德福閣

营业中

休息中

已經有10年冇食過，估唔到食物質素keep得到而且抵食👍生蠔依舊大隻飽滿，新鮮得黎又冇雪味腥味，根本不需任何汁醬去配合食用，廚師re-fill生蠔冇停手，至少食返10隻先滿足😌其他凍海鮮亦不過不失，熟蝦及蜆烹煮時間恰到好處。三文魚刺身連魚腩部位也有供應而且厚切爽口。沙律選擇亦夠多，有西式及日式可以揀。熟食方面不得不提那味燴牛肋骨，醬料濃而不膩，牛肋骨亦淋到入口融化，如能提供一碗麵再配上牛肋骨這個組合實在太犯規了🙈甜品方面也有驚喜，火焰香橙班戟這道坊間不常見的甜品，一入口是酒的苦澀味，但再三細嚼之下有淡淡香甜橙味湧岀，配合橙肉進食，先苦後甜的感覺實在太驚喜太意外😭😭😭😭😭😭是日食客不多，能夠讓我和朋友悠閒地用餐和聊天，簡直係鬧市中的清泉！

約咗兩個好朋友聚舊，星期五晚周圍都勁多人， 諗咗好耐 ，記起呢間酒店， 上Open Rice睇吓，有得網上訂位(我最鍾意)，位置方便，一於選呢間! 我地7點半先到，一坐低即刻出去搵食，食物種類齊全，生蠔、魚生、雞、魚、帶子、酥皮湯、甜品、雪糕樣樣有，最重要有我買鍾意嘅師傅煎pancake (有多種水果、醬料選擇)、有chocolate fondue 、仲有疏乎里。環境靜，啱朋友傾計。職員有禮貌，都幾細心體貼。HSBC card 有85折，真係幾抵食。不過9點半就完，早左d。

星期日晚同男友諗唔到食乜，行下行下就到左呢度，佢就話不如食呢間就上左去食個自助餐原價要300幾，有滙豐卡有85折，咁梗係用卡啦！🙈入到去環境舒服，但地方唔大，服務中上食物種類真係好少壽司只有6款生魚片4款，三文魚片尚算新鮮5錯海鮮有蝦有蜆有生蠔生蠔係真係好大隻算好味但熟食就好少選擇同款式好普通飲品、甜品、湯全部都得幾款建議唔食生蠔既朋友真係唔好上黎食但中意食生蠔既人就會好抵因為佢地都refill得好快食足一打就抵返晒總結: 瘋狂中意食生蠔既先好黎

價錢平日星期一至星期五$138一位，星期六、日及公眾假期$208一位，有匯豐銀行信用卡可享85折地點位於旺角，交通便利，可乘搭巴士港鐵到達，如乘搭港鐵，在旺角站E2出口出食物款式較少，但都有冷盤：生蠔自助沙律、中/日式冷麵、雜錦壽司、煙鴨胸、雜凍肉碟、炸菜雞腎、味附墨魚仔等熱盤：芝士焗蠔、乾燒伊麵、粉果、生滾粥、盅仔飯、中/西式湯、香煎三文魚等甜品：楊枝甘露、皇室麥卡邦芝士餅、雜錦慕絲、雪糕杯、糯米糍、朱古力噴泉、水果盤等還有燒羊脾、燒牛肉、即製班戟、自助啡茶、果汁這裡可以同朋友坐低傾下計，茶餐廳快餐店一個套餐連飲品都要$50至$60元，但未必夠飽肚，這裡可以飽肚一整日，一試無防

以百多元自助餐的range，沒有太大的expectation, 但比預期的好。食物款式不算很多，但一般不太咸，清清地適合我，都幾好食。要讚一下的是replenish 得幾快，所以常常有熱騰騰的菜式上場。服務也不錯。百零蚊，坐足三個鐘，和朋友一聚相當好！

一直唔中意慶祝自己嘅生日，千萬個唔願意，但今年唔同，因為....朋友話去食自助餐，無所謂啦，返正機會唔多。地點係仕德福酒店德福閣食浦飛。原價差唔多三百蚊一位加一，壽星公只收加一嘅錢，即係收30蚊，重有蛋糕送，所以朋友極力拉我捉我推我去，早知唔同佢講幾時生日啦。一入場，地方比想像中細。我地一行17個人，要分兩張枱。服務員態度唔錯，其中有位服務員好鬼似涂謹申，連把聲都好似！讚：依家食浦飛，已經少見生蠔提供，今次食浦飛驚見有生蠔，不過唔知點解，依家d生蠔size細好多，甜品唔錯，啱自己口味。彈：飲品選擇少，食品質素一般，味道唔太夾自己口味，魚生提供數量少，好快無哂，好彩果晚d人有質素，唔洗搶，場地亦較細。所以自己俾口碑係一般，始終俾30蚊喲！PS:感恩同我慶生嘅各位！謝謝！

