 小食有枝豆。鹽燒鯖魚好好味，好大條! 燒得好香好入味!有南瓜、蝦、茄子、冬菇、紫蘇葉。出面層炸粉唔算好厚，食落所有野都好新鮮，最好味係南瓜，因為好粉好有南瓜味! 飯炒得乾身配料都好多，不過有好多洋蔥粒炒所以我食左一小碗...(我本身唔食洋蔥)另外仲有牛肉鍋(忘記影相)，配料有牛肉、少少粉絲、菜、豆腐、冬菇、雞蛋。整體味道覺得一般，覺得菜有D老，牛肉都唔係特別好食。麵豉湯幾足料，最值得一讚係唔會好鹹，感覺係清清地既味道。我地另外叫左火炙左口魚裙邊壽司同赤貝壽司，左口魚入口即溶好好味 赤貝大大隻好新鮮爽口!!整體而言呢餐都唔錯，值得一試!

A group of six people to celebrate our good friend birthday, on a saturday evening is really hard to find a place we can chat, drink, eat without hour limit. My friend recommended to try this Japanese restaurant in a non downtown street. First impression, a small restaurant and long queue. However, we reserved a VIP room for 6 people at Saturday night !Sashimi in Red bluefish, Red dry fish, Pacific saury fish, Sea urchin, scallop. The most outstanding fish is Pacific saury fish, first time to tr

星期日下午原本想電話訂位但太遲所以要試walk in , 佢六點開舖，我地六點三到已經full 左， 要等下一水,到7點終於有位。。。建議大家一係早啲電話留位,一係早啲去拎位。蟹籽沙律，好大碗，蟹籽份量都有半隻雞蛋多少少既size,沙律醬我覺得多左少少。壽司同刺身都好正路無咩問題，即叫即整～中價位，但份量都唔算細。海膽壽司都有兩層～幾甜～刺身係厚切 （$6x/6片）但個牛肉鍋我覺得麻麻地 ，入面有類似黃芽白、小棠菜、粉絲、菇、冬菇。。。啲菜好老好韌 牛肉都唔係特別正，咁當然啦佢都係$5x, 牛肉鍋同兩件海膽壽司價錢差唔多，都唔可以要求啲乜。

係沙田附近好想食日本菜 魚生飯 所以男友帶我來嘗嘗 價錢同質素都係成正比既 所以今餐預左貴DD 想食多D款 所以叫左個煙三文魚沙律 fresh ~ 服務幾好 汁又可以另上 我叫既油甘魚魚生飯 新鮮芥抹 同飯一齊食好鮮 混合雞蛋汁 成個飯清得黎鮮甜 大滿足 男友叫牛肉鍋 呢個普通少少 有粉絲 又加左烏冬 好夠食 最後忍唔住都係叫多個小食 其實已經好飽 不過見到隔離好好味咁 又試下正牙呢個 大件又豐富 牛油果加大件蟹 再加上新鮮wasabi Great meal !!!! 

同客人開完會黎依間朋友推介既日本餐廳試下2個人黎到 12點半 都已經冇咩位只可以坐吧台 座位都可以 唔會太迫我點左個鰻魚飯定食 性價比唔錯 $89前棻有沙律 幾清新蒸蛋 幾滑 足料 唔錯面士湯一殷 有小小過濃的感覺鰻魚飯應該係即叫即煮的 等左15分鐘先到 建議店員早點通知客人等候時間 趕時間就慘啦但係都值得等既 鰻魚好軟熟 夾埋D發魚汁真係幾好味呀仲有個小甜品 類似奶凍 加左芒果汁 如果芒果汁多番D會好味D 唔係既就太淡了總括黎講 性價比唔錯 值得一試值得一試

2014.12.13今日屋企人幫我同男朋友慶祝生日因為預早book咗位, 所以去到cfm完booking, 服務生就帶我哋4人入座。我地坐窗口邊的4人位, 所以自成一閣, 坐得幾舒服。由於我哋下午食咗tea, 所以晌未肚餓嘅情況下叫咗唔係好多嘢食。四款剌身凍番茄天婦羅鰻魚炒飯吉列蝦帶子壽司卷味噌燒帶子甜品(免費)剌身好厚、好新鮮、彈牙, 好好咬口, 唔會有腥味。凍番茄普普通通, 配埋酸酸甜甜胡麻醬, 好開胃。媽咪鍾意食!鰻魚炒飯炒得唔錯, 唔會太乾或太濕, 好香, 而且都足料。天婦羅哩個麻麻地, 太油。吉列蝦帶子壽司卷帶子鮮, 吉列蝦都唔錯, 壽司卷上面灑咗一d脆卜卜嘅嘢(其實我唔知係咩 ), 整體幾好食架!味噌燒帶子哩個好好味! 帶子夠大隻, 隻爽口, 味噌醬甜甜咸咸咁, 燒得好香, 不過就咸咗少少, 但都好好食!芒果椰奶凍(免費)實情我係唔知佢個名, 只係要味道幫佢命名 芒果汁酸酸甜甜, 剛好清取飯後嘅油膩感下面嘅椰奶凍, 清清地, 都幾香, 唔太甜, 不錯!

OpenRice 應該要多謝德美壽司，只有德美才可激勵我開OpenRice account 及寫食評。我第一次光顧，亦只會最後一次光顧，雖然食物質素及價格係正常比例，但服務態度極為失望，或許是因為有兩個小朋友同行，但小朋友在沒有打擾其他客人的情況下，可否給予一些耐性？！我們一行四都order超過$800，都唔算冇幫襯，使唔使用上趕客的態度來對待我們！小朋友食飯慢及中途去洗手間唔係罪，況且全店仲有十個空位，又冇阻住妳做唔到生意，使唔使咁。如果唔想一家大細光顧，還請明言。如果唔係一肚氣，都真係唔會花時間登記及寫食評去表達不滿，作為服務行業，請檢討。