有生蠔任食，不過今次食有沙，另外有蝦，青口，三文魚……雖然選擇不多，但一分錢一分貨最特別有炸榴槤波波。好好味另有汽水啤酒任飲，我地有人生日，六人送一人生日蛋糕和免費（只收加一）蛋糕好靚……

系報紙睇到呢間自助餐有平，所以約左一班朋友一齊黎食，睇網評講到好似好差甘，其實都吾差。首先，講返環境先，雖然坐得逼少少，但整體都可以接受。一食物方面，衝住冇蠔食而黎，d生蠔都好大隻，有朋友食到有沙，我就得一兩隻，蝦蜆各方面都吾差，熟食方面就吾太多，甜品，班cake必食加煉乳勁正。最後，因為生日送左鮮果蛋糕，其實仲有黑森林蛋糕揀，不過個蛋糕好難食雪藏味好重，但酒店職員見我地冇咩點食又會走出黎問下我地點解冇食，態度都幾好，志不在蛋糕所以覺得吾影響。

正所謂一分錢, 一分貨, 兩舊幾水的自助餐唔好期望過高, 首先餐廳位處豉油街, 近旺角東站, 交通方便, 餐廳範圍很少, 有點侷促, 可能閒日關係, 得果幾枱客, 環境清靜又唔駛搶食, 幾好! 生蠔係有啲海水咸味唔腥, 但細隻又有點沙, 凍蝦肉實, 三文魚及立魚雖然厚切, 但味道較淡, 比較普通, 藍青口比較細隻無味兼有點沙, 蜆同海螺都係無味, 個西湯好飲, 沙律都有幾款選擇味道唔錯, 即切的燒牛肉有牛肉味, 但嫌佢太生, 熱葷的燒骨, 西蘭花蟹柳及脆皮雞較好味, 八點表演火焰班㦸, 個班㦸係有啲橙味但好難食, 橙汁好淡, 甜品選擇很少, 只係燉蛋幾嫩滑, 服務員態度很好, 換碟好快, 整體對我來說都只屬一般, 無下次!

今次係我第二次食呢間酒店嘅lunch buffet, 其他熱盤，冷盤，甜品不嬲都麻麻，諗住有蠔食就算。點知…我行左出去十幾轉，一隻蠔都食唔到，全部被人搶曬，refill得超慢，已經唔再係以前咁，啲蠔食到無人食，而且燒牛肉變成燒排骨盛惠138+1，應該真係無下次。最後食呢個花生醬pancake, 即製，爆醬，皮軟，必試!

以價錢衡量，大約三百蚊嘅酒店自助餐真係唔好有太大期望。德福閣已經算叫做可以啦。食物叫做有：生蠔，但味道只係一般。有魚生，但只得三幾種，口感亦不算鮮美。有燒牛肉，還算可以。有熱葷，種類唔多，味道尚可。有中西湯，非常普通，只比快餐店稍好一點。有甜品及糕點，但種類極少，而朱古力噴泉太甜啦！雪糕只有雀巢迷你杯！仲生果，只得西瓜，哈蜜瓜，菠蘿，火龍果四種！飲品：有雜嘜罐裝啤酒，得個甜味嘅橙汁同埋即磨咖啡！種類真係唔算多，勉強算可以，但每次擺出嚟嘅量實在太少亦冇特色食物。所有食材也不算非常新鮮，還好的是會不停補充。服務：還算可以，換碟及時，侍應仲會提醒客人八點鐘有火焰班㦸出爐，但味道就真係麻麻！環境：真係好細，只有十零廿張枱。擺放食物亦只有中間一張大枱。價錢：埋單每位承惠298，八五折後原價加一：298 x 0.85 + 29.8 = $313。總體叫做可以，但係我就唔會再去嘞!

$298.-（+10%）的酒店自助餐！重點是有生蠔，雖然並非很肥美，但卻是新鮮且蠔味頗濃的，不過間中一兩隻有沙啊⋯⋯！凍蝦、磨菇湯、沙律、冷盤、煙鴨胸都是我比較喜歡的！不妨一試！

睇平時食評，呢間多數都係劣評，但今日食個lunch buffet，又唔係喎，我覺得係平價首選，其實buffet嘅價錢一向唔算平，要靚要正就梗系貴啲啦…但如果要平嘅，又唔可以計較太多…講番呢個lunch buffet先，有匯豐恒生咭有折，價錢加埋一，都係百四蚊，食2個半鐘…食物仲要係有生蠔，每次出10幾隻，但不斷refill！蠔嘅味道比較淡，可能酒店方面開完蠔之後用水沖得耐，但我係食到2點都仲見到有refill，真係抵讚，冷盤方面都有幾款火腿，沙律就係普通款式，日式食物就有冷麵，前菜，壽司一樣有，唔係大大舊嗰啲，係1口壽司嗰啲，味道都ok啦…熟食都有幾款，煎豬柳，迷你盅飯，迷你盅豆腐蜆肉，時蔬，煎雞，炸物，麵，中西湯，即切牛排，即煮生滾粥…甜品反而都幾多，一般細細件嘅西餅，細細杯嘅mousse，黑芝麻豆腐花，楊枝甘露，朱古力噴泉，幾款水果，即整pancakes，窩孚，細細杯雪糕…飲品有2款凍飲，另外仲有部咖啡機自己㩒制出咖啡嘅…以上所有食物真係不斷refill，雖然種類唔多，但起碼每次都見到滿哂嘅食物盤，換碟都好快手，服務好，百零蚊，其實已經好抵，性價比高，真係超讚

和家人一同提前慶祝父親節，而且星期一至四又有8折優惠券，加上自助晚餐有生蠔供應，連加一折實都係$268/位，似乎唔錯，決定試試。18:20左右到達，但因為18:30先正式開始，未有得拎嘢食住。1)生蠔:*事前已開殼，一隻隻放在冰上，自己用夾拎的，因無限次數，一共食了10隻；*每隻Size很平均，都算肥美，有女仔手板的2/3長呢；*肉質很爽、有少少海水的咸味，一D都唔腥；*全晚見廚師來回補充貨源 (大約20:00開始好似冇補給了~)2)赤蝦刺身:*Size有女仔手板咁長；*肉質很爽、一D都唔腥；*數量供應有限，拎左兩轉已經冇再補貨給，好彩食了6隻(其實真的很想再拎多幾隻 T . T )3)刺身:*三文魚及立魚雖然厚切，但味道較淡，比較普通*八爪魚片都比較普通4)熱葷: (小妹比較麻麻熱食，所以食左1 round就冇拎了> <")*西冷牛扒: 略嫌太生，比較軔，但味道OK；*酥皮焗白汁蘑菇田螺: 的骰迷你，酥皮香脆，白汁蘑菇田螺香草味較濃；*芹菜煙肉忌廉湯: 小妹至愛，飲左3碗，有D crazy ；5)甜品:*整體唔錯，有即焗梳乎里、泡芙、水果撻、班戟、芝士蛋糕、朱古力噴泉

旺角食飯，間間都限時，度度都無服務，今次諗住行入黑布街搵食，點知都無咩新發現，繞了個圈見到呢間酒店上面，廚師忙碌東奔西跑的光景，被吸引上去試試。一坐下，侍應因我們沒有coupon 就說可以給我們做會員，然後繞了一圈，餐廳很細而且食物款式很少，唯一值得一看是有生蠔這裡的生蠔是廚房開好拿出來的，每次十多隻左右，很快被拿完又refill 得很快，都不用排隊就可以攞到，雖然我唔多中意食蠔，但試了一隻也覺得很新鮮，海水味金屬味很濃，完全沒有被水沖到失去味道。另外還有焗蠔都幾好食，焗蠔的蠔肉都幾大粒而且鮮味，我一來就吃掉了好幾隻。其他的熱盤有5-6款，款唔多但食落有水準，最喜歡是咕嚕肉，口感香脆不會韌。最驚喜是甜品竟然有即煎班戟同自動熱香餅機，配上牛奶公司雪糕也很不錯，後來有個火焰班戟我就無試啦，看看表演也不錯的。飲品方面，竟然有啤酒任飲，再加上即磨咖啡機，果汁同維他命水，是很滿意的部分。要讚一下服務，服務生主動提出可享節扣，廚師勤快的出入補充食物，侍應收碟也很快。整體來說300不用，可以坐到屁股痛也不趕你，另一邊還有得睇下波，任食任飲慢慢傾計，今時今日食一套閒閒地兩舊，如果想好好坐下唔俾人趕，呢